დღე: ნოემბერი 19, 2024

თბილისის საქალაქო სასამართლომ არ დააკმაყოფილა საიას შუამდგომლობა საქმის განხილვის შეჩერების შესახებ. საუბარია 2024 წლის საპარლამენტო არჩევნების შედეგების ბათილად ცნობის, ცესკოს შემაჯამებელი ოქმის გაუქმებისა და ხელახალი არჩევნების დანიშვნის სარჩელზე: ,,შუამდგომლობა ეფუძნებოდა საქართველოს პრეზიდენტის მიერ საკონსტიტუციო სასამართლოში შეტანილ სარჩელს, რომელიც არჩევნების შედეგების არაკონსტიტუციურად ცნობის მოთხოვნას ეხება ხმის ფარულობისა და საყოველთაობის პრინციპების დარღვევის გამო. სასამართლომ გადაწყვეტილება იმით ახსნა, რომ საარჩევნო დავების განხილვის ვადები კანონით შეზღუდულია და პრეზიდენტის სარჩელის შეტანის დამადასტურებელი მტკიცებულებები არ იყო წარმოდგენილი. საიას სარჩელით მოთხოვნილია 2024 წლის საპარლამენტო არჩევნების შედეგების ბათილად ცნობა, ცესკოს შემაჯამებელი ოქმის გაუქმება და ხელახალი არჩევნების დანიშვნა. საქმის…

,,რაღაც უნდა იმოქმედონ, სხვა გზა არ აქვთ. მართლა საცოდავ მდგომარეობაში არიან”, – განაცხადა ფრაქცია „ქართული ოცნების“ თავმჯდომარემ და მმართველი პარტიის აღმასრულებელმა მდივანმა მამუკა მდინარაძემ, რითაც უპასუხა ჟურნალისტიკის კითხვას – რა არის სალომე ზურაბიშვილის სარჩელის მიზანი. „მცდელობა თავისი პატრონების დარწმუნების, რომ სანიმუშოდ ასრულებენ დავალებებს, რაღაც ბარიერებს ქმნიან და თავისი მომხრეების მოტყუება – ეს არის. რაღაც უნდა იმოქმედონ, სხვა გზა არ აქვთ. მართლა საცოდავ მდგომარეობაში არიან, რადგან არწმუნებდნენ საზოგადოებას რომ „ქართული ოცნების“ მხარდაჭერა 25-30% იყო. „ქართულმა ოცნებამ“ მიიღო 54%. ახლა, ან ის უნდა თქვან, რომ ამდენი ხანი საზოგადოებას ატყუებდნენ, ან უნდა თქვან,…

,,პოლიციელებო, გთხოვთ გადახვიდეთ ტროტუარზე, ნუ კეტავთ გზას! მოქალაქეებს გადაადგილების პროცესში პრობლემას ნუ უქმნით – თუ რამეს აპროტესტებთ, გააპროტესტეთ ტროტუარზე – არ შეიძლება ქალაქის პარალიზება!”, – ასე მიმართა „ერთიანობა-ნაციონალური მოძრაობის“ ერთ-ერთმა ლიდერმა, გიორგი ვაშაძემ მელიქიშვილის გამზირზე მყოფ სამართალდამცავებს. „რატომ კეტავთ გზას? გზა რატომ გაქვთ დაკეტილი, შეგიძლიათ გვითხრათ? თქვენი რაოდენობა არ შეესაბამება თქვენ მიერ გამოხატული პროტესტის ფორმას. თქვენ ახლა პროტესტს გამოხატავთ, მელიქიშვილი გაქვთ დაკეტილი და გეკითხებით – რატომ გაქვთ დაკეტილი? ვინ გაიძულათ, რომ დაკეტოთ? თუ შეიძლება გადადით ტროტუარზე და თუ რამეს აპროტესტებთ, გააპროტესტეთ ტროტუარზე. აქ გზას ტყუილად ნუ კეტავთ. ხომ ემხრობით, რომ…

