დღე: იანვარი 4, 2025

ისრაელის დარტყმას ქალაქ ღაზაში 12 ადამიანი ემსხვერპლა. თვითმხილველთა თქმით, დარტყმა საცხოვრებელ სახლზე განხორციელდა, სადაც სულ მცირე 14 ადამიანი იმყოფებოდა. დაღუპულთა შორის არიან ბავშვები. ადგილობრივი ჯანდაცვის უწყების ცნობით,  ბოლო ერთი დღის განმავლობაში ღაზის სექტორში ისრაელის ავიადარტყმების შედეგად 65-ზე მეტი ადამიანი გარდაიცვალა. ღაზის სექტორში ისრაელის სამხედრო ოპერაციის პარალელურად, დოჰაში ცეცხლის შეწყვეტის შესახებ მოლაპარაკებები უნდა განახლდეს კატარის და ეგვიპტის შუამავლობით.

რუსეთის ძალებმა სუმის ოლქზე ავიადარტყმა განახორციელეს.  მედიის ცნობით, მართვადი ავიაბომბი საცხოვრებელ კორპუსს დაეცა. ავიაიერიშის შედეგად დაშავებულია ორი ბავშვი და ერთი ზრდასრული ადამიანი. სუმის სამხედრო საოლქო ადმინისტრაციის ინფორმაციით, ნანგრევებში შეიძლება, მოქალაქეები იყვნენ მოყოლილი. ადგილზე სამაშველო ოპერაცია მიმდინარეობს.    

გამოცემა Le Figaro-სთვის Odoxa-Backbone Consulting-ის მიერ ჩატარებული კვლევის  თანახმად, ყოველი 10 გამოკითხულიდან ექვსი პრეზიდენტ ემანუელ მაკრონის გადადგომას ემხრობა. კერძოდ, ემანუელ მაკრონის თანამდებობიდან წასვლას რესპონდენტთა 61%უჭერს მხარს. ამავე გამოკითხვით, რესპონდენტთა 86% ფიქრობს, რომ ემანუელ მაკრონს მიმდინარე წელს ახალი პრემიერ-მინისტრის დანიშვნა მოუწევს. საფრანგეთის პრემიერ-მინისტრის თანამდებობაზე ფრანსუა ბაირუ დეკემბრის ბოლოს, მას შემდეგ დაინიშნა, რაც წინა კაბინეტს, მიშელ ბარნიეს ხელმძღვანელობით, ქვეყნის ბიუჯეტის გარშემო დავის გამო პარლამენტმა ნდობა აღარ გამოუცხადა.

ჯო ბაიდენი ჯორჯ სოროსსა და ჰილარი კლინტონს თავისუფლების მედლით დააჯილდოებს. თეთრ სახლში დაგეგმილ ღონისძიებაზე თავისუფლების მედალი საერთო ჯამში 19 ადამიანს გადაეცემა. მათშორის იქნებიან პოლიტიკოსები, ფილანთროპები, კულტურის და სპორტის სფეროს წარმომადგენლები. აქედან ოთხ ადამიანს მედალი სიკვდილის შემდეგ გადაეცემათ. „მედალი გადაეცემათ იმ პირებს, რომლებმაც სამაგალითო წვლილი შეიტანეს შეერთებული შტატების კეთილდღეობის, ღირებულებების ან უსაფრთხოების, მსოფლიო მშვიდობის, ან სხვა მნიშვნელოვანი საზოგადოებრივი, საჯარო თუ კერძო წამოწყების საქმეში. ეს ცხრამეტი ამერიკელი დიდი ლიდერებია, რომლებმაც ამერიკა უკეთეს ადგილად აქციეს. ისინი დიდი ლიდერები არიან, რადგან კარგი ადამიანები არიან, რომლებმაც განსაკუთრებული წვლილი შეიტანეს თავიანთ ქვეყანასა და მსოფლიოში“- აღნიშნულია თეთრი…

გერმანიაში პიროტექნიკის გამოყენების შეზღუდვასა და საგანგებო სამსახურების თანამშრომლებზე თავდასხმისთვის სასჯელის გამკაცრებას ითხოვენ. ინფორმაციას „ევრონიუსი“ ავრცელებს. გერმანიაში აღნიშნული ინიციატივა დღის წესრიგში მას შემდეგ დადგა, რაც ქვეყნის მასშტაბით ახალი წლის ღამით ხუთი ადამიანი დაიღუპა, ათობით სამოქალაქო პირი და პოლიციელი კი დაშავდა. პოლიტიკოსები განსაკუთრებით აღნიშნავენ პიროტექნიკის იმ სახეობის გამოყენების აკრძალვას, რომელიც ლეგალურად მხოლოდ პროფესიონალური ფოიერვერკებისთვის არის დაშვებული. ე.წ. ბომბების იმპორტი გერმანიაში ძირითადად მეზობელი ქვეყნებიდან – პოლონეთიდან და ჩეხეთიდან ხდება.

