დღე: ნოემბერი 7, 2024

ევროკომისიის პრეზიდენტი, ურსულა ფონ დერ ლაიენი და ევროპული საბჭოს პრეზიდენტი, შარლ მიშელი დონალდ ტრამპს უკრაინაზე და აშშ-ევროკავშირის კავშირების გაძლიერებაზე ესაუბრნენ. ამის შესახებ ისინი სოციალურ ქსელში წერენ. “ტელეფონით მივულოცე პრეზიდენტად არჩეულ დონალდ ტრამპს. ევროკავშირი და აშშ საერთო ღირებულებებსა და ინტერესებს იზიარებენ. მზად ვართ ევროკავშირი-აშშ-ის ურთიერთობები ყველა სფეროში გავაღრმაოთ. აღვნიშნე ევროკავშირის პრიორიტეტები ეკონომიკაზე და გეოპოლიტიკურ სიტუაციაზე, უმთავრესად უკრაინა და ახლო აღმოსავლეთი. გავაგრძელებთ ევროპის გაძლიერებას და ჩვენს თავდაცვასა და უსაფრთხოებაში მეტის ინვესტირებას” – წერს მიშელი X-ის პირად გვერდზე. მალევე ტრამპთან საუბრის შესახებ განცხადება ევროკომისიის პრეზიდენტმა, ურსულა ფონ დერ ლაიენმაც გაავრცელა. “შესანიშნავი სატელეფონო საუბარი…

“ჩვენ არ უნდა მივანდოთ სამუდამოდ ჩვენი უსაფრთხოება ამერიკელებს” –  ამის შესახებ საფრანგეთის პრეზიდენტმა, ემანუელ მაკრონმა ბუდაპეშტში ევროპული პოლიტიკური საზოგადოების სამიტზე გამოსვლისას განაცხადა. ემანუელ მაკრონის თქმით, სხვა ლიდერების მსგავსად, 6 ნოემბერს ესაუბრა აშშ-ის არჩეულ პრეზიდენტს, დონალდ ტრამპს და გამარჯვება მიულოცა. „ვფიქრობ, ჩვენი როლი აქ, ევროკავშირში, არ მდგომარეობს იმაში, რომ კომენტარი გავაკეთოთ დონალდ ტრამპის არჩევაზე, რათა გავიგოთ, კარგია ეს თუ ცუდი. ის ამერიკელმა ხალხმა აირჩია და ის დაიცავს ამერიკელების ინტერესებს, ეს არის ლეგიტიმური და კარგი. კითხვა მდგომარეობს იმაში, მზად ვართ თუ არა, ჩვენ დავიცვათ ევროპელების ინტერესები? ეს ერთადერთი კითხვაა, რომელიც საკუთარ თავს უნდა…

“თურქეთის სრული ჩართულობა ევროპის თავდაცვის ძალისხმევაში არსებითია ევროპის მშვიდობისა და უსაფრთხოებისთვის”-  ამის შესახებ თურქეთის პრეზიდენტმა, რეჯეფ თაიფ ერდოღანმა ბუდაპეშტში ევროპული პოლიტიკური საზოგადოების სამიტზე გამოსვლისას განაცხადა. თურქეთის პრეზიდენტმა უკრაინაში მიმდინარე ვითარებაზე ისაუბრა და აღნიშნა, რომ ომის გაჭიანურება სულ უფრო ნაკლებ ადგილს ტოვებს დიპლომატიისთვის. „სამწუხაროდ, ჩვენ ევროპაში მიმდინარე ომის მესამე წელში შევდივართ. უკრაინის ომის უარყოფითი შედეგები დღითიდღე იზრდება. ომის გაჭიანურება სულ უფრო ნაკლებ ადგილს ტოვებს დიპლომატიისთვის. ჩვენ თავიდანვე, მხარს ვუჭერდით ორივე მხარის ჩართულობით მოლაპარაკების პროცესს, რაც გამოიწვევს გრძელვადიან და სამართლიან აღნიშნა ერდოღანმა.

აშშ-ის არჩევნებში დონალდ ტრამპის გამარჯვების შემდეგ, ოთხშაბათს ამერიკელი მილიარდერის, ილონ მასკის ქონება 21 მილიარდი დოლარით გაიზარდა და 285,6 მილიარდი შეადგინა. ამის შესახებ ინფორმაციას გამოცემა „ფორბსი“ ავრცელებს. დონალდ ტრამპის გამარჯვების შემდეგ ილონ მასკის კომპანია „ტესლას“ აქციების ფასი დაახლოებით 15%-ით გაძვირდა და 288 დოლარს გადააჭარბა, რაც წელს დაფიქსირებული ყველაზე მაღალი მაჩვენებელია. კომპანიების – „ტესლას“, „სფეის იქსის“ და სოციალური ქსელ X-ის მფლობელი ილონ მასკი დონალდ ტრამპის მხარდამჭერი და მისი საარჩევნო კამპანიის უმსხვილესი შემომწირველია.  

