დღე: დეკემბერი 28, 2024

სალომე ზურაბიშვილი, რომელსაც პრეზიდენტობის ვადა ხვალ ეწურება, დღეს ღამე პრეზიდენტის სასახლეში დარჩება. ხვალ კი, მიხეილ ყაველაშვილის ინაუგურაციის ცერემონიამდე ერთი საათით ადრე, მის მხარდამჭერებს სასახლეში იწვევს. „აქა ვარ, აქ ვიქნები, ღამესაც აქ ვატარებ. ხვალ დილას გელოდებით 10:00 საათზე ორბელიანების სასახლეში. აქედან გეტყვით, როგორი იქნება ხვალინდელი დღე , როგორი იქნება შემდეგი დღეები და გამარჯვების დღეები“ – აცხადებს სალომე ზურაბიშვილი. შეგახსენებთ, რომ ხვალ 11:00-ზე, საქართველოს პარლამენტის შენობაში მიხეილ ყაველაშვილის ინაუგურაცია გაიმართება.

მეტი...

მიხეილ ყაველაშივილის ინაუგურაცია 29 დეკემბერს, 11:00 საათზე დაიწყება. ცერემონია პარლამენტის სხდომათა დარბაზში გაიმართება. ინაუგურაციაზე მონაწილეობის მისაღებად მიწვეული არიან: პრეზიდენტის საარჩევნო კოლეგიის წევრები, რომელშიც შედიან პარლამენტის წევრები, ადგილობრივი თვითმმართველობის წარმომადგენლები და ასევე აჭარისა და აფხაზეთის უმაღლესი საბჭოს წარმომადგენლები, საქართველოს მთავრობა, კონსტიტუციური ორგანოები, საქართველოს მართლმადიდებელი ეკლესიის წარმომადგენლები. ღონისძიებაზე არ არიან მიწვეული ელჩები. პარალელურად დაგეგმილია საპროტესტო აქცია.

მეტი...

ჰელსინკის კომისიის თავმჯდომარე, კონგრესმენი ჯო უილსონი X-ის საკუთარ გვერდზე წერს, რომ მომავალ კვირას “არაღიარების აქტს” წარადგენს. უილისონი ინფორმაციით, შეერთებულ შტატებში, მხოლოდ სალომე ზურაბიშვილს აღიარებენ, როგორც ერთადერთ ლეგიტიმურ ლიდერს საქართველოში. „მომდევნო კვირას „ქართული კოშმარის არაღიარების აქტს” წარვადგენ, რომელიც აუკრძალავს შეერთებულ შტატებს საქართველოში არალეგიტიმური დიქტატორული რეჟიმის აღიარებას და აღიარებს სალომე ზურაბიშვილს, როგორც ერთადერთ ლეგიტიმურ ლიდერს საქართველოში მანამ, სანამ თავისუფალი და სამართლიანი არჩევნები არ იქნება ჩატარებული“ – წერს უილსონი.

მეტი...

„სპორტსმენები ძალადობის წინააღმდეგ”- პირველი რესპუბლიკის მოედანზე შეკრებილი სპორტსმენები მსვლელობას მართავენ. ისინი რუსთაველის გამზირზე გადაინაცვლებენ, სადაც აქციის სხვა მონაწილეებს შეუერთდებიან. აქციის მონაწილეები სკანდირებენ – „თავისუფლება რეჟიმის პატიმრებს”. გარდა ამისა, „პოლიციური და ავტორიტარული რეჟიმის წინააღმდეგ“ – ამ სახელწოდებით, ფილარმონიასთან მოქალაქეები და საზოგადოებისთვის ცნობილი პირები მორიგი აქცია-მსვლელობისთვის ემზადებიან. დღეს, ქვეყნის მასშტაბით მოქალქეებმა “ერთობის ჯაჭვი” შეკრეს.

მეტი...

ესტონეთის საგარეო საქმეთა მინისტრი, მარგუს ცაჰკნა, თბილისსა და რეგიონებში გამართულ „ერთობის ჯაჭვის“ აქციას ეხმიანება. „შთამაგონებელი სურათებია დღეს საქართველოდან. ესტონელებმა ყველაფერი იციან ერთობლივი მიზნისთვის ხელების ჩაკიდების ძალაზე. პროტესტების დაწყებიდან ერთი თვე გავიდა და ცხადია – ქართველები აგრძელებენ დემოკრატიული და ევროპული მომავლის მოთხოვნას“ – წერს ცაჰკნა X-ის საკუთარ გვერდზე.  

მეტი...

