დღე: ნოემბერი 3, 2024

“ევროპას მოუწევს გადახედოს უკრაინის მხარდაჭერას, თუ დონალდ ტრამპი შეერთებული შტატების პრეზიდენტად აირჩევა”- ამის შესახებ უნგრეთის პრემიერ-მინისტრმა ვიქტორ ორბანმა განაცხადა. მისი თქმით, კონტინენტი „მარტო ვერ ატარებს ომის ტვირთს“. ორბანის განცხადებით, ევროპამ უნდა გააცნობიეროს, რომ „ევროპა ვერ დარჩება ომის მომხრედ“. „ამერიკაში მშვიდობის მომხრე პრეზიდენტი, იქნება, რისიც მე არა მხოლოდ მჯერა, არამედ ციფრებსაც ასე ვკითხულობ… თუ მოხდება ის, რასაც ჩვენ მოველით და ამერიკა გახდება მშვიდობის მომხრე, მაშინ ევროპა ვერ დარჩება ომის მომხრედ” – დასძინა მან. ორბანის თქმით, უკრაინა იქნება განხილვის თემა მომავალ კვირაში ბუდაპეშტში ევროპელი ლიდერების შეხვედრისას.

თურქეთი გაერო-ს უშიშროების საბჭოს ისრაელისთვის იარაღის მიწოდების შეწყვეტისკენ მოიწოდებს. ქვეყნის საგარეო საქმეთა მინისტრმა, ჰაკან ფიდანმა განაცხადა, რომ თურქეთთან ერთად 53-მა ხელმომწერმა გაერო-ს უშიშროების საბჭოს ერთობლივი წერილით მიმართა, რომელშიც მოითხოვენ ისრაელისთვის იარაღისა და საბრძოლო მასალების მიწოდების დაუყოვნებლივ შეწყვეტას. წერილი, რომელიც თურქეთის ინიციატივით მომზადდა, ხელმოწერილია 52 ქვეყნისა და ორი საერთაშორისო ორგანიზაციის მიერ და გაერო-ში პირველ ნოემბერს წარადგინეს. ხელმომწერებს შორის იყვნენ საუდის არაბეთი, ბრაზილია, ალჟირი, ჩინეთი, ირანი და რუსეთი, ორგანიზაციებს შორის კი არაბული ლიგა და ისლამური თანამშრომლობის ორგანიზაცია. „ჩვენ ყველა შესაძლებლობისას უნდა გავიმეოროთ, რომ ისრაელისთვის იარაღის მიყიდვა გენოციდში თანამონაწილეობას ნიშნავს”-  განაცხადა ფიდანმა პრესკონფერენციაზე.  

ბელგრადში, რკინიგზის სადგურზე მომხდარ შემთხვევასთან დაკავშირებით ასობით ადამიანმა საპროტესტო აქცია გამართა. დემონსტრანტები სერბეთის ქალაქ ნოვი სადში, რკინიგზის სადგურზე ბეტონის გადახურვის ჩამონგრევის გამო, რომელსაც 14 ადამიანი ემსხვერპლა, ხელისუფლებას დაუდევრობასა და კორუფციაში ადანაშაულებენ. აქციის მონაწილეებს ხელში ეჭირათ ბანერები წარწერებით „სისხლი თქვენს ხელებზეა“ და „კორუფცია კლავს“. დემონსტრანტები სკანდირებდნენ – „დააპატიმრეთ პრეზიდენტი ალექსანდრ ვუჩიჩი“. შეგახსენებთ, სერბეთის ქალაქ ნოვი სადში, რკინიგზის სადგურზე ბეტონის გადახურვა ჩამოინგრა და მოსაცდელში მსხდომ ადამიანებს დაეცა. შედეგად 14 ადამიანი დაიღუპა.

ვალენსიის პრეზიდენტმა, კარლოს მაზონმა თანაგრძნობა გამოხატა რეგიონში გამოვლენილი საზოგადოების აღშფოთების მიმართ და შეაქო მეფე ფელიპეს რეაქცია. „მესმის ხალხის აღშფოთება და, რა თქმა უნდა, დავრჩები და მივიღებ ამას. ეს ჩემი პოლიტიკური და მორალური ვალდებულებაა. მეფის დამოკიდებულება დღეს დილით სამაგალითო იყო“- წერს მაზონი. ესპანეთში წყალდიდობის შედეგად დაღუპულთა რიცხვი 214-მდე გაიზარდა.    