“ამერიკელი ხალხი ძალაუფლების მშვიდობიანად და მოწესრიგებულად გადაბარებას იმსახურებს”- ამის შესახებ აშშ-ის პრეზიდენტმა, ჯო ბაიდენმა თავის სიტყვით გამოსვლაში განაცხადა. “200 წელიწადზე მეტი ხნის განმავლობაში, ამერიკას მსოფლიო ისტორიაში თვითმმართველობის უდიდესი ექსპერიმენტი აქვს. ეს ჰიპერბოლა არ არის. ეს ფაქტია. როდესაც ხალხი ხმას აძლევს და თავის ლიდერებს ირჩევს, ამას მშვიდობიანად აკეთებენ. და ჩვენ დემოკრატიაში ვართ. ხალხის ნება ყოველთვის იმარჯვებს… გუშინ პრეზიდენტად არჩეულ ტრამპს ვესაუბრე, რათა მისი გამარჯვება მიმელოცა, და დავარწმუნე, რომ მთელს ჩემს ადმინისტრაციას დავავალებ მის გუნდთან იმუშაონ მშვიდობიანი და მოწესრიგებული გადაბარებისთვის. ამერიკელი ხალხი ამას იმსახურებს” – განაცხადა ბაიდენმა. ამერიკელებისადმი მიმართვის დროს ბაიდენმა აღნიშნა,…

ზაპოროჟიეზე რუსეთის  იერიშის შედეგად  დაიღუპა ოთხი და დაშავდა 18 ადამიანი. შინაგან საქმეთა მინისტრის, იგორ კლიმენკოს ცნობით, დაშავებულთა შორის არიან ბავშვები. ნანგრევებში, შესაძლოა, მოქალაქეები იყვნენ მოყოლილი. როგორც უკრაინის პრეზიდენტი ვოლოდიმირ ზელენსკი სოციალურ ქსელ „ფეისბუქში“ წერს, რუსეთის ძალებმა ქალაქზე იერიში საავიაციო ბომბებით მიიტანეს. დანგრეულია მრავალსართულიანი საცხოვრებელი სახლი, კერძო სახლები და დაზიანებულია ონკოლოგიური საავადმყოფოს შენობა. „რუსეთის თითოეული დარტყმა არა მხოლოდ კლავს ადამიანებს და ანადგურებს სიცოცხლეს, არამედ ასევე ანადგურებს ნებისმიერი სიტყვების აზრს იმის შესახებ, თითქოს არის რუსეთთან მოლაპარაკებების, კრემლში რაღაც ზარების ნაკლებობა. იქ ადამიანების დაღუპვით სიამოვნებას იღებენ. სწორედ ამიტომ, უკრაინისთვის საჰაერო თავდაცვა არის შესაძლებლობა, გაანადგუროს რუსული…

“შევთანხმდით, რომ რეგიონში მშვიდობისა და სტაბილურობის ერთგულებას არსებითი მნიშვნელობა აქვს ევროპის კონტინენტისთვის, – ამის შესახებ სერბეთის პრეზიდენტი ალექსანდარ ვუჩიჩი სოციალურ ქსელ „ინსტაგრამში“ წერს და ეხმაურება საქართველოს პრემიერ-მინისტრ ირაკლი კობახიძესთან შეხვედრას. სერბეთის პრეზიდენტის თქმით, საუბარი შეეხო ეკონომიკის, უსაფრთხოებისა და ენერგეტიკის სფეროში არსებულ საერთო გამოწვევებს. “მე და საქართველოს პრემიერ-მინისტრმა – ირაკლი კობახიძეს გავუზიარეთ ერთმანეთს მოსაზრებები ეკონომიკის, უსაფრთხოებისა და ენერგეტიკის სფეროში არსებული საერთო გამოწვევების შესახებ. ხაზი გავუსვით ჩვენს მზადყოფნას სერბეთსა და საქართველოს შორის კავშირების შემდგომ განმტკიცებასთან დაკავშირებით, ასევე აღვნიშნეთ ევროპისკენ მიმავალ გზაზე ორმხრივი ურთიერთობების და თანამშრომლობის გაუმჯობესების მნიშვნელობა. ჩვენ შევთანხმდით, რომ რეგიონში მშვიდობისა და სტაბილურობის ერთგულებას არსებითი…

