დღე: იანვარი 2, 2025

კიევზე უპილოტო საფრენი აპარატებით თავდასხმის შედეგად რადას შენობა დაზიანდა. ამის შესახებ, რადას სპიკერმა, რუსლან სტეფანჩუკმა განაცხადა. მისი თქმით, დაზიანებულია შენობის რამდენიმე განყოფილება. „აფეთქების ტალღამ დააზიანა სახლები, ასევე უკრაინის პარლამენტის შენობა, სადაც განთავსებულია კომიტეტები და სამმართველოები. ამჟამად მიმდინარეობს ზარალის შეფასება“-  განაცხადა სტეფანჩუკმა. რუსეთის მხრიდან თავდასხმის შედეგად დაზიანდა უკრაინის მწერალთა ეროვნული კავშირის შენობაც.

მეტი...

უკრაინა ემზადება სირიასთან დიპლომატიური კავშირების აღდგენისთვის. ამის შესახებ, უკრაინის პრეზიდენტმა, ვოლოდიმირ ზელენსკიმ 2 იანვარს განაცხადა. “ვემზადებით სირიასთან დიპლომატიური ურთიერთობის აღსადგენად და საერთაშორისო ორგანიზაციებში თანამშრომლობისთვის”, – განაცხადა ზელენსკიმ, უკრაინის საგარეო საქმეთა მინისტრის, ანდრიი სიბიჰას სირიაში ვიზიტის შესახებ მოხსენების მოსმენის შემდეგ. სიბიჰა დამასკში სირიის დე ფაქტო მმართველ აჰმედ ალ-შარაას შეხვდა და მოლაპარაკება ჰქონდა თავის სირიელ კოლეგასთან.  

მეტი...

ნიუ ორლეანსა და ლას ვეგასში მომხდარ შემთხვევებს შორის ამჟამად კავშირი არ იკვეთება. ამის შესახებ, აშშ-ის გამოძიების ფედერალურ ბიუროში აცხადებენ, თუმცა აქვე აღნიშნავენ, რომ არაფრის გამორიცხვა არ შეიძლება. ნიუ ორლეანში მომხდარი თავდასხმა ტერორისტული აქტად შეფასდა. ლას ვეგასში, დონალდ ტრამპის სასტუმროსთან Tesla-ს Cybertruck-ი აფეთქდა, შედეგად დაიღუპა ავტომობილის მძღოლი, დაშავდა შვიდი ადამიანი. აშშ-ში, ნიუ ორლეანში სატვირთო მანქანა ხალხში შევარდა, რის შედეგადაც, სულ მცირე, ათი ადამიანი დაიღუპა, 30 კი დაშავდა.  

მეტი...

ორგანიზაცია “ისლამური სახელმწიფოს” ხუთ სავარაუდო წევრს, სტამბოლის მთავარმა პროკურატურამ ბრალი წაუყენა. გამოძიების ვერსიის თანახმად, ისინი დაკავშირებული იყვნენ “კროკუსზე” თავდამსხმელებთან. ბრალდებულებს გაასამართლებენ ტერორისტული ორგანიზაციის წევრობის გამო. “ისლამური სახელმწიფო” ტერორისტულ ორგანიზაციადაა შერაცხილი მრავალი ქვეყნის ხელისუფლების, მათ შორის, თურქეთის, მიერ. ამ პირებს თავისუფლების აღკვეთა ემუქრებათ 7,5-დან 15 წლამდე. ერთ-ერთი ეჭვმიტანილის, ფაიზოვის, შესახებ ცნობილია, რომ ის ტაჯიკეთის მოქალაქეა. უსმონოვი, სავარაუდოდ, ცხოვრობდა ისლამური სახელმწიფოს კონსპირაციულ ბინაში “კროკუსზე” თავდასხმაში ერთ-ერთ ბრალდებულ, შამსიდინ ფარიდუნისთან ერთად. 22 მარტს, მოსკოვის მახლობლად მდებარე საკონცერტო დარბაზ “კროკუს სიტი ჰოლზე” თავდასხმა განხორციელდა. მაშინ 145 ადამიანი დაიღუპა.

მეტი...

