დღე: ნოემბერი 16, 2024

“ეს იყო გულწრფელი პროტესტი, რომელიც გიორგი კალანდარიშვილის მიმართ გამოვხატე – ეს იყო სოლიდარობა იმ სტუდენტების და ქართველი ხალხის მიმართ, რომლებმაც ხმა დაკარგეს” – ამის შესახებ „ერთიანობა – ნაციონალური მოძრაობის” წარმომადგენელმა, დავით კირთაძემ ბრიფინგზე განაცხადა. მისივე თქმით, დღეს საქართველოში არის რეალობა, რომელიც ქართველი ხალხის ნებას არ გამოხატავს, რადგან მისი შეფასებით, ცესკოს თავმჯდომარემ, გიორგი კალანდარიშვილმა ქართველი ამომრჩევლების “ხმა მოიპარა”. “თქვენ ნახეთ თვალახვეული კალანდარიშვილი, რომელიც მთელი საარჩევნო პერიოდის განმავლობაში – დიახ, ზუსტად ასე იყო. თვალახვეული იყო და ვერ ხედავდა, ვერც არჩევნების დღეს დარღვევებს, ცემა-ტყეპას, დაშინებას, მოსყიდვას, რაც არჩევნების პროცესში მიმდინარეობდა. ამიტომ მე ყველა ქართველ…

საქართველოს პრეზიდენტის ბრიფინგი, რომელიც დღეს უნდა გაეკეთებინა, ორშაბათისთვის გადაიდო. აღნიშნულის შესახებ ინფორმაციას პრეზიდენტის ადმინისტრაცია ავრცელებს. მათი ცნობით, დეტალები მოგვიანებით გახდება ცნობილი. სალომე ზურაბიშვილის ბრიფინგი ორბელიანების სასახლეში 20:00 საათზე იყო ჩანიშნული

ცესკო-ს თავმჯდომარის, გიორგი კალანდარიშვილის სახლთან, სადაც სამოქალაქო აქტივისტები პროტესტის გამოსახატად მივიდნენ, კვლავ ხმაურია. ადგილზე მობილიზებულია პოლიცია. სამართალდამცავები ცდილობდნენ ახალგაზრდები კალანდარიშვილის სახლიდან რამდენიმე მეტრის მოშორებით გადაეყვანათ, რა დროსაც პოლიციასა და აქტივისტებს შორის შეხლა-შემოხლას ჰქონდა ადგილი. ფიზიკური დაპირისპირების დროს  აქციის მონაწილე  შეუძლოდ გახდა. საპატრულო პოლიციის დეპარტამენტის თბილისის მთავარი სამმართველოს უფროსის მოადგილის, გოგა მემანიშვილის განცხადებით, აქტივისტები ადგილობრივ მცხოვრებლებს შეურაცხყოფას აყენებდნენ, რის გამოც მიიღეს გადაწყვეტილება, რომ ისინი ტერიტორიიდან განერიდებინათ. „აქ მცხოვრებლებთან დაპირისპირებაში შედიან. ისინი გავიყვანეთ და აქედან აყენებდნენ სიტყვიერ შეურაცხყოფას. აქციის მონაწილეები სიტყვიერ შეურაცხყოფას აყენებენ აქ მცხოვრებლებს. შესაბამისად, რომ არ დაიძაბოს ვითარება, რომ არ…

დაპირისპირება იყო ცენტრალური საარჩევნო კომისიის თავმჯდომარის გიორგი კალანდარიშვილის სახლთან, სადაც პროტესტის ნიშნად  აქტივისტები მივიდნენ. როგორც ისინი აცხადებენ, თავს უცნობი ადამიენები დაესხნენ და ფიზიკურად გაუსწორდნენ. ადგილზე პოლიციაა მობილიზებული.

ოკუპირებულ აფხაზეთში მომიტინგეებმა „ვადამდელი არჩევნების“ შესახებ ასლან ბჟანიას წინადადებაზე უარი განაცხადეს. ინფორმაციას რუსული მედია ავრცელებს. ამავე ცნობით, ოკუპირებულ აფხაზეთში, ე.წ პრეზიდენტის „ადმინისტრაციასთან“ შეკრებილმა აქციის მონაწილეებმა, „სამთავრობო“ შენობების დატოვებაზე უარი განაცხადეს. ოპოზიციის ერთ-ერთმა ლიდერმა, ადგურ არძინბამ მომიტინგეებს ე.წ. პრეზიდენტის ასლან ბჟანიას წინადადება გააცნო, რაზეც აქციის მონაწილეებმა უარი თქვეს და განაცხადეს, რომ თანახმა მხოლოდ ე.წ. პრეზიდენტის გადადგომაზე იქნებიან. მანამდე, ასლან ბჟანიამ განაცხადა, რომ გადადგომისთვის მზად იყო, იმ შემთხვევაში, თუ მომიტინგეები „სამთავრობო“ შენობებს დატოვებდნენ.