პოლიტიკური გაერთიანების სამიტზე სიტყვით გამოსვლისას უკრაინის პრეზიდენტმა ვოლოდიმირ ზელენსკიმ განაცხადა, რომ მათ საკმარისი რაოდენობის იარაღი სჭირდებათ. „ჩვენ თავს ვიცავთ არა რუსული სიტყვებისგან, არამედ რუსული თავდასხმებისგან, ამიტომ ჩვენ გვჭირდება საკმარისი რაოდენობის იარაღი და არა მხარდაჭერა მოლაპარაკებებში. პუტინთან ჩახუტება არ გამოგადგებათ. ზოგიერთი თქვენგანი უკვე 20 წელია, მას ეხუტება და ყველაფერი უარესდება. ის მხოლოდ ომებზე ფიქრობს და არ შეიცვლება. მხოლოდ ზეწოლას შეუძლია მისი ჩარჩოებში მოქცევა“, – განაცხადა ზელენსკიმ. მან მადლობა გადაუხადა ლიდერებს უკრაინისა და უკრაინელი ხალხის მხარდაჭერისთვის. ზელენსკიმ განაცხდა, რომ საჭიროა, გამოიყენონ კონცეფცია „მშვიდობა ძალის მეშვეობით“ უკრაინის დათმობების წინააღმდეგ. „ნება მომეცით, ხაზგასმით აღვნიშნო…

“უკრაინის კრიზისი ერთ ღამეში ვერ მოგვარდება, თუმცა აშშ-ის ახალი ადმინისტრაცია მშვიდობისკენ თუ იქნება მიმართული და არა ომის გაგრძელებისკენ, ეს უკეთესი იქნება”- ამის შესახებ კრემლის პრესმდივანმა, დიმიტრი პესკოვმა მედიას სოჭში განუცხადა, სადაც „ვალდაის ფორუმი“ მიმდინარეობს. „ჩვენ გვახსოვს ტრამპის დაპირება, ინაუგურაციამდე წარადგინოს რამე უკრაინის კრიზისის მოსაგვარებლად. რა თქმა უნდა, ცოტა გადაჭარბებულია, რომ ამას ერთ ღამეში შეძლებს. ამ პრობლემას ერთ ღამეში ვერაფერი განკურნავს, თუმცა ახალი ადმინისტრაცია მშვიდობისკენ თუ იქნება მიმართული და არა ომის გაგრძელებისკენ, ეს უკეთესი იქნება“ – განაცხადა კრემლის პრესმდივანმა. ამასთან, პესკოვს კითხვა დაუსვეს კამალა ჰარისის განცხადებასთან დაკავშირებით, რომლის თქმითაც, პუტინი ტრამპს…

ბუნდესტაგის საგარეო ურთიერთობათა კომიტეტის თავმჯდომარე საქართველოში მიმდინარე პროცესებს იდევ ერთხელ ეხმიანება და აცხადებს, რომ ნებისმიერმა, ვისაც ევროკავშირის ნაწილად ყოფნა სურს, უნდა უზრუნველყოს თავისუფალი და სამართლიანი არჩევნები. „ნებისმიერმა, ვისაც ევროკავშირის ნაწილად ყოფნა სურს, უნდა უზრუნველყოს თავისუფალი და სამართლიანი არჩევნები. სამწუხაროდ, საქართველოში ეს ასე არ მოხდა“ – აცხადებს როთი. მისივე შეფსებით, ევროპარლამენტარები საქართველოს მოსახლეობის  მხარეს არიან. „მთელი ევროპიდან მაღალი თანამდებობების მქონე პარლამენტარები ურყევად დგანან ქართველების მხარეს, რომლებიც თავისუფლებისთვისა და დემოკრატიისთვის იბრძვიან. სხვა მიმართულებით არ ვიყურებით და შედეგებს არ ველოდებით“ – აცხადებს როთი.  

საქართვლოს პრეზიდეტი სალომე ზურაბიშვილი ევროპელ ლიდერებთან აქტიურ დიალოგსა და კონუმიკაციაშია. ბუდაპეშტში დაგეგმილ ევროპის პოლიტიკური გაერთიანების სამიტამდე, სალომე ზურაბიშვილმა მოლაპარაკება რამდენიმე ქვეყნის ლიდერთან აწარმოა. პრეზიდენტი დღეს ესაუბრა  ფინეთის რესპუბლიკის პრეზიდენტ ალექსანდერ სტაბსმ  საფრანგეთის რესპუბლიკის პრეზიდენტთან ემანუელ მაკრონსა და  საფრანგეთის ევროპის საკითხთა მინისტრ ბენჟამინ ჰადადს.

