დღე: იანვარი 5, 2025

პარლამენტის შენობასთან საპროტესტო აქცია განახლდა. რუსთაველის გამზირი გადაიკეტა. ადგილზე მობილიზებულია პოლიცია. მოქალაქეები უკვე თვეზე მეტია ქვეყანაში ახალი არჩევნების ჩატარებას და აქციებზე დაკავებულების გათავისუფლებას მოითხოვენ. თბილისის გარდა, საპროტესტო აქცია დღეს რეგიონებშიც არის დაგეგმილი.  

აშშ-ის ჰელსინკის კომისიის თავმჯდომარემ, კონგრესმენმა ჯო უილსონმა პლატფორმა X-ზე წერს, რომ „ქართული კოშმარის არაღიარების” ორპარტიული აქტი შემუშავებულია და მზადაა წარსადგენად. „ქართველი ხალხი თავისუფალ და სამართლიან არჩევნებს ითხოვს. აშშ არ აღიარებს ივანიშვილის პრო CCP-სა [ჩინეთის კომუნისტური პარტია] და პროირანულ რეჟიმს!” – წერს  კონგრესმენი და შესაბამის დოკუმენტს ურთავს.

საქართველოს პრემიერ-მინისტრი ირაკლი კობახიძე ოკუპირებული გალის რაიონის სოფელ საბერიოში მომხდარი ტრაგედიის გამო მწუხარებას გამოთქვამს. მთავრობის მეთაური ხანძრის შედეგად დაღუპული ბავშვების ოჯახს, ახლობლებს და მთელს საზოგადოებას უსამძიმრებს. „წარმოუდგენელია, სიტყვებით გადმოსცე ის უდიდესი ტკივილი, რომელიც ოკუპირებული გალის რაიონის სოფელ საბერიოში დატრიალებულმა ტრაგედიამ თითოეულ ჩვენგანს მიაყენა. საქართველოს მთავრობისა და პირადად ჩემი სახელით გულწრფელ სამძიმარს და თანადგომას ვუცხადებ ხანძრის შედეგად დაღუპული ბავშვების ოჯახს, ახლობლებს, მთელ ჩვენს საზოგადოებას“ – ნათქვამია პრემიერ-მინისტრის სამძიმარში.  

ბოდბელი ეპისკოოისის ქადაგებით, საქართველოში შესამცირებელია უცხოური გავლენა.  საკვირაო ქადაგების შემდეგ, მეუფემ სწორედ ქვეყანაში არსებულ ვითარებაზე გაამახვილა ყურადღება. „მინდა, უცხოეთში ამ ევროპული ცივილიზაციის დღევანდელ წარმომადგენლებს ვთხოვო, რომ ნუ მოიქცევიან ისე, როგორც რუსის იმპერია მოიქცეოდა, 150 კაცი ავირჩიეთ, კეთილი უნდა ინებონ და გაახსენდეთ რისთვის ავირჩიეთ და ერთობით, ერთად აკეთონ კეთილი საქმე. დიდი შერიგება უნდა მოხდეს, აუცილებლად უნდა შევრიგდეთ“, – განაცხადა მეუფემ.

“პია კაუმას დაგეგმილი მოგზაურობა საქართველოში სერიოზული შეცდომაა. ეუთო-ს საპარლამენტო ასამბლეამ არ უნდა მოახდინოს გაყალბებული არჩევნებიდან მიღებული არალეგიტიმური პრეზიდენტის, მთავრობისა და პარლამენტის ლეგიტიმაცია” – ამის შესახებ გერმანიის პარლამენტის (ბუნდესტაგის) საგარეო ურთიერთობათა კომიტეტის თავმჯდომარე, მიხაილ როთი X-ის საკუთარ გვერდზე წერს. როტი ამბობს, რომ ერთადერთი გამოსავალი ღრმა კრიზისიდან თავისუფალი და სამართლიანი ახალი არჩევნებია. „ევროკავშირმა, ევროსაბჭომ და ეუთომ თავისუფალი და სამართლიანი ახალი არჩევნები უნდა მოითხოვონ. ეს არის ერთადერთი გამოსავალი ღრმა კრიზისიდან!“  – წერს როთი. ევროპარლამენტარმა, რიჰარდ კოლსმა გუშინ განაცხადა, რომ მისი ინფორმაციით, ეუთო-ს საპარლამენტო ასამბლეის პრეზიდენტი პია კაუმა 8-10 იანვარს, საქართველოში დელეგაციის ვიზიტს გეგმავს.