“რუსული გაზის მიწოდების შეჩერებაზე პასუხისმგებლობა შეერთებულ შტატებს, უკრაინის ხელისუფლებას და ევროპის ქვეყნებს ეკისრებათ” – ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა. ზახაროვამ ამერიკის შეერთებული შტატები ენერგეტიკული ბაზრის გადანაწილების მთავარ ბენეფიციარად და უკრაინის კრიზისის სპონსორად დაასახელა. „კონკურენტული და ეკოლოგიურად სუფთა რუსული ენერგიის მიწოდების შეწყვეტა არა მხოლოდ ასუსტებს ევროპის ეკონომიკურ პოტენციალს, არამედ ძალიან უარყოფითად აისახება ევროპის მოქალაქეების ცხოვრების სტანდარტზე“ – ამბობს ზახაროვა.

მეტი...

Times of Israel-ის ცნობით, ისრაელის პრემიერ-მინისტრი, ბენიამინ ნეთანიაჰუ გეგმავს დაესწროს აშშ-ის არჩეული პრეზიდენტის, დონალდ ტრამპის ინაუგურაციას, მიუხედავად იმისა, რომ ცოტა ხნის წინ პროსტატის ოპერაცია გადაიტანა. როგორც The Times of Israel-ი აღნიშნავს, ნეთანიაჰუს ჯანმრთელობის მდგომარეობის გარდა, ისრაელის მხარე შეშფოთებულია სისხლის სამართლის საერთაშორისო სასამართლოს მიერ გაცემული მისი დაკავების ორდერით. შეერთებული შტატებისკენ მიმავალ გზაზე ერთ-ერთ ქვეყანაში ისრაელის პრემიერ-მინისტრის თვითმფრინავის ავარიული დაშვების შემთხვევაში, ამ სახელმწიფოების ხელისუფლებას შეუძლიათ ორდერის აღსრულება.

მეტი...

„ახალი წლის ღამესაც კი რუსეთს მხოლოდ ის აწუხებდა, თუ როგორ მიეყენებინა ზიანი უკრაინისთვის”, – ასე გამოეხმაურა უკრაინის პრეზიდენტი, ვოლოდიმირ ზელენსკი რუსეთის თავდასხმას, რომელსაც მსხვერპლი მოჰყვა. ,,111 დრონი ჩვენი ქალაქების წინააღმდეგ, უმეტესობამ ვერ მიაღწია სამიზნეებს ჩვენი საჰაერო თავდაცვის სისტემების წყალობით. მაგრამ, სამწუხაროდ, ამ დროისთვის ცნობილია, რომ ერთი ადამიანი დაიღუპა. ვუსამძიმრებ ოჯახსა და მეგობრებს“, – აღნიშნა ზელენსკიმ.

მეტი...

საქართველოს საგარეო საქმეთა სამინისტრო ახალ ორლეანში მომხდარ თავდასხმას გამოეხმაურა: „შოკირებული და დამწუხრებულები ვართ ცნობებით ახალ ორლეანში მომხდარი თავდასხმის შესახებ. ჩვენ მკაცრად ვგმობთ ყველანაირ ძალადობას და გვერდში ვუდგავართ, სოლიდარობას ვუცხადებთ მსხვერპლებს, მათ ოჯახებსა და შეერთებული შტატების მოსახლეობას ამ რთულ დროს”, – წერს უწყება სოციალურ ქსელში. შეგახსენებთ, რომ აშშ-ში, ახალ ორლეანში სატვირთო მანქანა ხალხში შევარდა, რის შედეგადაც, სულ მცირე, 10 ადამიანი დაიღუპა, 30 კი დაშავდა. თვითმხილველების თქმით, შეჯახების შემდეგ მძღოლი გადმოვიდა და იარაღიდან სროლა დაიწყო, რასაც პოლიციამ საპასუხო ცეცხლით უპასუხა.

მეტი...

კომპანია SpaceX-ის დამფუძნებელმა და ტრამპის ადმინისტრაციაში აშშ-ის მთავრობის ეფექტურობის დეპარტამენტის მომავალმა თანახელმძღვანელმა, ილონ მასკმა გერმანიის პრეზიდენტს, ფრანკ-ვალტერ შტაინმაიერს „ტირანი“ უწოდა. „შტაინმაიერი ანტიდემოკრატიული ტირანია! სირცხვილი მას“, – თქვა ილონ მასკმა, რომლის კომენტარიც ეხებოდა შტაინმაიერის სიტყვით გამოსვლას, რომელშიც ის უცხოური გავლენის წინააღმდეგ საუბრობდა.

