დღე: ნოემბერი 20, 2024

არასამთავრობო ორგანიზაციები 2024 წლის 19 ნოემბერს აქციაზე დაკავებულთა სასამართლო პროცესების თაობაზე ერთობლივ განცხადებას ავრცელებენ. განცხადებაში ორგანიზაციები მიუთითებენ, რომ შინაგან საქმეთა სამინისტროს გადაწყვეტილებით, დაკავებულები სასამართლოში სამუშაო საათების მიწურულს, 18:00 საათამდე ცოტა ხნით ადრე გადაიყვანეს, რაზეც ადვოკატები არ იყვნენ ინფორმირებულები გონივრული ვადით ადრე. „არასამთავრობო ორგანიზაციების სამართლებრივი დახმარების ქსელის ადვოკატები იცავენ 19 ნოემბერს მშვიდობიანი შეკრების დროს ადმინისტრაციული წესით დაკავებული პირების ინტერესებს. შინაგან საქმეთა სამინისტროს გადაწყვეტილებით დაკავებულები სასამართლოში დღეს სამუშაო საათების მიწურულს, 18:00 საათამდე ცოტა ხნით ადრე გადაიყვანეს. აღნიშნულის თაობაზე ადვოკატები არ იყვნენ ინფორმირებულები გონივრული ვადით ადრე. ამ დროისთვის საქმეებს რამდენიმე მოსამართლე პარალელურად იხილავს.…

თბილისის საქალაქო სასამართლომ 19 ნოემბერს, ჭავჭავაძის გამზირზე გამართულ საპროტესტო აქციაზე დაკავებული ისაკო დევიძე 8 დღით პატიმრობაში დატოვა. გადაწყვეტილება რამდენიმე წუთის წინ მოსამართლე კობა ჩაგუნავამ გამოაცხადა. შეგახსენებთ, 19 ნოემბრის აქციის დაშლისას დაკავებული ერთ-ერთი აქტივისტი, ირკალი ანდღულაძე თბილისის საქალაქო სასმართლომ 2 700 ლარით დააჯარიმა.  

კოალიცია “ძლიერი საქართველოს” შტაბში სამი ოპოზიციური გაერთიანების შეხვედრა დასრულდა. აუდიენციის შემდეგ  მედიასთან განაცხადეს, რომ სამოქმედო გეგმასთან დაკავშირებით პრეზიდენტთან კოორდინაცია აქვთ და კონსულტაციები ხვალაც გაგრძელდება. „სამი პრინციპული საკითხი განვიხილეთ, რაზეც აქამდეც ხშირად გვისაუბრია. ვიმსჯელეთ საერთაშორისო საკითხებზე, როგორ უნდა გვქონდეს კოორდინაცია, ამასთან დაკავშირებით, სრული თანხმობა გვაქვს, მათ შორის ვიმსჯელებთ იმასთან დაკავშირებით, როგორ იყოს უფრო ეფექტური კოორდინაცია. მეორე საკითხია, [პარლამენტისთვის] აქაური ლეგიტიმაციის არმიცემა არცერთი პოლიტიკური ჯგუფის მიერ. სამი პოლიტიკური ჯგუფი ცალსახად თანხმდება იმაზე, რომ ამ პარლამენტს ლეგიტიმაციას არ აძლევს. მესამე საკითხი იყო – აქციები, რომელზეც ბევრი ვისაუბრეთ. რაღაცებზე შევთანხმდით, რაღაცები კიდევ გვაქვს გასავლელი ხვალ…

19 ნოემბრის აქციის დაშლისას დაკავებული ერთ-ერთი აქტივისტი, ირკალი ანდღულაძე თბილისის საქალაქო სასმართლომ 2 700 ლარით დააჯარიმა. გადაწყვეტილება მოსამართლე რამდენიმე წუთის წინ გამოაცხადა. ამ წუთებში თბილისის საქალაქო სასამართლოში 19 ნოემბრის დილას, ჭავჭავაძის გამზირზე აქციის დაშლისას დაკავებული 13 აქტივისტიდან 2-ის სასამართლო პროცესი კვლავ მიმდინარეობს. სამართალდამცველებმა 19 ნოემბერს საპროტესტო აქციის 16 მონაწილე დააკავეს. მათგან სამი ხელწერილის საფუძველზე გათავისუფლეს.    

