დღე: იანვარი 3, 2025

ევროკომისიის პრეზიდენტს, ურსულა ფონ დერ ლაიენს პნევმონია აქვს, რის გამოც მიმდინარე თვეში დაგეგმილი რამდენიმე შეხვედრა გააუქმა. ინფორმაციას ამის შესახებ ევროკომისიის წარმომადგენელი ავრცელებს. „მას პნევმონია აქვს. შედეგად, გააუქმა რამდენიმე შეხვედრა იანვრის პირველი ორი კვირის განმავლობაში, მათ შორის ლისაბონში დაგეგმილი გამოსვლა და გდანსკში ვიზიტი“– განაცხადა ევროკომისიის წარმომადგენელმა, შტეფან დე კერსმეკერმა.  

უკრაინის პრეზიდენტის ვოლოდიმირ ზელენსკის განაცხადებით, 2024 წელს რუსეთის ტყვეობიდან 1358 ადამიანის დაბრუნება მოხერხდა. “ეს არიან ჩვენი სამხედროებიც და სამოქალაქოებიც. ამ ადამიანებს განსხვავებული ბედი აქვთ, მაგრამ აერთიანებთ ერთი და იგივე – სახლში ყოფნის სიხარული” – აღნიშნავს ზელენსკი თავის ტელეგრამ-არხში. გასული წლის ბოლოს, ზელენსკიმ განაცხადა, რომ 30 დეკემბერს უკრაინაში დაბრუნდა რუსეთის ტყვეობაში მყოფი 189 მოქალაქე.

უნგრეთის პრემიერი ვიქტორ ორბანი და ელჩი ვარშავაში ქვეყნის ევროკავშირის საბჭოს თავმჯდომარედ ინაუგურაციის საზეიმო ცერემონიაზე არ მიიწვიეს. ამის მიზეზი გახდა, პოლონელი მინისტრის ყოფილ მოადგილესთვის ბუდაპეშტის მიერ თავშესაფარის მისცემა. ვარშავა მკაცრად გამოეხმაურა, უნგრეთის მიერ გასულ თვეში პოლიტიკური თავშესაფრის მინიჭებას მარკინ რომანოვსკისთვის, რომლის წინაარმდეგაც პოლონეთში გამოძიება მიმდინარეობს. ევროკავშირის საბჭოს თავმჯდომარის სტატუსს ყოველი წევრი ქვეყანა 6 თვით ფლობს ანბანის მიხედვით. პოლონეთამდე ეს სტატუსი უნგრეთს ჰქონდა 2024 წლის მეორე ნახევრის განმავლობაში.

,,უკრაინა ხელს შეუწყობს ყველა მცდელობას სირიაში ვითარების დასტაბილურებისთვის”, – ამის შესახებ პრეზიდენტმა ვოლოდიმირ ზელენსკიმ Telegram-ზე განაცხადა. ,,ჩვენ შევქმნით პროგრამას äმარცვლეული უკრაინიდან“ სირიის ადმინისტრაციასთან და ყველა პარტნიორთან თანამშრომლობისთვის, რომლებიც მხარდაჭერისთვის მზად არიან. ჩვენ გვექნება კომუნიკაცია ევროპელებთან და აშშ-თან, რათა მხარდაჭერა მაქსიმალურად ძლიერი იყოს“, – აღნიშნა ზელენსკიმ. სახელმწიფოს მეთაურის ცნობით, უკრაინის საგარეო საქმეთა მინისტრი ანდრეი სიბიგა და აგრარული პოლიტიკის მინისტრი ვიტალი კოვალი, რომლებიც ოფიციალური ვიზიტით სირიაში იმყოფებოდნენ, ქვეყანაში დაბრუნდნენ და ზელენსკის ვიზიტის შედეგები მოახსენეს. მათ განიხილეს დამასკოში მოლაპარაკებების შედეგები, უსაფრთხოება და ეკონომიკური პერსპექტივები. პრეზიდენტი დარწმუნებულია, რომ მეტი სტაბილურობა ახლო აღმოსავლეთში ნიშნავს მეტ…