მეტი...

„ევროკავშირი კარგად მომზადებულია, რათა გაუმკლავდეს უკრაინის გავლით გაზის ტრანზიტის შეჩერებას, კომისიისა და ევროკავშირის წევრი სახელმწიფოების ერთობლივი ძალისხმევის წყალობით“, – აღნიშნეს ევროკომისიაში. ევროკომისიაში ასევე განაცხადეს, რომ არსებობს მიწოდების ალტერნატიული მარშრუტები, ძირითადად LNG ტერმინალებიდან გერმანიაში, საბერძნეთში, იტალიასა და პოლონეთში. შეგახსენებთ, რომ 1-ელი იანვრიდან უკრაინამ საკუთარი ტერიტორიის გავლით რუსული გაზის ევროპაში ტრანზიტი შეწყვიტა.  

მეტი...

„მხოლოდ ახალ, გამჭვირვალე არჩევნებს, რომელიც დემოკრატიის ყველა სტანდარტს აკმაყოფილებს, შეუძლია ქვეყანა ამ კრიზისიდან გამოიყვანოს და საქართველოს რუსეთისადმი დაქვემდებარება დაასრულოს”, – ამის შესახებ ლიეტუველი ევროპარლამენტარი, რასა იუკნევიჩიანე წერს. ,,ის, თუ როგორ გაკეთდეს ეს, თავად ქართულმა საზოგადოებამ, ევროკავშირის მხარდაჭერით უნდა გადაწყვიტოს. ევროკავშირის ინსტიტუტებმა უნდა იმოქმედონ როგორც შუამავლებმა და რაც მალე, მით უკეთესი. საქართველო რუსეთის მიერ ევროპის წინააღმდეგ ომის ფართო სურათის მნიშვნელოვან ნაწილს წარმოადგენს. ყველაზე მნიშვნელოვანი ბრძოლა, რა თქმა უნდა, უკრაინის ტერიტორიაზე მიმდინარეობს. უნდა გადავწყვიტოთ: რა გავაკეთოთ? არჩევანი მცირეა, ან გამარჯვების მისაღწევად გადაწყვეტილების მიღება, ან აგრესიული რესპუბლიკის არსებობასთან შეგუება. აშშ-მა მნიშვნელოვანი წინმსწრები ნაბიჯი…

მეტი...

„ბევრს საუბრობენ ომის დასრულების შესახებ მოლაპარაკებებზე, მაგრამ ეს ილუზიაა”, – ციტირებს გამოცემა უკრაინის პრეზიდენტის ოფისის ხელმძღვანელის მრჩეველს, მიხაილო პოდოლიაკს. ,,არავითარი მოლაპარაკების პროცესი არ შეიძლება განხორციელდეს, რადგან რუსეთი ვერ აიძულეს, ამ ომისთვის საკმარისად მაღალი ფასი გადაეხადა“, – განაცხადა პოდოლიაკმა. როგორც BBC წერს, ,,ტრამპის დაპირება, რომ კონფლიქტს თანამდებობის დაკავებიდან 24 საათში დაასრულებს, ტიპურად გრანდიოზული ტრაბახია, მაგრამ ის მოდის ადამიანისგან, რომელმაც აშკარად დაკარგა მოთმინება ომთან და ომთან დაკავშირებული ამერიკის ხარჯების გამო”.

მეტი...

,,უკრაინის გავლით რუსული გაზის ტრანზიტის შეჩერებას სერიოზული შედეგები მოჰყვება ევროკავშირში ყველასათვის”, – ამის შესახებ სლოვაკეთის პრემიერ-მინისტრმა, რობერტ ფიცომ განაცხადა. მისი თქმით, სლოვაკეთი ასობით მილიონ ევროს დაკარგავს ტრანზიტის შეჩერების გამო, ხოლო ევროპაში გაზისა და ელექტროენერგიის ფასები გაიზრდება. თავის გამოსვლაში ფიცომ ასევე განაცხადა, რომ გააგრძელებს საგარეო პოლიტიკის გატარებას, რომელიც „საერთაშორისო სამართლის პატივისცემასა და სხვათა საშინაო საქმეებში ჩაურევლობას ეფუძნება“.

