დღე: ნოემბერი 12, 2024

კონფერენციაზე სიტყვით გამოსვლისას ერთ-ერთ მაგალითად ალექსანდრ ლუკაშენკომ საფრანგეთის პრეზიდენტი ემანუელ მაკრონი დაასახელა. ბელარუსის პრეზიდენტის თქმით, ამგვარი მიდგომის გათვალისწინებით, ჩნდება კითხვა, რამდენად ეფექტიანია საერთაშორისო საზოგადოების საქმიანობა ასეთ სამიტებზე. „საკმარისია იმის თქმა, რომ ისინი, ვინც აქამდე ასე ზრუნავდნენ კლიმატის გაუმჯობესებაზე, დღეს არ ესწრებიან ამ კონფერენციას, მეტიც, საბოტაჟს უწყობენ მას. რა იქნება კიდევ აშშ-ის საპრეზიდენტო არჩევების შემდეგ? ჩნდება კითხვა, რამდენად ეფექტიანია ჩვენი საქმიანობა ამგვარ სამიტებზე? ოდესღაც საფრანგეთის პრეზიდენტი ლამის დიდებულად მიიჩნევდა თავს „პარიზის შეთანხმების“ გამო და სად არის ეს პრეზიდენტი დღეს? ნუთუ დღეს ეს არ არის აქტუალური? აი, ჩვენი საქმიანობის, ჩვენი მუშაობის ეფექტიანობა.…

მეტი...

ისრაელის პრემიერ-მინისტრის, ბენიამინ ნეთანიაჰუს განცხადებით, ირანის სულიერი ლიდერის, აიათოლა ალი ხამენეის რეჟიმი ირანელ ხალხს უფრო აშინებს, ვიდრე ისრაელს. ამის შესახებ ნეთანიაჰუმ ვიდეომიმართვისას განაცხადა. „მსოფლიომ უკვე იხილა ჩვენი ძალაუფლების მხოლოდ ნაწილი. თუმცა, არის ერთი რამ – იცით, ვის უფრო ეშინია ხამენეის რეჟიმის, ვიდრე ისრაელს? ეს ხართ თქვენ – ირანელი ხალხი. სწორედ ამიტომ ხარჯავენ ასეთ ბევრ დროს და ფულს, რათა ჩაახშონ თქვენი იმედები და შეაფერხონ თქვენი ოცნებები. მოგმართავთ თქვენ: ნუ მიატოვებთ თქვენს ოცნებებს. ნუ დაკარგავთ იმედს. იცოდეთ, რომ ისრაელი და სხვები თავისუფალი სამყაროში თქვენთან არიან“- მიმართა ნეთანიაჰუმ ირანელ ხალხს.  

მეტი...

გერმანიაში ტერორისტული თავდასხმის დაგეგმვაში ეჭვმიტანილი 17 წლის მოზარდი დააკავეს. როგორც ჩრდილოეთ გერმანიაში მდებარე ქალაქ ფლენსბურგის პროკურატურაში განაცხადეს, დაკავებული ახალგაზრდა ისლამისტურ ტერორისტულ თავდასხმას გეგმავდა. უწყებაში აღნიშნავენ, რომ არსებობს დაკავებულის რადიკალიზაციის მტკიცებულებები. გამოძიება ეჭვმიტანილის შესახებ დეტალებს არ ასაჯაროებს, თუმცა პროკურატურაში აღნიშნავენ, რომ ის თავდასხმისას დიდი ზომის მანქანის გამოყენებას გეგმავდა.  

მეტი...

