დღე: ოქტომბერი 18, 2024

ჩინეთის პრეზიდენტი, სი ძინპინი რუსეთში „ბრიქსის“ სამიტს დაესწრება. ჩინეთის საგარეო საქმეთა სამინისტროს ცნობით, სი ძინპინი „ბრიქსის“ მე-16 სამიტს დაესწრება, რომელიც ყაზანში, 22-24 ოქტომბერს გაიმართება. ჩინეთის საგარეო საქმეთა სამინისტროს წარმომადგენლის, მაო ნინის განცხადებით, ვიზიტის ფარგლებში სი ძინპინი მონაწილეობას მიიღებს სხვადასხვა ღონისძიებებში და მიმდინარე საერთაშორისო ვითარების შესახებ ლიდერებთან მოლაპარაკებებს გამართავს. „ბრიქსი“ თანასწორობის პრინციპზე შექმნილი ხუთი ქვეყნის ბრაზილიის, რუსეთის, ინდოეთის, ჩინეთის, სამხრეთ აფრიკის რესპუბლიკის სახელმწიფოთაშორისი გაერთიანებაა.

,,შეჯიბრია საქართველოს მთავრობასა და ,,ოცნებაში” ოფიციალურ პირებს შორის, ვინ მიაყენებს შეურაცხყოფას EU-ს ყველაზე ძლიერად”, – თქვა ევროკავშირის ელჩმა საქართველოში, პაველ ჰერჩინსკიმ. ,,გვაქვს შეჯიბრი საქართველოს მთავრობასა და მმართველ პარტიაში უმაღლეს ოფიციალურ პირებს შორის, ვინ გამოუთხრის ძირს, ვინ დააყენებს კითხვის ნიშნის ქვეშ, ვინ მიაყენებს შეურაცხყოფას ევროკავშირს ყველაზე ძლიერად. ეს მიუღებელია ქვეყნისგან, რომელსაც სურს ევროკავშირში გაწევრიანება. თქვენ უნდა მიიღოთ გადაწყვეტილება, საქმე გეხებათ თქვენ და თქვენი შვილების მომავალს და რა გადაწყვეტილებაც არ უნდა მიიღოთ თქვენ, ევროკავშირი ამ გადაწყვეტილებას პატივს სცემს. ეს არის მთავარი განსხვავება ევროკავშირსა და საბჭოთა კავშირს შორის. ამიტომ, თქვენც უნდა სცეთ პატივი…

ევროკომისია ახალ საკანონმდებლო ინიციატივაზე მუშაობს, რომლითაც ევროკავშირიდან უფრო მეტი მიგრანტის დეპორტაცია გახდება შესაძლებელი. ამის შესახებ ურსულა ფონ დერ ლაიენის წერილშია ნათქვამი, რომელშიც ევროკომისიის პრეზიდენტი აცხადებს, რომ ამჟამად ევროკავშირიდან სამშობლოში არალეგალი მიგრანტების დაბრუნების მაჩვენებელი მხოლოდ 20%-ს შეადგენს, რაც იმას ნიშნავს, რომ თავშესაფრის მაძიებელთა უმრავლესობა, რომლებიც ვალდებულნი არიან ევროკავშირი დატოვონ, ამას არ აკეთებს. ევროკომისიის პრეზიდენტმა ასევე განაცხადა, რომ ევროკავშირს შეუძლია, გამოიტანოს დასკვნა იტალიისა და ალბანეთის მიერ შემუშავებული სქემიდან, რომლის მიხედვითაც, ზღვაში გადარჩენილი მიგრანტების ნაწილს დროებით ალბანეთში გახსნილ ცენტრებში გადაიყვანენ, სადაც ისინი თავშესაფრის მიღების შესახებ განაცხადის დამუშავების პერიოდში დარჩებიან. იტალიისა და ალბანეთის მიერ…

