დღე: ნოემბერი 27, 2024

“ძლიერი საქართველო“ საქართველოს პარლამენტს მანდატების დატოვებასთან დაკავშირებით 28 ნოემბერს ოფიციალურად მიმართავს. “ძლიერი საქართველოს” პრესსამსახურის ინფორმაციით, ხვალ, 13:00 საათზე, „ ძლიერი საქართველოს“ ლიდერები: ანა დილიძე, ლევან ცუცქირიძე, ირაკლი კუპრაძე, ქეთი თურაზაშვილი და საბა ბუაძე, საქართველოს პარლამენტში წარადგენენ ძლიერი საქართველოს პოლიტიკური ლიდერების ინდივიდუალურ განცხადებებს, მანდატების დათმობის შესახებ. ცნობისთვის, ცენტრალურმა საარჩევნო ადმინისტრაციამ რეგისტრაცია უკვე გაუუქმა პოლიტიკური გაერთიანებების -„კოალიცია ცვლილებისთვის გვარამია მელია გირჩი დროას“, „ერთიანობა-ნაციონალური მოძრაობის“ და „ძლიერი საქართველო-ლელო, ხალხისთვის, თავისუფლებისთვის“ პარტიული სიით წარდგენილ დარჩენილ კანდიდატებს.  

თბილისის საქალაქო სასამართლომ ხელახალი არჩევნების მოთხოვნით გამართული აქციების მონაწილეებს ჯამში 9 500 ლარის ოდენობის ჯარიმა დააკისრა. 500-500 ლარით დაჯარიმდნენ ილია სეთური, ლუკა ბერაია, ნინო ჭილაშვილი, დავით ცინცაბაძე, ქეთევან დაუდიშვილი. მათ შინაგან საქმეთა სამინისტრო ედავებოდა შეკრება-მანიფესტაციის კანონის დარღვევას, რაც გზის გადაკეტვაში გამოიხატა. მოსამართლეებმა ერთად განიხილეს 10 ნოემბრისა და 17 ნოემბრის აქციებზე შსს-ს მიერ სასამართლოში შეტანილი ადმინისტრაციული საჩივრები. 5 000 ლარით დააჯარიმეს ილია ღლონტი, ფეისბუკის ჯგუფ “დაიტოვეს” თანადამფუძნებელი და ორგანიზატორი 10 ნოემბრის საპროტესტო მარშისა, რომლის დროსაც აქციის მონაწილეებმა მტკვრის სანაპიროები გადაკეტეს. 2 000-ლარიანი ჯარიმა დააკისრეს ვანო გომურაშვილს, 16 ნოემბერს ცესკოს სხდომის გასაპროტესტებლად…

28 ნოემბერს მე-11 მოწვევის პარლამენტი მთავრობას და სამთავრობო პროგრამას, სახელწოდებით – “მხოლოდ მშვიდობით, ღირსებით, კეთილდღეობით ევროპისკენ“ ნდობას გამოუცხადებს. მთავრობას ნდობის მისაღებად პარლამენტის სრული შემადგენლობის უმრავლესობის მხარდაჭერა სჭირდება. პრემიერ- მინისტრის პოსტზე კვლავ ირაკლი კობახიძის კანდიდატურაა წარდგენილი. განახლებულ მინისტრთა კაბინეტში კი სამი ახალი მინისტრი იქნება. მთავრობა პარლამენტს ნდობის მისაღებად ასეთი შემადგენლობით წარედგინა: პრემიერ მინისტრი – ირაკლი კობახიძე; საგარეო საქმეთა მინისტრი – მაკა ბოჭორიშვილი; გარემოს დაცვისა და სოფლის მეურნეობის მინისტრი – დავით სონღულაშვილი; იუსტიციის მინისტრი – ანრი ოხანაშვილი; განათლების, მეცნიერებისა და ახალგაზრდობის მინისტრი – ალექსანდრე წულაძე; ეკონომიკისა და მდგრადი განვითარების მინისტრი – ლევან დავითაშვილი; თავდაცვის…