სირიაში საერთაშორისო ფრენები მომავალი კვირიდან განახლდება. ინფორმაციას ქვეყნის სახელმწიფო საინფორმაციო სააგენტო SANA ავრცელებს. „ვაცხადებთ, რომ სამშაბათიდან დამასკოს აეროპორტში საერთაშორისო ფრენები განახლდება“, – განაცხადა სირიის სამოქალაქო ავიაციისა და საჰაერო ტრანსპორტის სამსახურის ხელმძღვანელმა, აშად ალ-სალიბიმ. მისი თქმით, პარტნიორების დახმარებით ალეპოსა და დამასკოს აეროპორტების სრული რეაბილიტაცია მიმდინარეობს.

გერმანიის კანცლერმა, ოლაფ შოლცმა ამერიკელ მილიარდერს, ილონ მასკს ტროლი უწოდა. „სოციალურ ქსელებში ბევრია, ვისაც ყურადღების მიპყრობა მკვეთრი ლოზუნგებით სურს. წესი ასეთია: ნუ კვებავ ტროლს“ – განაცხადა გერმანიის მთავრობის მეთაურმა მას შემდეგ, რაც ილონ მასკმა შოლცს სულელი უწოდა. ულტრამემარჯვენე პარტიის, „ალტერნატივა გერმანიისთვის“ მიმართ ილონ მასკის მხარდაჭერის გამო გერმანიის კანცლერმა შეშფოთება გამოთქვა. შოლცის თქმით, ამგვარ შეურაცხყოფაზე ბევრად უფრო შემაშფოთებელია ის ფაქტი, რომ მასკი მხარს უჭერს პარტიას, რომელიც პუტინის რუსეთთან დაახლოების მომხრეა და ტრანსატლანტიკური ურთიერთობების შესუსტებას ცდილობს. ოლაფ შოლცის განცხადებით, საიდუმლო არ არის, რომ კომპანია „ტესლა“ გერმანიის ელექტრული დამტენი სადგურების მთავრობის მხრიდან დაფინანსების…

ეჭვმიტანილს, რომელმაც ტრამპის სასტუმროსთან „ტესლას“ ავტომობილი ააფეთქა, დონალდ ტრამპის მიმართ მტრობა არ ჰქონდა. ამის შესახებ აშშ-ის გამოძიების ფედერალური ბიუროს წარმომადგენლებმა განაცხადეს. ლას ვეგასის მეტროპოლიტენის პოლიციის დეპარტამენტის მიერ გამართულ პრესკონფერენციაზე წაიკითხეს ეჭვმიტანილ მეთიუ ლიველსბერგერის მიერ დაწერილი წერილები, რომლებიც აღმოაჩინეს ჩანაწერების აპლიკაციაში, რომელსაც ეჭვმიტანილი იყენებდა აფეთქებამდე ათი დღის განმავლობაში. „მეგობრებს, ვეტერანებს და ყველა ამერიკელს, დროა, გაიღვიძოთ. ჩვენ გვმართავს სუსტი და უგუნური ხელმძღვანელობა, რომელიც მხოლოდ საკუთარი თავის გამდიდრებას ემსახურება. ჩვენ ვართ ამერიკის შეერთებული შტატები, საუკეთესო ქვეყანა, რომელიც ოდესმე არსებობდა. მაგრამ ახლა ჩვენ სასიკვდილოდ ავად ვართ და მივდივართ ჩამოშლისკენ“ – წერდა ეჭვმიტანილი. ბიუროში აცხადებენ,…

უკრაინული მედიის ინფორმაციით, რუსეთის უდიდეს საზღვაო სავაჭრო პორტს დრონებით თავს დაესხნენ. „ტელეგრამ“ არხ ASTRA-ს ცნობით, რუსეთის თავდაცვამ დრონების უმეტესობა ლენინგრადის ოლქში მდებარე „უსტ-ლუგას“ საზღვაო სავაჭრო პორტის ტერიტორიაზე ჩამოაგდო. ცნობისთვის, დღეს დილით, სანქტ-პეტერბურგის „პულკოვოს“ აეროპორტმა ფრენები დროებით შეაჩერა.  