,,ჩვენ გამოვხატეთ შეშფოთება საქართველოში არსებული ვითარების გამო, როდესაც მთავრობის მიერ გადადგმული ნაბიჯები ფაქტობრივად იწვევს გაწევრიანების პროცესის შეჩერებას”, – ამის შესახებ საფრანგეთის პრეზიდენტმა ევროპული საბჭოს სხდომის დასრულების შემდეგ ბრიფინგზე განაცხადა. მისი თქმით, ქართველ ხალხს თავისი არჩევანის გაკეთება რამდენიმე დღეში მოუწევს. „რაც შეეხება საერთაშორისო საკითხებს, ჩვენი მხარდაჭერა გამოვუცხადეთ მოლდოვას ამ მნიშვნელოვან საარჩევნო კონტექსტში, როდესაც ის რუსეთის მიერ განხორციელებული ჰიბრიდული ქმედებების ზეგავლენის ქვეშ იმყოფება. ჩვენ გამოვხატეთ შეშფოთება საქართველოში არსებული ვითარების გამო, მაშინ, როდესაც მთავრობის მიერ გადადგმული ნაბიჯები ფაქტობრივად იწვევს გაწევრიანების პროცესის შეჩერებას, ქართველ ხალხს თავისი არჩევანის გამოხატვა რამდენიმე დღეში მოუწევს“, – განაცხადა ემანუელ…

,,არჩევნები არის დემოკრატიის დღესასწაული. ხალხს ექნება უფლება და მოქალაქეობრივი ვალდებულება, წავიდეს არჩევნებზე და ხმა მისცეს, გამოხატოს საკუთარი მოსაზრება”, – ამის შესახებ ევროკავშირის ელჩმა, პაველ ჰერჩინსკიმ ჟურნალისტებს განუცხადა. მისი თქმით, თითოეული ქართველის გადასაწყვეტია, როგორი მომავალი სურთ საკუთარი ქვეყნისთვის. მან საქართველოს მოქალაქეებს არჩევნებზე წასვლისკენ მოუწოდა. „ჩვენი მხრიდან, როგორც საქართველოს შემთხვევაში, ისე ნებისმიერი სხვა ქვეყნის შემთხვევაში დაჟინებით ვითხოვთ, რომ არჩევნები უნდა ჩატარდეს თავისუფალ და სამართლიან გარემოში, ყველა პოლიტიკურ პარტიას შეეძლოს წარმოადგინოს პროგრამა, შეეძლოს სხვებთან კონკურენცია. არჩევნები უნდა იყოს კონკურენტული, გამჭვირვალე, ინკლუზიური. არჩევნები არის წმინდა და თითოეული ქართველის გადასაწყვეტია, როგორი მომავალი სურთ მათ საკუთარი ქვეყნისთვის.…

უკრაინის პრეზიდენტის ვოლოდიმირ ზელენსკის განცხადებით, უკრაინის ნატოში მიწვევა რუსეთთან ომის შეწყვეტის ერთადერთი გზაა. როგორც ზელენსკი The Financial Times-თან ნტერვიუში აღნიშნავს, უკრაინის ნატოში მიწვევა მისი ხუთპუნქტიანი გამარჯვების გეგმის პირველი პუნქტია, რამაც რუსეთის პრეზიდენტი ვლადიმერ პუტინი მოლაპარაკებების მაგიდასთან უნდა დასვას. „ჩვენ ვერ ვიქნებით ძლიერები მიწვევის გარეშე, რამაც, თავის მხრივ, ჩვენი დიპლომატია უნდა გააძლიეროს, რათა ომი დავასრულოთ“, – განაცხადა ზელენსკიმ. „ეს ომი დასრულდება მაშინ, როცა პუტინი იზოლაციაში აღმოჩნდება, და სხვა პარტნიორები მას დიპლომატიისკენ უბიძგებენ“, – დასძინა მან. გამოცემის მტკიცებით, იმ დროს, როცა ნატოს ყველა წევრი ქვეყანა თანხმდება, რომ უკრაინა ალიანსში წევრობის შეუქცევად გზას…

უნგრეთის პრემიერ-მინისტრმა, ვიქტორ ორბანმა განაცხადა, რომ ვოლოდიმირ ზელენსკის მიერ წარდგენილი „გამარჯვების გეგმა“ შიშს იწვევს. მისი თქმით, ის აპირებს, წამოწიოს ევროკავშირსა და რუსეთს შორის მოლაპარაკებების იდეა. ამის შესახებ ორბანმა „ფეისბუქის“ საკუთარ გვერდზე დაწერა. მან კიდევ ერთხელ განაცხადა, რომ ევროკავშირმა უნდა გადახედოს საკუთარ ცუდად ორგანიზებულ, ცუდად განხორციელებულ, ცუდად გათვლილ სტრატეგიას უკრაინის მიმართ. „ეს არ ნიშნავს მეტ ომს, მეტ სახიფათო იარაღს და შორ მანძილზე მოქმედ იარაღს, არამედ ეს ნიშნავს, რომ ჩვენ უნდა გადავიდეთ ომის სტრატეგიიდან მშვიდობის სტრატეგიაზე. ჩვენ გვჭირდება ცეცხლის შეწყვეტა და სამშვიდობო მოლაპარაკებები”, – წერს ორბანი. ვიქტორ ორბანის თქმით, მას სურს, მთელი…