,,დღეს, 19 ნოემბერს, აქციის დარბევის გაშუქებისას, პოლიციის მხრიდან ჟურნალისტებისა და ოპერატორების მიმართ განხორციელებული ძალადობა პრესის თავისუფლების და დემოკრატიული პრინციპების წინააღმდეგ გადადგმული კიდევ ერთი ნაბიჯია”, – ნათქვამია ,,მედიის ადვოკატირების კოალიციის” განცხადებაში დღეს დილით განვითარებულ მოვლენებთან დაკავშირებით. ,,მედიით გავრცელებული ინფორმაციით, ოპერატორებისა და ჟურნალისტებზე მედიის წარმომადგენლებზე თავდასხმა, ფიზიკური ძალადობა და დაკავება მათი პროფესიული საქმიანობის შესრულების დროს განხორციელდა. კერძოდ: პროფესიული მოვალეობის შესრულებისას ფიზიკურად იძალადეს და დააკავეს ,,მთავარი არხის” ოპერატორი სერგი ბარამიძე; სამართალდამცველებმა ფიზიკური შეურაცხყოფა მიაყენეს ,,პუბლიკას” ჟურნალისტს მინდია გაბაძეს. სპეციალური დანიშნულების რაზმის წევრებმა ხელი შეუშალეს OC Media-ს ჟურნალისტს, მარიამ ნიკურაძეს პროფესიული მოვალეობის შესრულებაში; სამართალდამცველებმა…

დემოკრატიის კვლევის ცენტრი (DRI) 19 ნოემბრის დილას საპოლიციო ძალების მიერ მშვიდობიანი დემონსტრანტების დაშლას ეხმიანება და წერს, რომ შინაგან საქმეთა სამინისტრომ გამოიყენა აბსოლუტურად არაპროპორციული ძალა მშვიდობიანი შეკრების დასაშლელად. ორგანიზაცია შსს-ს მოუწოდებს დაბრუნდეს კანონის ჩარჩოებში; ხელი არ შეუშალოს აქციის მონაწილეებს პროტესტის მშვიდობიანად გამოხატვაში; მისცეს მედიას და ადვოკატებს პროფესიული მოვალეობის შესრულების შესაძლებლობა. ორგანიზაციის განცხადებით, მნიშვნელოვანია, მომავალში დადგეს აქციის დაშლის უკანონო ბრძანების გამცემი პირის პასუხისმგებლობა. ,,დემოკრატიის კვლევის ცენტრი ეხმიანება 2024 წლის 19 ნოემბერს, გამთენიისას, საპოლიციო ძალების მიერ მშვიდობიანი დემონსტრანტების დაშლას ჭავჭავაძის გამზირზე, თბილისის სახელმწიფო უნივერსიტეტის წინ და მიაჩნია, რომ შინაგან საქმეთა სამინისტრომ გამოიყენა აბსოლუტურად…

,,სამართალდამცავები ვალდებულნი არიან, აქციის მიმდინარეობისას მედიის წარმომადგენლებს ხელი არ შეუშალონ მუშაობის პროცესში, არამედ, პირიქით, ხელი შეუწყონ მიმდინარე მოვლენების გაშუქებაში”, – აცხადებს ,,ახალგაზრდა იურისტთა ასოციაცია” მელიქიშვილის გამზირზე მიმდინარე აქციის დროს სამართალდამცავი ორგანოების მხრიდან მედიის წარმომადგენელების მიმართ ძალადობის შემთხვევებზე და სპეციალურ განცხადებას ავრცელებს. ,,დემოკრატიულ საზოგადოებაში მედია, როგორც მაკონტროლებელი ინსტიტუტი, სასიცოცხლო როლს ასრულებს. საზოგადოებრივ ინტერესს მიკუთვნებულ საკითხებზე ინფორმაციის და იდეების მიუკერძოებლად და დამოუკიდებლად გავრცელება მედიის წარმომადგენლების მნიშვნელოვან მოვალეობას წარმოადგენს, ხოლო საზოგადოებას, თავის მხრივ, გააჩნია მსგავსი სახის ინფორმაციის მიღების უფლება. მედიის „ძირითადი ფუნქცია“ ასევე მოიცავს საზოგადოებრივი თუ პოლიტიკური ხასიათის შეკრებებისა და მანიფესტაციების გაშუქებას და…

მელიქიშვილის გამზირზე, პოლიციასა და აქციის მონაწილეებს შორის მომხდარი დაპირისპირებისას ადმინისტრაციული წესით დაკავებული პირები ზაჰესის დროებითი მოთავსების იზოლატორში გადაიყვანეს. ამ წუთებში იზოლატორში მათი შესახლების პროცედურა მიმდინარეობს. ამ დროსითვის არსებული ინფორმაციით, ადმინისტრაციული წესით დაკავებული 11 პირიდან 3, მათ შორის, „მთავარი არხის“ ოპერატორი სერგი ბარამიძე ხელწერილის საფუძველზე გაათავისუფლეს.

