დღე: ნოემბერი 25, 2024

რუსთაველის გამზირზე, სადაც აქცია მიმდინარეობდა, ოპოზიციის წარმომადგენლებმა სცენის კონსტრუქციები დაშალეს. აქციის მონაწილეები საკანონმდებლო ორგანოსთან გუშინ შეიკრიბნენ და ღამე პარლამენტთან გაათენეს. ოპოზიციურმა პარტიები და მომიტინგეები არ აღიარებენ 26 ოქტომბრის არჩევნების შედეგებს და მე-11 მოწვევის პარლამენტს არალეგიტიმურად მიიჩნევენ. დღეს, მე-11 მოწვევის პარლამენტის პირველი სხდომა ჩატარდა. ბარიერგადალახულ ოპოზიციურ სუბიექტებთან ერთად საკანონმდებლო ორგანოში არ მივიდა პრეზიდენტიც. სხდომამ პროტესტის ფონზე ჩაიარა.

“დღეს ცესკო-ში ჩავაბარეთ განცხადება, სადაც ვითხოვთ პარტიული სიის ჩახსნას და ამის შემდეგ მივმართავთ საქართველოს პარლამენტს, მოვითხოვთ ჩვენი უფლებამოსილების შეწყვეტას ჩვენი განცხადებების საფუძველზე”-  ამის შესახებ „კოალიცია ცვლილებისთვის“ წარმომადგენელმა, თენგო თევზაძემ განაცხადა. როგორც თენგო თევზაძემ აღნიშნა, პარტიაში ყველა ამბობს უარს საკუთარ მანდატზე. „კოალიცია ცვლილებებისთვის“ არის პასუხისმგებლიანი პარტია. ჩვენ დღეს ცესკო-ში ჩავაბარეთ განცხადება, სადაც ვითხოვთ პარტიული სიის ჩახსნას და ამის შემდეგ მივმართავთ საქართველოს პარლამენტს, ის დეპუტატები, რომელთა უფლებამოსილება ცნო ე.წ. საქართველოს პარლამენტმა, მოვითხოვთ ჩვენი უფლებამოსილების შეწყვეტას ჩვენი განცხადებების საფუძველზე. რატომ ვაკეთებთ ამ თანმიმდევრობით? იმიტომ, რომ „ქართულ ოცნებას“ მოვუსპოთ რაც შეიძლება მეტი რეგლამენტით გათვალისწინებული…

საქართველოს პარლამენტი უსაფრთხოების დამატებითი ზომების შესახებ განცხადებას ავრცელებს. როგორც განცხადებაშია აღნიშნული, 26 ნოემბერიდან შესაბამისი ბრძანების გაუქმებამდე საქართველოს პარლამენტის სასახლეში იმოქმედებს უსაფრთხოების ყვითელი დონე. „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე” საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად, მიმდინარე წლის 26 ნოემბერიდან მის გაუქმებამდე საქართველოს პარლამენტის სასახლეში იმოქმედებს უსაფრთხოების ყვითელი დონე – ვიზიტორებს ეზღუდებათ პარლამენტის სასახლეში შესვლა. დაგეგმილ საპარლამენტო ღონისძიებებზე (მათ შორის კომიტეტის და პლენარულ სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები. შენობაში დაიშვებიან ტელემაუწყებლების/ტელემედია საშუალებების აკრედიტებული არაუმეტეს ორი ჯგუფი თითო მაუწყებლიდან, საპარლამენტო ღონისძიებების დასრულებამდე.…

“მეცოდება ის საქართველო, სადაც ადამიანები ერთმანეთს ისე ესალმებიან, როგორც დღეს კადრები ვნახეთ, რომელიც ნამდვილად სამარცხვინოა და შევა ისტორიაში, როგორც სამარცხვინო კადრი ერთი მეორის მისალმებისა, თუ დაჩოქების” – განაცხადა პრეზიდენტმა გავრცელებულ მიმართვაში. სალომე ზურაბიშვილმა აღნიშნა,რომ ეს კადრები ისტორიაში შევა, როგორც “სამარხცვინო”. „მეცოდებიან ყველა ეს პარლამენტარები, რომლებიც დღეს ისხდნენ გაყინული სახეებით, რამეთუ მათ იციან, რომ არიან გაყალბებული არჩევნების შედეგი, რამეთუ იციან, რომ იქნებიან რამდენიმე თვით, თუ რამდენიმე კვირით ჩაკეტილი ამ დარბაზში, სადაც მათ, არცერთს არანაირი უფლება არ გააჩნია. მეცოდება ის საქართველო, სადაც ადამიანები ერთმანეთს ისე ესალმებიან, როგორც დღეს კადრები ვნახეთ, რომელიც ნამდვილად სამარცხვინოა და…

