დღე: ნოემბერი 22, 2024

“მე ნაკლებად მჯერა ევროკავშირის სანქციების” – ამის შესახებ საქართველოს პრეზიდენტმა, სალომე ზურაბიშვილმა  განაცხადა. პრეზიდენტი ამბობს, რომ სანქციების ინსტრუმენტს უფრო კარგად მართავს ამერიკის შეერთებული შტატები. „მე ნაკლებად მჯერა ევროკავშირის სანქციების, როგორც ასეთი. შეიძლება იყოს შეზღუდვები სხვა ფორმით, შეზღუდვები ყველა იმ დახმარებებზე, რომელზეც ჩვენი ბიუჯეტი და ჩვენი პროგრამები ძალიან დამოკიდებულია. ეს გააძლიერებს ეკონომიკურ და ფინანსურ კრიზისს. მაგრამ პერსონალური სანქციები ბევრად უფრო რთულია ევროკავშირისთვის, რადგან ის დამოკიდებულია კონსენსუსის წესზე და 27 ქვეყანაზე. ამერიკა ამ ინსტრუმენტს უფრო კარგად მართავს და მე რამდენადაც ვიცი, მიმდინარეობს საუბრები და მოლაპარაკებები ამერიკასა და ევროკავშირს შორის იმის შესახებ, თუ რა…

მეტი...

საქართველოს პრეზიდენტი, დარწმუნებულია, რომ ბარიერგადალახული 4 ოპოზიციური პარტია პარლამენტში არ შევა. „მე დარწმუნებული ვარ ერთ რამეში, რომ არ შევლენ. 2020 წელთან უაზრო შედარებებია, რომელიც სულ სხვა რამე იყო, იქ არ იდგა ქვეყნის ევროპული მომავლის საკითხი, პირიქით, ევროპელები ამბობდნენ, რომ შედით პარლამენტში და იმუშავეთ იმ რეფორმებზე, რასაც ვითხოვთ. მაშინ საზოგადოებაში არ იყო განცდა, რომ ქვეყანა სხვა მიმართულებით მიდიოდა. არ იყო განცდა, რომ არჩევნები მასიურად გაყალბდა. იყო [გაყალბება], როგორც მე ვეძახი „ნორმალური გაყალბება“, მაგრამ ის განცდა, რომ არჩევნები და ქვეყანა მოგვპარეს, ეს განცდა არ არსებობდა. ამიტომ ძალიან განსხვავებული სიტუაციაა. დღეს, ვინც პარლამენტში…

მეტი...

“ევროპარლამენტი საქართველოზე არასავალდებულო რეზოლუციას 28 ნოემბერს მიიღებს, რასაც უნდა დავაკვირდეთ, საკვანძოა, მოუწოდებს თუ არა რეზოლუცია ახალი არჩევნების ჩატარებისკენ”- ამის შესახებ „რადიო თავისუფლების“ ევროპის ბიუროს რედაქტორი, რიკარდ იოზვიაკი X-ის საკუთარ გვერდზე წერს. „ევროპარლამენტი არასავალდებულო რეზოლუციას საქართველოზე 28 ნოემბერს მიიღებს. რასაც უნდა დავაკვირდეთ, საკვანძოა, მოუწოდებს თუ არა რეზოლუცია ახალი არჩევნების ჩატარებისკენ. იყო საუბრები, დაესწრებოდა თუ არა ზურაბიშვილი პლენარულს [სხდომას], მაგრამ ნაკლებად სავარაუდოა“ – წერს იოზვიაკი.

მეტი...

“თურმე ამ ქვეყნის ევროინტეგრაცია ლგბტ-ზე ყოფილა დამოკიდებული და გამჭვირვალობის ჩახსნაზე. ევროპულობას იჩემებენ და მათზე ანტიევროპულ განწყობებს ამ ქვეყანაში არავინ აღვივებს” – ამის შესახებ „ქართული ოცნების” აღმასრულებელმა უმრავლესობის სხდომის შემდეგ გამართულ პრესკონფერენციაზე, არასამთავრობო სექტორის შესახებ დასმული კითხვის საპასუხოდ განაცხადა. მამუკა მდინარაძის თქმით, ევროპა ქრისტიანულ ღირებულებებზე დაფუძნებულ გაერთიანებებს და ძალას ნიშნავს და არა ლგბტ პროპაგანდასა და გამჭვირვალობის გამორიცხვას. “თურმე ამ ქვეყნის ევროინტეგრაცია ლგბტ-ზე ყოფილა დამოკიდებული და გამჭვირვალობის ჩახსნაზე. თურმე, უნდა იცოდეს ბავშვმა, გეი ვინ არის, როგორ უყვართ ერთმანეთი და ა.შ. და ამაზეა თურმე დამოკიდებული ჩვენი ქვეყნის ევროინტეგრაცია. ევროპის აღქმას უფრო მეტ ზიანს ვინ აყენებს?…

მეტი...

