დღე: დეკემბერი 30, 2024

აშშ-მა უკრაინისთვის პირდაპირი საბიუჯეტო დახმარების სახით 3,4 მილიარდი დოლარის გამოყოფის შესახებ განაცხადა. ამის შესახებ შეერთებული შტატების სახაზინო მდივნმა, ჯანეტ იელენიმ განაცხადა. „უკრაინისთვის ჩვენი საბიუჯეტო მხარდაჭერა მიდის კრიტიკულ მომენტში, როდესაც რუსეთი აძლიერებს თავდასხმებს სამოქალაქო მოსახლეობასა და ინფრასტრუქტურის უმნიშვნელოვანეს ობიექტებზე. აშშ-ის და ჩვენი მოკავშირეების მხრიდან ეკონომიკურ დახმარებას აქვს გადამწყვეტი მნიშვნელობა უკრაინის შესაძლებლობისთვის, დაიცვას თავისი სუვერენიტეტი და მიაღწიოს სამართლიან მშვიდობას კრიტიკული სახელმწიფო მომსახურების შენარჩუნებით, რაც მისი გულადი ბრძოლის საფუძვლად დევს“ – ნათქვამია იელენის განცხადებაში. იელენის განცხადებით, ეს თანხა არის ბოლო ნაწილი კონგრესის მიერ უკრაინის მხარდასაჭერად 2024 წელს დამტკიცებული ორპარტიული პაკეტის ფარგლებში.

აშშ-ის ფედერალურმა სააპელაციო სასამართლომ ნაფიც მსაჯულთა განაჩენი, რომლის მიხედვითაც დონალდ ტრამპმა მწერალ ელიზაბეთ ჯინ კეროლზე 1996 წელს სექსუალურად იძალადა, ძალაში დატოვა. გარადა ამისა, არ დააკმაყოფილა ახალი სასამართლო პროცესის შესახებ აშშ-ის არჩეული პრეზიდენტის მოთხოვნა. ინფორმაციას NBC News-ი ავრცელებს. ამავე ცნობით, ტრამპი ბრალდებებს უარყოფს და აცხადებს, რომ მოსამართლემ უამრავი შეცდომა დაუშვა. დონალდ ტრამპის პრესსპიკერმა, სტივენ ჩუნმა ფედერალური სააპელაციო სასამართლოს გადაწყვეტილების პასუხად განაცხადა, რომ „დროა, მართლმსაჯულების სისტემის პოლიტიკურ იარაღად გამოყენება შეწყდეს“.

უკრაინამ რუსეთის ტყვეობიდან 189 დამცველი დაიბრუნა. ინფორმაციას უკრაინული მედია ქვეყნის პრეზიდენტზე, ვოლოდიმირ ზელენსკიზე დაყრდნობით ავრცელებს. „რუსული ტყვეობიდან ჩვენი ხალხის დაბრუნება ყოველთვის ძალიან კარგი ამბავია ყოველი ჩვენგანისთვის და დღეს ერთ-ერთი ასეთი დღეა. ჩვენმა გუნდმა 189 უკრაინელის სახლში დაბრუნება მოახერხა“ – წერს უკრაინის პრეზიდენტი „ტელეგრამის“ საკუთარ არხზე. ცნობით, გათავისუფლებულთა შორის 87 უკრაინის შეიარაღებული ძალების სამხედრო მოსამსახურეა, 43 უკრაინის ევროვნული გვარდიის, 33 უკრაინის სახელმწიფო სასაზღვრო სამსახურის, 24 უკრაინის საზღვაო ძალების სამხედრო მოსამსახურე და ორი მშვიდობიანი მოქალაქეა.

სირიის დე ფაქტო მმართველის აჰმედ ალ შარას განცხადებით, სირიაში ახალი არჩევნები შესაძლოა ოთხ წელში ჩატარდეს. მისი თქმით, ახალი კონსტიტუციის შემუშავებას შეიძლება სამი წელი დასჭირდეს. მან ასევე აღნიშნა, რომ ასადის რეჟიმის დამხობის შემდეგ, სირიელებმა შეიძლება ერთი წლის შემდეგ დაიწყონ მნიშვნელოვანი ცვლილებებისა და საჯარო სერვისების გაუმჯობესების დანახვა. ალ შარას განცხადებით, სირიას სამართლებრივი სისტემის აღდგენა და ლეგიტიმური არჩევნების ჩასატარებლად მოსახლეობის საყოველთაო აღწერა სჭირდება. რაც შეეხება დაჯგუფება ჰაიათ თაჰრირ აშ-შამის“, რომელიც „ისლამურ სახელმწიფოსთან“ და „ალ ქაიდასთან“ იყო დაკავშირებული და გაეროსა და მრავალი ქვეყნის მიერ ტერორისტულ ორგანიზაციად არის მიჩნეული, დე ფაქტო ლიდერის თქმით, ის დაიშლება…

