დღე: ნოემბერი 17, 2024

“პოლიციას” კი არ ვთხოვთ, მოვითხოვთ და ვეუბნებით – ჩვენ ვიბრუნებთ სამშობლოს! კეთილი ინებეთ და ჩვენს გვერდით დადექით და დაიბრუნებთ ჩვენი სამშობლო ჩვენთან ერთად” – ასე მიმართა კოალიცია “ცვლილებებისთვის” ერთ-ერთმა ლიდერმა სამართალდამცველებს და მოუწოდა, რომ აქციის მონაწილეების მხარე დაიჭირონ. სამართალდამცავების მისამართით მოწოდებები სხვა პოლიტიკურმა ლიდერებმაც გააკეთეს. „პოლიციამ მოწოდების მიხედვით იმოქმედა. ყველა მანქანა ქვემოთ ჩაიყვანა. ასე მოუწევთ ყველა სხვა შემთხვევაში. იმიტომ, რომ მათ ჩვენ ვუხდით ფულს და სანამ ჩვენ ვუხდით ფულს და მათ სანამ ქართველი პოლიცია ჰქვია, მანამდე ბიძინა ივანიშვილის პირადი გვარდია არ უნდა იყოს და ამას ჩვენ არ დავუშვებთ! კი არ ვთხოვთ,…

თსუ-სთან შეკრებილ მომიტინგეებს, რუსთაველზე მყოფი აქციის მონაწილეებიც შეუერთდნენ. მათ პოლიტიკური ლიდერები მიმართავენ. „არ დავშალოთ მიტინგი და ვიყოთ აქ… აგერ არის გეგმა. კიდევ არის რამდენიმე გეგმა და გაიგებთ ყველაფერს. მალე იქნება მეორე ნაწილი“- განაცხადა „კოალიცია ახალის“ ერთ-ერთმა ლიდერმა ნიკა გვარამიამ.  

ვარაზისხევში საავტომობილო მოძრაობა გადაკეტილია. პოლიციას საზოგადოებრივი ტრანსპორტი ადგილიდან გაჰყავს. აქციის მონაწილეები კარვებს შლიან. ადგილზე მოიტანეს, პლედები, საძილე ტომრები და სხვა საჭირო ნივთები. მოქალქეები, რომლებიც პარლამენტთან იყვნენ შეკრებილი მსვლელობით, თსუ-სკენ მიემართებიან. ოპოზიციამ 24 საათიანი პროტესტი დაანონსა.  

საკანონმდებლო ორგანოსთან აქცია დასრულდა. შეკრებილები მსვლელობით თბილისის სახელმწიფო უნივერსიტეტისკენ მიემართებიან, სადაც ოპოზიცია კარვებს შლის. თსუ-სთან 24 საათიანი პროტესტი დაანონსდა. აქციის მონაწილეთა ნაწილი აქ ღამეს გაათევს.

მელიქიშვილის ქუჩა გადაიკეტა. აქ კარვების გაშლა დაიწყეს. როგორც ცოტა ხნის წინ გახდა ცნობილი აქციის მონაწილეთა ნაწილი ღამეს თსუ-სთან გაათევს. ამის შესახებ განცხადება ოპოზიციური პარტიების წევრებმა გააკეთეს და საზოგადოებას მიმართეს, რომ საკვები და პლედები მიაწოდონ. აქციის მონაწილეები აქ ხვალ საღამოს 8 საათამდე დარჩებიან. პროტესტის გამო მოძრაობა შეზღუდული იქნება სამ ლოკაციაზე: ჭავჭავაძე, მელიქიშვილი და ვარაზის ხევი. “არ ვიცვლით ფეხს” – აქციის მონაწილეთა ნაწილი ღამეს თსუ-სთან გაათენებს

აქციის მონაწილეთა ნაწილი თბილისის სახელმწიფო უნივერსიტეტთან ღამეს გაათევს. ამის შესახებ ოპოზიციური პარტიების ლიდერებმა განაცხადეს. მათი თქმით, ბრძოლა გაგრძელდება ბოლომდე. „ღამეს გავათევთ თსუ-სთან, შემდეგ გეგმებს  გაგაცნობთ. არ ვიცვლით ფეხს, ეს  არის ჩვენი მტკიცე გადაწყვეტილება“-  განაცხადეს მათ. ოპოზიციური პარტიის წარმომადგენლების თქმით, 24 საათის განმავლობაში ეს ტერიტორია გადაიკეტება.