,,ნუ დაუთმობთ უდიპლომობას ყველა სივრცეს და ეთერს. მთავარი ისაა, რომ ივანიშვილმა ბოლო დამოუკიდებელი ინსტიტუტი გააუქმა”, – წერს სოციალურ ქსელში „გახარია საქართველოსთვის“ თავმჯდომარის მოადგილე ნათია მეზვრიშვილი ,,ქართული ოცნების“ მიერ პრეზიდენტობის კანდიდატად, მიხეილ ყაველაშვილის წარდგენაზე. ,,ნუ დაუთმობთ უდიპლომობას ყველა სივრცეს და ყველა ეთერს. არ არის ეს მთავარი პოლიტიკური საკითხი, რის ირგვლივაც ახლა დღის წესრიგი უნდა იქმნებოდეს (მერწმუნეთ, ეს მხოლოდ ივანიშვილს დაეხმარება). მთავარი ის არის, რომ ივანიშვილმა ბოლო დამოუკიდებელი ინსტიტუტი გააუქმა. გვყავს არალეგიტიმური პარლამენტი, არალეგიტიმური მთავრობა და გვეყოლება არალეგიტიმური პრეზიდენტი. გვყავს ხელისუფლება, რომელსაც დემოკრატიული სამყაროდან არავინ აღიარებს. სრულყოფილი ავტორიტარიზმის ფაზაში ვართ და აქედან…

თითქმის 3 საათს გაგრძელდა საქალაქო სასამართლოში ნინო ლომჯარიას გამოკითხვა. ყოფილი სახალხო დამცველი და ორგანიზაცია ,,ჩემი ხმა ევროკავშირის” დამფუძნებელი გამოძიების კითხვებს მაგისტრანტი მოსამართლის თანდასწრებით, დახურულ კარს მიღმა პასუხობდა. საუბარია გამოძიებაზე, რომელიც არჩევნებს ეხება და რომელიც პროკურატურამ ცესკოს მიმართვის საფუძველზე, 30 ოქტომბერს დაიწყო. საქმის პროკურორი ქეთევან ჩაჩავა აცხადებს, რომ ნინო ლომჯარიას მიერ წარდგენილი დოკუმენტები იყო ან უკვე სიუჟეტებში გასული მასალა, ან ბრიფინგებზე და განცხადებებზე. პროკურორის თქმით, აღნიშნული დოკუმენტები უკვე გამოძიების შესწავლის საგანს წარმოადგენს. ,,ნამდვილად წარმოადგინა მოწმემ გარკვეული დოკუმენტები, მაგრამ, ძირითადად, ეს იყო ის საჩივრები, რომელიც სადამკვირვებლო ორგანიზაციის მიერ შეტანილი არის ცენტრალურ საარჩევნო…

,,საკანონმდებლო რეგულირებიდან გავიდნენ ჩვენი ინსტიტუტები. ცესკომ და პარლამენტმა კანონის დარღვევით გამოაცხადა პრეზიდენტის არჩევნების თარიღი, რაც ეწინააღმდეგება საარჩევნო კოდექსით დადგენილ ვადებს”, – ამის შესახებ სადამკვირვებლო მისია „ჩემი ხმა“ წარმომადგენელმა, ყოფილმა სახალხო დამცველმა, ნინო ლომჯარიამ ჟურნალისტებთან განაცხადა. მისი თქმით, გუშინ ცესკომ პარლამენტის ფუნქცია შეითავსა. „პრეზიდენტის არჩევნების გამოცხადების და კანდიდატის წარდგენის დროსთან დაკავშირებით კანონი შეცვალა საკუთარი ნორმატიული აქტით. ეს არის უკანონო. არამარტო პარლამენტის შეკრებაა არალეგიტიმური, საკუთარი უფლებამოსილების ცნობაა არალეგიტიმური, არამედ ახლა არის პრეზიდენტის არჩევნების გამოცხადება ცესკო-ს მიერ კანონის მოთხოვნების სრული უგულებელყოფით. საკანონმდებლო რეგულირებიდან გავიდნენ ჩვენი ინსტიტუტები. ცესკომ და პარლამენტმა კანონის დარღვევით გამოაცხადეს პრეზიდენტის…

,,ახლა სალომეს ფანჩატური გააკეთონ, იქ დანიშნონ სალომე პრეზიდენტად და ითამაშონ სახლობანა, იძახონ – ჩელიაბინსკში არ გვინდა, ფანჩატურში გვირჩევნიაო”, – განაცხადა საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა მამუკა მდინარაძემ. მან ხუმრობით თქვა, რომ უნდა გაკეთდეს პარალელური პარლამენტი, რაც ძალიან კარგი იდეაა. „უნდა გაკეთდეს პარალელური პარლამენტი, ძალიან მაგარი იდეაა. შალვას ფანჩატურში აღარ შეესვლებათ იმიტომ, რომ გაბრაზდა თურმე შალვა. იმ დღეს გაუკეთებია განცხადება, რომ გვარამია გაიქცა იქო და ძალიან გაბრაზდა ეს, რომ დაინახა. ახლა რაიმე სხვა ფანჩატური, მაგალითად, სალომეს ფანჩატური გააკეთონ, 5 თუ 4 პოლიტიკური პარასკევი დარჩა სალომეს, ის დანიშნონ პრეზიდენტად და…