,,ისეთ ევროინტეგრაციას რა ვუთხარი, ლგბტ პროპაგანდაზე რომ გადის მისკენ გზა”, – ამის შესახებ ,,ქართული ოცნების” აღმასრულებელი მდივანმა, მამუკა მდინარაძემ პრესკონფერენციაზე განაცხადა. „ისეთ ევროინტეგრაციას რა ვუთხარი ლგბტ პროპაგანდაზე რომ გადის მისკენ გზა. ჩემთვის წარმოუდგენელია, ვიღაცამ ქართველებს გვითხრას, რომ თუ ბავშვებში ლგბტ პროპაგანდა არ დაიწყეთ, ევროპას ვერ ეღირსებითო. არავის სჭირდება ისეთი წევრობა, რომელიც ლგბტ პროპაგანდაზე და მის მიღება არ მიღებაზე გადის. საქართველოს თავისი მენტალობა, იდენტობა, კულტურა, ისტორია, კულტურული მემკვიდრეობა, ტრადიციები აქვს და არაფრის ფასად დათმობს ამ ყველაფერს. არის რაღაც წითელი ხაზები ნებისმიერი მოქალაქისთვის, რომელსაც ის არაფრით არ გადავა და ეს წითელი ხაზი…

საქართველოს პრეზიდენტის, სალომე ზურაბიშვილის ძმის, ოთარ ზურაბიშვილის განცხადებით, საპროტესტო აქციაზე მშვიდობიანი მოქალაქეების დაშლა და დაკავება ხელისუფლების სისუსტის მაჩვენებელია. მისი თქმით, „ქართული ოცნება“ რუსულ მეთოდებს იყენებს. „ეს არის სისუსტის მაჩვენებელი. გაყალბებას ხალხის გაღიზიანება მოსდევს. ქუჩაში გამოსვლა კანონიერ უფლებებში შედის. სხვა გზა როცა არ არის, აუცილებელია, რომ ხალხი ქუჩაში იყოს. მოქალაქეების წინააღმდეგ გადამეტებით იყენებენ ძალს, რაც ყველა კანონის დარღვევა არის. გაუფრთხილებლად დაკავება არის შიშის დათესვა. ყველას ახსოვს წინა პერიოდი, როგორ იყო საბჭოთა კავშირის დროს და ახლა კიდევ უარესს გვიპირებენ. პირდაპირ რუსეთისკენ მივდივართ და რუსული მეთოდები არის გამოყენებული. უნდა გავუძლოთ ამას, გადავიტანოთ და…

პრეზიდენტის წარმომადგენელმა ეკა ბესელიამ საკონსტიტუციო სასამართლოს სარჩელით უკვე მიმართა. ინფორმაციას ,,აჭარის ტელევიზია” ავრცელებს. მიიღებს თუ არა სასამართლო სარჩელს წარმოებაში 3 დღეში გახდება ცნობილი. სასამართლოს შემჭიდროებული 30 დღიანი ვადა აქვს განხილვის დასაწყებად. შეგახსენებთ, რომ სალომე ზურაბიშვილი საკონსტიტუციო სასამართლოში არჩევნების ორი კონსტიტუციური პრინციპის – ფარულობისა და საყოველთაობის დარღვევას ასაჩივრებს. საუბარია, როგორც საქართველოს პარლამენტის, ასევე აჭარის უმაღლესი საბჭოს არჩევნების შედეგებზე.

