დღე: ნოემბერი 14, 2024

ილიაუნის სტუდენტური მოძრაობა ბათუმის სახელმწიფო უნივერსიტეტის სტუდენტების მიერ დაწყებულ პროტესტს ეხმაურება და მათ მხარდაჭერას უცხადებს. “ილიაუნის სტუდენტური მოძრაობა ვეხმიანებით ბათუმის სახელმწიფო უნივერსიტეტის სტუდენტების პროტესტს, მხარს ვუჭერთ მათ ბრძოლას მოპარული ხმისთვის და ვგმობთ თითოეული პირის მონაწილეობას არჩევნების გაყალბების პროცესში.  შევახსენებთ ბსუ-ს იურიდიული ფაკულტეტის დეკანს, რომ ჩვენი, სტუდენტების, არათუ უფლება, მოვალეობაა სამშობლოს სამსახურში დგომა, რომ ვერავინ შეძლებს ჩვენი ხმის ჩახშობას ვერც უნივერსიტეტებში და ვერც უნივერსიტეტებს მიღმა! დღეს ჩვენც ჩვენი ხმების, სამშობლოს, თავისუფლებისა და ევროპული მომავლის გუშაგები ვართ! მოგიწოდებთ ერთიანობისკენ ! ჩვენ, სტუდენტები, როგორც საქართველოს აქტიური მოქალაქეები და დამკვირვებლები, რომლებიც თავადვე შევესწარით, როგორ…

მეტი...

“გულწრფელად რომ ვთქვათ, დღეს არავის სჯერა, რომ უკრაინა ყირიმს დაიბრუნებს, ეს არის რეალობა” – ამის შესახებ ევროკომისიის ყოფილმა პრეზიდენტმა, ხოსე მანუელ ბაროზომ „ევრონიუსთან“ ინტერვიუში განაცხადა ბაროზომ, რომელიც რუსეთის მიერ ყირიმის ანექსიის დროს ევროკომისიის პრეზიდენტი იყო, გაიხსენა წევრი ქვეყნების დიპლომატიური უთანხმოება რუსეთის მიერ ყირიმის ანექსიაზე ევროკავშირის საერთო პასუხთან დაკავშირებით. ევროკავშირის ყოფილი მაღალჩინოსნის განცხადებით, სამი ვარიანტი იყო: ომის გამოცხადება რუსეთისთვის, სანქციების დაწესება ან დაგმობის განცხადება. „პირველი, ფაქტობრივად, ვიქტორ ორბანი იყო. ორბანმა თქვა: „არ ვეთანხმები სანქციებს, რადგან იქნება კონტრსანქციები, ეს ჩვენთვის უარყოფითი იქნება, მაგრამ კონსენსუსის შემთხვევაში, წინააღმდეგი არ ვიქნები“ –  განაცხადა ბაროზომ. 10 წლის…

მეტი...

14 ნოემბრიდან ქვეყნის მასშტაბით მოსახლეობისა და სასოფლო-სამეურნეო აღწერა დაიწყო, რომელსაც საქსტატი ყოველ 10 წელიწადში ერთხელ ატარებს. მონაცემთა შეგროვების პროცესი 19 დეკემბრის ჩათვლით გაგრძელდება. „აღწერა ორ ეტაპად ჩატარდება. პირველ ეტაპზე, 14 ნოემბრიდან 23 ნოემბრის ჩათვლით პერიოდში, მონაცემები შეგროვდება თვითრეგისტრაციის მეთოდით (CAWI). თვითრეგისტრაციის დროს რესპონდენტები დამოუკიდებლად, ინტერვიუერების გარეშე, კომპიუტერის, პლანშეტის, ან სმარტფონის მეშვეობით, სტანდარტული ინტერნეტ ბრაუზერის გამოყენებით, ელექტრონულად ავსებენ კითხვარებს მათთვის სასურველ დროსა და ადგილზე. აღნიშნული მეთოდი ხელსაყრელია იმ რესპონდენტებისთვის, რომელთაც არ სურთ ინტერვიუერის სახლში სტუმრობა ან არ აქვთ საკმარისი დრო პირისპირ ინტერვიუსთვის. ელექტრონული კითხვარის შესავსებად მსურველებმა უნდა გაიარონ მარტივი რეგისტრაცია საქსტატის…

მეტი...

