თვე: ოქტომბერი 2024

“არჩევნების ლეგიტიმურობის უზრუნველსაყოფად და პოლიტიკური კრიზისის თავიდან აცილების მიზნით უნდა მოხდეს საერთაშორისო დამკვირვებლების მიერ დადგენილი ფაქტების გამოძიება, მოვუწოდებთ საქართველოს მთავრობას, არ გაჰყვეს ბელარუსის გზას “- ამის შესახებ საქართველოში საპარლამენტო არჩევნების შედეგებთან დაკავშირებით უკრაინის საგარეო საქმეთა სამინისტროს განცხადებაშია ნათქვამი. როგორც განცხადებაში უკრაინის საგარეო უწყება აღნიშნავს, ყურადღებით ადევნებდა თვალს 2024 წლის 26 ოქტომბერს საქართველოში ჩატარებული საპარლამენტო არჩევნების მიმდინარეობას. „უკრაინა ყურადღებით ადევნებდა თვალს 2024 წლის 26 ოქტომბერს საქართველოში ჩატარებული საპარლამენტო არჩევნების მიმდინარეობას. ჩვენ მხარს ვუჭერთ OSCE/ODIHR-ის საერთაშორისო მისიის დასკვნებს საქართველოში საპარლამენტო არჩევნებზე დაკვირვების შესახებ, რომელმაც დააფიქსირა მრავალი დარღვევა. მოსყიდვა, დაშინება, იძულება და ამომრჩევლებზე ზეწოლა, ხმის…

“ყოველწლიურად ჩვენ დავკარგეთ რამდენიმე ათეული ათასი ადამიანი, 100 000-მდე დაშავდა. ჩვენ დავანგრიეთ ეკონომიკა, დავკარგეთ ტერიტორიები და ყოველდღიურად უფრო მეტს ვკარგავთ, ჩვენი ფრონტი იშლება” – ამის შესახებ უკრაინის პრეზიდენტის აპარატის ყოფილმა მრჩეველმა, ალექსეი არესტოვიჩმა ნიკოლაი ფელდმანის იუთუბარხზე განაცხადა. მისივე თქმით, უკრაინას შეეძლო „ვაჭრობა უფრო მომგებიანად, ვიდრე დღეს“. „რისთვის გამოვიყვანეთ და დავხოცეთ ჩვენი საკუთარი მოქალაქეები ომში, დემოტივირებულები, ძალადობით მოცულები. რისთვის დავკარგეთ დაღუპული ბავშვები, გავუძელით ამ განადგურებულ ენერგეტიკას და დავუშვით პუტინის წამოდგომა, მაშინ, როდესაც შეგვეძლო, გადაგვეწყვიტა ყველაფერი უფრო უკეთესად. ახლა რასაც არ უნდა ვაკეთებდეთ, უფრო ცუდ და დასუსტებულ მდგომარეობაში ვართ დიდი დანაკარგებით. რისთვის? ათეულობით…

ლიბანიდან განხორციელებულ სარაკეტო დაბომბვას ისრაელში შვიდი ადამიანი ემსხვერპლა. ისრაელის მედიის ინფორმაციით, ხუთი ადამიანი დაიღუპა და ერთი მძიმედ დაშავდა ქალაქ მეთულას მახლობლად განხორციელებული დაბომბვის შედეგად. დაღუპულთა შორის ერთი ისრაელის მოქალაქე იყო, ოთხი კი უცხოელი. ლიბანიდან ნასროლი რაკეტა სასოფლო-სამეურნეო ზონაში ჩავარდა. პარალელურად, „ჰეზბოლამ“ სარაეკტო შეტევა განახორციელა ქალაქ ჰაიფას მიმართულებით. ჰაიფას მახლობლად კირიათ ათაში დაბომბვის შედეგად ორი ადამიანი დაიღუპა, სამი კი დაშავდა.