საქართველოს საკანონმდებლო ორგანოსთან აქცია დაიწყო. შეკრებილებს სიტყვით მიმართავენ ადგილობრივი სადამკვირვებლო ორგანიზაციების წარმომადგენლები, რომლებიც საზოგადოებას საპარლამენტო არჩვენების დროს მათ მიერ დაფიქსირებული დარღვევების შესახებ ისაუბრებენ. „ქვეყანაში არჩევნები არ ყოფილა ეს იყო გადატრიალება. მე მოგიყვებით იმ გადატრიალებაზე, რასაც შევესწარი. მე ვიყავი მარნეულში დამკვირვებელი. არ მივეცი უფლება გაყალბების სქემა გამოეყენებინათ. შეეცადნენ ფიზიკურად გამსწორებოდნენ. კონკრეტულად მოდიოდნენ სხვადასხვა მოქალაქეების პირადობებით. როდესაც ამაზე პროტესტი გამოვხატე 30 ადამიანი დამესია, იმისთვის, რომ ამ ნაძირლებს მიეცათ ხმა“- განაცხადა ერთ-ერთმა დამკვირვებელმა სიტყვით გამოსვლის დროს. პარალელურად დიდ ეკრანზე მათ მიერ მოპოვებული კადრები ჩანს, რომელიც არჩევნების დღეს არის გადაღებული.  

სტუდენტები მსვლელობით, ოპერისა და ბალეტის თეატრთან მივიდნენ, სადაც მანიფესტი წაიკითხეს. მანიფესტს რამდენენიმე უნივერსიტეტი აწერს ხელს. როგორც ერთ-ერთმა ახალგაზრდამ განაცხადა, ისინი არ აღიარებენ 26 ოქტომბრის არჩევნებს. ახალგაზრდები მსვლელობას პარლამენტისკენ გააგრძელებენ. „ჩვენ მოვითხოვთ, ლეგიტიმურ არჩევნებს, რომელიც არ ჩატარებულა 26 ოქტომბრეს. ჩვენ გვინდა თავისუფალი არჩევანი. ჩვენ გვინდა, რომ აქ მივიღოთ განათლება და არ გვიწევდეს ევროპაში ემიგრაციაში წასვლა“- განაცახადა ერთ-ერთმა სტუდენტმა. საკანონმდებლო ორგანოსთან აქციის მონაწილეები იკრიბებიან.

მოქალაქეები, სხვადასხვა ლოკაციიდან საქართველოს პარლამენტის შენობისკენ მსვლელობით მიემართებიან. აქციას შეუერთდნენ პოლიტიკური პარტიებიც, კერძოდ, “კოალიცია ცვლილებისთვის”, “ძლიერი საქართველოს” და „ერთიანობა ნაციონალური მოძრაობის“ ლიდერები და მხარდამჭერები სხვადასხვა ადგილზე შეიკრიბნენ და მსვლელობით მიემართებიან საკანონმდებლო ორგანოსკენ. ამასთან, ამ წუთებში მსვლელობას მართავენ, სტუდენტებიც, რომლებიც შეუერთდებიან პარლამენტთან დაგეგმილ აქციას. როგორც ცნობილია, დაანონსებულ აქციაზე, დამკვირვებელი ორგანიზაციები და დამკვირვებლები მთელი საქართველოდან თავად მოჰყვებიან, რა ნახეს 26 ოქტომბერს საარჩევნო უბნებზე. ამასთან, იურისტები საზოგადოებას გააცნობენ მომხდარის სამართლებრივ შეფასებას, ხოლო ორგანიზატორები შესთავაზებენ ხედვას, თუ როგორ უნდა მივიდნენ ხელახალ და სამართლიან არჩევნებამდე.

“წინა შემთხვევისგან განსხვავებით, არავის ხვეწნას არ დავუწყებთ ჩვენ იქით, გამორიცხული ამბავია, იმიტომ, რომ ერთხელ და სამუდამოდ, ეს ვაჭრობა – პარლამენტში შემოვალ და არ შემოვალ, უნდა დამთავრდეს. უნდა მიხვდნენ, რომ წაგებულმა, დამარცხებულმა უნდა აღიაროს არჩევნების შედეგები და სულ გადატრიალებაზე, ამოტრიალებაზე და რაღაც სისულელეებზე აღარ უნდა იფიქრონ”- ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ ოპოზიციაზე საუბრისას განაცხადა. მისი განცხადებით, ოპოზიციის წარმომადგენლები, პირველი სხდომის შემდეგ, „თვითონ დაიწყებენ პარლამენტის შესვლასთან დაკავშირებით ხვეწნას, ვინაიდან, მათ თავმოყვარეობა არ გააჩნიათ“. „პირველი სხდომის შემდეგ, თვითონ დაიწყებენ ხვეწნას. ისეთი უთავმოყვარეოები არიან, ყველანი შემოვლენ პარლამენტში – დაიმახსოვრეთ, რამდენს ექნება სურვილი. თუ…