საქართველოს რიგით მეექვსე პრეზიდენტს პირველად, არაპირდაპირი წესით, 300 წევრისგან შემდგარი საარჩევნო კოლეგია აირჩევს. პრეზიდენტის არჩევნები 14 დეკემბერს, 09:00 საათიდან, პარლამენტის სასახლეში გაიმართება. საქართველოს კონსტიტუციისა და კანონმდებლობის გათვალისწინებით, საარჩევნო კოლეგიაში წარმოდგენილი უნდა იყვნენ პარლამენტის, აფხაზეთისა და აჭარის ავტონომიური რესპუბლიკების უმაღლესი საბჭოების ყველა წევრი და ასევე, პოლიტიკური პარტიების მიერ, პროპორციულობის თანაფარდობით, დასახელებული საკრებულოების წევრები. კონსტიტუციის შესაბამისად, იმისთვის, რომ კანდიდატი პირველივე ტურში აირჩეს, მან კოლეგიის წევრთა ხმების 2/3 მაინც უნდა მოაგროვოს. იმ შემთხვევაში, თუ პრეზიდენტობის კანდიდატი 2/3-ს ვერ მოაგროვებს, მეორე ტური გაიმართება. პრეზიდენტის ინაუგურაცია არჩევის დღის მესამე კვირა დღეს – 29 დეკემბერს გაიმართება. სახელმწიფოს…

,,ზვიად გამსახურდიას პრეზიდენტობის 33 წლის თავზე, ივანიშვილმა ქართველ ხალხს პრეზიდენტად უნდა დაუნიშნოს უსახური, უცოდინარი, სამარცხვინო მიხეილ ყაველაშვილი”, – ამის შესახებ „ერთიანობა-ნაციონალური მოძრაობის“ თავმჯდომარემ, თინა ბოკუჩავამ განაცხადა. მისი თქმით, ერთადერთი გამოსავალი „შეუგუებლობა, პროტესტი და ჩვენი ქვეყნის დაბრუნებაა“. „ქართველი ხალხის წინააღმდეგ რუსული გადატრიალების მორიგი სამარცხვინო ფაზაა, როდესაც ზვიად გამსახურდიას პრეზიდენტობის 33 წლის თავზე ივანიშვილმა ქართველ ხალხს პრეზიდენტად უნდა დაუნიშნოს უსახური, უცოდინარი, სამარცხვინო მიხეილ ყაველაშვილი. ერთადერთი გამოსავალი შეუგუებლობა, პროტესტი და ჩვენი ქვეყნის დაბრუნებაა“, – განაცხადა თინა ბოკუჩავამ.

,,საქართველო შევიდა სახელმწიფოებრიობის განადგურების დასკვნით სტადიაში”, – ასე აფასებს საქართველოს მესამე პრეზიდენტი, მიხეილ სააკაშვილი „ქართული ოცნების“ მიერ პრეზიდენტობის კანდიდატად მიხეილ ყაველაშვილის დასახელებას. როგორც სააკაშვილი სოციალურ ქსელში წერს, ამის მიზანი ქართველი ხალხის თვითშეფასების მაქსიმალურად დაქვეითებაა. „უკანასკნელი მსგავსი შემთხვევა მოხდა რომის იმპერიაში, როდესაც კალიგულამ თავისი ცხენი დანიშნა სენატში. ამის მიზანია ქართველი ხალხის თვითშეფასების მაქსიმალურად დაქვეითება“, – წერს სააკაშვილი.

შეკითხვაზე, მომავალ პრეზიდენტს არ ექნება დიპლომი არის თუ არა ეს პრობლემა? „ქართული ოცნების“ აღმასრულებელი მდივანი მამუკა მდინარაძე პასუხობს: „არა. რატომ არ არის გეტყვით, იმიტომ რომ, თქვენ შემთხვევითი გგონიათ რომ ძალიან ბევრი ქვეყნის კონსტიტუციაში ცენზებთან მიმართებაში, პარლამენტის წევრებს და პრეზიდენტების ცენზთან დაკავშირებულ რაიმე საკითხებში დიპლომი მოხსენიებული არ არის, ეს რაღაცას ხომ არ ნიშნავს, მაგრამ ამას თავი დავანებოთ. სამშობლოს სიყვარულს და სამშობლოს ერთგულებას დიპლომი არ სჭირდება. ბევრზე მეტად განათლებულია დიპლომის გარეშეც მიხეილ ყაველაშვილი, ბევრად განათლებულია დიპლომის გარეშე მიხეილ ყაველაშვილი და კიდევ ერთხელ გეუბნებით, რომ სამშობლოს სიყვარულს და ერთგულებას დიპლომი არ სჭირდება”, –…