ასლან ბჟანიას განცხადებით, მომიტინგეების მიერ ე.წ. პარლამენტის შენობის დატოვების შემდეგ, „პრეზიდენტის“ თანამდებობას დატოვებს. ამის შესახებ ოკუპირებული აფხაზეთის „პრეზიდენტის“ განცხადებას რუსული მედია ავრცელებს. „მათ ვინც შენობა დაიკავა, ვინც სახელმწიფო გადატრიალების დასრულებას ცდილობდა, შენობის კომპლექსი უნდა დატოვონ, რის შემდეგაც მე მზად ვარ არჩევნები დავნიშნო, მზად ვარ გადავდგე და არჩევნებში მონაწილეობა მივიღო“ – განუცხადა ასლან ბჟანიამ სოფელ ტამიშში შეკრებილ მხარდამჭერებს.    

„ქართული ოცნების” აღმასრულებელი მდივანი, მამუკა მდინარაძე ოპოზიციის ბოლოდროინდელ აქტივობებს და ცესკო-ს თავმჯდომარის, გიორგი კალანდარიშვილისთვის, „ნაციონალური მოძრაობის” წარმომადგენლის, დავით კირთაძის მიერ შავი სითხის შესხმას ეხმაურება. “შავი ლაქა! ეს არის აგენტურული ოპოზიციის სიმბოლო! საბოლოოდ, ვიზუალურადაც დაიბრენდეს! მკლავზე დამაგრებით დაიწყეს…“ – წერს მდინარაძე.  

საპროტესტო მსვლელობისას, რომელიც ცენტრალური საარჩევნო კომისიის შენობიდან გაიმართა, ჯამში სამი ადამიანია დაკავებული. შსს-ს ინფორმაციით, საპროტესტო მსვლელობის მონაწილეები ადმინისტრაციული წესით არიან დაკავებულები. ცნობისთვის, იქამდე საპატრულო პოლიციის მაღალჩინოსანმა განაცხადა, რომ მოქალაქეთა დაკავება გზის სავალი ნაწილის გადაკეტვის მცდელობისა და საპოლიციო მოქმედებებისთვის ხელის შეშლისთვის მოხდა.

შინაგან საქმეთა სამინისტრომ „ერთიანობა – ნაციონალური მოძრაობის“ წარმომადგენლის, დავით კირთაძის წინააღმდეგ გამოძიება ჯანმრთელობის განზრახ ნაკლებად მძიმე დაზიანების მუხლით დაიწყო. “შინაგან საქმეთა სამინისტრომ ცენტრალური საარჩევნო კომისიის მომართვის საფუძველზე გამოძიება, სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს. ცენტრალურ საარჩევნო კომისიის შენობაში მიმდინარე არჩევნების შემაჯამებელი სხდომის დროს, „ერთიანობა – ნაციონალური მოძრაობის“ წარმომადგენელმა, დავით კირთაძემ ამ დროისთვის დაუდგენელი თხევადი სითხე შეასხა ცენტრალური საარჩევნო კომისიის თავმჯდომარეს, გიორგი კალანდარიშვილს. ფაქტთან დაკავშირებით მიმდინარეობს გამოძიება და გამოძიების მსვლელობისას ჩატარდება ყველა შესაბამისი საგამოძიებო მოქმედება“ – ნათქვამია უწყების მიერ გავრცელებულ ინფორმაციაში.

2024 წლის საპარლამენტო არჩევნების შემაჯამებელი ოქმის თანახმად, „ქართულმა ოცნებამ“ ამომრჩეველთა 53.93%-იანი მხარდაჭერა მიიღო და პარლამენტში 89 მანდატით იქნება წარმოდგენილი. ოქმის თანახმადვე, საარჩევნო ბარიერი 4-მა ოპოზიციურმა პარტიამ გადალახა, მათგან ყველაზე ბევრი 19 მანდატი კი პარტიამ – „კოალიცია ცვლილებისთვის“ მიიღო. „ერთიანობა ნაციონალური მოძრაობას“ 16 მანდატი აქვს, „ძლიერი საქართველოს“ 14; პარტიას, „გახარია საქართველოსთვის“ 12. საარჩევნო სუბიექტის შედეგები ასეთია: „საქართველოს ერთობისა და განვითარების პარტია“ – 3 892 ხმა, 0.19%’„კოალიცია ცვლილებისთვის“ – 229 161 ათასი ხმა, 11.03%, მანდატების რაოდენობა 19.„ერთიანობა ნაციონალური მოძრაობა“ – 211 216 ხმა, 10.17%, მანდატების რაოდენობა 16;„ევროპელი დემოკრატები“ – 7955 ხმა, 0.38%; „საქართველოს…