მეტი...

აშშ-ის არჩეული პრეზიდენტი ნიუ ორლეანში მომხდარ თავდასხმას ეხმაურება. მან აშშ-ის ხელისუფლება და სამართალდამცავი უწყებები გააკრიტიკა და განაცხადა, რომ ისინი ,,არაეფექტურია” და ,,ფაქტობრივად არ არსებობს ხელმძღვანელობა”. „აშშ იშლება. მთელი ქვეყნის მასშტაბით საფრთხისგან დაცვის, ეროვნული უსაფრთხოებისა და დემოკრატიის მკვეთრი ეროზია მიმდინარეობს. ამის შეჩერება მხოლოდ სიძლიერესა და ძლიერ ხელმძღვანელობას შეუძლია. ახლავე ცენტრალური სადაზვერვო სააგენტო (CIA) უნდა ჩაერიოს, სანამ გვიანი არ არის. 20 იანვარს შევხვდებით. MAGA!“, – წერს დონალდ ტრამპი პლატფორმა Truth Social-ზე. შეგახსენებთ, ნიუ ორლეანის ფრანგულ კვარტალში სატვირთო მანქანა ხალხში შევარდა, შედეგად ათი ადამიანი დაიღუპა, 30 კი დაშავდა. თავდამსხმელი 42 წლის შამსუდ დინ-ჯაბარია,…

მეტი...

,,კიევმა გადაწყვიტა შეწყვიტოს ცისფერი საწვავის გადატუმბვა რუსეთიდან ევროპის ქვეყნების მაცხოვრებლებისთვის, მიუხედავად იმისა, რომ „გაზპრომი“ ხელშეკრულებით გათვალისწინებულ ვალდებულებებს ასრულებს“, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა. მისი თქმით, კონკურენტული და ეკოლოგიურად სუფთა რუსული ენერგომატარებლების მიწოდების შეწყვეტა არა მხოლოდ ასუსტებს ევროპის ეკონომიკურ პოტენციალს, არამედ ძალიან უარყოფითად აისახება ევროპის მოქალაქეების ცხოვრების სტანდარტზე. „რუსული გაზის მიწოდების შეწყვეტაზე პასუხისმგებლობა მთლიანად ეკისრება შეერთებულ შტატებს, მარიონეტულ კიევის რეჟიმს, ისევე როგორც ევროპული სახელმწიფოების ხელისუფლებებს, რომლებმაც თავიანთი მოქალაქეების კეთილდღეობა ამერიკის ეკონომიკის ფინანსურ მხარდაჭერას შესწირეს“, – აღნიშნა ზახაროვამ. შეგახსენებთ, რომ 1-ელი იანვრიდან უკრაინამ საკუთარი ტერიტორიის გავლით…

მეტი...

უკრაინის საჰაერო ძალების ინფორმაციით, სულ, რუსულმა ძალებმა უკრაინის მიმართულებით 72 დრონი გაუშვეს, რომელთაგან 47 უკრაინის თავდაცვის ძალებმა ჩამოაგდეს, 24 უკრაინის ტერიტორიაზე გაუჩინარდა, ხოლო 1 დრონი ჯერ კიდევ ჰაერშია. უკრაინის თავდაცვის ძალებმა რუსების მიერ გაშვებული დრონები პოლტავის, სუმის, ხარკოვის, კიევის, ჩერნიგოვის, ჩერკასის, კიროვოგრადის, დნეპროპეტროვსკის, ოდესის, ხერსონისა და ნიკოლაევის ოლქებში ჩამოაგდეს.

მეტი...

ღაზას სექტორში, ჰუმანიტარულ ზონაზე ისრაელის საჰაერო თავდასხმის შედეგად „ჰამასის“ პოლიციის უფროსი, მაჰმუდ სალაჰი და მისი მოადგილე, ჰუსამ შაჰვანი დაიღუპნენ. The Times of Israel-ის ინფორმაციით, თავდასხმის სამიზნე მავასის რაიონში მაჰმუდ სალაჰის კარავი იყო, სადაც ის მოადგილესთან ერთად იმყოფებოდა. მედიკოსები აცხადებენ, რომ თავდასხმას სულ 11 ადამიანი, მათ შორის ქალები და ბავშვები, ემსხვერპლა.