არჩევნების გაყალბების საქმეზე მაგისტრი მოსამართლის თანდასწრებით გამოკითხვები გრძელდება. თბილისის საქალაქო სასამართლოში, არჩევნების გაყალბების საქმეზე პროკურატურის მიერ დაწყებული ,,გამოძიების” ფარგლებში მაგისტრატი მოსამართლის წინაშე ოპოზიციონერი პოლიტიკოსი, ხატია დეკანოიძე იკითხება. ,,არჩევნები გააყალბეს და მე უნდა დამკითხონ”, – წერს დეკანოიძე.

საქართველოს სახალხო დამცველი 19 ნოემბერს, დილის აქციასთან დაკავშირებით განცხადებას ავრცელებს, ომბუდსმენი დაკავებული მოქალაქეების მოსანახულებლად მიდის, რომლებიც აპარატის ინფორმაციით, ფიზიკურად დაზიანდნენ და გადაყვანილები არიან კლინიკებში. ომბუდსმენი შსს-ს მოუწოდებს უზრუნველყონ აქციის მონაწილეთა მშვიდობიანი შეკრების თავისუფლება, ხელი არ შეუშალონ ჟურნალისტებს საქმიანობის განხორციელებაში, ხოლო, დაკავების ღონისძიებებისა და სპეციალური საშუალებების გამოყენებისას იხელმძღვანელონ აუცილებლობისა და პროპორციულობის კრიტერიუმების მკაცრი დაცვით. ,,სახალხო დამცველის რწმუნებულები ამ წუთებში მიემართებიან, 2024 წლის 19 ნოემბერს, დილის საათებში, დაკავებული მოქალაქეების მონახულების მიზნით. მათ შორის, იმ მოქალაქეების, რომლებიც აპარატის ინფორმაციით, ფიზიკურად დაზიანდნენ და გადაყვანილები არიან კლინიკებში. სახალხო დამცველი აღნიშნავს, რომ იმ დროისთვის (08:18, 19.11.2024),…

საქართველოს ახალგაზრდა იურისტთა ასოციაციის თავმჯდომარე, ნონა ქურდოვანიძე სოციალურ ქსელში წერს, რომ არასამთავრობო ორგანიზაციების ცხელ ხაზზე შესული ინფორმაციით, აქციაზე პოლიციელებმა 12 ადამიანი დააკავეს. ,,ამ დროისათვის არასამთავრობო ორგანიზაციების ერთიან ცხელ ხაზზე 577070563, შემოვიდა ინფორმაცია 12 დაკავებულის შესახებ. ადვოკატები მათი ადგილსამყოფელის დადგენას ცდილობენ, არავის დავტოვებთ ადვოკატის დახმარების გარეშე”, – წერს ნონა ქურდოვანიძე.

დროებით ოკუპირებული აფხაზეთის ე.წ. ,,პრეზიდენტი”, ასლან ბჟანია, ,,თანამდებობიდან” გადადგომას დათანხმდა და განცხადება დაწერა. ინფორმაციას ე.წ. ,,პრეზიდენტის” პრესსამსახურზე დაყრდნობით რუსული მედია ავრცელებს. მედიაში ვრცელდება მისი განცხადებაც, სადაც წერია: ,,ქვეყანაში სტაბილურობისა და კონსტიტუციური წესრიგის შენარჩუნების მიზნით, აფხაზეთის რესპუბლიკის კონსტიტუციის 65-ე მუხლის შესაბამისად, ვაცხადებ გადადგომას აფხაზეთის რესპუბლიკის პრეზიდენტის პოსტიდან”. თუმცა, მედია წერს, რომ შესაძლოა, ე.წ. ,,პრეზიდენტმა” ბჟანიამ გადადგომის შესახებ განცხადება გააუქმოს იმ შემთხვევაში, თუ მოქალაქეები ე.წ. სამთავრობო შენობების ტერიტორიიდან არ დაიშლებიან. აქვე ირკვევა, რომ დროებით ოკუპირებული აფხაზეთის ე.წ. ,,ვიცე-პრეზიდენტი” ახლა ე.წ. ,,პრეზიდენტის” მოვალეობის შემსრულებელი გუნბა გახდება. ეს კი ე.წ. ,,ხელისუფლებისა” და ოპოზიციის წარმომადგენლების…

