დღე: ნოემბერი 10, 2024

ჯგუფ “დაიტოვეს” მიერ ორგანიზებული საპროტესტო მსვლელობა ევროპის მოედანზე დასრულდა. ორგანიზატორების განცხადებით, დღევანდელი აქცია ბრძოლის დასაწყისია. აქციაზე გაჟღერდა საქართველოსა და ევროკავშირის ჰიმნები. მანამდე, აქციის მონაწილეებმა მტკვრის ორივე სანაპირო, ასევე, ბარათაშვილის ხიდი გადაკეტეს. 11 ნოემბერს, პრეზიდენტისა და 8 ქვეყნის საგარეო ურთიერთობათა კომიტეტის თავმჯდომარეების დელეგაციის შეხვედრის პარალელურად, ორბელიანების სასახლესთან აქცია გაიმართება. ამის შესახებ „დაიტოვეს“ მიერ ორგანიზებულ საპროტესტო მსვლელობაზე განაცხადეს, სადაც საპარლამენტო არჩევნების შედეგებს აპროტესტებენ. გარდა ამისა, აქცია გაიმართება, საქალაქო სასამართლოსთანაც.   “გადაიყვენეთ ეს ხალხი”- პოლიციამ აქციის ორგანიზატორები გააფრთხილა

მეტი...

11 ნოემბერს, პრეზიდენტისა და 8 ქვეყნის საგარეო ურთიერთობათა კომიტეტის თავმჯდომარეების დელეგაციის შეხვედრის პარალელურად, ორბელიანების სასახლესთან აქცია გაიმართება. ამის შესახებ „დაიტოვეს“ მიერ ორგანიზებულ საპროტესტო მსვლელობაზე განაცხადეს, სადაც საპარლამენტო არჩევნების შედეგებს აპროტესტებენ. გარდა ამისა, აქცია გაიმართება, საქალაქო სასამართლოსთანაც. „ამ შეხვედრაში ჩვენც უნდა მივიღოთ გარკვეული მონაწილეობა. ეს მონაწილეობა იქნება, რომ ჩვენ დავანახებთ რამდენი ვართ პრეზიდენტის სასახლესთან. ჩვენ უნდა ვაჩვენოთ ევროპელ მეგობრებს, რომ არა მხოლოდ პოლიტიკოსები, არამედ ქართველი ხალხი იბრძვის თავისუფლებისთვის, იბრძვის მოპარული არჩევნების დასაბრუნებლად. ამიტომ ყველას, ხვალ, გელოდებით ორ ლოკაციაზე, ვისაც, სადაც გირჩევნიათ და გული მიგიწევთ, ოღონდ, სახლში არ დარჩეთ. მოვა დრო თავისუფალ, დამოუკიდებელ…

მეტი...

აქციის ორგანიზატორები და მონაწილეები პოლიციამ გააფრთხილა. სამართალდამცავებმა საპროტესტო აქციის მონაწილეებს მოუწოდა, რომ გაათავისუფლონ გზის სავალი ნაწილი. როგორც მათ  განმარტეს, ადგილზე გზის გადაკეტვისთვის საკმარისი რაოდენობის ხალხი არ იმყოფება. „აქციის ორგანიზატორები დაჯარიმდება 5000 ლარით, აქციის მონაწილეები დაჯარიმდებიან 500 ლარით. გადაიყვანეთ ეს ხალხი გზის სავალი ნაწილიდან, თუ არადა ჩვენ ვიწყებთ იდენტიფიცირებას“- განაცხადა პოლიციელმა, რომელმაც აქციის ორგანიზატორებს მოუწოდა, რომ გზის სავალი ნაწილი გაათავისუფლონ. ამ წუთებშო მტკვირის ორივე სანაპირო პარალიზებულია.    

მეტი...