ევროპარლამენტარი, რასა იუკნევიჩიენე ეუთო-ს საპარლამენტო ასამბლეის პრეზიდენტის საქართველოში დაგეგმილ ვიზიტს ეხმაურება. მისი განცხადებით, ოფიციალური ვიზიტები მხოლოდ მაშინ შეიძლება იყოს მნიშვნელოვანი, თუ მათი მიზანი ახალი თავისუფალი არჩევნების ჩატარების შუამავლობაა. „ეუთო-ს საპარლამენტო ასამბლეის პრეზიდენტის, პია კაუმას დაგეგმილი ვიზიტი საქართველოში მხოლოდ ბიძინა ივანიშვილისთვის და სახელმწიფოს დატყვევების მის მიერ შექმნილი სქემის აღიარებისთვისაა სასარგებლო“- წერს ევროპარლამენტარი. ევროპარლამენტარმა, რიჰარდ კოლსმა გუშინ განაცხადა, რომ მისი ინფორმაციით, ეუთოს საპარლამენტო ასამბლეის პრეზიდენტი პია კაუმა 8-10 იანვარს, საქართველოში დელეგაციის ვიზიტს გეგმავს.

გერმანიის კანცლერი, ოლაფ შოლცი 23 თებერვლის საპარლამენტო არჩევნებამდე, შესაძლოა, რუსეთის პრეზიდენტს, ვლადიმერ პუტინს შეხვდეს. ამის შესახებ ინფორმაციას უკრაინული მედია, გერმანიის მთავარი ოპოზიციური პარტიის, „ქრისტიან-დემოკრატიული კავშირის“ პრესსპიკერის, უსაფრთხოების საკითხებში, როდერიხ კიზევეტერზე დაყრდნობით ავრცელებს. „სულ უფრო მზარდი ნიშნებია ჩნდება იმისა, რომ 23 თებერვლამდე კანცლერი შოლცი მოსკოვში გაემგზავრება, ან პუტინს შეხვდება. უკრაინისთვის დაგეგმილი გეგმების განხორციელება, სხვა საკითხებთან ერთად, ნიშნავს პარიზის ქარტიის 10-20 წლით შეჩერებას. საჩვენებელი იქნება, როგორი რეაქცია ექნება ამ ყველაფერზე უკრაინის მოსახლეობას თუ ჩვენს მეზობლებს“ – აღნიშნა გერმანელმა პოლიტიკოსმა.  

გამოცემა The Telegraph-ი დიდ ბრიტანეთში სექსუალური ძალადობის ფაქტებთან დაკავშირებით ჟურნალისტურ გამოძიებას აქვეყნებს. სტატიაში აღნიშნულია, რომ ქვეყანაში ბანდები ბავშვებზე სექსუალურად ძალადობდნენ, მსხვერპლ მოზარდებს კი სახელმწიფოს მხრიდან მართლმსაჯულებასა და დაცვაზე უარი ეთქვათ, „რათა შეენარჩუნებინათ წარმატებული მულტიკულტურული საზოგადოების იმიჯი“. „ეს არის სკანდალი, რომელიც სრულად უნდა აღმოიფხვრას და ბრიტანეთის სახელმწიფომ სრული ძალით გამოიძიოს, თუმცა, როგორც ჩანს, მთავრობას არ სურს მაღალჩინოსნების შეცდომებში ჩაძიება. ეს ახალი არ არის. ქვეყნის მასშტაბით, ქალაქებში, ქუჩებსა და სახელმწიფო ინსტიტუტებში, რომლებიც შექმნილია საზოგადოების ყველაზე დაუცველი წევრების დასაცავად, ხელისუფლებამ შეგნებულად დახუჭა თვალი ძირითადად თეთრკანიან ბავშვებზე საშინელ სექსუალურ ძალადობაზე, რომელსაც პაკისტანური წარმოშობის ბანდები…