„ქართული ოცნების“ აღმასრულებელი მდივნის,  მამუკა მდინარაძის შეფასებით, ოთხივე ოპოზიციურმა პარტიამ, მანდატების გაუქმებასთან დაკავშირებით განცხადებები შეგნებულად დაწერეს მაშინ, როდესაც დაწერილი განცხადდები არ იყო იურიდიული ძალის მქონე. ამის შესახებ, მან უმრავლესობის სხდომის დასრულების შემდეგ განაცხადა. „ჩემი მოლოდინია, რომ ისინი საპარლამენტო მანდატებს არ დათმობენ. უკვე დაიწყო ახალი ნარატივის შემოტანა გახარიამ, როგორც 4 პარტიიდან ჯაშუშების პიონერმა. სხვათა შორის, დღეს შეცვალა საკუთარი პოზიცია ჯაშუშობასთან დაკავშირებით. მიხვდა რომ ჯაშუშობა თავისი ხელით დაამტკიცა და სხვას მოუწერა წინა წერილზე ხელი – ახლა თქვა, არაო. ცოტა სხვანაირი განცხადებები გააკეთა, მაგრამ მაინც პიონერი აღმოჩნდა ჯაშუშებს შორის. რა „ტრიუკებსაც“ მიმართავდა შალვა…

მეტი...

“შევეცდებით პრეზიდენტობის ისეთი კანდიდატი დავასახელოთ, რომელიც თავიდანვე გამორიცხავს ვარაუდს, რომ მანაც არ გაამართლოს” – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ უმრავლესობის სხდომის შემდეგ პრესკონფერენციაზე შესაბამის კითხვაზე პასუხისას განაცხადა. როგორც მან აღნიშნა, გუნდის შიგნით უკვე ბევრი კანდიდატის შესახებ იმსჯელეს. „შევეცდებით, რომ სერიოზული ხარვეზი აღმოვფხვრათ და პრეზიდენტობის ისეთი კანდიდატი დავასახელოთ, რომელიც თავიდანვე გამორიცხავს ვარაუდს, რომ მანაც არ გაამართლოს. აქედან გამომდინარე, ჩვენ უკვე მართლა ბევრი კანდიდატის შესახებ გვიმსჯელია გუნდის შიგნით. ჩვენ შეიძლება უფრო ადრე გავახმოვანოთ საბოლოო გადაწყვეტილება საპრეზიდენტო კანდიდატურასთან დაკავშირებით, ვიდრე ეს თქვენ წარმოგიდგენიათ. ჩვენ შევეცდებით, რომ თარიღის გამოცხადებასთან ძალიან ახლო და შემჭიდროებულ ვადებში…

მეტი...

რკინის ჯებირების საქმე, მიმდინარე საქალაქო სასამართლოში სხდომა შეწყდა, რადგან ერთ-ერთი დაკავებულის, საბა მეფარიშვილის დედა სხდომაზე შეუძლოდ გახდა – მას გული წაუვიდა. გავრცელებული ინფორმაციით, მეფარიშვილი სასამართლო სხდომიდან გაიყვანეს, რადგან ყვიროდა, რომ “დედასთან მიეშვათ”. რაც შეეხება უშუალოდ სასამართლო პროცესს, ის სამჯერ გადადებული სხდომის შემდეგ, დღეს განახლდა. ომარ ოკრიბელაშვილის ადვოკატმა, ცოტა ხნის წინ სხდომაზე დააყენა შუამდგომლობა 5 ათას ლარიანი გირაოს სანაცვლოდ, მისი დაცვის ქვეშ მყოფის გათავისუფლების შესახებ. დაკავებულების ოჯახის წევრები ამბობენ, რომ მათი შვილების წინააღმდეგ პოლიტიკური დასჯა მიმდინარეობს. ცნობისთვის, 19 და 23 წლის ახალგაზრდები სამართალდამცავებმა 14 მაისს დააკავეს. მათ ბრალი სისხლის სამართლის კოდექსის 187-ე მუხლის…

მეტი...

