დღე: იანვარი 6, 2025

აშშ-ში დიდთოვლობას და ყინვას ებრძვიან. შვიდ შტატში საგანგებო მდგომარეობაა გამოცხადებული. ვაშინგტონში დახურულია სკოლები, ოფისები. ასევე, დიდთოვლობის გამო სამი ადამიანია დაღუპული ავტოავარიაში, ორი კანზასში, ხოლო ერთი მისურიში. ამერიკის მასშტაბით, მათ შორის ვაშინგტონშიც, 1700-მდე ფრენაა გაუქმებული.  

რუსულმა ძალებმა ხერსონის სამხრეთით საჰაერო იერიში მიიტანეს. დაზიანებულია ავტობუსი, სადაც მგზავრები ისხდნენ. დაღუპულია ერთი ადამიანია, ხოლო ცხრა დაშავდა. ადგილობრივი ხელისუფლება თითქმის ყოველდღიურად აცხადებს დაღუპულებისა და დაშავებულების შესახებ.

CNN- ის ინფორმაციით, დღეს აშშ-ის კონგრესი 2024 წლის საპრეზიდენტო არჩევნებში დონალდ ტრამპის გამარჯვებას დაამოწმებს. აშშ-ის წარმომადგენელთა პალატა და სენატი ერთობლივ სხდომაზე საარჩევნო კოლეგიის ხმებს დაითვლის. სხდომას აშშ-ის ვიცე-პრეზიდენტი, კამალა ჰარისი უხელმძღვანელებს. გარდა ამისა, აშშ-ის პრეზიდენტმა, ჯო ბაიდენმა ამერიკელებს მოუწოდა, რომ 4 წლის წინ, დონალდ ტრამპის მხარდამჭერების მიერ კაპიტოლიუმში შეჭრა არ დაივიწყონ. „ოთხი წლის შემდეგ, როცა თანამდებობას ვტოვებ, მზად ვარ ყველაფერი გავაკეთო, რათა პატივი ვცე ძალაუფლების მშვიდობიან გადაცემას და აღვადგინო ტრადიციები, რომლებსაც აშშ-ში დიდი ხანია პატივს ვცემთ. არჩევნების დამოწმება მშვიდობიანად მოხდება” – დაწერა ჯო ბაიდენმა Washington Post-ში გამოქვეყნებულ სტატიაში.

ჯასტინ ტრუდო კანადის პრემიერ-მინისტრის თანამდებობას ტოვებს. ამის შესახებ მან პრესკონფერენციაზე განაცხადა. ტრუდომ კანადის პარლამენტის მუშაობა დროებით, 24 მარტამდე შეაჩერა. ის პრემიერ-მინისტრის თანამდებობას 2015 წლიდან იკავებდა, ხოლო 2013 წლიდან იგი „ლიბერალური პარტიის“ ლიდერი იყო. უცხოური მედიის თანახმად, გადადგომის მოთხოვნით ჯასტინ ტრუდოზე ზეწოლა გასულ თვეში, კანადის ფინანსთა მინისტრის, კრისტია ფრილენდის მიერ თანამდებობის დატოვების შემდეგ გაიზარდა. იგი ჯასტინ ტრუდოსთან ხარჯების გამო არსებული უთანხმოების გამო გადადგა.

აზერბაიჯანის პრეზიდენტის ილჰამ ალიევის თქმით, 25 დეკემბერს აზერბაიჯანის ავიახაზების თვითმფრინავის ჩამოვარდნაზე პასუხისმგებლობა რუსეთის ფედერაციის წარმომადგენლებს ეკისრებათ. ,,სრული რწმუნებით შემიძლია ვთქვა, რომ ამ კატასტროფაში აზერბაიჯანის მოქალაქეების დაღუპვაზე პასუხისმგებლობა რუსეთის ფედერაციის წარმომადგენლებს ეკისრებათ. ჩვენ ვითხოვთ სამართლიანობას, ვითხოვთ დამნაშავეთა დასჯას, ვითხოვთ სრულ გამჭვირვალობას და ადამიანურ ქცევას გროზნოს რომ დროულად მიეღო ზომები საჰაერო სივრცის ჩაკეტვისთვის, დაცული ყოფილიყო სახმელეთო მომსახურების ყველა წესი და კოორდინაცია შეიარაღებულ ძალებსა და რუსეთის ფედერაციის სამოქალაქო სამსახურებს შორის, მაშინ ეს ტრაგედია არ მოხდებოდა”, – აღნიშნა ალიევმა. აზერბაიჯანის პრეზიდენტმა აღნიშნა, რომ რუსულმა მხარემ არ შეატყობინა თვითმფრინავის კაპიტანს საჰაერო სივრცის დაკეტვისა და გროზნოსთან…