ჩინეთში, ბოსტნეულის ბაზარში გაჩენილ ხანძარს 8 ადამიანი ემსხვერპლა. ინფორმაციას სააგენტო „ფრანს-პრესი“ ავრცელებს. „დაშავებულები საავადმყოფოში არიან გადაყვანილები და ამჟამად მათ სიცოცხლეს საფრთხე არ ემუქრება“ – აცხადებს ჩინეთის ცენტრალური ტელევიზია. ჩინეთის ქალაქ ჟანჯიაკუში გაჩენილი ხანძრის შედეგად, 15 ადამიანი დაშავდა.  

ღაზის სექტორში ისრაელის სამხედრო ოპერაციას ბოლო ორი დღის განმავლობაში 150 ადამიანი ემსხვერპლა. ინფორმაციას ამის შესახებ არაბული მედია ავრცელებს. ადგილობრივები იუწყებიან, რომ ისრაელი ღაზის ჩრდილოეთით მდებარე ორ საავადმყოფოს ევაკუაციას აიძულებს. ვრცელდება ინფორმაცია, რომ ისრაელის ძალებმა ალყა შემოარტყეს ინდონეზიის საავადმყოფოს. გაერო-ში აცხადებენ, რომ დაფიქსირდა ისრაელის 136 თავდასხმა ღაზაში 27 სამედიცინო დაწესებულებაზე, რამაც გამოიწვია მრავალი ადამიანის დაღუპვა და მნიშვნელოვანი ნგრევა.  

სანქტ-პეტერბურგის აეროპორტმა ფრენები დროებით შეაჩერა.ინფორმაციას რუსული საინფორმაციო სააგენტო „ინტერფაქსი“ ავრცელებს. „სამოქალაქო თვითმფრინავების ფრენების უსაფრთხოების უზრუნველსაყოფად, დღეს, მოსკოვის დროით 07:45 საათიდან სანქტ-პეტერბურგის „პულკოვოს“ აეროპორტში დროებითი შეზღუდვები დაწესდა“ – აცხადებს „როსავიაცია“. რუსეთის საჰაერო ტრანსპორტის ფედერალურ სააგენტოს ფრენების შეჩერების კონკრეტული მიზეზი არ დაუსახელებია, თუმცა რუსეთის თავდაცვის უწყების ცნობით, ქვეყნის სხვადასხვა ოლქებში 16 უკრაინული დრონი ჩამოაგდეს.  

უკრაინის ქალაქ ჩერნიგოვზე რუსეთის თავდასხმას მსხვერპლი მოჰყვა. ქალაქის გარეუბანში სარაკეტო თავდასხმა განხორციელდა, რომლის შედეგად საცხოვრებელი სახლები დაზიანდა. სარაკეტო დაბომბვის შედეგად ერთი ადამიანი დაიღუპა, ხუთი კი დაშავდა. ინფორმაციას უკრაინული მედია ავრცელებს. რუსეთმა უპილოტო აპარატები კიევის, სუმის, ჩერნიგოვისა და პოლტავის მიმართულებით გაუშვა. კიევის მერის, ვიტალი კლიჩკოს განცხადებით, უპილოტო აპარატების წინააღმდეგ დედაქალაქში საჰაერო თავდაცვის სისტემა მუშაობს.    

“კონგრესში ხელახლა წარვადგინეთ “მეგობარი აქტი”, ჩვენი პირველი პრიორიტეტია ქართული კოშმარის დასასრულის უზრუნველყოფა”- ამის შესახებ აშშ-ის ჰელსინკის კომისიის თავმჯდომარე, კონგრესმენი ჯო უილსონი (რესპუბლიკური პარტია) X-ის საკუთარ გვერდზე წერს. უილსონო ამბობს, რომ მათი მიზანი „ქართული კოშმარის” დასრულება  და აგრესორთა ღერძის მიერ ქართველი ხალხის ტერორიზების შეწყვეტის უზრუნველყოფაა. “დღეს მე, კონგრესმენ სტივ კოენთან [დემოკრატიული პარტია], კონგრესმენ რიჩარდ ჰადსონთან [რესპუბლიკური პარტია] და კონგრესმენ მარკ უიზისთან [დემოკრატიული პარტია] ერთად ხელახლა წარვადგინე “MEGOBARI აქტი” 119-ე მოწვევის კონგრესში როგორც H.R. 36. ჩვენი პირველი პრიორიტეტია ქართული კოშმარის დასრულებისა და აგრესორთა ღერძის მიერ ქართველი ხალხის ტერორიზების შეწყვეტის უზრუნველყოფა” – წერს…