ახალი წლის ღამეს მიღებული ტრავმების სერიის შემდეგ ბელგიაში კერძო პირებისთვის პიროტექნიკის მიყიდვის აკრძალვას განიხილავენ. Politico-ს ინფორმაციით, ბელგიის ხელისუფლება განიხილავს საკითხს, პიროტექნიკის აკრძალვა ქვეყნის მასშტაბით საკმარისი იქნება, თუ ის მთელ ევროპაში უნდა აიკრძალოს. ფლანდრიელი მერები ფეიერვერკების აკრძალვას მთელი ევროპის მასშტაბით ითხოვენ, თუმცა ცხოველების უფლებათა დაცვითი ორგანიზაციები ამტკიცებენ, რომ აკრძალვა ჯერ ეროვნულ დონეზე უნდა მოხდეს. ბელგიის რამდენიმე მუნიციპალიტეტმა ფეიერვერკების გაყიდვის აკრძალვა ადგილობრივ დონეზე უკვე შემოიღო, თუმცა ფლამანდიის ქალაქებისა და მუნიციპალიტეტების ასოციაცია ამტკიცებს, რომ ფლანდრიის ხუთი მერიდან ოთხს საერთო ეროვნული აკრძალვის შემოღება სურთ.

,,უკრაინას ჯერ კიდევ არ მიუღია Patriot-ის ტიპის ხუთი ერთეული ჰაერსაწინააღმდეგო სისტემა, რომლის გადაცემას მას 2024 წლის ივლისში ვაშინგტონში გამართული ნატოს სამიტის დროს დაჰპირდნენ”, – განაცხადა ქვეყნის პრეზიდენტმა ვოლოდიმირ ზელენსკიმ უკრაინულ მედიასთან ინტერვიუს დროს. „ვთვლი, რომ ვაშინგტონში ნატოს მიერ მიღებული გადაწყვეტილება დამატებითი ხუთი Patriot-ის შესახებ სერიოზული მიღწევაა. ჰაერსაწინააღმდეგო სისტემა ჯერ არ მიგვიღია, მაგრამ თავად გადაწყვეტილება დადებითია და ნატოში ჩვენი წევრობა, რასაც ალიანსის ყველა ქვეყანამა დაუჭირა მხარი, გარდაუვალია“, – აღნიშნა ზელენსკიმ.

უკრაინის საკითხზე „რამშტაინის“ ჯგუფის მომდევნო შეხვედრა 9 იანვრისთვის არის დაგეგმილი. არსებული ინფორმაციით, შეხვედრას აშშ-ის თავდაცვის მდივანი ლოიდ ოსტინი უხელმძღვანელებს. ეს ამ ფორმატში ჩატარებული 25-ე შეხვედრა იქნება. ცნობისთვის, „რამშტაინის“ ფორმატი 2022 წელს უკრაინის სამხედრო მხარდაჭერის კოორდინაციისთვის შეერთებული შტატების ეგიდით შეიქმნა. ის აერთიანებს მსოფლიოს 50-ზე მეტ ქვეყანას. უკრაინის თავდაცვის მინისტრმა, ცოტა ხნის წინ, იმედი გამოთქვა, რომ საკონტაქტო ჯგუფის ფორმატი ტრამპის პრეზიდენტობის დროსაც იქნება შენარჩუნებული.

აშშ-ის არჩეულმა პრეზიდენტმა, დონალდ ტრამპმა ჯო ბაიდენს „ამერიკის ისტორიაში ყველაზე ცუდი პრეზიდენტი“ და „სრული კატასტროფა“ უწოდა. ტრამპი ახალ ორლეანში მომხდარ თავდასხმას გამოეხმაურა და ბაიდენის საიმიგრაციო პოლიტიკა გააკრიტიკა. „ბაიდენის „ღია საზღვრების პოლიტიკის“ გამო, როგორც მე არაერთხელ აღვნიშნე საარჩევნო შეხვედრებზე და სხვაგან, რადიკალური ისლამური ტერორიზმი და ძალადობრივი დანაშაულის სხვა ფორმები ამერიკაში იმდენად გაუარესდებოდა, რომ მისი წარმოდგენაც კი გაგვიჭირდებოდა. ეს დრო დადგა, თანაც გაცილებით უარესად, ვიდრე წარმოგვედგინა“, – წერს ტრამპი სოციალურ ქსელში.

აშშ-ის არჩეული პრეზიდენტი დონალდ ტრამპი 19 იანვარს, ინაუგურაციამდე ერთი დღით ადრე ვაშინგტონში ღონისძიებას გამართავს. გამოცემა „ჰილის” ცნობით, ღონისძიება, რომელსაც ტრამპი „გამარჯვების მიტინგს“ უწოდებს, ვაშინგტონის ცენტრში, Capital One Arena-ზე გაიმართება. აქციაზე გამომსვლელების ვინაობა ჯერჯერობით უცნობია. სავარაუდოდ, იქ შეკრიებილებს სიტყვით თავად არჩეული პრეზიდენტი მიმართავს. ცნობისთვის, აშშ-ის არჩეული პრეზიდენტის ინაუგურაცია 2025 წლის 20 იანვარს გაიმართება. ტრამპი ფიცს კაპიტოლიუმში დადებს.