საჯარო ლექციები დღეს, თსუ-ს პირველ კორპუსთანაც ჩატარდება. ამის შესახებ,  ინფორმაციას მოძრაობა “ნება” სოციალურ ქსელში ავრცელებს. შეგახსენებთ, უკვე რამდენიმე დღეა, რაც საჯარო ლექციების სერია ტარდება ილიას სახელმწიფო უნივერსიტეტის A კორპუსის წინ.

მეტი...

“ძალაუფლებაში მყოფმა “ქართულმა ოცნებამ” ვერ უნდა მოიპოვოს ლეგიტიმაცია ქვეყნის შიგნით. ამისთვის საჭიროა შეურიგებლობა მოპარული არჩევნების შედეგებთან – აუცილებელია ოპოზიციური ძალების ქმედებების კოორდინაცია. არც ერთი ოპოზიციური პარტიის წევრი არ უნდა შევიდეს პარლამენტში!” – ამის შესახებ 23 არასამთავრობო ორგანიზაციის მიერ გავრცელებულ ერთობლივ განცხადებაშია ნათქვამი. როგორც განცხადებაში ვკითხულობთ, საქართველოს მოქალაქეები არ შეეგუებიან მიტაცებული არჩევნებს და იქნება საერთაშორისო საზოგადოების რეაგირებაც. „26 ოქტომბრის არჩევნები მოქალაქეთა დაშინების, იძულების, ტოტალური კონტროლის, ხმის ფარულობის მასობრივი დარღვევის, ძალადობისა და მოსყიდვის დანაშაულებრივი სქემის გამოყენებით ჩატარდა. “ქართულმა ოცნებამ” არჩევნები გააყალბა. შედეგი, რომელიც ცესკო-მ გამოაცხადა, არ ასახავს მოქალაქეების ნებას. ეს არ იყო არჩევნები,…

მეტი...

პოლიციელებზე თავდასხმაში ბრალდებულ 20 წლის მათე დევიძის საქმის პროკურორი ანი ხუბეჯაშვილი განმარტავს, თუ რატომ არ მოხდა დაკავებულის მიმართ „არასრულწლოვანთა მართლმსაჯულების კოდექსით“ გათვალისწინებული შეღავათის გამოყენება. პროკურორის განცხადებით, ბრალდების მხარემ დანაშაულის ხასიათიდან გამომდინარე დევიძის მიმართ სისხლისსამართლებრივი დევნის დაწყების გადაწყვეტილება მიიღო. „ბრალდებისთვის დაცვის მხარეს რაიმე სახის შეღავათის გამოყენების მოთხოვნით არ მოუმართავს, თუმცა ამ კონკრეტულ შემთხვევაში მისი დაკავების გადაწყვეტილება მივიღეთ და დღევანდელ სასამართლო სხდომაზე მის მიმართ პატიმრობა მოვითხოვეთ, ვინაიდან მომეტებული რისკები არსებობდა და სისხლისსამართლებრივი დევნის ალტერნატიული მექანიზმის გამოყენება მიზანშეწონილად არ მივიჩნიეთ. ყოველ კონკრეტულ შემთხვევაში, რა სახის ღონისძიება გამოვიყენოთ ან უნდა დაიწყოს თუ არა სისხლისსამართლებრივი დევნა,…

მეტი...

,,ხვალ, 23 ნოემბერს, 15:00 საათზე, შევიკრიბებით თსუ-თან იმისთვის, რომ აღვნიშნოთ „ვარდების რევოლუციის“ 21 წლისთავი, როგორც მნიშვნელოვანი თარიღი ჩვენი ქვეყნის ისტორიაში”, – ამის შესახებ ,,ერთიანობა ნაციონალური მოძრაობის” თავმჯდომარემ, თინა ბოკუჩავამ განაცხადა. ,,ხვალ არის ძალიან მნიშვნელოვანი თარიღი, 21 წელი გავიდა „ვარდების რევოლუციიდან“, რომელმაც ჩვენს ქვეყანაში გარდამტეხი ცვლილებები მოიტანა, ჩვენი ქვეყნის საკეთილდღეოდ და რომელმაც მოგვცა შანსი, რომ ერთხელ და სამუდამოდ წარსულში დაგვეტოვებინა ჩვენი საბჭოთა მემკვიდრეობა და წავსულიყავით წინ ევროპისკენ, რომლის სათავეშიც იყო პრეზიდენტი სააკაშვილი, რომელიც სწორედ „ვარდების რევოლუციის“ მიღწევების და მემკვიდრეობის გამო დღეს საზოგადოებას მიმართავს არა თავისუფალი, არამედ გისოსებს მიღმა. თუმცა მისი ხმა…

მეტი...