3 ნოემბერს ღაზაში ისრაელის თავდასხმებს, სულ მცირე, 31 ადამიანი ემსხვერპლა. ამის შესახებ „როიტერი“ წერს. ღაზაში მდებარე საავადმყოფოს ექიმების ცნობით, სულ მცირე, 13 პალესტინელი დაიღუპა ქალაქ ბეით ლაჰიასა და ჯაბალიაში, დანარჩენები კი დაიღუპნენ ქალაქ ღაზასა და სამხრეთ რაიონებში, მათ შორის ხან იუნისში. ჯანდაცვის სამსახურების ცნობით, ხან იუნისში დაიღუპა რვა ადამიანი, მათ შორის ოთხი ბავშვი. ისრაელს თავდასხმის შესახებ კომენტარი არ გაუკეთებია.

ესპანეთში, ვალენსიის რეგიონის ქალაქ ტორენტში მაშველებმა კიდევ 3 ადამიანის ცხედარი იპოვეს. გარდაცვლილთა რაოდენობა 214-მდე გაიზარდა. სამაშველო-სამძებრო სამუშოები გრძელდება. ასობით ადამიანი ამ დრომდე დაკარგულად ითვლება. სტიქიის ზონაში ესპანეთის მეფე ჩავიდა. მონარქს დაზარალებული მოსახლეობა პროტესტით დახვდა. ესპანელ მაღალჩინოსნებს, რომლებიც წყალდიდობით დაზარალებულ ქალაქში ჩავიდნენ, მოქალაქეები პროტესტით შეხვდნენ

რუსულმა ძალებმა ხერსონის ოლქის ბელოზერკას დასახლებას დაარტყეს, მტრის თავდასხმის ქვეშ სასწრაფო სამედიცონო დახმარების ბრიგადა მოექცა. ინფორმაციას უკრაინული მედია ხერსონის საოლქო-სამხედრო ადმინისტრაციაზე დაყრდნობით ავრცელებს. მათივე ინფორმაციით, დაბომბვის დროს ქუჩაში მყოფი სასწრაფო სამედიცინო დახმარების მძღოლი და ექთანი დაშავდნენ. ორივე მათგანი საავადმყოფოში გადაიყვანეს. თავდასხმის შედეგად დაზიანდა სასწრაფო სამედიცინო დახმარების მანქანაც.

ისრაელის სამხედროებმა ჩრდილოეთ ღაზაში სახლი დაბომბეს, რის შედეგადაც სულ მცირე 3 ადამიანი დაიღუპა, არიან დაშავებულებიც. ღაზას სექტორში ყუმბარის აფეთქების შედეგად ისრაელელი ჯარისკაცი დაიღუპა. ქვეყნის სამხედროებმა განაცხადეს, რომ ჯარისკაცი შაბათს ღამით ღაზის  ჩრდილოეთ ნაწილში მოკლეს.

“ქურდებს სურთ, იყიდონ ჩვენი ხმა, იყიდონ ჩვენი ქვეყანა, მაგრამ ხალხის ძალა აღემატება მათ ბოროტებას” – ამის შესახებ მოლდოვის მოქმედმა პრეზიდენტმა და პრეზიდენტობის კანდიდატმა, მაია სანდუმ განუცხადა, რომელმაც საარჩევნო უბანზე საკუთარი არჩევანი დააფიქსირა. სანდუმ ჟურნალისტებს უთხრა, რომ ხმა მისცა „მოლდოვას“ და ყველა მოქალაქეს არჩევნებზე წასვლისკენ მოუწოდა. „მე ხმა მივეცი მოლდოვას. მჯერა, რომ ჩვენი მოქალაქეები გააკეთებენ სწორ არჩევანს ჩვენი ქვეყნისთვის. დღეს, როგორც არასდროს, ჩვენ უნდა ვიყოთ ერთიანები, შევინარჩუნოთ მშვიდობა, დავიცვათ ჩვენი ხმა და დამოუკიდებლობა. ქურდებს უნდათ ჩვენი ხმის ყიდვა, ჩვენი ქვეყნის ყიდვა, მაგრამ ხალხის ძალა აღემატება მათ ბოროტებას. ძალა თითოეულ თქვენგანშია. წადით რწმენით და…