“დღეს ჩვენ კიდევ ერთხელ მივიღეთ გაკვეთილი, რომ ოპოზიციური ხელმძღვანელობა ამ პროცესში არის უსუსური” – ამის შესახებ კონსტიტუციონალისტმა ვახუშტი მენაბდემ  განაცხადა. მისი თქმით, დროა, ხალხმა დაიწყოს წინააღმდეგობრივი მოძრაობა და ამჟამინდელი ოპოზიციური ლიდერები სხვა ლიდერებით ჩანაცვლდეს. „დღეს ჩვენ კიდევ ერთხელ მივიღეთ გაკვეთილი, რომ ოპოზიციური ხელმძღვანელობა ამ პროცესში არის უსუსური. ისინი უშვებენ ფუნდამენტურ შეცდომებს, საზოგადოებას ეფექტურ გეგმას ვერ სთავაზობენ, რაც ხალხში ფრუსტრაციასა და ბრძოლისუნარიანობის დაქვეითებას იწვევს. თუმცა, ეს, მეორე მხრივ კარგიც არის – ჩვენ არ უნდა გვქონდეს ფუჭი იმედები მათგან, ვინც ამ იმედებს ვერ გაამართლებს. ნელ-ნელა დგება ის დრო, როდესაც ჩვენ თვითონვე უნდა დავიწყოთ…

,,საქართველოს შემდეგი პრეზიდენტი უნდა იყოს სულით და გულით ქართველი”, – განაცხადა საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა მამუკა მდინარაძემ. მისივე თქმით, „თუ შენი სამშობლო გიყვარს, სულით და გულით ქართველი ხარ, მთავარ პრინციპებს არ გადაუხვევ, არ მოემსახურები სხვა ქვეყანას, არ გახდები ვიღაცის წარმომადგენელი“. „ძალიან დიდი ხანი, ძალიან ბევრს ვმსჯელობდით გუნდში. ლიდერებთან ეს იყო დიდი ბჭობის საგანი, როგორი უნდა იყოს საქართველოს პრეზიდენტი. მე მგონია და ჩვენი ყველას აზრი, ბატონი ბიძინადან დაწყებული, დამთავრებული „ქართულ ოცნების“ რიგით ჯარისკაცამდე არის ის, რომ პირველი ნიშანი, რაც უნდა იყოს, არის ის, რომ უნდა იყოს ეროვნული, ქართველი…

,,ამხელა სანერვიულო თუ შემხვდებოდა დღეს ვერ წარმოვიდგენდი. როგორც ჩანს, „ტოპ ტვინების“ გადაწყვეტილებაა, პირველი გიორგი ვაშაძემ გამოაგზავნოსო”, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ განაცხადა, რითაც ის ფაქტი შეაფასა, რომ „ერთიანობა ნაციონალური მოძრაობის“ ერთ-ერთმა ლიდერმა, გიორგი ვაშაძემ პარლამენტს ოფიციალურად მიმართა, რომ მისი სადეპუტატო მანდატი შეუწყვიტონ. „ამხელა სანერვიულო თუ შემხვდებოდა დღეს ვერ წარმოვიდგენდი. როგორც ჩანს, „ტოპ ტვინების“ გადაწყვეტილებაა, პირველი გიორგი ვაშაძემ გამოაგზავნოსო. მეც კი გამჩენია შეგრძნება, რომ რაღაც არეულობაა. პიროვნულ დონეზე მათ არეულობა აქვთ. საცერივით არის მათი ინფორმაციები, გაჟონვა-გამოჟონვა სადმე თუ ხდება, მათ გუნდში ხდება. ამ გაჟონილი ინფორმაციის საფუძველზე შემიძლია…