აშშ-ის მოქმედი ადმინისტრაციის სახელმწიფო მდივანი ენტონი ბლინკენი ბრიუსელში მიემგზავრება. ეს აშშ-ის საპრეზიდენტო არჩევნებში დონალდ ტრამპის გამარჯვების შემდეგ ბლინკენის პირველი ვიზიტი იქნება ევროპაში. სახელმწიფო დეპარტამენტის ცნობით, ნატო-სა და ევროკავშირის მაღალჩინოსნებთან შეხვედრების დროს ბლინკენი განიხილავს უკრაინის მხარდაჭერას. როგორც ბაიდენის ადმინისტრაციაში აცხადებენ, აშშ-ის მთავრობა ეცდება, 20 იანვრამდე უკრაინას გადასცეს უკვე გათვალისწინებული დახმარება, ანუ ვიდრე პრეზიდენტის უფლებამოსილებას დონალდ ტრამპი გადაიბარებს. „ჩვენ ბევრს ვმუშაობთ, რომ უკრაინა რაც შეიძლება ძლიერ პოზიციაზე დავტოვოთ როგორც ადმინისტრაციის ვადის ამოწურვამდე დახმარების გაზრდის, ისე მსოფლიოში პარტნიორებთან კოორდინაციის კუთხით, რათა უზრუნველყოფილი იყოს მათი მზადყოფნა, ჩაერიონ ნებისმიერ სიტუაციაში“ – განუცხადა „როიტერს“ ამერიკელმა მაღალჩინოსანმა…

მეტი...

რუსეთის დუმამ ე.წ. “ნებაყოფლობითი უშვილობის პროპაგანდა” აკრძალა. ამის შესახებ ინფორმაციას რუსული სახელმწიფო გამოცემა “ტასი” ავრცელებს. კანონი ითვალისწინებს ინტერნეტში, მედიაში, ფილმებსა და რეკლამაში “ჩაილდფრის” შესახებ ინფორმაციის გავრცელებაზე აკრძალვას. სოციალურ ქსელებს დაევალებათ კონტენტის მოდელირება, რომელიც ნებაყოფლობით უშვილობაზე პროპაგანდას უკავშირდება. დარღვევის შემთხვევაში რესურსები, რომლებიც მსგავს ინფორმაციას შეიცავენ, “როსკომნადზორის” მიერ აკრძალული გვერდიგვერდ სიაში მოხვდებიან. ფილმებს, რომლებშიც “ჩაილდფრი” იდეოლოგიასთან დაკავშირებული სცენები ან რეპლიკები იქნება, კინოთეატრებში ჩვენების ლიცენზია ჩამოერთმევათ. აკრძალვის დარღვევის შემთხვევაში გათვალისწინებულია ჯარიმები 100 ათასი რუბლიდან 4 მილიონ რუბლამდე (1,000 – 40,000 აშშ დოლარი). უცხო ქვეყნების მოქალაქეებისთვის იგივე ჯარიმებია გათვალისწინებული, როგორც რუსეთის მოქალაქეებისთვის, თუმცა ამასთან…

მეტი...

ნიუ იორკის მოსამართლემ დონალდ ტრამპის სისხლის სამართლის საქმეზე სასამართლო პროცესი შეაჩერა.  საუბარია პორნოვარსკვლავ სტორმი დენიელსისთვის დუმილის სანაცვლოდ თანხის გადახდის საქმეზე. 5 ნოემბერს აშშ-ის საპრეზიდენტო არჩევნებში დონალდ ტრამპის გამარჯვებისა და 2025 წლის იანვარში ინაუგურაციის გამო პროკურორებმა ნიუ იორკის მოსამართლეს, ხუან მერჩანს პროცესის შეჩერება სთხოვეს. პროკურორების თქმით, ტრამპმა სთხოვა მოსამართლის ოფისს, დათანხმებულიყვნენ სასამართლო პროცესის შეჩერებაზე. მოსამართლე ხუან მერჩანმა საქმის ყველა პროცესი 19 ნოემბრამდე შეაჩერა. როგორც მედია წერს, ამ ვადამდე პროკურორებმა მოსამართლეს უნდა მიაწოდონ ახალი ინფორმაცია იმის შესახებ, როგორ იმოქმედებს ტრამპის პრეზიდენტად არჩევა შესაძლო სასჯელზე.

მეტი...