ირიანში სტუდენტი დააკავეს მას შემდეგ, რაც ჰიჯაბის ტარების იძულების პროტესტის ნიშნად ქუჩაში გაშიშვლდა. ინციდენტის შესახებ, რომელიც მოხდა წინა დღეს, ცნობილი გახდა 3 ნოემბერს, მას შემდეგ, რაც სოციალურ ქსელებში გოგონას ფოტო გამოჩნდა. ფაქტს ირანის ოფიციალური მედია გამოეხმაურა და დაწერა, რომ საუბარია ფსიქიკურად შეზღუდული შესაძლებლობის მქონე მოქალაქეზე, რომელსაც ესაჭიროება სამედიცინო დახმარება. თუმცა, უფლებადამცველებმა უარყვეს ეს ინფორმაცია და განმარტეს, რომ გოგონა არის აზად აჰვაზი, პრესტიჟული ისლამური უნივერსიტეტის სტუდენტი, რომელიც ადგილობრივი მორალის პოლიციის წინააღმდეგ პროტესტის ნიშნად გამოვიდა.

Des Moines Register/Mediacom-ის ახალი გამოკითხვის  მიხედვით, აშშ-ის პრეზიდენტობის კანდიდატმა, კამალა ჰარისმა მოულოდნელად სამი პროცენტით გაასწრო დონალდ ტრამპს შტატში, რომელშიც აშშ-ის ყოფილმა პრეზიდენტმა, ტრამპმა ორჯერ გაიმარჯვა. 28-31 ოქტომბერს აიოვას შტატში 808 პოტენციური იამომრჩეველი გამოიკითხა. გამოკითხვის შედეგად ჰარისს 47% აქვს, ხოლო ტრამპს  – 44%. სექტემბერში ჩატარებულ ბოლო გამოკითხვაში დონალდ ტრამპი აიოვას შტატში ჰარისს ოთხი პროცენტული პუნქტით ასწრებდა. აღსანიშნავია, რომ, Des Moines Register-ის გამოკითხვის თანახმად, აიოვას შტატში ქალ ამომრჩევლებს შორის კამალა ჰარისი ტრამპს 20 პროცენტული პუნქტით ასწრებს. ტრამპის საარჩევნო კამპანიამ გაავრცელა განცხადება, რომელშიც Des Moines Register-ის გამოკითხვას „აშკარა გადახრა“ უწოდა. მათი განმარტებით, შაბათს…

“დონალდ ტრამპის გამარჯვება აიძულებს ევროპას, გადახედოს უკრაინის მხარდაჭერას” – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა. „ჩვენ უნდა გავაცნობიეროთ, რომ თუ აშშ-ში მშვიდობის მომხრე პრეზიდენტი იქნება, რისაც მე არა მხოლოდ მჯერა, არამედ რიცხვებშიც ასე ვკითხულობ, თუ მოხდება ის, რასაც ველოდებით და ამერიკა გახდება მშვიდობის მომხრე, მაშინ ევროპა ვერ დარჩება ომის მომხრე“, – განაცხადა ორბანმა. მისივე თქმით, უკრაინის საკითხი მთავარი თემა იქნება მომავალ კვირას, ბუდაპეშტში დაგეგმილ ევროპის პოლიტიკური გაერთიანების შეხვედრასა და ევროკავშირის ლიდერების არაფორმალურ შეხვედრაზე.  

“ბოლოს და ბოლოს, გადავშალოთ დონალდ ტრამპის ათწლეულის ფურცელი”– ამის შესახებ აშშ-ის ვიცე-პრეზიდენტმა და პრეზიდენტობის დემოკრატმა კანდიდატმა, კამალა ჰარისმა განაცხადა. „ნუ შეგეპარებათ ეჭვი იმაში, რომ ჩვენ გავიმარჯვებთ. ჩვენ გავიმარჯვებთ. გავიმარჯვებთ იმიტომ, რომ როცა იცი, რისი გწამს, იცი, რისთვის იბრძვი. ამ არჩევნებში ჩვენ გვაქვს შესაძლებლობა, საბოლოოდ გადავშალოთ დონალდ ტრამპის ათწლეულის ფურცელი, რომელიც მთელ დროს ხარჯავს იმაზე, რომ დაგვყოს და ერთმანეთის გვეშინოდეს. ჩვენ მოვრჩით, ჩვენ დავიღალეთ ამით, კმარა. ჩვენ უკან არ დავბრუნდებით“ – განაცხადა ჰარისმა ატლანტაში, მხარდამჭერების წინაშე სიტყვით გამოსვლისას. ჰარისმა ყურადღება გაამახვილა აბორტის უფლებაზე. „ამერიკაში ყოველი მესამე ქალი ცხოვრობს შტატში, სადაც აბორტი აკრძალულია,…