შეერთებული შტატების ვიცე-პრეზიდენტი კამალა ჰარისი „ჰამასის“ ლიდერის, იაჰია სინვარის მკვლელობას გამოეხმაურა და აღნიშნა, რომ „მის ხელებზე ამერიკელების სისხლი იყო“. „ისრაელს აქვს თავდაცვის უფლება და „ჰამასის“ საფრთხე ისრაელისთვის აღარ უნდა არსებობდეს. დღეს ამ მიზნისკენ აშკარა პროგრესი არსებობს. „ჰამასი“ განადგურებულია და მისი ლიდერები ლიკვიდირებული არიან“, – განუცხადა ჰარისმა ჟურნალისტებს. როგორც შეერთებული შტატების ვიცე-პრეზიდენტი აღნიშნავს, ეს მომენტი იძლევა შესაძლებლობას, საბოლოოდ დასრულდეს ომი ღაზაში. „ის უნდა დასრულდეს ისე, რომ ისრაელი იყოს დაცული, მძევლები გათავისუფლდნენ, დასრულდეს ტანჯვა ღაზაში და პალესტინელ ხალხს შეეძლოს ღირსების, უსაფრთხოების, თავისუფლებისა და თვითგამორკვევის უფლების რეალიზება“, – აღნიშნა ჰარისმა.

აშშ-ის პრეზიდენტი ჯო ბაიდენი ბერლინში ჩავიდა, სადაც უკრაინის საკითხს განიხილავს. გერმანიის დედაქალაქში ის ქვეყნის კანცლერს ოლაფ შოლცს, აგრეთვე დიდი ბრიტანეთის და საფრანგეთის ლიდერებს შეხვდება, რათა განიხილოს კიევის მიერ გაჟღერებული წინადადებები რუსეთთან ომის დასრულების შესახებ. ასევე, აშშ-ის პრეზიდენტი პარტნიორი ქვეყნების ლიდერებთან ახლო აღმოსავლეთში შექმნილ ვითარებას განიხილავს. Reuters-ის მტკიცებით, ბაიდენის ადმინისტრაციაში იმედოვნებენ, რომ დაჯგუფება „ჰამასის“ ლიდერის იაჰია სინვარის მკვლელობის შემდეგ ღაზაში საბრძოლო მოქმედებები შესაძლოა მალე დასრულდეს. ბაიდენი გერმანიაში ჯერ კიდევ 12 ოქტომბერს გეგმავდა ჩასვლას, სადაც რამშტაინის ავიაბაზაზე უკრაინის თავდაცვის საკონტაქტო ჯგუფის შეხვედრაში უნდა მიეღო მონაწილეობა, თუმცა მისი ვიზიტი ამერიკაში მძვინვარე ქარიშხალ „მილტონის“…

გუშინ, 17 ოქტომბერს, რუსეთმა რუმინეთის საჰაერო სივრცე დაარღვია. ინფორმაციას რუმინეთის საგარეო საქმეთა სამინისტრო ავრცელებს. ,,რუმინეთის საჰაერო სივრცის კიდევ ერთი უკანონო დარღვევა გუშინ მოხდა. ჩვენ მკაცრად ვგმობთ ამ დარღვევებს, რაც კიდევ ერთხელ ადასტურებს რუსეთის უგუნურ ქცევას. ჩვენ არ შევწყვეტთ უკრაინის დახმარებას”, – წერს რუმინეთის საგარეო საქმეთა სამინისტრო. ცნობისთვის, რუმინეთი ნატოს წევრი ქვეყანაა.