კონგრესმენი და  აშშ-ის ჰელსინკის კომისიის თავმჯდომარე, ჯო უილსონი აცხადებს, რომ „სალომე ზურაბიშვილი იყო საქართველოს პრეზიდენტი, თუმცა ჩანაცვლდა “პუტინის მარიონეტით“. „ჩვენ, ყველანი, კონგრესში ერთად ვიმუშავებთ საქართველოში დემოკრატიის აღდგენაზე. სამწუხაროდ, იყო გაყალბებული არჩევნები და დონალდ ტრამპს არ მოსწონს გაყალბებული საპრეზიდენტო არჩევნები. სალომე ზურაბიშვილი სწორად იყო საქართველოს პრეზიდენტი, თუმცა, სამწუხაროდ, ჩანაცვლდა პუტინის მარიონეტით. მე მოვიწვიე პრეზიდენტი ზურაბიშვილი სტუმრად დონალდ ტრამპის ინაუგურაციაზე“ – აღნიშნა უილსონმა. კონგრესმენის თქმით. დონალდ ტრამპი აღიარებს, რომ არჩევნები გაყალბდა და ეს უნდა გამოსწორდეს. „ჩვენ გვაქვს ომის დამნაშავის, პუტინის ღერძი, რომელიც მუშაობს ჩინეთის კომუნისტურ პარტიასთან, თეირანში რეჟიმთან და ყველა მათგანი მუშაობს…

“ეუთოს საპარლამენტო ასამბლეის საქართველოში დაგეგმილი ვიზიტი უხერხემლო და უპრინციპო გადაწყვეტილებაა”- ასე ეხმაურება ევროპარლამენტარი რიჰარდს კოლსი ეუთოს საპარლამენტო ასამბლეის პრეზიდენტის, პია კაუმას მიერ საქართველოში 8-10 იანვარს დაგეგმილ ვიზიტს. ევროპარალემნტარი ამბობს, რომ მსგავსი ვიზიტი “რეჟიმს” პროპაგანდისტულ გამარჯვებას მისცემს. “მიუხედავად იმისა, რომ ეუთოს საპარლამენტო ასამბლეის ნაწილი აღარ ვარ, გავიგე, რომ ეუთოს საპარლამენტო ასამბლეის პრეზიდენტი პია კაუმა 8-10 იანვარს საქართველოში დელეგაციის ვიზიტს გეგმავს – კატასტროფული და ცუდ დროს შერჩეული გადაწყვეტილებაა. ეს ვიზიტი ემთხვევა ივანიშვილის რეჟიმის მიერ რუსული სტილის პრევენციული დაპატიმრებებით, დრაკონული კანონებით, პროტესტების ძალადობრივი ჩახშობით ძალაუფლების კონსოლიდირებას და პერიოდს არჩევნების შემდეგ, რომელიც ზოგადად, თავისუფალი იყო,…

“დონალდ ტრამპს არ უყვარს გაყალბებული არჩევნები და ის აღიარებს, რომ საქართველოში გაყალბებული არჩევნები იყო, რაც უნდა გამოსწორდეს”-  ამის შესახებ აშშ-ის ჰელსინკის კომისიის თავმჯდომარემ, კონგრესმენმა ჯო უილსონმა Fox News-სთან საუბარში განაცხადა. კონგრესენი ამბობს, რომ საქართველოს რესპუბლიკაში დემოკრატიის აღდგენაზე მუშაობენ. “ყველა ჩვენთაგანი მუშაობდა საქართველოს რესპუბლიკაში დემოკრატიის აღდგენაზე. სამწუხაროდ, იქ გაყალბებული არჩევნები იყო და პრეზიდენტ დონალდ ტრამპს არ უყვარს გაყალბებული არჩევნები. სალომე ზურაბიშვილი საქართველოს ლეგიტიმური პრეზიდენტი იყო, მაგრამ სამწუხაროდ, ის პუტინის მარიონეტით ჩაანაცვლეს. ასე რომ, პრეზიდენტი სალომე ზურაბიშვილი დავპატიჟე დონალდ ტრამპის ინაუგურაციაზე სტუმრად. სალომე [ზურაბიშვილი] შესანიშნავია. მოწვევა გავუგზავნე, ძალიან დიდი პატივია ჩემთვის. ჩემი მოწვევით ჩამოდის ფილიპინების წარმომადგენელთა…