რუმინეთი და ბულგარეთი შენგენის ზონის სრულუფლებიანი წევრები გახდნენ. ორმა ქვეყანამ სახმელეთო სასაზღვრო კონტროლი გააუქმა და შეუერთდნენ ბლოკს, რომლის მოქალაქეებსაც მოგზაურობა საპასპორტო კონტროლის გარეშე შეუძლიათ. გადასასვლელი საერთაშორისო ვაჭრობის ტრანზიტის მნიშვნელოვანი პუნქტია. „ეს ისტორიული მომენტია. სამხრეთიდან ჩრდილოეთისკენ, საბერძნეთიდან ფინეთამდე და დასავლეთისკენ პორტუგალიამდე საზღვრების გარეშე მოგზაურობა შესაძლებელია“, – განაცხადა ბულგარეთის პრემიერ-მინისტრმა, დიმიტარ გლავჩევმა.

Axios-ი სამ წყაროზე დაყრდნობით ავრცელებს ინფორმაციას, რომ შეერთებული შტატები ირანის ბირთვულ ობიექტებზე იერიშებს განიხილავდა. სააგენტოს ცნობით, შესაბამისი სცენარი პრეზიდენტ ბაიდენს განსახილველად მისმა მრჩეველმა ჯეიკ სალივანმა წარუდგინა. გეგმა პოტენციურ იერიშს იმ შემთხვევაში ითვალისწინებდა, თუ ირანი 20 იანვრამდე ბირთვული იარაღის შექმნისთვის კიდევ ერთ ნაბიჯს გადადგამდა. Axios-ი აღნიშნავს, რომ პრეზიდენტისა და მისი მრჩევლის საუბარი ამ საკითხზე რამდენიმე კვირის წინ შედგა, თუმცა მისი შინაარსი დღემდე გასაიდუმლოებული იყო. ცნობაში ასევე აღნიშნულია, რომ შეხვედრისას ბაიდენმა სალივანის წინადადებას მწვანე შუქი არ აუნთო.

გერმანიის საგარეო საქმეთა მინისტრი ანალენა ბერბოკი, ფრანგ კოლეგასთან, ჟან-ნოელ ბაროსთან ერთად ერთდღიანი ვიზიტით სირიაში მიემგზავრება. ისინი სირიის ახალ ლიდერს, აჰმედ ალ-შარას შეხვდებიან. „ჩემი ვიზიტი დღეს ჩემს ფრანგ კოლეგასთან ერთად და ევროკავშირის სახელით არის ნათელი გზავნილი სირიელებისთვის: შესაძლებელია ახალი პოლიტიკური დასაწყისი ევროპასა და სირიას შორის, გერმანიასა და სირიას შორის“, – განაცხადა ბერბოკმა.

,,უკრაინა ევროპელი სამშვიდობოების განლაგების მომხრეა, მაგრამ არა ნატო-ში გაწევრიანების სანაცვლოდ” – ზელენსკი”, – განაცხადა უკრაინის პრეზიდენტმა, ვოლოდიმირ ზელენსკიმ. მისი თქმით, უკრაინა მხარს უჭერს საფრანგეთის პრეზიდენტის, ემანუელ მაკრონის ინიციატივას უკრაინის ტერიტორიაზე ფრანგული ჯარების განთავსების თაობაზე. როგორც ზელენსკიმ აღნიშნა, ევროპელი სამშვიდობოების იდეას მაკრონთან და აშშ-ის არჩეულ პრეზიდენტ დონალდ ტრამპთან შეხვედრის დროსაც შეეხნენ. „დავინახე, რომ ტრამპი დადებითად იყო განწყობილი ამ იდეის მიმართ, მაგრამ მე დავაყენე საკითხი, რომ ჯერჯერობით არ მოგვისმენია, რომელი კონკრეტული ქვეყნები იქნება ამ ძალებში და იქნება თუ არა მათ შორის შეერთებული შტატები“, – აღნიშნა ზელენსკიმ.