“ცესკო-ს კომისიის გადაწყვეტილებას დიდი ალბათობით გავასაჩივრებთ, იმ სამართლებრივი პროცედურის ფარგლებში, რომელიც კანონმდებლობით არის დადგენილი” – ამის შესახებ საიას იურისტმა, ტატა ჭანკვეტაძემ სხდომის დასრულების შემდეგ, სადაც საჩივრებს განიხილავდნენ, ჟურნალისტებს განუცხადა. მისივე თქმით, სხდომის მიმდინარეობისას ცესკო-ს კომისიის მხრიდან კითხვები იყო დეტალური და ვრცელი. ის, რომ ერთი შემთხვევა მაინც არსებობს ფარულობის პრინციპის დარღვევის იძლევა შესაძლებლობას, ჩვენი შეფასებით იმისა, რომ ამ პრინციპის დარღვევის გამო ვიდავოთ, ზოგადად შემაჯამებელი ოქმებისა და შედეგების ბათილად ცნობასთან დაკავშირებით, რადგან სარჩევნო პროცესი ერთგვაროვანი იყო ყველა იმ უბანზე, სადაც ელექტრონული ტექნოლოგიების გამოყენებით ტარდებოდა არჩევნები”, – განაცხადა ტატა ჭანკვეტაძემ. ცესკო-ს კომისიამ „საქართველოს ახალგაზრდა…

მეტი...

“ქართულმა ოცნებამ” ქვეყნის ევროკავშირში გაწევრიანების პროცესი მოკლა” – ამის შესახებ პარტია “საქართველოსთვის” ლიდერმა განაცხადა, რომელიც ამ წუთებში საპროტესტო აქციაზე იმყოფება. “თუ არ ექნება არჩევნების ლეგიტიმაცია, მაშინ ეს ნიშნავს იზოლაციას. სამწუხაროდ, უნდა ვაღიაროთ და ფაქტი უნდა ვთქვათ, რომ ევროკავშირის ლიდერები უკვე ამბობენ, რომ საქართველოს ევროკავშირში გაწევრიანების პროცესი უბრალოდ მოკლად „ოცნებამ“, აღარ არსებობს. ამ იზოლაციას მოყვება ეკონომიკური იზოლაცია და დავდგებით უსაფრთხოების რისკების წინაშე” – ამბობს გახარია.

მეტი...

საპროტესტო მსვლელობის მონაწილეებმა მტკვრის ორივე მხარე გადაკეტეს. “დღეს ჩვენ იმდენი ვართ ვფიქრობდით გუნდში, შევძლებდით თუ არა ერთი სანაპიროს მაინც გადაკეტვას, მაგრამ ჩვენ დღეს იმდენი ვართ, რომ ორივე სანაპიროს გადავკეტავთ. ერთი კოლონა დაიძვრება “პიკაპთან” ერთად, მეორე კოლონა გაჰყვება ჩვენს მოტოციკლეტებს, წინ რომ მიგვიძღვიან”- განაცხადა აქციის ერთ-ერთმა ორგანიზატორმა. ტერიტორიაზე, სადაც აქციის მონაწილეები გადაადგილდებიან, მობილიზებულია პოლიციაც. შეკრებილები ქვეყანაში ხელახალი საპარლამენტო არჩევნების ჩატარებას მოითხოვენ.  

მეტი...

დღეს გამართულ საპროტესტო მსვლელობას  პრეზიდენტის ძმაც შეუერთდა. ოთარ ზურაბიშვილი ამბობს, რომ ხელისუფლებამ ხალხის  არჩევანი მოპარა. “ეს არ არის ჩვეულებრივი გაყალბება. როგორც ვიცით, უკვე ყოფილა წარსულში. ეს არის მასიური ხალხის მოტყუება, ფაქტობრივად, არის გადატრიალება. ელექტორაული გზით სასამართლოშ როგორ იღებენ არგუმენტებს, ეს არის მიუღებელი. ეს არის ხალხის დაცინვა. აღარ გვინდა არც კობახიძე, არც ივანიშვილი” – ამბობს ოთარ ზურაბიშვილი.

მეტი...