„ერთიანობა – ნაციონალური მოძრაობის“ თავმჯდომარის თინა ბოკუჩავას შეფასებით, პრეზიდენტს უნდა ჰქონდეს ძალიან მნიშვნელოვანი როლი მიმდინარე პროცესებში, რადგან ესეც სწორედ უკავშირდება ერთიანობასთან დაკავშირებულ სურვილებს. თინა ბოკუჩავა ამბობს, რომ სალომე ზურაბიშვილი თუ ხდება ის გამაერთიანებელი, რომელსაც ქვეყანა მიჰყავს წინ, აუცილებელია, „ნაციონალური მოძრაობის“ ამომრჩეველმა შეძლოს მისი აღქმა, როგორც გამაერთიანებლის და ეს ნამდვილად ვერ მოხდება სააკაშვილის შეწყალების გადაწყვეტილების გარეშე. „პრეზიდენტ ზურაბიშვილს შეუძლია, მნიშვნელოვანი როლი ითამაშოს და ამისკენ მიანიშნებენ მათ შორის ევროპელი პარტნიორები. საკუთარი პოზიციონირებით ერთგვარად ის უკვე ამ მიმართულებით მიდის, თუმცა აქაც აუცილებლად უნდა გავაჟღერო პოზიცია, რომელიც ჩემთვის პრინციპულად და ფუნდამენტურად მნიშვნელოვანია და ეს…

“საქართველოში ჩატარებული საპარლამენტო არჩევნებში გამოვლენილი დარღვევების შესასწავლად, ევროკავშირის ტექნიკური მისია უახლოეს კვირებში ჩამოვა” – ამის შესახებ ევროკომისიის სპიკერმა, პიტერ სტანომ განაცხადა. სტანოს ინფორმაციით, ევროკავშირის წევრი სახელმწიფოების წინაშე მოხსენებით წარდგება ეუთო/ოდირის სადამკვირვებლო მისიის ხელმძღვანელი, რომელიც შეაფასებს, “როგორ უპასუხეს საჩივრებს საარჩევნო დარღვევებზე”. შეგახსენებთ, საქართველოში ტექნიკური მისიის გამოგზავნის შესახებ ცნობილი 18 ნოემბერს გახდა.  

პროფესორ-მასწავლებლებისა და სტუდენტების ორგანიზებით, 24 ნოემბერს საპროტესტო მსვლელობა გაიმართება. მსვლელობა, 17:00 საათზე, ილიას სახელმწიფო უნივერსიტეტიდან დაიწყება და თბილისის სახელმწიფო უნივერსიტეტთან დასრულდება. „მოძრაობა “ქართული განათლება საფრთხეშია” მართავს მსვლელობას სტუდენტებთან ერთად კვირას, ილიას სახელმწიფო უნივერსიტეტის “ა” კორპუსიდან თსუ-მდე. თუ რაიმე აქცია დაანონსდა, ცხადია მათ შევუერთდებით. აქ მყოფ საზოგადოებას მოგიწოდებთ მობრძანდეთ კვირას, პროფესორ-მასწავლებლები და სტუდენტები ვაორგანიზებთ აქციას” – აღნიშნა ერთ-ერთმა ორგანიზატორმა.  