მეტი...

,,პოლონეთი თანამშრომლობს უკრაინასთან იარაღისა და საბრძოლო მასალის წარმოებაში, მაგრამ ამ თანამშრომლობას უსაფრთხოების მიზნით არ ამჟღავნებს”, – ამის შესახებ უკრაინაში პოლონეთის საქმეთა დროებითმა რწმუნებულმა პიოტრ ლუკასევიჩმა ZN.UA-სთან ინტერვიუში განაცხადა. როგორც მან აღნიშნა, პოლონეთში უკრაინის სამხედრო-სამრეწველო კომპლექსის ქარხანა აშენდა, თუმცა დიპლომატმა დეტალების გამჟღავნებაზე უარი განაცხადა. „ზოგიერთი ქვეყანა, რომელიც აცხადებს ასეთ თანამშრომლობას, როგორიცაა სამხედრო ტექნიკის წარმოების ქარხნის მშენებლობა, გეოგრაფიულად რუსეთისგან შორს მდებარეობს და რადგან მათ საფრთხე არ ემუქრებათ, შეუძლიათ ამაზე ისაუბრონ. ჩვენ ძალიან ახლოს ვართ და ამიტომ არ ვსაუბრობთ ამაზე. ანუ გეოგრაფია ამ კონტექსტში ძალიან მნიშვნელოვანია“, – ამბობს დიპლომატი.

მეტი...

,,უკრაინის გაზის ტრანსპორტირების სისტემით ევროპაში რუსული გაზის ტრანზიტის შეწყვეტა მოსკოვის ერთ-ერთი ყველაზე დიდი მარცხია”, – ამის შესახებ უკრაინის პრეზიდენტი ვოლოდიმირ ზელენსკი „ტელეგრამზე“ წერს. „როდესაც 25 წელზე მეტი ხნის წინ რუსეთში ძალაუფლება პუტინს უბოძეს, უკრაინის ტერიტორიით ევროპაში გაზის წლიური გადატუმბვა შეადგენდა 130+ მილიარდ კუბურ მეტრს. დღეს რუსული გაზის ტრანზიტი 0-ს შეადგენს. ეს მოსკოვის ერთ-ერთი ყველაზე დიდი მარცხია. ენერგორესურსების იარაღად გადაქცევა და პარტნიორების ცინიკური ენერგეტიკული შანტაჟი არის ის, რამაც რუსეთს ჩამოართვა მისთვის ყველაზე მიმზიდველი და გეოგრაფიულად ხელმისაწვდომი ბაზარი“, – აღნიშნა ზელენსკიმ. მისი თქმით, ევროპის ქვეყნების აბსოლუტური უმრავლესობა წარმატებით შეეგუა მსგავს ცვლილებებს. ,,დღეს…

მეტი...

ევროკავშირის საბჭოს ინფორმაციით, ევროკავშირსა და მის წევრ ქვეყნებსა და იაპონიას შორის პირველი ორმხრივი, სტრატეგიული პარტნიორობის შეთანხმება ძალაში შევიდა. „სტრატეგიული პარტნიორობის შეთანხმების წყალობით, ევროკავშირი და იაპონია უკეთესად შეძლებენ მრავალმხრივი და წესებზე დაფუძნებული გლობალური წესრიგის გაძლიერებას, რომლის ბირთვია გაერო, ერთობლივი ღირებულებებისა და პრინციპების დაცვას, როგორიცაა: კანონის უზენაესობა, დემოკრატია, ადამიანის უფლებების პატივისცემა, ღია ბაზრები, თავისუფალი და სამართლიანი ვაჭრობა. შეთანხმება გააძლიერებს უსაფრთხოების სფეროში თანამშრომლობას, თანამშრომლობას ტერორიზმთან და სერიოზულ საერთაშორისო დანაშაულებთან ბრძოლაში, ასევე მასობრივი განადგურების იარაღის გავრცელების წინააღმდეგ. გარდა ამისა, შეთანხმება გააძლიერებს სექტორულ თანამშრომლობას ისეთ სფეროებში, როგორიცაა: კოსმოსი, საინფორმაციო და საკომუნიკაციო ტექნოლოგიები, სამრეწველო პოლიტიკა, ენერგეტიკა,…

მეტი...