„დღეს “დაიტოვე” დგამს პორველ ნაბიჯს სახალხო პროტესტისკენ და დღეიდან ჩვენ ვიწყებთ ქალაქის პარალიზებას“ – ამის შესახებ აქციის ერთ-ერთმა ორგანიზატორმა განაცხადა, რომლის მონაწილეები თავისუფლების მოედნიდან ბარათაშვილის ხიდისკენ მსვლელობას მართავენ. “დღეს ჩვენ იმდენი ვართ ვფიქრობდით გუნდში, შევძლებდით თუ არა ერთი სანაპიროს მაინც გადაკეტვას, მაგრამ ჩვენ დღეს იმდენი ვართ, რომ ორივე სანაპიროს გადავკეტავთ. ერთი კოლონა დაიძვრება “პიკაპთან” ერთად, მეორე კოლონა გაჰყვება ჩვენს მოტოციკლეტებს, წინ რომ მიგვიძღვიან” – განაცხადა აქციის ერთ-ერთმა ორგანიზატორმა.

მეტი...

შვედმა აქტივისტი, გრეტა თუნბერგი მოქალაქეებს მოუწოდებს 11 ნოემბერს, 19:00 საათზე თავისუფლების მოედანზე (პუშკინის პარკი) შეიკრიბონ. „შემოგვიერთდით, როდესაც გავერთიანდებით ავტორიტარიზმისა და ექსპლუატაციის ტალღის წინააღმდეგ, რომელიც ვრცელდება კავკასიაში“ – წერს აქტივისტი პლატფორმა აქტივისტი პლატფორმა X-ზე. როგორც თუნბერგი აღნიშნავს, „ჩვენ მხარს ვუჭერთ რეალურ თავისუფლებას, თანასწორობას, სამართლიანობას და რეგიონს, სადაც ხალხი პირველ ადგილზეა და არა სარგებელი“.

მეტი...

ჯგუფ “დაიტოვეს” მიერ ორგანიზებული საპროტესტო აქციის მონაწილეები თავისუფლების მოედნიდან მსვლელობით ბარათაშვილის ხიდისკენ მიემართებიან. მათი მთავარი მოთხოვნა ქვეყანაში ხელახალი საპარლამენტო არჩევნების ჩატარებაა, რადგან მიაჩნიათ, რომ ხელისუფლებამ არჩევნები გააყალბა. აქციის მონაწილეები სკანდირებენ: “საქართველო, საქართველო”, საქართველოს გაუმარჯოს!”.

მეტი...

ჯგუფ “დაიტოვეს” მიერ ორგანიზებული საპროტესტო აქციის გამო, თავისუფლების მოედანზე საავტომობილო მოძრაობა გადაიკეტა. აქციის მონაწილეები მიიჩნევენ, რომ ქვეყანაში 26 ოქტომბრერს ჩატარებული საპარლამენტო არჩევნები გაყალბდა. ისინი საქართველოში ხელახალი არჩევნების ჩატარებას მოითხოვენ. ადგილზე შეკრებილ მოქალაქეებს არჩევნების მოთხოვნით პლაკატები აქვთ გაშლილი. გარდა ამისა, მათ ადგილზე, საქართველოსა და ევროკავშირის დროშაც აქვთ მიტანილი. აქციაზე იმყოფებიან პოლიტიკოსებიც.  

მეტი...

თავისუფლების მოედანზე, თბილისის საკრებულოს შენობასთან ჯგუფ “დაიტოვეს” მიერ ორგანიზებული საპროტესტო მარშის მონაწილეები იკრიბებიან. ადგილზე შეკრებილი მოქალაქეები მოითხოვენ, რომ ქვეყანაში ხელახალი არჩევნები ჩატარდეს. მათი შეფასებით, ხელისუფლებამ ქართველ ხალხს არჩევნები მოჰპარა და ხალხის ხმები გააყალბა. აქციის მონაწილეებს სიმბოლურად გაშლილი აქვთ საქართველოსა და ევროკავშირის დროშები. ორგანიზატორების განცხადებით, სამოქმედო გეგმას აქციის მონაწილეებს ადგილზე გააცნობენ.

მეტი...