პრეზიდენტის გადადგომის შესახებ მოთხოვნების შეუსრულებლობის შემთხვევაში, საკოორდინაციო საბჭო დროებით მთავრობას შექმნის. ამის შესახებ რუსულ საინფორმაციო სააგენტო TASS-ს აფხაზეთის ე.წ. „ოპოზიციის“ ერთ-ერთმა წარმომადგენელმა, თემურ გულიამ განაცხადა. „თუ პრეზიდენტი საღამომდე არ გადადგება, საკოორდინაციო საბჭოსგან მოვაწყობთ დროებით მთავრობას, მოვუწოდებთ ყველა საჯარო მოხელეს მუშაობისკენ, უზრუნველვყოფთ სამუშაო პირობებს და გავაკონტროლებთ საჯარო მმართველობის პროცესს“ – განაცხადა გულიამ. მისი თქმით, „ქვეყანამ უნდა გააგრძელოს ცხოვრება“.  

„მინდა შევახსენო საქართველოს პრეზიდენტს, რომელიც ჩვეულებისამებრ თავის მსჯელობებსა და შეფასებებში ხელმძღვანელობს ეროვნული მითოლოგიით და არა რეალობითა და საღი აზრით, რომ აფხაზეთის რესპუბლიკა არის თავისუფალი ქვეყანა, რომელიც დამოუკიდებლად განსაზღვრავს თავის ბედს, განვითარების მიმართულებებსა და ეროვნული ინტერესებს“ – ამის შესახებ აფხაზეთის ე.წ. „ოპოზიციის“ ერთ-ერთი ლიდერი, ადგურ არძინბა „ტელეგრამ“ არხზე წერს. მისი თქმით, აფხაზი ხალხი აბსოლუტურად ერთიანია უმთავრესში, ე.წ. „კონსტიტუციის ძირითად დებულებებში“. „ამ მხრივ, გაურკვეველია, ვის მიმართ და რისთვის არის სოლიდარული ქალბატონი ზურაბიშვილი, რომელთანაც აშკარად განსხვავებული შეხედულებები გვაქვს არა მხოლოდ სამშობლოს აწმყოსა და მომავალზე, არამედ ქვეყანაში ცხოვრებაზე, პოლიტიკაზე და, ალბათ, მორალზე. ასევე, გვინდა კიდევ…

“შევიტყვე ჩემი რუსეთში დაუსწრებლად „დაპატიმრების” ამბავი – ე.წ. საქმის” დეტალები არც ვიცი და არც აქვს ჩემთვის დიდი მნიშვნელობა, რა შეთხზეს ამჯერად ჩემი დევნისა და დისკრედიტაციისთვის” – ამის შესახებ საქართველოს თავდაცვის ყოფილი მინისტრი, დავით კეზერაშვილი სოციალურ ქსელში წერს. მისი თქმით, საყურადღებოა, რომ ეს ბოლო ქმედება რუსეთის მხრიდან, საეჭვოდ ემთხვევა „ქართული ოცნების“ მიერ 2008 წლის ომის გამოძიების დაწყების ცნობილ დაანონსებას. „შევიტყვე ჩემი რუსეთში დაუსწრებლად „დაპატიმრების” ამბავი. ე.წ. საქმის” დეტალები არც ვიცი და არც აქვს ჩემთვის დიდი მნიშვნელობა, რა შეთხზეს ამჯერად ჩემი დევნისა და დისკრედიტაციისთვის. რა თქმა უნდა, ძალიან კარგად მესმის, რომ რუსეთის დანაშაულებრივი…

შინაგან საქმეთა სამინისტრომ, თბილისში პოლიციელის დაჭრასთან დაკავშირებით გამოძიება ორი მუხლით დაიწყო. როგორც უწყებაში აცხადებენ, გამოძიება დაიწყო სისხლის სამართლის კოდექსის 117-ე მუხლით, რაც სხეულის განზრახ მძიმე დაზიანებას გულისხმობს და 236-ე მუხლით, რაც ცეცხლსასროლი იარაღის უკანონო შეძენა-შენახვა ტარებას გულისხმობს. მედიაში გავრცელებული ინფორმაციის თანახმად, წყნეთის პოლიციის თანამშრომელს საკუთარ სახლთან გვიან ღამით ესროლეს.

ოკუპირებული აფხაზეთის ე.წ. „პრეზიდენტი“, ასლან ბჟანია მოქალაქეებს მიმართავს და მოუწოდებს, რომ პროვოკაციებს არ აყვნენ. „მოვუწოდებ ჩვენს მოქალაქეებს, ყურადღებით მოუსმინონ ჩემს სიტყვებს. ძვირფასო თანამოქალაქეებო, ნუ აყვებით პროვოკაციებს. არ მიიღოთ მონაწილეობა უკანონო, არასანქცირებულ აქციებში. ახლა ეს არ გვჭირდება. ახლა არის დრო, როდესაც უნდა ვიზრუნოთ ჩვენს ქვეყანაზე, ჩვენს სამშობლოზე. ის საფრთხეშია და ჩვენი სამშობლო ამ მდგომარეობაში იმ ადამიანების ქმედებების შედეგად აღმოჩნდა, რომლებიც გადატრიალების მოწყობას შეეცადნენ. ჯერ კიდევ არ არის გვიან, ყველაფერის უკან დაბრუნება“- აღნიშნა ბჟანიამ. უკვე მესამე დღეა აფხაზეთის „ოპოზიციას“ ე.წ. „პრეზიდენტის“, ასლან ბჟანიას გადადგომის მოთხოვნით სოხუმში „სამთავრობო“ შენობების კომპლექსი აქვს დაკავებული.  