,,უკრაინას ან ბირთვული იარაღი ექნება, ან ჩვენ ნატოს წევრი ვიქნებით”, – უკ­რა­ი­ნის პრე­ზი­დენ­ტის, ვო­ლო­დი­მირ ზე­ლენ­სკის თქმით, ამის შე­სა­ხებ მან აშშ-ის ყო­ფილ პრე­ზი­დენ­ტთან და მოქმედ საპრეზიდენტო კანდიდატთან, დო­ნალდ ტრამ­პთან საუბრისას გა­ნა­ცხა­და. ,,დიდი ქვეყნებიდან, ბირთვული სახელმწიფოებიდან რომელი დაზარალდა? არცერთი. მხოლოდ ერთი — უკრაინა. ვინ დათმო ბირთვული იარაღი? ყველამ? ერთმა — უკრაინამ. ვინ იბრძვის დღეს? უკრაინა. დონალდ ტრამპთან საუბრისას მას ვუთხარი: რა არის გამოსავალი? ან უკრაინას ბირთვული იარაღი ექნება და ეს ჩვენთვის დაცვა იქნება, ან რაიმე სახის ალიანსი უნდა გვქონდეს. ნატოს გარდა ჩვენ სხვა ეფექტური ალიანსები არ ვიცით”, – განაცხადა უკრაინის პრეზიდენტმა, ბრიუსელში,…

,,უკრაინის NATO-ში მოწვევა დიპლომატიურად გაგვაძლიერებს და ნამდვილ და სამართლიან მშვიდობასთან დაგვაახლოებს. უკრაინა იმსახურებს, ერთ მშვენიერ დღეს გახდეს NATO-ს 33-ე წევრი და ჩვენ ყველაფერს გავაკეთებთ იმისათვის, რომ ეს მოხდეს”, – ასე ეხმაურება ვოლოდიმირ ზელენსკი ალიანსის გენერალურ მდივანთან, მარკ რუტესთან შეხვედრას. ,,NATO-ს გენერალურ მდივანთან, მარკ რუტესთან, შეხვედრისას განვიხილეთ ნაბიჯები, რომლებიც გააძლიერებს უკრაინას და დაეხმარება ჩვენს ბრძოლაში. მადლობა ალიანსის წევრ ქვეყნებს, რომლებიც ხელს უწყობენ უკრაინის თავდაცვის წარმოების განვითარებას, კრიტიკული ინფრასტრუქტურის ობიექტების აღდგენასა და სამხედრო დახმარებას. გვაქვს NATO-ს წევრების მზადყოფნის იმედი, რომ ჰააგაში, NATO-ს მომდევნო სამიტამდე, უკრაინისთვის ფინანსური დახმარება, 40 მილიარდი ევროს ოდენობით, გამოცხადდება”,…

ამერიკის შეერთებული შტატების პრეზიდენტი, ჯო ბაიდენი ,,ჰამასის” ახალი ლიდერის, იაჰია სინვარის ლიკვიდირებას X-ზე ეხმაურება. ,,ჰამასის” ლიდერი იაჰია სინვარი მკვდარია. ეს კარგი დღეა ისრაელისთვის, შეერთებული შტატებისთვის და მთელი მსოფლიოსთვის”, – წერს ბაიდენი. აშშ-ის პრეზიდენტი პოსტს ვრცელ განცხადებას ურთავს თავს, სადაც ნათქვამია, რომ IDF-ი ამერიკის დაზვერვასთან ერთად მუშაობს და სამართლიანობას ვერცერთი ტერორისტი გაექცევა.  

,,ევროპული საბჭო კიდევ ერთხელ ადასტურებს მზადყოფნას, მხარი დაუჭიროს ქართველ ხალხს. მთავრობის ქმედებები საფრთხეს უქმნის ქვეყნის ევროპულ გზას”, – ამის შესახებ ევროკავშირის 27 სახელმწიფოს ლიდერების მიერ ხელმოწერილ დოკუმენტშია საუბარი. ,,45. ევროპული საბჭო კიდევ ერთხელ ადასტურებს მზადყოფნას, მხარი დაუჭიროს ქართველ ხალხს მათ ევროპულ გზაზე. ამავე დროს, იგი იმეორებს თავის სერიოზულ შეშფოთებას საქართველოს მთავრობის მიერ განხორციელებული იმ ქმედებების გამო, რომლებიც ეწინააღმდეგება იმ ღირებულებებსა და პრინციპებს, რომლებზეც დაფუძნებულია ევროკავშირი. 46. ევროპული საბჭო იმეორებს, რომ ასეთი ქმედებები საფრთხეს უქმნის საქართველოს ევროპულ გზას და დე-ფაქტო აჩერებს გაწევრიანების პროცესს. იგი მოუწოდებს საქართველოს, განახორციელოს დემოკრატიული, ყოვლისმომცველი და მდგრადი…