აქცია დაშლილია, თუმცა, პროტესტის მონაწილეები ამ დრომდე მელიქიშვილის ქუჩაზე რჩებიან. სამართალდამცველები მათ გზის გათავისუფლებისკენ მოუწოდებენ. ,,უშუალოდ პოლიციის მეთაურები იყვნენ ჩართულები დაკავების ოპერაციაში, ჩემი და ნიკა მელიას დაკავებაც სცადეს” – გიორგი ვაშაძე ,,ვერანაირი პატრული და რობოკოპი ვერ გააჩერებს პროტესტს” – ხოშტარია  

,,უშუალოდ მეთაურები იყვნენ ჩართულები დაკავების ოპერაციაში, პირადად ჩემი და ნიკა მელიას დაკავება სცადეს”, – ამის შესახებ ,,ერთიანობა ნაციონალური მოძრაობის” ერთ-ერთმა ლიდერმა გიორგი ვაშაძემ განაცხადა. ,,ჩვენ ახლა გადავედით მობილური პროტესტის ფაზაში. გავიმეორებ წესებს, წესი ნომერი ერთი: არ ვაძლევთ დაჭერის შესაძლებლობას, ვხედავთ როგორ თავხედურად კანონგარეშე იქცევიან; მეორე, ვიჭერთ დისტანციას პოლიციასთან, თუ მოიწევენ ჩვენკენ ჩვენც გადავადგილდებით, ჩერდებიან ჩვენც ვჩერდებით. მელიქიშვილი არის დაკეტილი ფაქტობრივად, ჩვენი მიზანი ისევ მიღწეულია პოლიციის ხელით, ანუ თვითონ პოლიცია იძულებულია იდგეს აქ, გამოიფიტოს, დაიღალოს, ცოტა ხანში თავის მეთაურებს გინებას დაუწყებენ ახლა იმიტომ, რომ მათთვის ეს დატვირთვა რთულია. ჩვენ მოტივირებულები ვართ,…

ჟურნალისტების და ოპერატორების დევნის და დაკავების შეტყობინებებით მედიაომბუდსმენმა სპეციალურ საგამოძიებო სამსახურს მიმართა: ,,დღეს, 19 ნოემბერს სპეცდანიშნულების წევრები ჟურნალისტურ საქმიანობაში ხელს უშლიდნენ OC Media-ს ჟურნალისტს მარიამ ნიკურაძეს. სამართალდამცველები გადაღების შესაძლებლობას არ აძლევდნენ Netgazeti-ს კორესპონდენტს გივი ავალიანს. ჟურნალისტური საქმიანობის შესრულების პროცესში დააკავეს მთავარი არხის ოპერატორი სერგი ბარამიძე. სამართალდამცველებმა ფიზიკური შეურაცხყოფა მიაყენეს პუბლიკა Publika-ს ჟურნალისტს მინდია გაბაძეს. მოვუწოდებთ შინაგან საქმეთა სამინისტროს შეაჩეროს მედიასა და აქციის მონაწილეებზე ძალადობა. მოვუწოდებთ სპეციალურ საგამოძიებო სამსახურს დაუყოვნებლივ დაიწყოს გამოძიება სახელმწიფოს წარმომადგენლების მიერ ჩადენილ დანაშაულებთან დაკავშირებით”, – ნათქვამია მედიაომბუდსმენის განცხადებაში. ფოტო: პუბლიკა

,,კოალიცია ცვლილებისთვის” ერთ-ერთი ლიდერი და პარტია ,,ახალის” თანათავმჯდომარე ნიკა გვარამია სოციალურ ქსელში აქციაზე განვითარებულ მოვლენებს ეხმიანება და წერს, ,,ქართულ ოცნებას” ქართველი პოლიციელის ფორმაში გადაცმული რუსული ომონი ვერ უშველის. ,,პარტიის თანათავმჯდომარეს ათობით პოლიციელი აკავებდა და ხელიდან გამოვგლიჯეთ, პარტიის პოლიტსაბჭოს წევრები მყავს დაკავებული და დაზიანებული, პარტიის აქტივისტები ნაცემი და დაკავებული, მთავარი არხის მეგობარი ოპერატორი ნაცემი და დაკავებული. მიუხედავად ამისა, სრული სიმშვიდით და მწყობრი გონებით ვეუბნები ქოცებს: ქართველი პოლიციელის ფორმაში გადაცმული რუსული ომონი ვერ გიშველით. მაინც მოგიწევთ ხელახალი არჩევნების დანიშვნა და პოლიტიკურ მოუსავლეთში გადაკარგვა”, – წერს ნიკა გვარამია.

