დღე: ნოემბერი 13, 2024

რუსეთის გენერალური პროკურატურა უკრაინის მხარეს მებრძოლი საქართველოს ორი მოქალაქის წინააღმდეგ საქმეებს განიხილავს. ამის შესახებ ინფორმაციას რუსეთის გენერალური პროკურატურის პრესსამსახური ავრცელებს. კერძოდ, მათი ცნობით, საქართველოს მოქალაქეების – ლადო გამსახურდიისა და ქართლოს რუსიტაშვილის – წინააღმდეგ აღძრულ საქმეებს დონეცკის ოლქის ოკუპირებულ ტერიტორიებზე არსებული ე.წ. “დონეცკის სახალხო რესპუბლიკის” ე.წ. “პროკურატურა” განიხილავს. რუსეთის გენპროკურატურა ქართველ მებრძოლებს “დაქირავებულ მებრძოლებად” მოიხსენიებს. ისინი აღნიშნავენ, რომ საქართველოს მოქალაქეების წინააღმდეგ აღძრული სისხლის სამართლის საქმეები ე.წ. “დონეცკის სახალხო რესპუბლიკის” ე.წ. “უმაღლეს სასამართლოს” გადაეცა.

საქართველოს ახალგაზრდა იურისტთა ასოციაციის ინფორმაციით, ადამიანის უფლებათა ევროპულმა სასამართლომ „უცხოური გავლენის გამჭვირვალობის შესახებ“ კანონპროექტის წინააღმდეგ საჩივარი დაარეგისტრირა. „ ადამიანის უფლებათა ევროპულმა სასამართლომ რუსული კანონის წინააღმდეგ საჩივარი Georgian Young Lawyers’ Association and Others v. Georgia დაარეგისტრირა, ხსენებული ფაქტი, კიდევ ერთხელ ააშკარავებს და ამხელს სამთავრობო მედიის მიერ გავრცელებულ მცდარ ინფორმაციას, თითქოს არასამთავრობო ორგანიზაციებს „რუსული კანონის“ წინააღმდეგ საჩივარი სტრასბურგის სასამართლოში არ გაუგზავნიათ. საზოგადოებას შევახსენებთ, რომ რუსული კანონი ადამიანის უფლებათა ევროპულ სასამართლოში 16 მედია ორგანიზაციის, 120 სამოქალაქო საზოგადოების ორგანიზაციისა და 4 ფიზიკური პირის სახელით გასაჩივრდა. მომჩივნები ადამიანის უფლებათა ევროპული კონვენციით დაცული შეკრებისა და გაერთიანების თავისუფლების…

“მე და ჩემი ექვსი კოლეგა საქართველოში არჩევნების სადამკვირვებლო მისიაში ვიყავით და დავინახეთ თაღლითობა, დაშინება”- ამის შესახებ ევროპარლამენტარმა ნატალი ლუაზომ ევროპარლამენტის პლენარულ სხდომაზე განაცხცადა. მისი თქმით, ქართველი ხალხი ევროკავშირისგან ბევრს ელის. “მე და ჩემი ექვსი კოლეგა საქართველოში არჩევნების სადამკვირვებლო მისიაში ვიყავით და დავინახეთ თაღლითობა, დაშინება, და შესაბამისად მსურს, რომ ამაზე დებატები გავმართოთ აქ, პარლამენტში. რაც ახლა საქართველოში ხდება – ვსაუბრობ პროტესტებზე, ქუჩაში ქართული და ევროპული დროშებით გამოსულ ხალხზე – ისინი ბევრს ელიან ევროკავშირისგან. სამწუხაროდ, ევროპულმა საბჭომ ბოლო შეხვედრაზე ვერ გამონახა დრო ამაზე სალაპარაკოდ. ჩვენ დემოკრატიის სახლი ვართ ევროპაში და დრო უნდა გამოვნახოთ…