დამასკოში ვიზიტით მყოფმა უკრაინის საგარეო საქმეთა მინისტრმა, ანდრეი სიბიგამ  განაცხადა, რომ ჰუმანიტარული პროგრამის ფარგლებში, სირიაში 31 დეკემბერს 500 ტონა უკრაინულ ფქვილს ჩაიტანენ. „ჩვენ სასურსათო უსაფრთხოების მხარდაჭერის პირობა დავდეთ და დაპირება მოკლე ვადებში შევასრულეთ. ხვალ სირიაში ჩამოვა 20-ზე მეტი სატვირთო, რომლებიც ჩამოიტანენ პირველ 500 ტონა უკრაინულ ფქვილს ჰუმანიტარული პროგრამის „მარცვლეული უკრაინიდან“ ფარგლებში. ამ ფქვილს სირიელ ოჯახებს უფასოდ დაურიგებენ“, – განაცხადა სიბიგამ დამასკოში გამართულ ბრიფინგზე. მისი თქმით, ფქვილი საკმარისი იქნება 33 ათასი სირიელი ოჯახის ერთი თვის განმავლობაში უზრუნველსაყოფად. ეს მხოლოდ პირველი პარტიაა და უკრაინა მზად არის, სირიას ბევრად მეტი ფქვილი მიაწოდოს. ამას გარდა,…

მოსკოვში სომხეთის თავდაცვის ყოფილი მინისტრი, გენერალ-მაიორი არშაკ კარაპეტიანი დააკავეს. ის სომხეთის სამართალდამცავი ორგანოების მიერ აღძრული საქმეების ფარგლებში იძებნებოდა. კერძოდ, კარაპეტიანს ბრალად ედება სამეწარმეო საქმიანობაში უკანონო მონაწილეობა და სამსახურებრივი უფლებამოსილების ბოროტად გამოყენება. არშაკ კარაპეტიანი 2018- 2021 წლებში ნიკოლ ფაშინიანის მრჩეველი იყო. 2021 წლის აპრილიდან ივლისამდე სომხეთის გენშტაბის პირველი მოადგილის თანამდებობას იკავებდა, ამის შემდეგ იყო თავდაცვის მინისტრის პირველი მოადგილე, შემდეგ კი თავდაცვის მინისტრად დაინიშნა. კარაპეტიანი თანამდებობიდან სამ თვეში გაათავისუფლეს. ამჟამად, ის ოპოზიციური მოძრაობა “საერთო ეროვნული ფრონტის” ლიდერია.

აშშ-მა უკრაინას თითქმის $2,5 მილიარდიანი სამხედრო დახმარება გამოუყო. დახმარება მოიცავს როგორც იარაღის სასწრაფო მიწოდებას, ასევე საჰაერო თავდაცვის სისტემების, არტილერიისა და სხვა კრიტიკულად საჭირო იარაღის გრძელვადიან მიწოდებას. „ვამაყობ, რომ ვაცხადებ დაახლოებით 2,5 მილიარდი დოლარის დახმარებას უკრაინის უსაფრთხოებისთვის, რადგან უკრაინელი ხალხი აგრძელებს დამოუკიდებლობისა და თავისუფლების დაცვას რუსული აგრესიისგან“, – ნათქვამია პრეზიდენტ ბაიდენის განცხადებაში.