მოქალქეები, რომლებმაც დედაქალქის სხვადსხვა ადგილებში “ერთობის ჯაჭვი” შეკრეს, პარლამენტისკენ მსვლელობით მიდიან. მათ საქართველოს, ევროკავშირის და ამერიკის შეერთებული შტატების დროშები აქვთ მიტანილი. 28 დეკემბერს, საპროტესტო აქციების დაწყებიდან 1 თვის თავზე, საქართველოს ქალაქებში „ერთობის ჯაჭვი” იმართება. ცოცხალ ჯაჭვში მოქალაქეები ქვეყნის მასშტაბით 15:00 საათიდან ჩადგნენ. თბილისში “ცოცხალი ჯაჭვი” ვახუშტის ხიდზე; თამარ მეფის ხიდზე; გალაკტიონის ხიდზე; ზაარბრიუკენის ხიდზე; ბარათაშვილის ხიდზე, მშვიდობის ხიდზე; მეტეხის ხიდზე შეიკრა. მსგავსი აქცია საქართველოს სხვადასხვა ქალაქშიც გაიმართა.    

მეტი...

მოქალქეებმა „ერთობის ჯაჭვი“ მყინვარზეც შეკრეს. “ცოცხალი ჯაჭვი” დღეს  მთელი ქვეყნის მასშტაბით შეიკრა. აქციაში მონაწილეობა საქართველოს პრეზიდენტმა, სალომე ზურაბიშვილმაც მიიღო. 28 დეკემბერს, საპროტესტო აქციების დაწყებიდან 1 თვის თავზე, საქართველოს ქალაქებში „ერთობის ჯაჭვი” იმართება. ცოცხალ ჯაჭვში მოქალაქეები ქვეყნის მასშტაბით 15:00 საათიდან ჩადგნენ. თბილისში ცოცხალი ჯაჭვი შეიკვრება: ვახუშტის ხიდზე; თამარ მეფის ხიდზე; გალაკტიონის ხიდზე; ზაარბრიუკენის ხიდზე; ბარათაშვილის ხიდზე, მშვიდობის ხიდზე; მეტეხის ხიდზე.    

მეტი...

საქართველოს პრეზიდენტი, სალომე ზურაბიშვილი „ერთობის ჯაჭვში“ ჩაერთო. მას მოქალქეები ტაშით შეხვდნენ.  ისმოდა შეძახილები “მადლობა”. სალომე ზურაბიშვილთან ერთად “ცოცხალ ჯაჭვში” თავდაცვის ყოფილი მინისტრი, გენერალი დავით თევზაძე დგას. 28 დეკემბერს, საპროტესტო აქციების დაწყებიდან 1 თვის თავზე, საქართველოს ქალაქებში „ერთობის ჯაჭვი” იმართება. ცოცხალ ჯაჭვში მოქალაქეები ქვეყნის მასშტაბით 15:00 საათიდან ჩადგნენ.  

მეტი...

საქართველოს მოქალაქეებს ქვეყნის მასშტაბით გაბმული აქვთ „ერთობის ჯაჭვი“. როგორც ისინი აცხადებენ, ამ “პერფორმანსით” ქვეყნის ევროპული არჩევანის მიმართ მხარდაჭერას აფიქსირებენ.მოქალაქეებს თან აქვთ საქართველოსა და ევროკავშირის დროშები. 28 დეკემბერს, საპროტესტო აქციების დაწყებიდან 1 თვის თავზე, საქართველოს ქალაქებში „ერთობის ჯაჭვი” იმართება. ცოცხალ ჯაჭვში მოქალაქეები ქვეყნის მასშტაბით 15:00 საათიდან ჩადგნენ. თბილისში ცოცხალი ჯაჭვი შეიკვრება: ვახუშტის ხიდზე; თამარ მეფის ხიდზე; გალაკტიონის ხიდზე; ზაარბრიუკენის ხიდზე; ბარათაშვილის ხიდზე, მშვიდობის ხიდზე; მეტეხის ხიდზე.

მეტი...

პრეზიდენტი სალომე ზურაბიშვილი ევროპარლამენტარებს: დაინიუს ჟალიმასის და მიხალ ვავრიკიევიჩის შეხვდა. შეხვედრა პრეზიდენტის ადმინისტრაციაში მიმდინარეობდა. როგორც შეხვედრის დასრულების შემდგომ ევროპარლამენტარმა, მიხალ ვავრიკიევიჩმა ჟურნალისტებთან განაცხადა, ისინი თბილისში იმყოფებიან ევროპარლამენტის რეზოლუციის შესაბამისად, რომელიც მხარს უჭერს ქართულ საზოგადოებას თავისუფლებისკენ, ევროკავშირსა და ტრანსატლანტიკური სამყაროს სტრუქტურებში გაწევრიანებისკენ მისწრაფებებში. „სრულიად ვაცნობიერებთ, რომ რუსეთის გავლენით არჩევნების მოპარვა და გაყალბება მოხდა“ – განაცხადა მიხალ ვავრიკიევიჩმა. პრეზიდენტთან შეხვედრამდე თბილისში ვიზიტად მყოფი ევროპარლამენტარები ოპოზიციური პარტიების ლიდერებსაც შეხვდნენ.  

