დღე: დეკემბერი 21, 2024

ოკუპირებული აფხაზეთის ე.წ. პრეზიდენტის მოვალეობის შემსრულებელმა, ბადრა გუნბამ რუსეთის ფედერაციის ხელმძღვანელობას აფხაზეთში ელექტროენერგიის ჰუმანიტარული მიწოდების საკითხის გადაწყვეტის თხოვნით მიმართა. „როგორც პრეზიდენტის მოვალეობის შემსრულებელმა, მე მივმართე ჩვენს მოკავშირეს და სტრატეგიულ პარტნიორს, რუსეთის ფედერაციას, ელექტროენერგიის ჰუმანიტარული მიწოდების საკითხის გადაწყვეტის თხოვნით. იმედი მაქვს, ეს მიმართვა რაც შეიძლება მალე იქნება მხარდაჭერილი“ – ნათქვამია გუნბას მიმართვაში. 11 დეკემბრიდან, ენგურჰესის კაშხალში წყლის კრიტიკულად დაბალი დონის გამო, დღის საათებში მოსახლეობას შუქი მხოლოდ არასრული სამი საათის განმავლობაში მიეწოდება, ხოლო რუსეთიდან მიწოდების ხარჯზე 21:00-დან 07:00 საათამდე ელექტროენერგია შეუზღუდავად მიეწოდება. ვინაიდან დღისით შუქი პრაქტიკულად არ არის, ყველა სავაჭრო ობიექტი, კვების…

ორბელიანების სასახლეში გამართულ ბრიფინგზე საქართველოს პრეზიდენტმა სალომე ზურაბიშვილმა აღნიშნა, ეუთო/ოდირის საბოლოო პოლიტიკურ შეფასებას არ აკეთებს, რადგან ამის მანდატი აღნიშნულ ორგანიზაციას არ აქვს. პრეზიდენტი აღნიშნავს, რომ შეფასება ნეგატიურია. „სამწუხაროდ, ბატონი კობახიძისთვის არაფერს არ ცვლის ის ფაქტი, რომ 2 წუთში გამოვიდა და თქვა, ძალიან კარგია ეს დასკვნა და ჩვენ გვაძლევს ლეგიტიმაციასო. ეს მისი სიტყვებია და ჯერ არ ვართ ჩვენ საბჭოთა რეჟიმში და საბჭოთა სისტემაში, რომ მისი ნათქვამი იმდენად ჩაკეტილ სივრცეში მოხვდეს, რომ ყველამ დაიჯეროს და ვერავინ გაიგოს სად არის სიმართლე. სიმართლე არის სულ სხვა, ეს დასკვნა ძალიან სერიოზულია და ყველა იმ დარღვევას,…

“ყველანი ერთად გადავდივართ იმ ძირითადი მოთხოვნის ახალ ეტაპზე, რომელსაც ჰქვია ახალი არჩევნების დანიშვნა, რამეთუ ამ პირობებში არ შეიძლება, რომ სხვა პოლიტიკური გამოსავალი იყოს, ამ კრიზისიდან სხვა, ნამდვილი გამოსავალი, თუ არა არჩევნების დანიშვნა” – ამის შესახებ საქართველოს პრეზიდენტმა განაცხადა. სალომე ზურაბიშვილი ამბობს, რომ დღევანდელ შეხვედრაზე “შეტევის სტრატეგია” დასახეს. „ჩვენ დავსახეთ დღეს „შეტევის სტრატეგია“, სადაც ყველა მიმართულებით, ეს იქნება უცხოელ პარტნიორებთან, შიგნით სამართლებრივად რომ ყველაფერი ჩამოყალიბებული გვქონდეს და არ აღმოვჩნდეთ ისეთ მდგომარეობაში, რომ უცებ დაინიშნოს არჩევნები და ჩვენ მზად არ ვიყოთ, ეს ყველაფერი უნდა იყოს გათვალისწინებული. ჩვენ უნდა ვიცოდეთ, სად მივდივართ და მივდივართ…

საქართველოს პრეზიდენტმა სალომე ზურაბიშვილმა ორბელიანების სასახლეში ოპოზიციური პარტიებისა და არასამთავრობო ორგანიზაციების წარმომადგენლებთან შეხვედრის შემდეგ ბრიფინგი გამართა. საუბრის მთავარი თემა ეუთო/ოპდირის დასკვნა იყო, 26 ოქტომბრის საპარლამენტი არჩვენების შესახებ. როგორც პრეზიდენტმა აღნიშნა, ეს დასკვნა არის საფუძველი ხელახალი არჩევნების დანიშვნის. მისივე განცხადებით, ხვალ პარლამენტის წინ აქციას შეუერთდება. პრეზიდენტი სიტყვით გამოსვლასაც აპირებს. “სასწრაფოდ უნდა დაინიშნოს ახალი არჩევნები. ამისთვის მე ხვალ ვიქნები პარლამენტის წინ ხალხთან ერთად. 21:00 საათზე გამოვალ სიტყვით, რათა ყველამ ერთად – არა მხოლოდ მათ, ვინც აქ არიან და მუშაობენ, არამედ იმ ადამიანებთან ერთადაც, ვინც სხვადასხვა ფორმით სხვადასხვა ადგილზე მართავს პროტესტს და ვინც…