ხერსონის ოლქში ოკუპანტების თავდასხმას მსხვერპლი მოჰყვა. დაიღუპა ერთი და დაიჭრა ორი მოქალაქე. გავრცელებული ინფორმაციით, რთული ვითარება რჩება დონეცკის ოლქის ქალაქებში ტორეცკსა და ჩასივ იარში. ამ მიმართულებებით რუსეთის ძალები წინსვლას განაგრძობენ. BBC-ის ცნობით, საოკუპაციო ჯარს რეგიონის ადმინისტრაციულ საზღვრამდე მისასვლელად მხოლოდ 8 კილომეტრი დარჩა. ამის ფონზე, ცნობილია ვაშინგტონის გადაწყვეტილება, რომელიც ვოლოდიმირ ზელენსკიმ გაახმოვანა. საუბარია უკრაინისთვის დამატებით მილიარდ 250 მილიონი დოლარის შეიარაღების პაკეტზე, რომელსაც ამერიკა ოფიციალურად გამოაცხადებს. AP News-ის მონაცემებით, დახმარების სახით, იგეგმება უკრაინაში ,,ნასამსის” და ,,ჰავკის” სისტემების აღჭურვილობის გაგზავნა.

უკრაინის დელეგაცია საგარეო საქმეთა მინისტრის, ანდრეი სიბიგას ხელმძღვანელობით სირიაში იმყოფება. უცხოური მედიის ინფორმაციით, უკრაინის საგარეო უწყების ხელმძღვანელი დამასკოში სირიელი ამბოხებულების ლიდერს, აჰმედ ალ-შარას შეხვდა. საგარეო საქმეთა მინისტრთან ერთად დელეგაციაში წარმოდგენილი არიან უკრაინის სოფლის მეურნეობის მინისტრი, ასევე უკრაინის პრეზიდენტის სპეციალური წარმომადგენელი. შეგახსენებთ, რომ ასადის რეჟიმის ჩამოშლისა და მისი მოსკოვში გაქცევის შემდეგ, სირიის ახალი დროებითი პრემიერ-მინისტრი მუჰამედ ალ-ბაშირი გახდა.

,,რუსეთი არ მიიღებს მონაწილეობას „მშვიდობის სამიტში“ და აღარ ადევნებს თვალს ვოლოდიმირ ზელენსკის განცხადებებს”, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა. როგორც მან აღნიშნა, შეუძლებელია, გამოიცნო, რაზე მიუთითებს ზელენსკის საჯარო აღიარება დაკარგული ტერიტორიების ძალით დაბრუნების შეუძლებლობის შესახებ. „ეს ფიგურა მუდმივად რაღაცას აცხადებს. მართალი გითხრათ, ჩვენ შევწყვიტეთ თვალყურის დევნება. არაერთხელ ავხსენი, რომ ჩვენ არ ვაპირებთ მონაწილეობას „მშვიდობის სამიტში“, თუნდაც მიწვევა მივიღოთ. კიევს ჯერ არ გაუუქმებია 1991 წლის საზღვრებში უკრაინის ტერიტორიული მთლიანობის აღდგენისა და ამ საზღვრებს გარეთ რუსული ჯარების გაყვანის ამოცანა. ეს ამოცანა ჩანს ვოლოდიმირ ზელენსკის ფორმულაში. მათ სურთ, რუსეთი…

,,ლატვია უახლოეს მომავალში უკრაინას 1 ათასზე მეტ სხვადასხვა ტიპის უპილოტო საფრენ აპარატს გადასცემს”, – ამის შესახებ ლატვიის თავდაცვის მინისტრმა ანდრის სპრუდსმა სოციალურ ქსელ X-ზე დაწერა. „ჩვენ უპილოტო საფრენი აპარატების ლატვიელ მწარმოებლებთან ერთად უკრაინის მხარდაჭერას ვაგრძელებთ. მომზადებულია უკანასკნელი პარტია, რომელიც 1 ათასზე მეტი სხვადასხვა ტიპის დამრტყმელი უპილოტო საფრენი აპარატებისგან შედგება“, – დაწერა სპრუდსმა. მან აგრეთვე აღნიშნა, რომ უპილოტო საფრენი აპარატების კოალიციას ლატვია და დიდი ბრიტანეთი ხელმძღვანელობენ. მინისტრის თქმით, 2025 წელს ლატვია კოალიციის ფარგლებში უპილოტო საფრენი აპარატების შესაძენად დამატებით 20 მილიონ ევროს გამოყოფს.