საქართველოს პარლამენტის ყოფილი წევრი, კონსტიტუციონალისტი ვახტანგ ხმალაძე ახალი პარლამენტის შეკრება-არშეკრების შესაძლებლობაზე საუბრობს და განმარტებას აკეთებს. „პარლამენტის წევრობაზე უარის თქმის თაობაზე ცესკოსთვის ახლავე მიმართვის შესახებ, რაც დღეს მოვისმინე, ან იურიდიული შეცდომაა ან ნორმათა არაკეთილსინდისიერი განმარტება. თითქოსდა, ეს უზრუნველყოფს იმას, რომ პარლამენტი ვეღარ ცნობს 100 წევრის უფლებამოსილებას და ამიტომ ვეღარ გააგრძელებს მუშაობას. ეს ასე არ არის, მაგრამ ამის სამართლებრივ მტკიცებას არ შევუდგები. მხოლოდ ერთს ვიტყვი და დაფიქრდით: დავუშვათ, რომ შესაძლებელია არჩევნების შემდეგ, უფლებამოსილების ცნობამდე, მანდატებზე უარის თქმა და, იმავდროულად, პარტიული სიის გაუქმება. ახლა დავუშვათ, რომ დამარცხებულმა პარტიებმა 51 მანდატი მიიღეს, უფლებამოსილების ცნობამდე…

,,ერთიანობა – ნაციონალური მოძრაობის” წევრი, ხატია დეკანოიძე გამოკითხვაზე დაიბარეს. როგორც დეკანოიძემ მედიასთან განაცხადა, ის პროკურატურაში მისვლას არ აპირებს და ჩვენებას მაგისტრი მოსამართლის თანდასწრებით, თბილისის საქალაქო სასამართლოში მისცემს. „პროტესტის მიმდინარეობისას მომწერა პროკურატურამ. მე არ ვაპირებ პროკურატურაში მისვლას. არასდროს მივსულვარ. ჩემი პასუხები საზოგადოებას ექნება მოსამართლესთან და ალბათ დამატებით თარიღს შემატყობინებენ. ზოგადად, სასაცილოა, როდესაც გაყალბების დამდასტურებელი ამდენი მასალა არსებობს და ოპოზიციონერ ლიდერებს იბარებენ პროკურატურაში. ამიტომ ეს ჩემთვის განსაკუთრებულს არაფერს ნიშნავს,“ – განაცხადა დეკანოიძემ.

ათონელის რეზიდენციაში საქართველოს პრეზიდენტსა და ცენტრალური საარჩევნო კომისიის ოპოზიციონერ წევრებს შორის აუდიენცია დასრულდა. შეხვედრიდან გამოსულმა ,,ძლიერი საქართველოს” წევრმა, გიორგი სიორიძემ მედიასთან განაცხადა, რომ სალომე ზურაბიშვილს ინფორმაცია მიაწოდეს იმის შესახებ, თუ როგორ მუშაობს გიორგი კალანდარიშვილის უწყება შიგნიდან. ,,ერთიანობა – ნაციონალური მოძრაობის” წარმომადგენლის, ანა კობახიძის თქმით, ქვეყნის მთავარსარდალთან იმის შესახებ იმსჯელეს, თუ როგორ მუშაობენ ცენტრალური საარჩევნო კომისიის ოპოზიციონერი წევრები ადმინისტრაციაში.

თბილისის საქალაქო სასამართლოში საარჩევნო სარჩელების განხილვის პროცესი ხმაურის ფონზე მიმდინარეობდა. სხდომაზე ,,ერთიანობა – ნაციონალური მოძრაობის”, ,,ძლიერი საქართველოსთვის” და ,,საქართველოს ახალგაზრდა იურისტთა ასოციაციის” გაერთიანებული სარჩელები განიხილება. მოსამართლე ,,ერთიანობა – ნაციონალური მოძრაობის” თავმჯდომარემ, თინა ბოკუჩავამ არჩევნების გაყალბებაში თანამონაწილეობაში დაადანაშაულა, ვინაიდან მან არცერთი შუამდგომლობა არ დააკმაყოფილა. ,,მოსამართლედ წოდებული ივერი აბაშიძე არის გაყალბების სპეცოპერაციის თანამონაწილე დღეს, რომელიც უარს აცხადებს ყველა შუამდგომლობის დაკმაყოფილებაზე. ექსპერიმენტი ითვალისწინებდა ყველა მასალის გამოთხოვას იქნებ ეს ბიულეტენი, მარკერი, ვერიფიკაციის აპარატი, თუ ხმის მიცემის აპარატი, სადაც რიგითი ამომრჩეველი წარდგებოდა სასამართლოს წინაშე და რომ რეალურად, ელექტრონული ხმის მიცემის დროს დარღვეული იყო ფარულობის პრინციპი,…