“მოლდოვამ ისტორიული ნაბიჯი გადადგა, ვინაიდან, დღეს საკონსტიტუციო სასამართლომ გადაწყვეტილება მიიღო დააფიქსიროს ევროკავშირში ინტეგრაცია ჩვენს კონსტიტუციაში” – ამის შესახებ მოლდოვის პრეზიდენტი მაია სანდუ X-ის საკუთარ გვერდზე წერს. “მოლდოვამ ისტორიული ნაბიჯი გადადგა, ვინაიდან, დღეს საკონსტიტუციო სასამართლომ გადაწყვეტილება მიიღო დააფიქსიროს ევროკავშირში ინტეგრაცია ჩვენს კონსტიტუციაში, რაც ბოლო რეფერენდუმში ჩვენი ხალხის ნებას ასახავს. გამარჯვება ჩვენს მოქალაქეებს ეკუთვნით, რომლებმაც მშვიდობასა და კეთილდღეობაზე დამყარებული მომავალი აირჩიეს”, – წერს სანდუ.

საქართველოში ჩატარებულ საპარლამენტო არჩევნებსა და შემდგომ განვითარებულ მოვლენებთან დაკავშირებით შვედი დიპლომატი საუბრობს. როგორც შვედეთის ელჩი საქართველოში ანა ლიბერგი აცხადებს, საქართველო უკან წავიდა. „გზავნილი ცხადია: ევროკავშირში გაწევრიანება დამსახურებაზე დაფუძნებულია. სრულიად დამოკიდებულია თითოეული ქვეყნის პროგრესზე. წელს საქართველო უკან წავიდა. საქართველოს ევროკავშირში გაწევრიანება გაჩერებულია. ევროკავშირის კარი ღია რჩება, როდესაც საქართველო ევროკავშირის გზას დაუბრუნდება”, – ამბობს ლიბერგი.  

ამერიკის შეერთებულმა შტატებმა სანქცირებულ რუსულ ბანკებს ენერგეტიკასთან დაკავშირებული ტრანზაქციების განხორციელების ნება დართო. ფინანსური ოპერაციების წარმოებას რუსეთის რამდენიმე ბანკი, მათ შორის Sberbank-ი, VTB და Rosbank-ი, ასევე რუსეთის რამდენიმე საკრედიტო ორგანიზაცია შეძლებს. ამერიკის ფინანსთა სამინისტროს ცნობით, საქმე ეხება ტრანზაქციებს, რომლებიც ენერგომატარებლების მოპოვებას, გადამუშავებას, ტრანსპორტირებასა და ვაჭრობას ეხება. შეზღუდვა 2024 წლის 1 ნოემბრამდეა მოხსნილი მისი გაგრძელების შესაძლებლობით. კრემლის პრესსპიკერი დიმიტრი პესკოვი ამბობს , რომ ამერიკის შეერთებული შტატები საკმარისად პრაგმატულ პოზიციას იკავებენ და სწრაფად რეაგირებს მაშინ, როცა საქმე ამერიკის სავაჭრო- ეკონომიკურ ინტერესებს ეხება.

ისრაელის ჩრდილოეთით მდებარე სოფელ მეტულაზე განხორციელებული სარაკეტო იერიშის შედეგად ხუთი ადამიანი დაიღუპა, ხოლო ერთი სერიოზულად დაშავდა. ხუთი გარდაცვლილი ადამიანიდან ერთი ისრაელის მოქალაქე, ხოლო დანარჩენი ოთხი – უცხოელი იყო. ებრაული მედია აღნიშნავს, რომ რაკეტა, სავარაუდოდ, ლიბანიდან იყო გაშვებული. ებრაული მხარე მომხდარში ლიბანში განლაგებულ დაჯგუფება „ჰეზბოლას“ ადანაშაულებს.