თავისუფალი უნივერსიტეტის სტუდენტები აღმაშენებლის ხეივანზე მართავენ მსვლელობას. გადაკეტილია აღმაშენებლის ხეივანი. თბილისში, სხვადასხვა ლოკაციაზე ერთდროულად რამდენიმე აქცია-მსვლელობა მიმდინარეობს. მოქალაქეები აქციების დროს დაკავებულთა გათავისუფლებას და ახალი არჩევნების ჩატარებას ითხოვენ. მომიტინგეები რუსთაველის გამზირზე შეიკრიბებიან.

ორბელიანების სასახლეში, პრეზიდენტ, სალომე ზურაბიშვილთან, ოპოზიციის წარმომადგენლები და არასამთავრობო ორგანიზაციის წევრები იმყოფებიან. გავრცელებული ინფორმაციით, საუბრის თემა ეუთო/ოდირის დასკვნა იქნება. როგორც ცნობილია, სალომე ზურაბიშვილი 18:00 საათზე ბრიფინგს გამართავს.

თბილისში, სხვადასხვა ლოკაციაზე ერთდროულად რამდენიმე აქცია-მსვლელობა მიმდინარეობს. მოქალაქეები მიმდინარე აქციების დროს დაკავებულთა გათავისუფლებას და ახალი არჩევნების ჩატარებას ითხოვენ. ამ მოთხოვნას შეუერთდნენ და მსვლელობა მოაწყვეს კახა ბენდუქიძის კამპუსის წევრებმა. მსვლელობაში მიიღეს მონაწილეობა პედაგოგებმა, როლებიც სიმბოლურად მივიდნენ ვასო აბაშიძის თეატრთან და სოლიდარობა გამოუცხადეს პატიმრობაში მყოფ მსახიობს ანდრო ჭიჭინაძეს. ხელახალი არჩევნების მოთხოვნით ფილარმონიასთან შეიკრიბნენ მოქალქეები სვანეთიდან. დემონსტრანტებს სხვადასხვა წარწერებით ბანერები აქვთ მიტანილი: „სვანეთში შუქი არ გვაქვს, მაგრამ არ ბნელა“, „მაიტა ევროპა-მეთქი“, „სვანური კოშკი არასდროს იქნება „ბაშნია“. გარდა ამისა, დღის განმავლობაში აქცია მსვლელობა კიდევ არის დაგეგმილი თბილისში სხვადასხვა კუთხის წარმომადგენლებს მიერ. საბოლოოდ კი მომიტინგეები…

ნიდერლანდების საგარეო საქმეთა მინისტრი, კასპარ ველდკამპი საქართველოს ხელისუფლებას მოუწოდებს საერთაშორისო თანამეგობრობის მიერ დასმულ კითხვებს უპასუხოს. მისივე ინფორმაციით, ნიდერლანდების ინიციატივით, ეუთოს 38-მა მონაწილე სახელმწიფომ ვენის მექანიზმი გაააქტიურა. „გუშინ, ნიდერლანდების ინიციატივით, ეუთოს 38-მა მონაწილე სახელმწიფომ ვენის მექანიზმი გაააქტიურა, რათა ღრმა შეშფოთება გამოხატოს საქართველოში დემონსტრანტების, ჟურნალისტებისა და პოლიტიკოსების წინააღმდეგ ძალადობისა და რეპრესიების გამო. ფუნდამენტური თავისუფლებები დაცული უნდა იყოს. ეუთოს ვალდებულებების შესაბამისად, მოვუწოდებთ საქართველოს ხელისუფლებას, ამ მექანიზმის ამოქმედებით საერთაშორისო თანამეგობრობის მიერ დასმულ კითხვებს უპასუხოს“ – წერს ნიდერლანდების საგარეო საქმეთა მინისტრი სოციალურ ქსელ X-ზე. ცნობისთვის, ვენის მექანიზმი ეუთო-ს შემდეგმა წევრმა სახელმწიფოებმა გაააქტიურეს: ალბანეთი, ავსტრია, ბელგია,…