ესტონეთის საგარეო საქმეთა მინისტრის, მარგუს ცაჰკნას განცხადებით, აშშ-ის არჩეულ პრეზიდენტს, დონალდ ტრამპს აქვს შესაძლებლობა, გახდეს „ჩვენი დროის ჩერჩილი“, თუ რუსეთ-უკრაინის ომთან დაკავშირებით სწორ გადაწყვეტილებებს მიიღებს. როგორც მარგუს ცაჰკნამ „სიენენთან“ ინტერვიუში აღNიშნა, დღევანდელი გეოპოლიტიკური მდგომარეობა ჰგავს 1938 წელს ევროპაში მიმდინარე ვითარებას, როდესაც იმდროინდელი ლიდერების განსხვავებულ გადაწყვეტილებებს პოტენციურად შეეძლოთ ჰიტლერის შეჩერება და მეორე მსოფლიო ომის თავიდან აცილება. „ჩვენ ჯერ კიდევ შეგვიძლია, მივიღოთ სწორი გადაწყვეტილებები. რუსეთი მომავალშიც საფრთხედ დარჩება. ჩვენ უნდა დავასრულოთ რუსეთის აგრესია უკრაინის წინააღმდეგ სამართლიანად და სათანადოდ“, – განაცხადა ცაჰკნამ. ესტონეთის საგარეო საქმეთა მინისტრმა აღნიშნა, რომ მსოფლიოში ბევრი სხვა დაძაბულობის კერაც…

მეტი...

გერმანიის მმართველი ,,სოციალ-დემოკრატიული” პარტია და ოპოზიციური ალიანსი ,,ქრისტიან-დემოკრატიული” კავშირი, ასევე ,,ქრისტიან-სოციალური” კავშირი ვადამდელი საპარლამენტო არჩევნების 23 თებერვალს ჩატარებაზე შეთანხმდნენ. ინფორმაციას გერმანული გამოცემა „შპიგელი“ ავრცელებს. სოციალ-დემოკრატიული პარტიის ფრაქციაში აცხადებენ, რომ ოლაფ შოლცი ბუნდესტაგს მთავრობის ნდობის საკითხზე კენჭისყრის 16 დეკემბერს გამართვას სთხოვს. არჩევნების დანიშვნის საბოლოო გადაწყვეტილება პრეზიდენტმა ფრანკ-ვალტერ შტაინმაიერმა უნდა მიიღოს. გერმანიის მთავრობაში კრიზისი მას შემდეგ დაიწყო, რაც 6 ნოემბერს გერმანიის კანცლერმა გადაწყვიტა, თანამდებობიდან გაეთავისუფლებინა ფინანსთა მინისტრი, „თავისუფალი დემოკრატების“ წევრი ქრისტიან ლინდნერი. ამის გამო მმართველი კოალიცია, რომელშიც „სოციალ-დემოკრატები“, „მწვანეები“ და „თავისუფალი დემოკრატები“ შედიოდნენ, ფაქტობრივად, დაიშალა.

მეტი...

კიევში ვიზიტით მყოფმა ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა უკრაინულ გამოცემა Європейська правда-სთან ინტერვიუში განაცხადა, რომ საქართველოს მთავრობისგან განსხვავებით ეჭვგარეშეა, რომ უკრაინას ევროკავშირის წევრობა სურს. ,,უკრაინის პრეზიდენტი და მთავრობა სრულად არის ჩართული EU-ში გაწევრიანებაში, ისევე როგორც უკრაინელი საზოგადოება. ეჭვგარეშეა, რომ თქვენს ქვეყანას სურს გახდეს EU-ის წევრი და უკრაინის წევრობა EU-ში არის ყველაზე ძლიერი უსაფრთხოების უსაფრთხოების გარანტია, რომელიც ჩვენ შეგვიძლია შევთავაზოთ უკრაინას. საქართველოს შემთხვევაში, რა თქმა უნდა, ასე არ არის. ჩვენ ვეუბნებოდით საქართველოს მმართველებს, საქართველოს მთავრობას, რომ ისინი შორდებიან ევროპულ გზას. და თუ მათ სურთ გახდნენ…

მეტი...