,,ჩვენ უნდა გვახსოვდეს, რომ ერი, რომელიც თავის წარსულს ივიწყებს, განწირულია მისი გამეორებით. ჩვენ არ შეგვიძლია, დავუშვათ ოთხი წლის წინ მომხდარის გამეორება”, – ჯო ბაიდენი ამერიკელებს მოუწოდებს, არ დაივიწყონ კაპიტოლიუმზე თავდასხმა და მოუწოდებს მათ, არ დაუშვან დემოკრატიაზე თავდასხმის გამეორება. ,,მიმდინარეობს დაუღალავი მცდელობა, გადაიწეროს ან სულაც წაიშალოს იმ დღის ისტორია, რომ გვითხრან, თითქოს არ გვინახავს ის, რაც საკუთარი თვალით ვიხილეთ. დროთა განმავლობაში იქნებიან ამერიკელები, რომლებსაც 6 იანვრის აჯანყება საკუთარი თვალით არ უნახავთ, მაგრამ ამის შესახებ შეიტყობენ იმ დღის კადრებიდან, ჩვენებებიდან, ისტორიის წიგნებში დაწერილიდან და იმ სიმართლიდან, რომელსაც ჩვენს შვილებს გადავცემთ. ჩვენ არ…

,,პუტინს სურს საბჭოთა კავშირის ყველა ტერიტორიის დაბრუნება და მათზე გავლენის მოხდენა. საქართველო, რომელიც ევროკავშირისა და ნატო-სკენ მიდიოდა, მთლიანად რუსეთისკენ ტრიალდება”, – ამის შესახებ უკრაინის პრეზიდენტმა ამერიკელ პოდკასტერ ლექს ფრიდმანთან ინტერვიუში განაცხადა. ,,არ მინდა ვილაპარაკო ამ ბანალურ საკითხებზე, რომ პუტინს სურს საბჭოთა კავშირის ყველა ტერიტორიის დაბრუნება და მათზე გავლენის მოხდენა, მაგრამ ის ამას აკეთებს. ხალხმა დეტალები უნდა იცოდეს. მაგალითად, საქართველო, რომელიც ევროკავშირსა და ნატოში გაწევრიანებისკენ მიისწრაფოდა, მთლიანად რუსეთისკენ ბრუნდება. მიუხედავად იმისა, რომ მათ აქვთ გაყინული კონფლიქტი, აფხაზეთი საკითხი, როგორც ჩვენ გვაქვს დონბასი, კონტროლდება შეიარაღებული დაჯგუფებების მიერ. აფხაზეთი არ ვითარდება, ის უბრალოდ…

ამერიკის შეერთებული შტატების სახელმწიფო მდივანი, ენტონი ბლინკენი სამხრეთ კორეაში ვიზიტის შემდეგ ტოკიოში გაემგზავრა. გავრცელებული ინფორმაციით, რეგიონში ბლინკენის ვიზიტის ერთ-ერთი მიზანი იაპონიასთან სამმხრივი თანამშრომლობის გაძლიერებაა. იაპონიის შემდეგ ბლინკენი საფრანგეთში ჩავა, სადაც განიხილავს ახლო აღმოსავლეთისა და ევროპის გამოწვევებს, ღაზაში ცეცხლის შეწყვეტის მცდელობების ფონზე. სახელმწიფო დეპარტამენტის პრესსპიკერის მეთიუ მილერის ინფორმაციით, მოგვიანებით ბლინკენი იტალიასაც ეწვევა, სადაც ევროპელ კოლეგებს შეხვდება. როგორც მეთიუ მილერი წერს, ლიდერები შეხვედრაზე სირიაში მიმდინარე მოვლენებს განიხილავენ.