ეუთო/ოდირის 26 ოქტომბრის არჩევნებთან დაკავშირებით გამოქვეყნებულ დასკვნასთან დაკავშირებით განცხადება გააკეთეს სამოქალქო სექტორის წარმომადგენლებმა. მათი თქმით, დასკვნა ერთ-ერთი საფუძველია, რომ ქვეყანაში ვადამდელი არჩევნები ჩატარდეს. „ეუთო/ოდირისთვის აშკარა გახდა ის დარღვევები და სქემები, რომლებსაც ადგილი ჰქონდა არჩევების დღის განმავლობაში. ასევე მკაცრად არის შეფასებული ის გარემო, რომელიც ამომრჩევლებისთვის იყო შექმნილი, მათ თავისუფლად არ შეეძლოთ ხმის მიცემა და მოლოდინი ჰქონდათ, რომ მათი არჩევანის გამო, მათზე გარკვეული უარყოფითი ქმედებები განხორციელდებოდა. ასევე საუბარია საჯარო სამსახურის წარმომადგენლებზე, მათ მიმართ უარყოფით გავლენაზე და რა თქმა უნდა, ამომრჩეველთა მოსყიდვასა და ზეწოლაზე. გარდა ამისა, ასევე საუბარია იმაზე, თუ რა ხდებოდა არჩევნების…

ნორვეგიის საგარეო საქმეთა მინისტრი, ესპენ ბარტ ეიდე საქართველოში 26 ოქტომბრის საპარლამენტო არჩევნების შესახებ ეუთო/ოდირის საბოლოო დასკვნას ეხმაურება. „საქართველოში ჩატარებულ არჩევნებთან დაკავშირებით ჩვენს სერიოზულ შეშფოთებას ეუთო/ოდირი თავის საბოლოო დასკვნაში ადასტურებს. როდესაც არჩევნები დარღვევებით ტარდება, დემოკრატია საფრთხის ქვეშაა“ – წერს ნორვეგიის საგარეო საქმეთა მინისტრი სოციალურ ქსელ X-ზე.

ლატვიის საგარეო საქმეთა მინისტრი ბაიბა ბრაჟე აცხადებს, რომ საქართველოს კიდევ 13 მოქალაქე პერსონა ნონ გრატად გამოაცხადა. ამის შესახებ ბაიბა ბრაჟემ სოციალურ ქსელში დაწერა. „მივიღე გადაწყვეტილება, რომ საქართველოს კიდევ 13 მოქალაქე შევიყვანო ლატვიის რესპუბლიკის პერსონა ნონ გრატათა სიაში, იმიგრაციის კანონის 61-ე მუხლის შესაბამისად. ლატვიაში ფიზიკურ პირთა შესვლის აკრძალვა განუსაზღვრელი ვადით დაწესდა“- წერს ლატვიის საგარეო საქმეთა მინისტრი ბაიბა ბრაჟე.

საქართველოს პარლამენტის თავმჯდომარის, შალვა პაპუაშვილის განცხადებით, ეუთო/ოდირის მიერ მომზადებული საბოლოო ანგარიში შეესაბამება „ქართული ოცნების“ შეფასებებს. ამის შესახებ პაპუაშვილმა ბრიფინგზე ისაუბრა. როგორც პარლამენტის თავმჯდომარემ აღნიშნა, ეუთო/ოდირის დასკვნა არის ის წყალგამყოფი, სადაც უნდა დასრულდეს ყველანაირი დამაზიანებელი სპეკულაცია არჩევნების კეთილსინდისიერებასთან დაკავშირებით. „მინდა გაგაცნოთ საპარლამენტო არჩევნების შესახებ ეუთო/ოდირის მიერ მომზადებული საბოლოო ანგარიშის ძირითადი დასკვნები, რომლებიც, როგორც მოსალოდნელი იყო, შეესაბამება „ქართული ოცნების“ შეფასებებსა და კონკურენტული და თავისუფალი არჩევნების კრიტერიუმებს. მნიშვნელოვანია, რომ ეუთო/ოდირის მისია მზადყოფნას გამოთქვამს ითანამშრომლოს საქართველოს არჩეულ ხელისუფლებასთან საარჩევნო გარემოსა და პროცედურების შემდგომი გაუმჯობესებისათვის. მისივე განმარტებით, ეუთო/ოდირის ანგარიშში ხაზგასმულია საქართველოს პრეზიდენტის, სალომე ზურაბიშვილის მიერ კონსტიტუციის დარღვევა,…