პოლიტიკური გაერთიანება „კოალიცია ცვლილებისთვის“ ცენტრალურ საარჩევნო კომისიას სიების ჩახსნის მოთხოვნით, განცხადებით მიმართავს. როგორც პარტიის ერთ-ერთმა ლიდერმა, ელენე ხოშტარიამ განაცხადა, პარტიაში არ არსებობს ადამიანი, რომელიც „ამ პარლამენტში შედგამს ფეხს“. „ის შეკრება, რომელიც ჩატარდა დღეს პარლამენტის შენობაში, არანაირ კავშირში არ არის საქართველოს ხელისუფლებასთან, იმიტომ, რომ ხელისუფლების წყარო არის ხალხი. ამას არეგულირებს კონსტიტუცია და არჩევნები, რომელიც იყო აბსოლუტურად გათელილი და ხალხის ნების საწინააღმდეგო. შესაბამისად, რამდენჯერაც არ უნდა შეიკრიბონ, ეს შეკრება ვერ იქნება აღიარებული ძალაუფლებად. ამ კონკრეტულ მომენტი მინდა განვაცხადო ფორმალურად, „კოალიცია ცვლილებისთვის“ სახელით, რომ ამ წუთებში ჩვენი წარმომადგენელი იმყოფება ცესკოში და საარჩევნო კოდექსის…

საპარლამენტო უმრავლესობის ლიდერის მამუკა მდინარაძის ინფორმაციით, ბიძინა ივანიშვილი, ირაკლი კობახიძე და ირაკლი ღარიბაშვილი საპარლამენტო მანდატებს მალე დატოვებენ. მისი თქმით, ისინი სიაში იყვნენ, როგორც ეს წესია, თუმცა პარლამენტში დარჩენას არ აპირებენ. „ეს ადამიანები, როგორც ჩემთვის ცნობილია და ეს არ არის, მე მგონი, დასამალი – ბიძინა ივანიშვილი, ირაკლი ღარიბაშვილი, ირაკლი კობახიძე, პარლამენტში დარჩენას არ აპირებენ. ისინი არიან ჩვენი პარტიის ხელმძღვანელები – საპატიო თავმჯდომარე, პოლიტიკური მდივანი, თავმჯდომარე და ისინი საპარლამენტო სიაში იყვნენ, როგორც ეს წესია, ფორმალურად, რეალურად და ისინი ტოვებენ საპარლამენტო მანდატებს. მიმართავენ ძალიან მალე“, – განაცხადა მამუკა მდინარაძემ.

,,ერთიანობა ნაციონალური მოძრაობის” ერთ-ერთი ლიდერის, გიორგი ვაშაძის თქმით, უკვე გაგზავნა საკუთარი განცხადება პარლამენტში, მანდატის დაუყოვნებლივი შეწყვეტის მოთხოვნით. ,,მე პირადად უკვე გავაგზავნე განცხადება ამ თვითმარქვია ორგანოში, რომელსაც ისინი პარლამენტს უწოდებენ და დაუყოვნებლივ მოვითხოვ შეწყდეს ჩემი მანდატი, დაუყოვნებლივ მოვითხოვ რომ გაუქმდეს მათთან ჩემი ყველანაირი კავშირი”, – განაცხადა ვაშაძემ რუსთაველზე, პარლამენტის წინ მიმდინარე აქციაზე. მისი თქმით, ის დარწმუნებულია, რომ იგივეს გააკეთებენ სხვა ოპოზიციონერი ლიდერებიც. როგორც ვაშაძემ აღნიშნა, მისი განცხადება მანდატის გაუქმებაზე, უკვე რეგისტრირებულია პარლამენტში.