ერთა ლიგაზე საქართველოს ნაკრების მოახლოებული მატჩებისა და საწვრთნელი შეკრების მიმდინარეობის შესახებ კომენატარი ბუდუ ზივზივაძემ გააკეთა. „წლის ბოლო შეკრებაა. ორი შეხვედრა გველის და ყველას გვსურს, წელი პოზიტიურად დავასრულოთ. ოქტომბრის მატჩები არ იყო ისეთი, როგორიც გვინდოდა. თუმცა ვეცდებით, რომ ვითარება გამოვასწოროთ და ერთა ლიგის ჯგუფში ჩვენთვის სასურველ შედეგს მივაღწიოთ. რაც მთავარია, მზად ვართ, ყველა ფეხბურთელი ჯანმრთელად არის და მაქსიმუმს გავაკეთებთ, რომ ქართველი გულშემატკივარი კიდევ ერთხელ გავახაროთ“, – განაცხადა ბუდუ ზივზივაძემ. შეგახსენებთ, რომ საქართველოს ნაკრების თავდამსხმელი მიმდინარე სეზონში „კარლსრუეს“ ფორმით შესანიშნავად თამაშობს და 12 მატჩში გატანილი 8 გოლით (პლუს ორი საგოლე გადაცემა) გერმანიის…

მეტი...

„ამ ქვეყნისთვის ყველაზე დიდი შავი წერტილი არის გარედან მართული რადიკალები, უსამშობლო, მოღალატე აგენტები. ეს არის დღევანდელი რეალობა“, – ასე გამოეხმაურა დედაქალაქის მერი კახა კალაძე მედიის შეკითხვას ძეგლებზე შავწერტილიანი სამკლაურების შებმის შესახებ. მისივე თქმით, უსუსურია ოპოზიციის მიერ წარმოებული კამპანიაც სიების ჩახსნასთან დაკავშირებით. „სიებთან დაკავშირებითაც უსუსური კამპანიაა. თავიდანვე იცოდნენ, რომ შეუძლებელია ეს, კონსტიტუციაში პირდაპირ წერია, კანონით არის განსაზღვრული, შეუძლებელია სიების ჩახსნა, მაგრამ ალბათ თავიანთ ამომარჩევლებს ეკეკლუცებიან თუ რა უნდათ, არ ვიცი. ეს პირდაპირ ასახავს, თუ რა მდგომარეობაში იმყოფებიან ისინი. თუ ვინმეს უნდაა აქციაზე გასვლა, ესეც მათი უფლებაა, არავინ არ ზღუდავს. შეუძლიათ ჩაატარონ,…

მეტი...

,,ვერ წარმომიდგენია, რომ ტრამპი რუსეთს უკრაინის განადგურების საშუალებას მისცემს, ის პატივს სცემს აშშ-ის გადასახადის გადამხდელთა ფულს”, – ამის შესახებ პოლონეთის პრეზიდენტმა, ანჯეი დუდამ განაცხადა. „ჩვენ ვიცით, რომ პრეზიდენტი დონალდ ტრამპი წარმატებული ადამიანია. რა თქმა უნდა, ის დაბადებულია მებრძოლად, უყვარს ბრძოლა და უპირველეს ყოვლისა, არ უყვარს წაგება – ის არის გამარჯვებული, რაც ასევე აჩვენა ამერიკის ბოლო არჩევნებმა. ჩვენ ვიცით, რომ პრეზიდენტი დონალდ ტრამპი პატივს სცემს ამერიკელი გადასახადის გადამხდელების ფულს. არაერთხელ უთქვამს, არაერთხელ გაუსვამს ამისთვის ხაზი. ამას თუ გავითვალისწინებთ, თუ გავითვალისწინებთ, რამხელა ინვესტიცია ჩადო უკვე შეერთებულმა შტატებმა უკრაინის დასახმარებლად, რამდენად დიდი თანხები…

მეტი...