სლოვაკეთის პრემიერ-მინისტრმა, რობერტ ფიცომ სოციალურ ქსელში გავრცელებულ მიმართვაში განაცხადა, რომ მისი მთავრობა განიხილავს ზომებს უკრაინის მიერ რუსული გაზის ტრანზიტის შეწყვეტის საპასუხოდ. მისი თქმით, უკრაინის გავლით რუსული გაზის ტრანზიტის შეწყვეტა „ზელენსკის დივერსიაა“ და ამის გამო მისი ქვეყნის ზარალი წელიწადში 500 მილიონ ევროს შეადგენს. სლოვაკეთის პრემიერის თქმით, მისი ქვეყნისთვის სიტუაციიდან ერთადერთი გამოსავალი არის გაზის ტრანზიტის აღდგენა ან კომპენსაცია თითქმის 500 მილიონი ევროს დანაკარგისთვის. ბრიუსელში მოლაპარაკებების შემდეგ სლოვაკეთის პრემიერ-მინისტრი კოალიციური საბჭოს მოწვევას გეგმავს, რის შემდეგაც მინისტრთა კაბინეტის სხდომა გაიმართება, რომელზეც კოალიციის პარტნიორები შესაბამის ზომებს განიხილავენ. შეგახსენებთ, 1-ელი იანვრიდან უკრაინამ საკუთარი ტერიტორიის გავლით რუსული…

აშშ-ის კონგრესი დღეს MEGOBARI Act-ს განიხილავს. ეს იქნება ერთ-ერთი პირველი კანონპროექტი, რომელსაც კონგრესის განახლებული შემადგენლობა განიხილავს. გავრცელებული ინფორმაციით, ასევე, დღეს დაგეგმილია MEGOBARI Act-ის ვტორის, რესპუბლიკელი კონგრესმენის, ჯო უილოსნის პრესკონფერენციაც.

,,ტრამპს შეუძლია გადამწყვეტი იყოს ამ ომში. ვფიქრობ, რომ ჩვენთვის ეს არის ყველაზე მნიშვნელოვანი. მას შეუძლია შეაჩეროს პუტინი – უფრო სწორად, დაგვეხმაროს პუტინის შეჩერებაში. მას შეუძლია ამის გაკეთება“, – უკრაინული მედიის ცნობით, ამის შესახებ ქვეყნის პრეზიდენტმა, ვოლოდიმირ ზელენსკიმ განაცხადა. როგორც ზელენსკიმ აღნიშნა, უკვე რამდენჯერმე ესაუბრა აშშ-ის არჩეულ პრეზიდენტს დონალდ ტრამპს. ,,ვისურვებდი, რომ პრეზიდენტ ტრამპის არაპროგნოზირებადობა, პირველ რიგში, რუსეთის ფედერაციას შეეხოს. ვთვლი, რომ მას ნამდვილად სურს ომის დასრულება. მჯერა, რომ ეს სიმართლეა“, – ამბობს ზელენსკი.

,,იქნება თუ არა საქართველო რუსეთის ტოტალური კონტროლის ქვეშ? არა, ჩემთვის ესეც უეჭველია”, – ამის შესახებ უკრაინის პრეზიდენტის მრჩეველმა, მიხაილო პოდოლიაკმა ლიეტუვურ ტელეარხ Delfi-სთან ინტერვიუში განაცხადა. მისი თქმით, თბილისის, ქუთაისის, რუსთავის ქუჩებში წინააღმდეგობა იმაზე მეტყველებს, რომ საქართველოს მოქალაქეების აბსოლუტური უმრავლესობა ნამდვილად არაა დაინტერესებული იმ პოლიტიკით, რომელსაც ,,ქართული ოცნება”, პრო-რუსული პარტია ატარებს. ,,ჩემთვის გაუგებარია, როგორ შეიძლება 2008 წლის დამამცირებელი ომის შემდეგ, როდესაც რუსეთმა სრულიად ნათლად აჩვენა საქართველოსადმი თავისი რეალური დამოკიდებულება. პრინციპში, სიმართლე რომ გითხრათ, რუსეთის ნებისმიერ ვინმესთან რეალურ დამოკიდებულებაზე საუბარი ცუდი ტონია, ვინაიდან რუსეთს ყოველთვის ეზიზღება ქვეყნები, რომლებიც სუვერენულები, სუბიექტურები არიან და…

სამხრეთ კორეაში სამართალდამცავებმა იმპიჩმენტირებული პრეზიდენტის, იუნ სუკ იოლის დაპატიმრება ვერ შეძლეს და პრეზიდენტის რეზიდენცია დატოვეს. ინფორმაციას BBC-ი ავრცელებს. ,,დაკავება პრაქტიკულად შეუძლებელია განხორციელდეს უწყვეტი დაპირისპირების გამო”, – განაცხადეს გამომძიებლებმა. ასევე, იუნ სუკ იოლის მომხრეები მისი რეზიდენციის გარეთ სკანდირებენ: ,,ჩვენ გავიმარჯვეთ!”. სამხრეთ კორეაში სამართალდამცავები პრეზიდენტ იუნ სუკ იოლის დაპატიმრებას ცდილობენ