თბილისის მერის კახა კალაძის განცხადებით, „ქართული ოცნების“ მიერ წარდგენილი პრეზიდენტობის კანდიდატი, მიხეილ ყაველაშვილი ღირსეული ადამიანი და პატრიოტი კაცია. მან თბილისის მთავრობის დღევანდელ სხდომაზე მიხეილ ყაველაშვილს წარმატება უსურვა. კალაძე დარწმუნებულია, რომ მიხეილ ყაველაშვილი „მოწოდების სიმაღლეზე იქნება“. „ქართულმა ოცნება-დემოკრატიულმა საქართველომ“ საზოგადოებას წარუდგინა პრეზიდენტობის კანდიდატი, მიხეილ ყაველაშვილის სახით. მინდა მიშას წარმატებები ვუსურვო. ის მართლაც ღირსეული ადამიანი, პატრიოტი კაცია. დარწმუნებული ვარ, ყველაფერს გააკეთებს იმისთვის, რომ მოწოდების სიმაღლეზე იყოს. მან ისაუბრა და ხაზი გაუსვა იმას, რომ ჩვენ უნდა შევძლოთ საზოგადოების გაერთიანება, უნდა მოვახერხოთ ეს ყველაფერი სიყვარულით, ურთიერთპატივისცემით, რაც ვფიქრობ, ერთობ მნიშვნელოვანია და მას წარმატებებს ვუსურვებ“,…

,,ილუზიაა, რომ არალეგიტიმურობა ამ ხელისუფლებისთვის პრობლემა არ არის და მათ ამით ხელი არ ეშლებათ. ისინი, უბრალოდ ცდილობენ ამაზე აქცენტი არ გაკეთდეს”, – ამის შესახებ ,,გახარია საქართველოსთვის“ წარმომადგენელმა სოფიო ხორგუანმა ,,მედიაცენტრ მთავარში“ გამართულ პრესკონფერენციაზე განაცხადა. ,,ჩვენ არ ვართ რუსეთი, არც ბელორუსია. ჩვენ პატარა ქვეყანა ვართ, რომელიც დამოკიდებული ვართ იმაზე, რომ დავრჩეთ და ვიყოთ ცივილიზებული, ქრისტიანული, დასავლური სამყაროს ნაწილი. ეს არის ჩვენი გადარჩენა. პროქართულობა ნიშნავს პროევროპულობას. იმისთვის, რომ შევინარჩუნოთ და შევდგეთ, როგორც სახელმწიფო ძალიან გვჭირდება ეს სტატუსი შევინარჩუნოთ. სხვაგვარად ჩვენ გვაქვს სერიოზული პრობლება, რომ როგორც სახელმწიფო თვითმყოფადი გადავრჩეთ. ჩვენი უსაფრთხოებისთვის მნიშვნელოვანია, რომ…

..მიშა მაგარია!”, – ამის შესახებ სოციალურ ქსელში ,,ქართული ოცნების“ ერთ-ერთი ლიდერი მამუკა მდინარაძე წერს, რითაც პრეზიდენტის თანამდებობაზე მიხეილ ყაველაშვილის კანდიდატურის წარდგენას ეხმაურება. „ქართულმა ოცნებამ“ საქართველოს მეექვსე პრეზიდენტის თანამდებობაზე მიხეილ ყაველაშვილი წარადგინა. საქართველოს რიგით მეექვსე პრეზიდენტს პირველად, არაპირდაპირი წესით, 300 წევრისგან შემდგარი საარჩევნო კოლეგია აირჩევს. პრეზიდენტის არჩევნები 14 დეკემბერს გაიმართება.

თბილისის მერიაში საკადრო ცვლილებები განხორციელდება. როგორც თბილისის მერმა კახა კალაძემ დღეს დედაქალაქის მთავრობის სხდომაზე განაცხადა, ტრანსპორტისა და ურბანული განვითარების სააგენტოს ხელმძღვანელის პოსტზე ვიქტორ წილოსანს ნინო ბაგაშვილი შეცვლის, ხოლო მერიის ქონების მართვის სააგენტოს უფროსის თანამდებობაზე ირაკლი თავართქილაძეს მარიამ კვერნაძე ჩაანაცვლებს.