„ოჯახური ღირებულებებისა და არასრულწლოვანთა დაცვის შესახებ“ კანონი ქვეყანაში მხოლოდ და მხოლოდ ლგბტ პროპაგანდის აკრძალვას ემსახურება და არ არის მიმართული სექსუალური უმცირესობების წარმომადგენელთა უფლებების შეზღუდვისკენ”, – ასე პასუხობს თბილისის მერი კახა კალაძე ევროპარლამენტარების მიერ გაკეთებულ განცხადებებს, რომლითაც ისინი აღნიშნული კანონის გაუქმებას მოითხოვენ. მისი შეფასებით, ლგბტ პროპაგანდა, როგორც მოზარდებში, ისე ბავშვებში კატეგორიულად მიუღებელია. „ნუ იჩქარებენ მსგავსი ტიპის განცხადებების გაკეთებას. ძალიან ბევრი რამ შეიცვლება. იცით, რომ ამერიკის შეერთებული შტატების საპრეზიდენტო არჩევნებში გაიმარჯვა დონალდ ტრამპმა, რომელსაც კონსერვატიული ღირებულებები აქვს. დაველოდოთ. ბევრი რაღაც შეიცვლება სხვადასხვა მიმართულებით. რაც შეეხება აღნიშნულ კანონს, ჩვენ ვეწინააღმდეგებით ქვეყანაში ლგბტ პროპაგანდას,…

მეტი...

ახალგაზრდა ქალს, შორენა ონიანს საზოგადოების დახმარება სჭირდება. ინფორმაციას მისი ახლობლები სოციალურ ქსელში ავრცელებენ. „გთხოვთ, დაგვეხმაროთ მეგობრებო, ვინც თბილისში იმყოფებით. მეგობარს სჭირდება სისხლის გადასხმა. რეზუსს არ აქვს მნიშვნელობა. ვისაც შეგიძლიათ დახმარება, მიდით თბილისში, იაშვილის კლინიკაში და ჩააბარეთ სისხლი შორენა ონიანის სახელზე (შორენა იმყოფება ღუდუშაურის კლინიკაში). გთხოვთ, ჩვილ ტყუპებს გადაურჩინეთ დედა. ნუ გავწირავთ ახალგაზრდა გოგოს და მივცეთ შანსი დედობის“, – წერია გავრცელებულ ინფორმაციაში.

მეტი...

ევროპის პოლიციამ 43 ადამიანი დააკავა ფულის გათეთრებისა და მაფიის საქმიანობის გზით საგადასახადო თაღლითობის საქმის გამოძიების ფარგლებში. ევროკავშირის პროკურატურისა და იტალიის პოლიციის ცნობით, გამოძიება ეხება IT-პროდუქტებითა და ელექტრონული მოწყობილობებით ვაჭრობისას საგადასახადო თაღლითობას და მოიცავს 400-მდე კომპანიას. გამოძიებას 200-მდე ეჭვმიტანილი ჰყავს ძირითადად იტალიასა და ევროპის რამდენიმე სხვა ქვეყანაში, ასევე არაბთა გაერთიანებულ საამიროებში. დაკავებულები ასევე ეჭვმიტანილი არიან დღგ-ს გადახდისგან თავის არიდებით მიღებული შემოსავლით იტალიური მაფიის საქმიანობის ხელშეწყობაში. დაკავებულთა შორის 34 ციხეშია, ცხრა კი – შინა პატიმრობაში. კიდევ ოთხ ეჭვმიტანილს სამსახურებრივი უფლებამოსილება შეუჩერდა. ბრალდებულები დააკავეს ჩეხეთში, ნიდერლანდებში, ესპანეთსა და ბულგარეთში. გამოძიების ფარგლებში აღმოჩენილია 1,3…

მეტი...

უკრაინის საგარეო საქმეთა სამინისტროს სპიკერმა გიორგი ტიხიმ სოციალურ ქსელ X-ში დაწერა, რომ უკრაინა ბირთვული იარაღის შექმნას არ აპირებს. „უკრაინა ემხრობა ბირთვული იარაღის გაუვრცელებლობის ხელშეკრულებას. ჩვენ არ გვაქვს, არ ვმუშაობთ და არც ვაპირებთ შევქმნათ ბირთვული იარაღი. უკრაინა მჭიდროდ თანამშრომლობს ატომური ენერგიის საერთაშორისო სააგენტოსთან და სრულად გამჭვირვალეა, რაც ბირთვული მასალების სამხედრო მიზნებისთვის გამოყენებას გამორიცხავს“, – დაწერა ტიხიმ. ცნობისთვის, ბრიტანულმა გაზეთმა The Times-მა გუშინ გაავრცელა ინფორმაცია, რომ უკრაინამ, შესაძლოა, საკუთარი ბირთვული ბომბი შექმნას, თუ აშშ მას სამხედრო დახმარების გაგრძელებაზე უარს ეტყვის.

მეტი...