“ერთადერთი, ვისი ლეგიტიმაციაც სჭირდება ქვეყნის პარლამენტს, ეს არის მოსახლეობა, ამომრჩეველი, ქართველი ხალხი და, სწორედ, ქართველმა ხალხმა მიანიჭა პარლამენტს ლეგიტიმაცია” – ამის შესახებ პრემიერ-მინისტრმა ჟურნალისტებს პარლამენტის ლეგიტიმაციასთან დაკავშირებით დასმული კითხვის პასუხად განუცხადა. როგორც მთავრობის მეთაურმა აღნიშნა, არც ერთ ქვეყანაში პარლამენტს არ სჭირდება ოპოზიციის ლეგიტიმაცია და ეს რომ სხვანაირად იყოს, ვერც ერთი დემოკრატიული სისტემა ვერ შედგებოდა. „რაც შეეხება პარლამენტის პირველ შეკრებას, როგორც მოგეხსენებათ, ვადები დადგენილია საქართველოს კონსტიტუციით. ჩვენ ვვარაუდობთ, რომ საქართველოს ჯერ კიდევ ფორმალური პრეზიდენტი სალომე ზურაბიშვილი კიდევ ერთხელ დაარღვევს საქართველოს კონსტიტუციას, არ დანიშნავს პარლამენტის პირველ სხდომას. ამ შემთხვევაში, საქართველოს პარლამენტი არჩევნების…

“ოპოზიციამ კიდევ ერთხელ აჩვენა საკუთარი სახე, რაც საზოგადოებისთვის ახალი დასკვნების გამოტანის საფუძველი იქნება” – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. მთავრობის მეთაურს კითხვა დაუსვეს გუშინ ცესკოს სხდომაზე მომხდართან დაკავშირებით, რაზეც პრემიერ-მინისტრმა აღნიშნა, რომ ამის შეფასება მისი პრეროგატივა არ არის და ამ ქმედებას შეაფასებს შესაბამისი უწყება. „ჩვენ უნდა დაველოდოთ ოფიციალურ სამართლებრივ კვალიფიკაციას. რაც შეეხება პოლიტიკურ შეფასებას, კიდევ ერთხელ აჩვენა ოპოზიციამ საკუთარი სახე, რაც საზოგადოებისთვის ახალი დასკვნების გამოტანის საფუძველი იქნება. მადლობას გადავუხდი ცესკოს გაწეული საქმიანობისთვის, იმისათვის, რომ ცენტრალურმა საარჩევნო კომისიამ უზრუნველყო არჩევნების ძალიან მაღალ დონეზე ჩატარება“ – განაცხადა ირაკლი კობახიძემ.

“უწმინდესს და უნეტარესს უღრმესი მადლობა მინდა გადავუხადო ჩვენი პოლიტიკური გუნდის სახელით მილოცვისთვის” –  ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. მთავრობის მეთაურმა აღნიშნა, რომ ძალიან ყურადსაღებია განცხადებაში წარმოდგენილი თითოეული გზავნილი. „ჩვენთვის ძალიან მნიშვნელოვანია ის ურთიერთთანამშრომლობა, რომელიც არსებობს სახელმწიფოსა და ეკლესიას შორის, რასაც ძალიან ვუფრთხილდებით. თითოეული გზავნილი, რომელიც იყო წარმოდგენილი განცხადებაში, ჩვენთვის არის ძალიან ყურადსაღები და ბუნებრივია, ვიმოქმედებთ შესაბამისად“ –  განაცხადა პრემიერ-მინისტრმა.  

თბილისში პოლიციელი დაჭრეს. გავრცელებული ინფორმაციით, სამართალდამცველს საკუთარ სახლთან ესროლეს. ის ახლა კლინიკაშია, მისი ჯანმრთელობის მდგომარეობა მძიმეა. „გავიგე სროლის ხმა, გავედი, „რა ხდება“-მეთქი და რა ხდება და შაკო დაჭრესო. ჩემი მაზლის შილიშვილია ეს ბიჭი. შაკო დაჭრესო და წაიყვანა სასწრაფომ. რატომ მოხდა, არავინ იცის“ – ამბობს ნათესავი.