საქართველოს პრეზიდენტი, სალომე ზურაბიშვილი მე-11 მოწვევის პარლამენტის პირველი სხდომის გამართვას ეხმაურება და პლატფორმა X-ზე წერს, რომ ,,საქართველოში შავი ორშაბათი” გათენდა. ქვეყნის მთავარსარდალი ,,ქართულ ოცნებას” მონებად აცხადებს და ივანიშვილის გუნდის წარმომადგენლებს ,,კონსტიტუციის მოკვლაში” ადანაშაულებს. ,,შავი ორშაბათი საქართველოში: პოლიცია და სპეცრაზმი იცავენ კარებს, რომლის მიღმაც “ქართული ოცნების მონები” კლავენ ჩვენ კონსტიტუციას და მასხრად იგდებენ ჩვენ პარლამენტს“, – წერს სალომე ზურაბიშვილი.

,,ხომ არ იცით ვინმე, ვინც გამოჩნდა, განცხადება დაწერა და მანდატი დატოვა? – შეიძლება კარგა ხანს არ გამოჩნდეს არავინ, დააკვირდით”, – ამის შესახებ საპარლამენტო უმრავლესობის ლიდერმა, მამუკა მდინარაძემ ჟურნალისტებთან განაცხადა. მისი თქმით, ოპოზიციამ „სიების ჩახსნაზე“ განცხადება უდროო დროს დაწერა და ახლა არის დრო, როცა მათ მანდატების დატოვებაზე განცხადების დაწერა შეუძლიათ. „რაც შეეხება ჩვენს ოპონენტებს – მობრძანდნენ, მიიღონ მონაწილეობა, ან დაწერონ განცხადებები. ახლა არის ის დრო, როცა განცხადებების დაწერას შესაბამისი შედეგი შეიძლება მოჰყვეს. ვინმე ხომ არ გამოჩენილა? ხომ არ იცით ვინმე, რომ გამოჩნდა და განცხადება დაწერა და მანდატი დატოვა? ასეთი არ გამოჩენილა.…

ორგანიზაცია ,,სამართლიანი არჩევნები” მე-11 მოწვევის პარლამენტის სხდომას არაკონსტიტუციურს უწოდებს და ამბობს, რომ საქართველოს პარლამენტის რეგლამენტს არღვევს. ,,საქართველოს კონსტიტუციით, პარლამენტი სრულ უფლებამოსილებას იძენს პარლამენტის წევრთა ორი მესამედის უფლებამოსილების ცნობის მომენტიდან. საქართველოს პარლამენტის რეგლამენტის თანახმად, პარლამენტის წევრთა უფლებამოსილების ცნობის თაობაზე პარლამენტის დადგენილებაში არ შეიტანება იმ პირის გვარი, რომლის პარლამენტის წევრად არჩევის კანონიერება გასაჩივრებულია საქართველოს საკონსტიტუციო სასამართლოში. საქართველოს პრეზიდენტმა, ასევე, პარლამენტის 30-მა წევრმა საქართველოს საკონსტიტუციო სასამართლოს სარჩელით მიმართა 2024 წლის 26 ოქტომბრის საპარლამენტო არჩევნების შედეგების არაკონსტიტუციურად ცნობის თაობაზე, რითაც გასაჩივრებულია პარლამენტის 150-ვე წევრის არჩევის კანონიერება. შესაბამისად, საქართველოს პარლამენტის მიერ 25 ნოემბერს ახალი წევრების…

,,ალბათ კონსტიტუციისა და რეგლამენტის დარღვევას ამონიტორინგებს ადგილზე”, – საიას ხელმძღვანელი ნონა ქურდოვანიძე პარლამენტის პირველ სესიაზე ომბუდსმენის დასწრებას ირონიული პოსტით ეხმიანება. ,,სახალხო დამცველი პარლამენტში ყოფილა. ალბათ კონსტიტუციისა და რეგლამენტის დარაღვევას ამონიტორინგებს ადგილზე”, – წერს ნონა ქურდოვანიძე. XI მოწვევის პარლამენტის პირველი სხდომას სახალხო დამცველი ესწრება  