„ქართული ოცნების“ გენერალური მდივანი, თბილისის მერი კახა კალაძე ბარიერგადალახული ოპოზიციური პარტიების ნაწილის მიერ პარტიული სიების ჩახსნის შესახებ განცხადებებს სისულელეს უწოდებს. „ჩვეულებრივი სისულელეა განცხადებები, რაც ჩვენ ვნახეთ კონკრეტული პარტიების მონაწილეობით. მათ ძალიან კარგად იციან, რომ ეს უბრალოდ შეუძლებელია. თუ მართლა პარლამენტში არშესვლა უნდა და სიების ჩახსნა, შეიკრიბება პარლამენტი და ამის შემდეგ ჩვეულებრივად, არ შევიდნენ და მერე თუ უნდათ, სიები ჩახსნან და რაც უნდათ, ის გააკეთონ. მაგრამ ახლა რომ იციან, რომ შეუძლებელია, ამის გაჟღერება არის იმ ბინძური პოლიტიკის და სიცრუის ნაწილი, რასაც ჩვენ ვხედავთ ბოლო თვეების განმავლობაში“, – განაცხადა კახა კალაძემ.

მეტი...

ხაშურში, ავტოსაგზაო შემთხვევის შედეგად მძიმედ დაშავებული დების, 15 წლის ნიაკოს და 8 წლის თათულის ოჯახის ახლობელი ალექსანდრე ტაბატაძე გულშემატკივრებს სოციალურ ქსელში სასიხარულო ინფორმაციას უზიარებს. „მოგესალმებით მეგობრებო. პირველ რიგში მინდა ყველას უღრმესი მადლობა გადაგიხადოთ გვერდში დგომისთვის, მხარდაჭერისთვის. ძალიან დიდი შედეგი გამოიღო თქვენმა გვერდში დგომამ, ოჯახმა იგრძნო, რომ მარტო არ არიან ამ ტრაგედიის წინაშე და სიცოცხლისათვის ბრძოლაში. ჩვენი მაგარი გოგოების მდგომარეობას რაც შეეხება, მართვით სუნთქვიდან მოხსნეს, თათულის დღე-დღეზე გამოღვიძებას ველოდებით, ნიაკოს ხვალ (13/11/2024) მორიგი, მესამე, ოპერაცია უტარდება. საქართველოში მკურნალობის დასრულების შემდეგ, ისევ და ისევ რეაბილიტაციის პერიოდია გასავლელი, რასაც შეიძლება წლები დასჭირდეს. მთელი…

მეტი...

ევროკავშირი ისრაელთან პოლიტიკური დიალოგის შეჩერებას განიხილავს. ინფორმაციას ,,როიტერი” ავრცელებს და წერს, რომ ევროკავშირის საგარეო და უსაფრთხოების საკითხებში უმაღლესმა წარმომადგენელმა, ჯოზეფ ბორელმა ევროკავშირის წევრ ქვეყნებს, ღაზაში მიმდინარე ომში ადამიანის უფლებების სავარაუდო დარღვევების გამო, ისრაელთან პოლიტიკური დიალოგის შეჩერება შესთავაზა. ,,როიტერს” ინფორმაცია საქმესთან დაკავშირებულმა ოთხმა დიპლომატმა დაუდასტურა. სტატიაში ნათქვამია, რომ ისრაელმა ღაზაში საერთაშორისო ჰუმანიტარული სამართლის შესაძლო დარღვევების შესახებ ჟოზეფ ბორელის არც ერთი შეშფოთება არ გაითვალისწინა. ცნობისთვის, პოლიტიკური დიალოგის შესაჩერებლად, ევროკავშირის ყველა, 27 წევრი ქვეყნის თანხმობაა საჭირო.

მეტი...

დონალდ ტრამპმა რესპუბლიკელებთან ერთად, წარმომადგენელთა პალატაში საპრეზიდენტო არჩევნებში გამარჯვება იზეიმა. ცნობილია, რომ არჩეულმა პრეზიდენტმა სახელმწიფო დეპარტამენტის მდივნად, ფლორიდის სენატორი მარკო რუბიო წარადგინა. ამერიკის პირველი დიპლომატის პოსტზე მისი კანდიდატურა, ახალმა კონგრესმა უნდა დაამტკიცოს. კიდევ ერთ საკვანძო პოსტს მეთ გეთსი დაიკავებს. ფლორიდის შტატის წარმომადგენელი კონგრესმენი ამერიკის გენერალური პროკურორი იქნება. დონალდ ტრამპის 12 ნოემბრის განცხადებით, ილონ მასკი და ვივეკ რამასვამი მის ადმინისტრაციაში ახალი მთავრობის ეფექტიანობის დეპარტამენტს უხელმძღვანელებენ.