ორბელიანების სასახლეში ცენტრალური საარჩევნო კომისიის ოპოზიციონერი წევრები საქართველოს პრეზიდენტს, სალომე ზურაბიშვილს ხვდებიან. როგორც შეხვედრის დაწყებამდე ჟურნალისტებს ცესკოს ოპოზიციონერმა წევრებმა განუცხადეს, პრეზიდენტს იმ ინფორმაციას მიაწვდიან, რომელიც დარღვევებს და არასამართლიან გადაწყვეტილებების ეხება, რომელიც ცენტრალურმა საარჩევნო კომისიამ წინასაარჩევნო პერიოდში მიიღო, რამაც მათი მტკიცებით, „არჩევნების გაყალბება და მიტაცება გამოიწვია“. ცესკოში „ძლიერი საქართველოს“ წარმომადგენლის, გიორგი სიორიძის განმარტებით, ახლა პრეზიდენტის როლი ძალიან მნიშვნელოვანია, ამიტომ აუცილებელია, რომ ის ინფორმირებული იყოს ადმინისტრაციის წარმომადგენლების მხრიდან.

,,სამარცხვინო ხელისუფლება ქვეყნის ისტორიაში დიდ შავ წერტილად დარჩება”, – ამის შესახებ ცენტრალურ საარჩევნო კომისიის შენობასთან მყოფმა ანა ნაცვლიშვილმა განაცხადა. ,,ძლიერი საქართველოს” ლიდერის თქმით, არჩევნების მიტაცების და ხმების მოპარვის სირცხვილს ,,ქართული ოცნება” ვერ ჩამოირეცხავს. ,,ვითხოვთ, დაგვიბრუნონ ხმები, რომლებიც მოიტაცეს და გააყალბეს. ხმების მოპარვასთან ერთად სამარცხვინო ხელისუფლება ამ ადამიანებთან ერთად (საუბარია ცესკოსთან მყოფ სამართალდამცველებზე)რომლებსაც სამარცხვინო ხელფასს უხდის და სამარცხვინო მდგომარეობაში ამუშავებს, ახლა თავს იცავს და იცავს ნაქურდალს, სოროშია შემძვრალი და ჰქონია რომ პოლიციის კორდონი მის სირცხილს ჩამორეცხავს. ამ დანაშაულს და სირცხვილს, რომელიც მათ ჩაიდინეს, ვერაფერი ვეღარ ჩამორეცხავს. იმ დიდ შავ წერტილად დარჩებიან…

ცენტრალური საარჩევნო კომისიიდან დავით აღმაშენებლის ძეგლის მიმართულებით მიმდინარე მსვლელობისას, აქციის მონაწილეებსა და სამართალდამცავებს შორის შეხლა-შემოხლაა მოხდა. აქციის მონაწილეებმა გზის გადაკეტვა სცადეს, რისი საშუალებაც მათ სამართალდამცველება არ მისცეს. მსვლელობისას აქციის მონაწილეებს გაშლილი ჰქონდათ საქართველოს და ევროკავშირის დროშები. მონაწილეებს შორის იყვნენ ოპოზიციონერი ქალი პოლიტიკოსები. ,,ქალებს გადაგვიარეს, გადაგვჯეგეს”, – ამბობენ ადგილზე მყოფი ქალი ოპოზიციონერები. მართლწესრიგის უზრუნველსაყოფად, მსვლელობას საპატრულო პოლიციის რამდენიმე ეკიპაჟიც მიჰყვებოდა. მსვლელობის დაწყებამდე გაჟღერდა საქართველოს და ევროკავშირის ჰიმნი.

ცენტრალურ საარჩევნო კომისიასთან შეკრებილებმა ცესკო-ს ტერიტორია დატოვეს და მსვლელობით დავით აღმაშენებლის ძეგლის მიმართულებით მიდიან. ცესკო-ს ეზო აქციის მონაწილეებმა მას შემდეგ დატოვეს, როდესაც აქციის მონაწილეებს აცნობეს, რომ მათ ინდივიდუალური განცხადებები უნდა შეეგროვებინათ და ისე უნდა წარედგინათ ცესკო-ში. მსვლელობაში მონაწილეობენ ოპოზიციონერი ქალი პოლიტიკოსებიც. ხატია დეკანოიძემ სამართალდამცველებს მიმართა, რომ მსვლელობის დროს აქციის მონაწილეების უსაფრთხოება დაცული იყოს. მსვლელობის დაწყებამდე გაჟღერდა საქართველოს და ევროკავშირის ჰიმნი.