აღმაშენებლის ხეივანში ვითარება დაძაბა. დაპირისპირება იყო სამართალდამცავებსა და აქციის მონაწილეებს შორის. სავარაუდოდ, დაკავებულია აქციის ერთი მონაწილე. “პოლიცია რუსეთის დავალებას ასრულებს, მიმდინარეობს ქტივისტებზე ფიზიკური აგნარიშსწორება”- ამბობს აქციის მონაწილე. ცესკოსთან მიმდინარე აქციის მონაწილეებმა პროტესტის ნიშნად აღმაშენებლის ხეივანი გადაკეტეს.

შემაჯამებელი ოქმის ხელმოწერისა და არჩევნების ოფიციალურად დასრულების დასკვნითი ბრიფინგი ცენტრალური საარჩევნო კომისიის თავმჯდომარის ნაცვლად, მისმა მოადგილემ გიორგი შარაბიძემ გამართა. როგორც მან ბრიფინგზე განმარტა, სხდომის მიმდინარეობისას მომხდარი სამწუხარო ინციდენტის გამო, გიორგი კალანდარიშვილმა ბრიფინგის ჩატარება ფიზიკურად ვერ შეძლო. “ყველა შემაჯამებელი ოქმი იყო კანონიერ ძალაში შესული. ასე რომ, დღევანდელ სხდომაზე ერთადერთი პროცედურა რასაც ითვალისწინებს კანონი გახლავთ ის, რომ კომისიის მდივნის მიერ ცხადდება შესაბამისი შედეგები და ივსება შემაჯამებელი ოქმი, მას ხელს აწერს თავმჯდომარე და მდივანი და ის დასტურდება კომისიის ბეჭდით. ჩვენ ყველამ ვიხილეთ ის სამწუხარო ინციდენტი, რაც მოხდა საარჩევნო ადმინისტრაციის შესაბამის სხდომაზე და შესაბამისად,…

“უკიდურესი ვადა 21 ნოემბერი არ არის დათქმული და ბეჭედ დასმული ვადა- შემაჯამებელი ოქმის შედგენის კანონიერებასთან ვერანაირი საკითხი ვერ დადგება – ყველა ვადა და ინსტანცია გუშინ ამოწურული იყო” – ასე უპასუხა ცენტრალური საარჩევნო კომისიის თავმჯდომარის მოადგილე გიორგი შარაბიძემ კითხვას, რატომ არ დაელოდა ცესკო ვადის ამოწურვას, კერძოდ, 21 ნოემბერს წარედგინათ არჩევნების შემაჯამებელი ოქმი. მისივე თქმით, შესაძლოა, არსებობდეს მეორე კონტრკითხვა – რატომ უნდა გაწელოს საარჩევნო ადმინისტრაციამ ხელოვნურად ვადა, როცა ყველა იურიდიული საფეხური გავლილია და დასრულებული? „საარჩევნო ადმინისტრაცია შემაჯამებელ ოქმს ცენტრალური საარჩევნო კომისიის სხდომაზე ადგენს მას შემდეგ, რაც ამოიწურება ყველა ინსტანციაში ყველა შესაძლო საჩივრის განხილვის…

ცესკოს შენობასთან მყოფი აქციის მონაწილეები მსვლელობას მართავენ. მათ გზის გადაკეტვა სცადეს, თუმცა მათ ამის საშუალება სამართალდამცავებმა არ მისცეს. უცნობია, თუ სად მიდიან აქციის მონაწილეები. „მოქალაქეები ვცდილობთ არ შეწყდეს პროტესტი. ეს არის მშვიდობიანი პროტესტი, რასაც უპირისპირდება შავ ლაქად გადაქცეული ძალა, რომელიც იყენებს ყველა მეთოდს – შეზღუდვის დაშინების და ტერორის“- ამბობს აქციის მონაწილე.

ცესკოსთან აქციის მონაწილეებსა და სამართალდამცავებს შორის სიტყვიერი დაპირისპირება მოხდა. ვითარება, მას შემდეგ დაიძაბა რაც აქციის მონაწილეები ცესკოს ეზოში შესასვლელ ჭიშკართან მივიდნენ და პროტესტის ნიშნად, რკინის კონსტრუქციის ძალით გარღვევა სცადეს. როგორც აქციის მონაწილეები აცხადებენ, ერთ-ერთმა პოლიციელმა მათ სიტყვიერი შეურაცხყოფა მიაყენა.