მეტი...

ლიბანში, საჰაერო იერიშების შედეგად ,,ჰეზბოლას” ორი უფროსი მეთაურის ლიკვიდაცია განხორციელდა. ინფორმაციას ისრაელის თავდაცვის ძალები ავრცელებს. მათი ცნობით, დაღუპულები ,,რადვანის” ქვედანაყოფის უფროსი მეთაურები იყვნენ, რომლებიც ტანკსაწინააღმდეგო დანაყოფებსა და სანაპირო ზონაში ოპერაციებზე პასუხს აგებდნენ. ასევე, ისრაელის თავდაცვის ძალების ინფორმაციით, გასულ კვირას თვითმფრინავებმა ,,ჰეზბოლას” 140-ზე მეტი სარაკეტო გამშვები დანადგარი გაანადგურეს, რომელთაც ,,ჰეზბოლა” ცენტრალური ისრაელის მიმართულებით რაკეტების გასაშვებად იყენებდა.

მეტი...

17 ნოემბერს, 19 საათზე, პარლამენტის წინ აქცია დაანონსდა სახელწოდებით, ,,დაიბრუნე ხმა”. აქციაზე დამკვირვებელი ორგანიზაციები და დამკვირვებლები მთელი საქართველოდან თავად მოჰყვებიან, რა ნახეს 26 ოქტომბერს საარჩევნო უბნებზე, ხოლო ორგანიზატორები იტყვიან ხედვას, როგორ უნდა მივიდეთ ხელახალ და სამართლიან არჩევნებამდე. აქციაზე, დამკვირვებელი ორგანიზაციები და დამკვირვებლები მთელი საქართველოდან თავად მოჰყვებიან, რა ნახეს 26 ოქტომბერს საარჩევნო უბნებზე, იურისტები გაგაცნობენ მომხდარის სამართლებრივ შეფასებას, ხოლო ორგანიზატორები შემოგთავაზებთ ხედვას, თუ როგორ უნდა მივიდეთ ხელახალ, სამართლიან არჩევნებამდე. 2024 წლის 26 ოქტომბერს, საქართველოში საპარლამენტო არჩევნები უნდა ჩატარებულიყო, რეალურად კი ხელისუფლებამ ამომრჩეველი მასიურად დააშინა, მოისყიდა, გააკონტროლა მათი არჩევანი და სხვების პერსონალური…

მეტი...

გერმანიის კანცლერი, ოლაფ შოლცი უკრაინის პრეზიდენტს, ვოლოდიმირ ზელენსკის ტელეფონით ესაუბრა. ინფორმაციას ,,დოიჩე ველე” გერმანიის მთავრობის პრესსამსახურზე დაყრდნობით ავრცელებს. ,,ფედერალურმა კანცლერმა კიდევ ერთხელ დაადასტურა გერმანიის ურყევი და უცვლელი სოლიდარობა უკრაინის მიმართ რუსული აგრესიის ფონზე, რომელიც თითქმის 1 000 დღეა გრძელდება. მან უკრაინის პრეზიდენტი დაარწმუნა, რომ გერმანია გააგრძელებს უკრაინის მხარდაჭერას, მათ შორის სამხედრო სფეროში, ევროპელ და საერთაშორისო პარტნიორებთან მჭიდრო კოორდინაციით”, – ნათქვამია განცხადებაში. ოლაფ შოლცთან სატელეფონო საუბრის შესახებ ინფორმაცია ვოლოდიმირ ზელენსკიმაც გაავრცელა. მისი თქმით, გერმანიის კანცლერმა დაადასტურა, რომ IRIS-T საჰაერო თავდაცვის სისტემების მეექვსე პარტია უკრაინაში 2024 წლის ბოლომდე ჩავა. ,,ჩვენ ასევე განვიხილეთ…

მეტი...