“აშშ-ის პრეზიდენტობის კანდიდატი „რესპუბლიკური პარტიიდან“ დონალდ ტრამპი, არჩევნებში გამარჯვების შემთხვევაში უკრაინაში ომს ვერ შეაჩერებს” – ამის შესახებ რუსეთის უსაფრთხოების საბჭოს თავმჯდომარის მოადგილე, დიმიტრი მედვედევი „ტელეგრამის“ საკუთარ არხზე წერს. მისი მტკიცებით, თუ დონალდ ტრამპი ომის შეჩერებას შეეცდება, შესაძლოა, აშშ-ის ყოფილი პრეზიდენტის, ჯონ კენედის ბედი გაიზიაროს, რომელიც 1963 წელს მოკლეს. “დაღლილი ტრამპი, რომელიც შემდეგნაირ ბანალურ აზრებს გამოთქვამს : “მე შემოგთავაზებთ გარიგებას” და “მე მაქვს შესანიშნავი ურთიერთობა…”, ასევე იძულებული იქნება, დაიცვას სისტემის ყველა წესი. ის ომს ვერ შეაჩერებს და თუ ნამდვილად ეცდება, შეიძლება ახალი JFK (ჯონ ფიცჯერალდ კენედი) გახდეს“ – აცხადებს მედვედევი.  

ჩეხეთის პრეზიდენტმა ქვეყნის 60 მოქალაქეს უფლება მისცა, შეუერთდნენ უკრაინის შეიარაღებულ ძალებს. ამის შესახებ პრეზიდენტის, პეტრ პაველის წარმომადგენელმა, ფილიპ პლატოშმა განაცხადა. მისი თქმით, ამჟამად ჩეხეთის უკვე 60 მოქალაქეს აქვს უკრაინის შეიარაღებულ ძალებში გაწევრიანებისთვის პრაღისგან ოფიციალური ნებართვა. ცნობისთვის, ჩეხეთის მოქალაქეებს ეკრძალებათ უცხო ქვეყნის ჯარში ჩეხეთის პრეზიდენტის ნებართვის გარეშე გაწევრიანება, წინააღმდეგ შემთხვევაში მათ სისხლის სამართლის პასუხისმგებლობა ემუქრებათ.

ისრაელი ერაყს აფრთხილებს, რომ თუ პროირანული გასამხედროებული ძალები ისრაელზე თავდასხმებს განაგრძობენ, ისრაელი ერაყში სამიზნეებს დაარტყამს. ამის შესახებ სააგენტო „საუდი ელაფი“ წერს. როგორც სააგენტოს ანონიმურმა წყარომ განუცხადა, ისრაელმა თანამგზავრების საშუალებით მოიპოვა ინფორმაცია, რომ თეირანი ბალისტიკური რაკეტებისა და შესაბამისი აღჭურვილობის ერაყის ტერიტორიაზე გადატანაზე მუშაობს, რათა შემდგომ, სავარაუდოდ, ის ისრაელზე მოსალოდნელი თავდასხმისთვის გამოიყენოს. ასევე ცნობილი ხდება, რომ ისრაელი ირანის მიერ მხარდაჭერილი ამ დაჯგუფებების დაქვემდებარებაში არსებული ობიექტების მონიტორინგსა და იდენტიფიცირებას ახორციელებს და ბაღდადს აფრთხილებს, გააკონტროლოს მის ქვეყანაში მოქმედი ძალები, შეაჩეროს ისინი, რათა მათ ერაყის ტერიტორია ისრაელზე თავდასხმის განსახორციელებლად არ გამოიყენონ.