სასამართლომ ,,ერთიანობა – ნაციონალური მოძრაობის” ცესკოს წევრი დამნაშავედ ცნო. დავით კირთაძე ცენტრალური საარჩევნო კომისიის თავმჯდომარისთვის, გიორგი კალანდარიშვილისთვის შავი საღებავის შესხმის გამო 500 ლარით დაჯარიმდა. სარჩელი მოსამართლემ დაჩქარებულ ვადაში განიხილა. შეგახსენებთ, რომ ცესკოს შემაჯამებელ სხდომაზე, 16 ნოემბერს, დავით კირთაძემ კალანდარიშვილს შავი საღებავი შეასხა, რის გამოც სხდომა გარკვეული დროით შეჩერდა. მომხდართან დაკავშირებით შსს-მ გამოძიება 118-ე მუხლით, იმავე დღეს დაიწყო.

გავრცელებული ინფორმაცია, თითქოს საკონსტიტუციო სასამართლომ პრეზიდენტის სარჩელი წარმოებაში მიიღო, სიმართლეს არ შეესაბამება. სინამდვილეში სასამართლომ სარჩელი დაარეგისტრირა, ხოლო წარმოებაში მიღებაზე მსჯელობა 3 დღის ვადაში გაიმართება. „ლექციიდან გამოსულს აფეთქებული ტელეფონი დამხვდა. ცრუ განგაშია. არა, ეს არ არის წარმოებაში მიღების დოკუმენტი. საკონსტიტუციო სასამართლომ საიტზე პრეზიდენტის სარჩელი გამოაქვეყნა. მეტი არაფერი. ჯერ არც საოქმო ჩანაწერი მიუღია და არც განჩინება. ანუ დასაშვებობის პასუხი არ ვიცით. ვიცით მხოლოდ ის, რომ საქმეს პლენუმი განიხილავს და მომხსენებლი მოსამართლე ვასილ როინიშვილი იქნება“, – წერს სოციალურ ქსელში კონსტიტუციონალისტი ვახუშტი მენაბდე.

ომბუდსმენის აპარატის ინფორმაციით, 18 ნოემბერს საქართველოს სახალხო დამცველმა წინადადებით მიმართა საქართველოს შინაგან საქმეთა მინისტრს ადმინისტრაციული დაკავების გამოყენების სრულყოფილი სტატისტიკური მონაცემების წარმოებასა და გამოქვეყნებასთან დაკავშირებით. „საქართველოს სახალხო დამცველის აპარატმა განიხილა ა(ა)იპ „სოციალური სამართლიანობის ცენტრის“ განცხადება საქართველოს შინაგან საქმეთა სამინისტროს მხრიდან საჯარო ინფორმაციაზე ხელმისაწვდომობის უფლების შეზღუდვასთან დაკავშირებით. სამინისტროს ვებ-გვერდზე გამოქვეყნებული ინფორმაციით არ დგინდება ადმინისტრაციულ სამართალდარღვევათა კოდექსის 166-ე და 173-ე მუხლებით გათვალისწინებული სამართალდარღვევებისთვის დაკავებულ პირთა რაოდენობა (ვინაიდან ყველა დაკავებული პირი არ თავსდება დროებითი მოთავსების იზოლატორში). რაოდენობრივი მონაცემების გარეშე კი რთულია, როგორც დაკავების ასევე, დაკავების ვადის საჭიროების გარეშე გახანგრძლივების პრობლემების მასშტაბების შეფასება. საქართველოს სახალხო…

საკონსტიტუციო სასამართლომ პრეზიდენტის სარჩელი წარმოებაში მიიღო. ინფორმაცია ცოტა ხნის წინ საკონსტიტუციოს ვებგვერდზე აიტვირთა. საქართველოს პრეზიდენტი გაყალბებული არჩევნების შედეგების გაუქმებას ითხოვს. მთავარი მიზანი ახალი არჩევნების დანიშვნაა. სალომე ზურაბიშვილი ამტკიცებს, რომ 26 ოქტომბერს დაირღვა არჩევნების ფარულობის და საყოველთაობის ფუნდამენტური პრინციპი, რომლის დარღვევაც, წესით, ახალი არჩევნების საფუძველია. სასამართლოში პრეზიდენტის სარჩელს ეკა ბესელია წარადგენს.