„ევროკავშირს ადარდებს ის, რაც საქართველოში ხდება“ – ამის შესახებ “საერთაშორისო – გამჭვირვალობა საქართველოს” ხელმძღვანელმა განაცხადა. ეკა გიგაურის თქმით, ევროკავშირის დელეგაციას, რომელიც დღეს თბილისში ჩამოდის, კითხვები საქართველოში ჩატარებულ  არჩევნებთან დაკავშირებით აქვს. „ის, რომ თავისთავად, ეს ვიზიტი არის ორგანიზებული და ევროკავშირის 10 ქვეყნის საგარეო საქმეთა კომიტეტის თავმჯდომარეები ჩამოდიან, ძალიან მნიშვნელოვანია. მათ ადარდებთ ის, თუ რა ხდება ქვეყანაში. მათ აქვთ კითხვები საქართველოში ჩატარებულ არჩევნებთან დაკავშირებით და შესაბამისად, ზუსტად ამიტომ არ ხდება ამ არჩევნების ლეგიტიმაცია ჩვენი დასავლელი პარტნიორების მხრიდან. ჩვენთან შეხვედრა არის განპირობებული იმით, რომ გვყავდა ერთ-ერთი ყველაზე დიდი სადამკვირვებლო მისია „ჩემი ხმა“ და შესაბამისად,…

მეტი...

გავრცელებული ინფორმაციით, ესტონეთის პარლამენტის საგარეო ურთიერთობათა კომიტეტის თავმჯდომარე, მარკო მიხელსონი უკვე თბილისშია. ევროკავშირის რვა სახელმწიფოს წარმომადგენელი ხვალ პრეზიდენტს, ოპოზიციას და არასამთავრობო ორგანიზაციების ხელმძღვანელებს  შეხვდება. სამოქალაქო სექტორი ევროკავშირის დელეგაციას არჩევნების, შესაძლო, გაყალბების მტკიცებულეებს – ფოტო, ვიდეო და აუდიო ჩანაწერებს გადასსცემს.  

მეტი...

ცესკო-ს თავმჯდომარე, გიორგი კალანდარიშვილმა „ერთიანობა – ნაციონალური მოძრაობის“ წევრი ლაშა ფარულავა ცესკო-ში მიმდინარე გააძევა სხდომიდან, სადაც საჩივრებს განიხილავენ. ლაშა ფარულავამ ცესკო-ს წარმომადგენლებს არჩევნების გამყალბებლები უწოდა. „ეს არ იყო კენჭისყრა, ეს იყო რუსული სპეცოპერაცია, რომელიც ჩატარდა საქართველოში. რუსული სპეცოპერაციით დემოკრატია გაუქმდა ქვეყანაში. მოქალაქეთა პოლიტიკური გაერთიანებები გაუქმდა. ამაზე, პასუხისმგებლობა გეკისრებათ თქვენ, ბატონო გიორგი და ბატონო გიორგი ჯავახიშვილო. თქვენ ხართ მთავარი გამყალბებლები. თქვენ არჩევნები გააუქმეთ ამ ქვეყანაში. თქვენ მიიტაცეთ ეს არჩევნები! “,- აღნიშნა ფარულავამ.  

მეტი...

ცენტრალურ საარჩევნო ადმინისტრაციაში საჩივრების განხილვა ხმაურის ფონზე მიმდინარეობს. სხდომაზე, „საქართველოს ახალგაზრდა იურისტთა ასოციაციის”, „ერთიანობა – ნაციონალური მოძრაობის” და „ძლიერი საქართველო – ლელო, ხალხისთვის, თავისუფლებისთვის!” საჩივრების განიხილავენ. როგორც ცესკო-ს თავმჯდომარე, გიორგი კალანდარიშვილმა განმარტა, ცესკოს 11 წევრის მხარდაჭერა რომ არა, 95 ათასზე მეტ ამომრჩეველს უცხოეთში არ ექნებოდა არჩევნებში მონაწილეობის შესაძლებლობა. ამასთან, განმარტა, რომ საზოგადოებამ დაინახა აქცენტების შემოტანა, თითქოს ოპოზიციის მხარდაჭერით განხორციელდა 60 საარჩევნო უბნის შექმნა. „რომ არა 11 წევრის მხარდაჭერა, 95 ათასზე მეტ ამომრჩეველს უცხოეთში არ ექნებოდა არჩევნებში მონაწილეობის შესაძლებლობა. რომ არა ჩვენი გადაწყვეტილება და მათ შორის თქვენიც, ამ ნაწილს არ დაგიკარგავთ,…

მეტი...