,,სამიტზე ვარ იმისთვის, რომ ვუთხრა ევროკავშირის ლიდერებს, რა სიტუაციაა მოლდოვაში, რომ გვჭირდება უფრო მეტი მხარდაჭერა”, – ამის შესახებ მოლდოვის პრეზიდენტმა მაია სანდუმ ბუდაპეშტში, ევროპის პოლიტიკური გაერთიანების სამიტის დაწყებამდე განაცხადა. ,,რამდენიმე დღის წინ მოლდოველმა ხალხმა ევროპული მომავალი აირჩია. ვამაყობ თითოეული მოლდოველით, რომელიც დემოკრატიის გზაზეა. მე აქ ვარ იმისთვის, რომ ვუთხრა ევროკავშირის ლიდერებს, რა სიტუაციაა მოლდოვაში, რომ ჩვენ გვჭირდება უფრო მეტი მხარდაჭერა”, – განაცხადა სანდუმ. მან ასევე X-ზე დაწერა: ,,ამ ევროპული პოლიტიკური გაერთიანების შეხვედრაზე მოლდოველი ხალხის განახლებული მანდატით ვარ, რათა ჩვენს ევროკავშირისკენ მიმავალ გზაზე წინ წავიწიოთ. მოვუწოდებ ევროკავშირის ლიდერებს, უფრო სწრაფად იმუშაონ…

ნატოს წევრი და პარტნიორი ქვეყნების საგარეო საქმეთა მინისტრების შეხვედრა ბრიუსელში 3-4 დეკემბერს გაიმართება. ინფორმაციას ჩრდილოატლანტიკური ალიანსის პრესსამსახური ავრცელებს. როგორც ინფორმაციაშია აღნიშნული, შეხვედრას ნატოს გენერალური მდივანი მარკ რუტე გაუძღვება. მინისტერიალი ნატოს შტაბ-ბინაში გაიმართება.

,,ერთი რამ ცხადია, ევროპა ვერ იქნება ძლიერი, თუკი გერმანია არ იქნება ძლიერი”, – ამის შესახებ ევროპარლამენტის პრეზიდენტმა, რობერტა მეცოლამ ბუდაპეშტში ევროპული პოლიტიკური გაერთიანების სამიტის დაწყებამდე ჟურნალისტებთან საუბრისას განაცხადა. მისი თქმით, „ევროპული პოლიტიკური გაერთიანება“ მომდევნო თვეებში მოლოდინის რეჟიმში იქნება. „ჩვენ მოუთმენლად ველოდებით მომდევნო რამდენიმე თვეს, როდესაც გამოვალთ მოწოდებებით პოლიტიკური სტაბილურობისკენ, როდესაც მოვუწოდებთ ყველა მხარეს პასუხისმგებლობით მოქმედებისკენ“, – განაცხადა რობერტა მეცოლამ. ცნობისთვის, გერმანიის მმართველი კოალიცია, რომელიც 2021 წლის ბოლოს ჩატარებული არჩევნების შემდეგ ჩამოყალიბდა, ეკონომიკურ საკითხებთან დაკავშირებული ხანგრძლივი დავის გამო დაიშალა. კანცლერმა ოლაფ შოლცმა გადაწყვიტა, გაეთავისუფლებინა ფინანსთა მინისტრი ქრისტიან ლინდნერი – კოალიციაში შემავალი…

საფრანგეთის პრეზიდენტმა ევროპის პოლიტიკური გაერთიანების სამიტზე გამოსვლისას საქართველოში გამართულ საპარლამენტო არჩევნებზე გააკეთა კომენტარი. ,,დემოკრატიის ევროპული მოდელი ასევე არის განსახილველი საკითხი. მოლდოვასა და საქართველოში მოხდა არაერთი თავდასხმა დემოკრატიაზე: კიბერშეტევები, ამომრჩევლების მოსყიდვა, მანიპულირება. ეს ყველა დამკვირვებელმა აღნიშნა. მინდა მივულოცო მაია სანდუს ხელახალი არჩევა და ასევე იმედი მაქვს, რომ საქართველო გააძლიერებს თავის ევროპულ არჩევანს და თავის დემოკრატიულ მოდელს”, – განაცხადა ემანუელ მაკრონმა. მანამდე ვაიმარის სამკუთხედის წარმომადგენლებმა (საფრანგეთის პრეზიდენტი, გერმანიის კანცლერი და პოლონეთის პრემიერი) ერთობლივი განცხადება გაავრცელეს, სადაც გამოხატეს შეშფოთება საქართველოში შექმნილი პოლიტიკური ვითარების გამო. შეგახსენებთ, რომ ევროპელი ლიდერები, მათ შორის საქართველოს პრემიერ-მინისტრი ირაკლი…