,,ხარკოვის ოლქის ქალაქი კუპიანსკი უკრაინელი სამხედროების კონტროლს ექვემდებარება, ამ მიმართულებით ყველა თავდასხმა წარმატებით მოვიგერიეთ”, – აცხადებენ უკრაინის შეიარაღებული ძალების გენერალურ შტაბში. „რუსმა დამპყრობლებმა კუპიანსკში ვერ შეაღწიეს. ქალაქი უკრაინის შეიარაღებული ძალების კონტროლის ქვეშაა“, – განუცხადა გენშტაბის სპიკერმა ანდრიი კოვალევმა Ukrinform-ს. მისივე თქმით, ოთხშაბათს ნაშუადღევს რუსებმა კუპიანსკის მიმართულებით თავდაცვითი ძალების გარღვევა სცადეს და უკრაინელი სამხედროების პოზიციებს ოთხ ტალღად შეუტიეს, დაახლოებით 15 ერთეული ტექნიკის გამოყენებით, თუმცა უკრაინულმა შენაერთებმა შეაჩერეს წინსვლა და გაანადგურეს ყველა ჯავშანტექნიკა, ასევე ცოცხალი ძალის მნიშვნელოვანი ნაწილი.

მეტი...

პარიზის პროკურატურა სთხოვს სასამართლოს ულტრამემარჯვენე პარტიის „ეროვნული გაერთიანება“ ლიდერი მარინ ლე პენი დამნაშავედ ცნოს ევროპარლამენტის თანხების გაფლანგვის საქმეზე. ინფორმაციას Politico ავრცელებს. სახელმწიფო ბრალდება სასამართლოს სთხოვს ლე პენს ხუთი წლით თავისუფლების აღკვეთა მიესაჯოს, რომელთაგან სამი იქნება პირობითი. თუ ასეთი განაჩენი დადგება, ლე პენი 2027 წელს დაგეგმილი საფრანგეთის საპრეზიდენტო არჩევნებში მონაწილეობას ვერ მიიღებს. როგორც გამოცემა აღნიშნავს, გასულ კვირას სასამართლო პროცესზე ლე პენმა განაცხადა, რომ მეოთხედ აპირებს კენჭი იყაროს საფრანგეთის პრეზიდენტის თანამდებობაზე, ხოლო თუ ხელისუფლება მას ამის უფლებას არ მისცემს, აღმოჩნდება, რომ „მილიონობით ფრანგს საკუთარი საპრეზიდენტო კანდიდატი არ ეყოლება“. მას შემდეგ, რაც სახელმწიფო…

მეტი...

,,ჩემი დიდი მადლიერება იმ გმირ ქალებს, ვინც გუშინ უკიდურესი გამბედაობა აჩვენა საარჩევნო კომისიასთან”, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს და ცენტრალურ საარჩევნო კომისიასთან გუშინ გამართულ აქციას ეხმაურება. „ჩემი დიდი მადლიერება და სრული სოლიდარობა იმ გმირ ქალებს, ვინც გუშინ უკიდურესი გამბედაობა და თავდადება აჩვენა საარჩევნო კომისიასთან. ასევე ძალიან მოვიხიბლე მათი ლოგიკით, არგუმენტებითა და ხედვით“, – წერს მიხეილ სააკაშვილი.

მეტი...

თბილისის საქალაქო სასამართლომ ნაწილობრივ გაიზიარა პროკურატურის მიერ წარდგენილი მტკიცებულებები და თბილისში მომხდარი განზრახ მკვლელობის ფაქტზე ბრალდებული 2 პირი დამნაშავედ ცნო. ,,სასამართლო პროცესზე გამოკვლეული მტკიცებულებებით დადასტურდა, რომ 2024 წლის 18 თებერვალს, ღამის საათებში, თბილისში მდებარე ერთ-ერთ ღამის კლუბში, ბრალდებულსა და დაზარალებულს შორის შელაპარაკება მოხდა. აღნიშნულთან დაკავშირებით, ბრალდებული თავის მეგობარს დაუკავშირდა და დახმარება სთხოვა. იმავე ღამეს, ბრალდებულები ავტომობილით, მართლსაწინააღმდეგოდ შეძენილი იარაღით გადაადგილდებოდნენ, რა დროსაც დაინახეს დაზარალებული, რომელიც მეგობართან ერთად ქუჩაში იმყოფებოდა. მძღოლმა ავტომობილი გააჩერა, მის გვერდით მჯდომი ბრალდებული კი ავტომანქანიდან გადავიდა და ცეცხლსასროლი იარაღიდან რამდენიმეჯერ ესროლა დაზარალებულს, რომელიც მიღებული დაზიანებების შედეგად შემთხვევის…

მეტი...