მეტი...

ლატვიის საგარეო საქმეთა მინისტრი, ბაიბა ბრაჟე X-ის საკუთარ გვერდზე წერს, რომ საქართველოს მოქალაქეები ხელისუფლების მხრიდან მათი ხმის გაგონებასა და პატივისცემას იმსახურებენ. „დღეს თავისუფლების, დემოკრატიისა და საკუთარი ქვეყნის ევროპული მომავლის მხარდასაჭერად ქართველები ადამიანების ჯაჭვს ქმნიან. ისინი საქართველოს ხელისუფლების მხრიდან მათი ხმის გაგონებასა და პატივისცემას იმსახურებენ. ევროპაში მათი ადგილის შესახებ ქართველი ხალხის მოთხოვნებს ლატვია მხარს სრულად უჭერს“ – წერს ბაიბა ბრაჟე.  

მეტი...

ქართულ ოპოზიციასა და საქართველოში ოფიციალური ვიზიტით მყოფ ევროპარლამენტარებს შორის შეხვედრა დასრულდა. შეხვედრიის შემდეგ ევროპარლამენტარებმა მედიასთან განცხადებები გააკეთეს. პოლონელმა ევროპარლამენტარმა, მიხალ ვავრიკიევიჩმა აღნიშნა, რომ საქართველოში რუსეთის გავლენით არჩევნების მოპარვა და გაყალბება მოხდა. „ჩვენ აქ ევროპარლამენტის რეზოლუციის შესაბამისად ვიმყოფებით, რომელიც მხარს უჭერს ქართულ საზოგადოებას თავისუფლებისკენ, ევროკავშირსა და ტრანსატლანტიკური სამყაროს სტრუქტურებში გაწევრიანებისკენ მისწრაფებებში. ჩვენ სრულიად ვაცნობიერებთ, რომ რუსეთის გავლენით არჩევნების მოპარვა და გაყალბება მოხდა, ამიტომ ჩვენ მომავალში თავისუფალი და მიუკერძოებელი არჩევნების ორგანიზებაში ოპოზიციას მხარს ვუჭერთ და ასევე, მხარს ვუჭერთ პრეზიდენტ სალომე ზურაბიშვილს როგორც ერთადერთ ლეგიტიმურ პრეზიდენტს საქართველოში“ – განაცხადა მიხალ ვავრიკიევიჩმა.

მეტი...

“ევროპულმა ქვეყნებმა ბალტიისპირეთის ქვეყნებისა და აშშ-ის მაგალითს უნდა მიბაძონ და ბიძინა ივანიშვილის წინააღმდეგ სანქციები დააწესონ”- ამის შესახებ ესტონეთის პარლამენტის საგარეო ურთიერთობათა კომიტეტის თავმჯდომარე, მარკო მიხელსონი X-ის საკუთარ გვერდზე წერს. მიხელსონი თქმით, ქართველები ევროპასთან არიან და არა რუსეთთან. „31-ე დღე. ქართველები ევროპასთან არიან და არა რუსეთთან. ევროპულმა ქვეყნებმა ბალტიისპირეთის ქვეყნებისა და აშშ-ის მაგალითს უნდა მიბაძონ და ბიძინა ივანიშვილსა და საქართველოში ძალაუფლების სხვა მიმტაცებლების წინააღმდეგ სანქციები უნდა დააწესონ“ – წერს მარკო მიხელსონი.  

მეტი...

„მივესალმები „ქართული ოცნების“ მარიონეტების მმართველის, ბიძინა ივანიშვილის წინააღმდეგ ამ უკვე დიდი ხანია საჭირო სანქციების დაწესებას”- წერს აშშ-ის წარმომადგენელთა პალატის საგარეო საქმეთა კომიტეტის თავმჯდომარე, მაიკლ მაკკოლი. როგორც მაკკოლი სოციალურ ქსელში წერს, ივანიშვილს და „ქართულ ოცნებას“ პასუხისმგებლობა უნდა დაეკისროთ. „მივესალმები „ქართული ოცნების“ მარიონეტების მმართველის, ბიძინა ივანიშვილის წინააღმდეგ ამ უკვე დიდი ხანია საჭირო სანქციების დაწესებას. მას და მის პარტიას პასუხისმგებლობა უნდა დაეკისროთ საქართველოს ავტოკრატიისკენ ჩათრევისთვის და იმ ტრანსატლანტიკური მომავლისგან დაშორებისთვის, რომელიც ქართველ ხალხს სურს და რომელსაც იმსახურებს“ – წერს მაიკლ მაკკოლი.

მეტი...