უწყვეტი პროტესტის მონაწილეები, ამ წუთებში, ფილარმონიის ტერიტორიაზე იმყოფებიან და როგორც პოლიტიკური ლიდერები აცხადებენ, აქციას ვერაფერი გააჩერებს. ,,მთავარი გადაწყვეტილებაა, რომ პროტესტი არ გაჩერდება, ქუჩის გაწმენდა ამას ვერ გააჩერებს. ხან იქით წავალთ, ხან აქეთ წავალთ. გამოვაცხადებთ და შევიკრიბებით. მთავარია, რომ ვერანაირი პატრული, ვერანაირი რობოკოპი ვერ გააჩერებს პროტესტს”, – ამბობს ,,კოალიცია ცვლილებისთვის” წევრი ელენე ხოშტარია.

საქართველოს ახალგაზრდა იურისტთა ასოციაცია, აქციაზე განვითარებულ მოვლენებს ეხმიანება და შინაგან საქმეთა სამინისტროს მოუწოდებს შეწყვიტოს მშვიდობიანი დემონსტრანტების საპოლიციო ძალებით დაშლა, არ დაუშვას აქციის მონაწილეების უკანონო დაკავება და მისცეს მათ პროტესტის გამოხატვის შესაძლებლობა. ,,თბილისის სახელმწიფო უნივერსიტეტის პირველი კორპუსისა და ვარაზის ხევის მიმდებარე ტერიტორიაზე მშვიდობიანი აქციის მონაწილეები ორი დღეა გამოხატავენ უწყვეტ პროტესტს. მოქალაქეებს ადგილზე ჰქონდათ გაშლილი კარვები, ხოლო გამთენიისას დიდი რაოდენობით მობილიზებულმა საპოლიციო ძალების წარმომადგენლება მშვიდობიანი აქციის მონაწილეები გაიყვენეს და ინვენტარისგან გაათავისუფლეს ტერიტორია. აქციის მონაწილეები იძულებულნი გახდნენ გადასულიყვნენ მელიქიშვილის გამზირზე. საჯარო ადგილას ნებისმიერმა დემონსტრაციამ შეიძლება გამოიწვიოს ჩვეულებრივი ცხოვრების გარკვეული დონის დარღვევა, მათ შორის,…

ქართული არასამთავრობო ორგანიზაციები მოქალაქეებს, აქციაზე დაკავების შემთხვევაში, უფასო იურიდიულ დახმარებას სთავაზობენ. ამოქმედებულია ცხელი ხაზიც. ,,მოქალაქეთა საყურადღებოდ: იმ შემთხვევაში თუ თქვენ დაგაკავეს აქციაზე, ქართული არასამთავრობო ორგანიზაციები მზად არიან უფასოდ გაგიწიონ იურიდიული დახმარება. დარეკეთ ცხელ ხაზზე: 577070563”, – წერია განცხადებაში.

საპოლიციო ძალებმა აქციაზე ,,კოალიცია ცვლილებისთვის” წევრი მანუჩარ ჩაჩანიძე დააკავეს. ასევე, საბა სხვიტარიძე პოლიციელების ძალადობის შედეგად დაშავდა. ხოლო პარტია ,,ახალის” პოლიტიკური საბჭოს წევრი ნიკა კვიტატიანი შეუძლოდ გახდა და ის ამ დროისთვის, კლინიკაშია გადაყვანილი. ფოტო: ,,რადიო თავისუფლება”

ფილარმონიის მიმდებარე ტერიტორიაზე შსს-ს თანამშრომლების დემონსტრანტების მანქანაში ჩატენვას ცდილობენ. სამართალდამცველები უპირისპირებიან პოლიტიკოსებსაც, დაპირისპირება იყო ნიკა მელიასთან. არსებული ინფორმაციით, გაუშვეს წიწაკის სპრეიც.