“გრენლანდია, შესაძლოა, გახდეს დამოუკიდებელი, თუ მის მცხოვრებლებს სურთ, მაგრამ ის აშშ-ის შტატი არ გახდება” – ამის შესახებ დანიის საგარეო საქმეთა მინისტრმა, ლარს ლოკე რასმუსენმა განაცხადა. დანიის საგარეო უწყების ხელმძღვანელის თქმით, გრენლანდიას აქვს საკუთარი ამბიციები. „არ მგონია, რომ საგარეო პოლიტიკურ კრიზისში ვართ. ჩვენ ღია ვართ ამერიკელებთან დიალოგისთვის, თუ როგორ შეგვიძლია, ვითანამშრომლოთ უფრო მჭიდროდ, ვიდრე ახლა, ამერიკული ამბიციების რეალიზაციის უზრუნველსაყოფად“ – განაცხადა ლარს ლოკე რასმუსენმა. ვრცელდება ინფორმაცია, რომ გრენლანდიის ლიდერმა, მუთე ეგედემ კოპენჰაგენში მოლაპარაკება გამართა დანიის მეფესთან, ფრედერიკ X-სთან.
მეტი...“გრენლანდია არ გახდება აშშ-ის შტატი”- დანიის საგარეო საქმეთა მინისტრი