“დროა, ჩვენმა პარტნიორებმა ახალი არჩევნები მოითხოვონ” – ამის შესახებ საქართველოს პრეზიდენტი სოციალურ ქსელში წერს. სალომე ზურაბიშვილის განცხადებით, მმართველი პარტია იმ ადამიანების დაჯილდოებას აპირებს, რომელთა წინააღმდეგაც სანქციები დააწესეს. „როცა მმართველი პარტია აცხადებს, რომ „ღირსების ორდენით“ დააჯილდოებს რეპრესიული აპარატის ოფიციალურ პირებს, რომელთა წინააღმდეგაც ახლახან სანქციები დააწესეს, რა რეაქცია უნდა გქონდეს? ძველი საბჭოთა ჩვევა! დროა, ჩვენმა პარტნიორებმა ახალი არჩევნები მოითხოვონ“ – წერს საქართველოს პრეზიდენტი.

“ღირებულებების თავდაყირა დაყენების ლოგიკური გაგრძელებაა, როცა შენი ქვეყნის რეპრესიის კრიმინალურ ვერტიკალს “ღირსების” ორდენით დაჯილდოებას უპირებ!” – ამის შესახებ საქართველოს პრეზიდენტი  სოციალურ ქსელში წერს. სალომე ზურაბიშვილის განცხადებით, სახელმწიფოსგან მუდმივი ტყუილი საბჭოთა კავშირის მართვის მთავარი ხერხი. “სახელმწიფოსგან მუდმივი ტყუილი შიდა პოლიტიკაზე, სოციალურ მდგომარეობაზე და გარე სამყაროზე იყო საბჭოთა კავშირის მართვის მთავარი ხერხი. დასახვრეტ ადამიანებსაც ამიტომ აიძულებდნენ ამ ტყუილში მონაწილეობას და საკუთარ მოგონილ დანაშაულის აღიარებას. უკვე არც “რუსული” კანონები, თუ “რუსული” არჩევნები აღარ კმარა, ახლა ქვეყანა ამ აცდენილ რეალობაში გადაიყვანონ უნდათ. ტოტალური ტყუილი სუფევს, სადაც პარტნიორების განცხადებები საზოგადოებას გაყალბებულად წარუდგენენ, როცა უცხოელ პარტნიორებს უტიფრად ატყუებენ!…

„ძლიერი საქართველოსთვის,“ „ერთიანობა ნაციონალური მოძრაობა“, „კოალიცია ცვლილებებისთვის“ და პარტია „გახარია საქართველოსთვის“ ეუთო/ოდირის დასკვნასთან დაკავშირებით ერთობლივ განცხადებას ავრცელებენ. როგორც განცხადებაშია აღნიშნული, ეუთო/ოდირის დასკვნის თანახმად, 26 ოქტომბრის არჩევნებმა ვერ უზრუნველყო მოქალაქეების კონსტიტუციური საარჩევნო უფლების რეალიზაცია. „ეუთო/ოდირი უკვე მრავალი წელია, აკვირდება საარჩევნო პროცესს საქართველოში. 2024 წლის არჩევნების შეფასება ისტორიულად ყველაზე ნეგატიური დასკვნაა, რომელიც ამ ორგანიზაციას ოდესმე დაუწერია საქართველოში ჩატარებულ არჩევნებთან დაკავშირებით. ეუთო/ოდირის დასკვნის თანახმად, 26 ოქტომბრის არჩევნებმა ვერ უზრუნველყო მოქალაქეების კონსტიტუციური საარჩევნო უფლების რეალიზაცია. დასკვნის თანახმად, ამომრჩეველთა დაშინების, მედია მიკერძოების, არათანაბარი პირობების და ხმის მიცემის ფარულობის დარღვევის ერთობლიობა ცხადყოფს, რომ არჩევნებმა ვერ დააკმაყოფილა…

ფინეთის საგარეო საქმეთა მინისტრი, ელინა ვალტონენი საქართველოში 26 ოქტომბრის საპარლამენტო არჩევნების შესახებ ეუთო/ოდირის საბოლოო დასკვნას ეხმაურება. მინისტრი მიიჩნევს, რომ ოდირის დასკვნების გათვალისწინება და რეკომენდაციების შესრულება უნდა მოხდეს. „შურისძიების შიშის გარეშე არჩევნებში ხმის მიცემის შესაძლებლობა დემოკრატიის ერთ-ერთი ყველაზე მნიშვნელოვანი ელემენტია. საქართველოში გამართულ ბოლო არჩევნებზე აღნიშნული დემოკრატიული უფლება დაირღვა. ოდირის დასკვნების გათვალისწინება და რეკომენდაციების შესრულება უნდა მოხდეს“, – წერს ფინეთის საგარეო საქმეთა მინისტრი სოციალურ ქსელ X-ზე.