უკრაინის პრეზიდენტმა ვოლოდიმირ ზელენსკიმ ამერიკელ ჟურნალისტთან ლექს ფრიდმანთან ინტერვიუში განაცხადა, რომ ის აშშ-ის არჩეული პრეზიდენტის დონალდ ტრამპის 20 იანვარს გასამართ ინაუგურაციაზე დაპატიჟების გარეშე არ ჩავა. „სიმართლე რომ გითხრათ, არ შემიძლია ჩამოსვლა, განსაკუთრებით ომის დროს და თუ პრეზიდენტი ტრამპი მე პირადად არ დამპატიჟებს. ეს უბრალოდ ლამაზი არ იქნება. ვიცი, რომ არსებობენ ლიდერები, რომლებსაც შეუძლიათ მარტივად ჩასვლა. მოისურვებენ და ჩავლენ. მე ზოგი ადამიანის ტემპერამენტს ვიცნობ. მათ შეუძლიათ თავად ჩასვლა. ჩემთვის, კი ეს ძალიან მძიმეა. მე ასეთი ადამიანი ვარ, სტუმრად დაპატიჟების გარეშე არ დავდივარ. პუტინს ჩვენ არ ვეპატიჟებოდით, ის თავად მოვიდა ჩვენთან. ხოლო…

ქალაქ ღაზის ჩრდილოეთ ნაწილში ,,ცაhალის” იერიშებს 6 ადამიანი ემსხვერპლა. მედიის ინფორმაციით, საცხოვრებელი პირობების არარსებობის გამო, დევნილები სიცივისგან იღუპებიან. ამავე ცნობით, ისრაელის ძალები ანკლავში შეზღუდული რაოდენობით ატარებენ ჰუმანიტარულ ტვირთს, მათ შორის კარვებს, თბილ ტანსაცმელსა და საბნებს. ასევე, ცნობილი ხდება, რომ შეერთებული შტატების ინიცირებული ცეცხლის შეწყვეტის მოლაპარაკებები, შუამავლების მონაწილეობით, ყატარში განახლდა.

ეუთოს საპარლამენტო ასამბლეის პრეზიდენტმა პია კაუმამ საქართველოში დაგეგმილი ვიზიტი გადადო. ,,დისკუსიებისა და სიტუაციის ყურადღებით განხილვის შემდეგ მივიღე გადაწყვეტილება, გადავდო საქართველოში ვიზიტი იმ დრომდე, როდესაც ეუთოს საპარლამენტო ასამბლეის ჩართულობა უფრო ეფექტური იქნება. ჩვენ კვლავაც მზად ვართ, მოვუსმინოთ ყველა მხარეს და გავწიოთ დახმარება ეუთო/ოდირის რეკომენდაციების შესრულების კუთხით”, – წერს პია კაუმა X-ზე.

,,გამარჯვებული დონალდ ტამპის კონგრესში დამტკიცებას უამინდობა ხელს ვერ შეუშლის”, – ამის შესახებ აშშ-ის კონგრესში წარმომადგენელთა პალატის სპიკერმა, მაიკ ჯონსონმა განაცხადა.  მისი თქმით, კანონი მოითხოვს, რომ ეს მოხდეს 6 იანვარს, 13:00 საათზე. წარმომადგენელთა პალატის სპიკერის თქმით, უამინდობა ხელს ვერ შეუშლის კონგრესს, რომ დღეს ოფიციალურად დაადასტუროს დონალდ ტრამპის პრეზიდენტად არჩევა. მას უამინდობის მიუხედავად, სრული დასწრების იმედი აქვს. „ამიტომ, მიუხედავად იმისა, იქნება თუ არა ქარბუქი, ჩვენ ამ დარბაზში ვიქნებით, რათა დავრწმუნდეთ, რომ ეს გაკეთდება“, – აღნიშნა ჯონსონმა.