,,რა ვადებშიც არ უნდა მოხდეს ჩანიშვნა, ჩვენ უზრუნველვყოფთ მაქსიმალურად კანონმდებლობით გათვალისწინებული პროცედურების მიხედვით მის ადმინისტრირებას”, – განაცხადა ცესკო-ს თავმჯდომარემ, გიორგი კალანდარიშვილმა პრეზიდენტის არჩევნების საკითხზე საუბრისას. „როგორც იცით, ღნიშნული არჩევნები ტარდება ტრადიციული წესით. ჩვენ სრულ მზაობას ვაცხადებთ, რომ უზრუნველვყოთ, როგორც სამართლებრივი კუთხით, ასევე პროცედურულად მისი ადმინისტრირება. დაველოდებით პარლამენტის გადაწყვეტილებას აღნიშნულთან დაკავშირებით, რადგან როგორც იცით, ამ შემთხვევაში საქართველოს შემდეგი პრეზიდენტი აირჩევა არაპირდაპირი წესით, საარჩევნო კოლეგიის მიერ, რომელიც კომისიის 300 ხმოსნიგან შედგება. შესაბამისად, აქ არის მთელი რიგი საკანონმდებლო მოცემულობები, რომელიც ითვალისწინებს აღნიშნული კოლეგიის დაკომპლექტებას და მათ შორის, საარჩევნო ადმინისტრაციის როლს მის ტექნიკურ ადმინისტრირებასთან…

ოლიგარქმა ივანიშვილმა საკანონმდებლო ორგანო დატოვა. დღეს ის მე-11 მოწვევის პარლამენტის პირველ სხდომას დაესწრო და თავი დეპუტატად ცნო. მან ასევე, პარტიის წევრებისგან მოისმინა მადლობები, ტაში და დაცვის გაძლიერებული კორდონის თანხლებით ტერიტორია დატოვა.

მე-11 მოწვევის პარლამენტის პირველ სხდომაზე პარლამენტის წევრებმა კომიტეტების თავმჯდომარეები დაამტკიცეს. ესენი არიან: აგრარულ საკითხთა კომიტეტი – გელა სამხარაული; ადამიანის უფლებათა დაცვის კომიტეტი – რატი იონათამიშვილი; განათლების კომიტეტი – გივი მიქანაძე; გარემოს დაცვა- მაია ბითაძე; დარგობრივი ეკონომიკის კომიტეტი – შოთა ბერეკაშვილი; დიასპორისა და კავკასიის საკითხთა კომიტეტი -ირაკლი ზარქუა; ევროინტეგრაციის კომიტეტი – ლევან მახაშვილი; თავდაცვის კომიტეტი – ალექსანდრე ტაბატაძე; იურიდიულ საკითხთა კომიტეტის თავმჯდომარე [დროებით] გიორგი კახიანი; კულტურის კომიტეტი- გიორგი გაბუნია; რეგიონული პოლიტიკის კომიტეტი- ირაკლი ქადაგიშვილი; საგარეო ურთიერთობათა კომიტეტი – ნიკოლოზ სამხარაძე; საპროცედურო საკითხთა კომიტეტი – დავით მათიკაშვილი; საფინანსო- საბიუჯეტო კომიტეტი – პაატა…

,,ჩვენ გვაქვს იმისი მყარი საშუალება, რომ ბატონი ბიძინას ლიდერობით, ორ ფეხზეც ვიდგეთ, ეროვნულ ინტერესებსაც ვემსახუროთ – ვიზრუნებთ ქართული ოცნების ასრულებაზე, რაც შეიძლება მალე, ჩვენ გაერთიანებული ქვეყნის პარლამენტის წარმომადგენლები უნდა ვიყოთ აფხაზეთთან და ცხინვალის რეგიონთან ერთად”, – ამის შესახებ საპარლამენტო უმრავლესობის ლიდერმა, მამუკა მდინარაძემ მე-11 მოწვევის პარლამენტის პირველ სხდომაზე განაცხადა. მისი თქმით, სანამ ოპოზიციაში ეროვნული ძალები არ იქნებიან, „ქართული ოცნება“ ხელისუფლებაში მანამდე იქნება. „მინდა ვისარგებლო შემთხვევით და პერსონალურად ძალიან დიდი მადლობა გადავუხადო ბატონ ბიძინა ივანიშვილს, რომელმაც მოგვცა საშუალება იმისა, რომ ასე თამამად, ამაყად ვთქვათ, ჩვენ ჩვენს სამშობლოს ვემსახურებით და არასდროს გვექნება…