აშშ-ის პრეზიდენტმა ჯო ბაიდენმა ქვეყნის ყოფილი პრეზიდენტის ჯიმი კარტერის გარდაცვალების გამო გლოვა გამოაცხადა. ბაიდენის მიერ გამოცემული განკარგულების თანახმად, 30 დღის განმავლობაში აშშ-ის ტერიტორიაზე, მათ შორის საჯარო შენობებზე, სამხედრო ბაზებზე, სასამართლოებსა სამხედრო-საზღვაო ბაზებზე ქვეყნის დროშები დაშვებული იქნება. დროშები უნდა დაუშვან აგრეთვე საზღვარგარეთ აშშ-ის საელჩოებმა, საკონსულოებმა და სხვა ორგანიზაციებმა. 100 წლის ასაკში ჯიმი კარტერი გარდაიცვალა  

,,დემოკრატიის გამარჯვება ბრიუსელისა და არასამთავრობო ორგანიზაციების დიქტატის წინააღმდეგ საქართველოში”, – ასე ეხმაურება ევროპარლამენტის წევრი, ტიერი მარიანი სალომე ზურაბიშვილის მიერ პრეზიდენტის სასახლის დატოვებას. „3/4-ით ცარიელი ევროპარლამენტის დარბაზის წინ სალომე ზურაბიშვილმა დაიფიცა, რომ არასდროს დატოვებდა თანამდებობას, რომლის ვადაც 29 დეკემბერს ამოიწურა. მისი გმირობა ხანმოკლე აღმოჩნდა. ბოლო სიტყვა ლეგიტიმურად არჩეულ ხელისუფლებას დარჩა“, – აღნიშნა ტიერი მარიანიმ.

100 წლის ასაკში, აშშ-ის 39-ე პრეზიდენტი ჯიმი კარტერი გარდაიცვალა. მას კიბოს დიაგნოზი ჰქონდა. კარტერის პოლიტიკური კარიერა 1962 წელს დაიწყო, როდესაც იგი ჯორჯიის შტატის სენატორად აირჩიეს. ის ასევე აშშ-ის სამხედრო-საზღვაო ძალების ვეტერანი და ჯორჯიის შტატის გუბერნატორი იყო. კარტერის ადმინისტრაციის მიღწევებს შორისაა კემპ დევიდის შეთანხმება, ისრაელსა და ეგვიპტეს შორის სამშვიდობო ხელშეკრულების გაფორმება. კარტერმა ასევე შექმნა განათლებისა და ენერგიის დეპარტამენტები. თუმცა, მოსახლეობა უკმაყოფილო იყო მისი ეკონომიკური პოლიტიკისა და აშშ-ირანის მძევლების კრიზისის გამო, რის შემდეგაც კარტერი მეორე ვადით აღარ აურჩევიათ. 1981 წლის საპრეზიდენტო არჩევნებში კარტერი რესპუბლიკელმა რონალდ რეიგანმა დაამარცხა. პრეზიდენტის ოფისის დატოვების შემდეგ, ის…

უნგრეთის პრეზიდენტი ტომაშ შუიოკი საქართველოს პრეზიდენტ მიხეილ ყაველაშვილს პრეზიდენტად არჩევას ულოცავს. „მიხეილ ყაველაშვილს, საქართველოს არჩეულ პრეზიდენტს, გთხოვთ, მიიღოთ ჩემი მოლოცვა და საუკეთესო სურვილები საქართველოს პრეზიდენტად არჩევასთან დაკავშირებით. გიდასტურებთ, რომ უნგრეთი მზადაა როგორც ჩვენს ერებს შორის მეგობრული თანამშრომლობის ორმხრივად მომგებიანი განვითარებისთვის, ასევე ჩვენი სტრატეგიული პარტნიორობის ფარგლებში ერთობლივი პროექტების გაფართოებისთვის ახალ სფეროებში. გარწმუნებთ, რომ უნგრეთი ყველაზე მტკიცედ იცავს თქვენი ქვეყნის ტერიტორიული მთლიანობისა და სუვერენიტეტის ხელშეუხებლობას, მხარს უჭერს საქართველოს მისწრაფებას ევროინტეგრაციის მიმართულებით. გისურვებთ ჯანმრთელობას და წარმატებას თქვენს საპასუხისმგებლო საქმიანობაში. გიდასტურებთ ჩემს გულწრფელ პატივისცემას“, – აღნიშნულია მილოცვის წერილში.