აშშ-ში 19 წლის ჩინელი სტუდენტი ამერიკის საპრეზიდენტო არჩევნებში უკანონო მონაწილეობის გამო დააკავეს. CNN-ის ცნობით, ჩინელი სტუდენტი, რომელიც მიჩიგანის უნივერსიტეტში სწავლობს, ამერიკის მოქალაქე არ არის, შესაბამისად, მას არჩევნებში მონაწილეობის უფლება არ ჰქონდა. ინფორმაცია მიჩიგანის გენერალურმა პროკურორმა დაადასტურა მას შემდეგ, რაც „რესპუბლიკურმა“ პარტიამ არჩევნებში უცხოელების მონაწილეობის შესახებ გააკეთა განცხადება. ჩინელმა სტუდენტმა ხმა კვირას მისცა. არჩევნებში მონაწილეობის მისაღებად მან რეგისტრაცია სტუდენტური ბილეთის წყალობით გაიარა, თუმცა იმავე დღეს ადგილობრივ საარჩევნო კომისიას მიმართა და სთხოვა, რომ მისი ბიულეტენი ამოეღოთ. ახლა შტატის სამართალდამცველები და ხელისუფლება ცდილობენ დაადგინონ ეს ინდივიდუალური შემთხვევა იყო, თუ ჩინეთის მიერ არჩევნებში ჩარევის…

აშშ-ის ყოფილმა პრეზიდენტმა, დონალდ ტრამპმა პრეზიდენტ ჯო ბაიდენის კომენტარს უპასუხა, რომელმაც ტრამპის მხარდამჭერებს „ნაგავი“ უწოდა. დონალდ ტრამპის თქმით, ვიცე-პრეზიდენტი კამალა ჰარისი ვერ უხელმძღვანელებს ამერიკას, რადგან არ უყვარს ამერიკელები“. „მიმდინარე კვირაში კამალა თავის პოლიტიკურ ოპონენტებს ისტორიაში ყველაზე ბოროტ მასობრივ მკვლელებს ადარებდა“, – აღნიშნა ტრამპმა. „ჩემი პასუხი ძალიან მარტივია. ამერიკას ვერ უხელმძღვანელებ, თუ ამერიკელები არ გიყვარს. ვერ იქნები პრეზიდენტი, თუ გძულს ამერიკელი ხალხი. ბევრი სიძულვილია. კამალა ჰარისი არ არის შესაფერისი კანდიდატი შეერთებული შტატების პრეზიდენტის თანამდებობისთვის. მას არ აქვს ინტელექტი, ან განსაკუთრებული თვისება, რაც ნამდვილ ლიდერებს უნდა ჰქონდეთ“, – დასძინა მან.

რუსეთის შეიარაღებულმა ძალებმა ხარკოვზე სარაკეტო იერიში მიიტანეს. თავდასხმა მრავალსართულიან საცხოვრებელ კორპუსზე განხორციელდა, რის შედეგადაც ორი ადამიანი დაიღუპა, ხოლო 34 დაშავდა. უკრაინის პრეზიდენტი ვოლოდიმირ ზელენსკი შემთხვევის ადგილის ვიდეოს სოციალურ ქსელში აქვეყნებს და წერს, რომ ნანგრევებში, შესაძლოა, ადამიანები იყვნენ. „ჩვენი პარტნიორები ხედავენ, რაც ყოველდღიურად ხდება. მათი გადაწყვეტილებები – ჩვენი ხალხის სიცოცხლეა. ამიტომ ჩვენ ერთად უნდა შევაჩეროთ რუსეთი და გავაკეთოთ ეს ყველა შესაძლო საშუალებით“, – წერს ზელენსკი.

შეერთებულმა შტატებმა სანქციები დაუწესა 400-მდე იურიდიულ და ფიზიკურ პირს ათზე მეტ ქვეყანაში, რომლებიც, ოფიციალური ვაშინგტონის ცნობით , რუსეთს აწვდიან მოწინავე ტექნოლოგიებს, რომლებიც უკრაინის წინააღმდეგ ფართომასშტაბიან ომში გამოიყენება. სანქციები და სხვა სახის შეზღუდვები ერთდროულად გამოცხადდა აშშ-ის ფინანსთა სამინისტროს, სახელმწიფო დეპარტამენტისა და ვაჭრობის სამინისტროს განცხადებებში. ფინანსთა სამინისტრომ სანქციები დაუწესა 274 სუბიექტს, სახელმწიფო დეპარტამენტმა 120-ზე მეტს, ვაჭრობის სამინისტრომ კი სავაჭრო შეზღუდვები დაუწესა 40 კომპანიასა და კვლევით ინსტიტუტს.

,,ერევანსა და მოსკოვს შორის უთანხმოებაა მთელ რიგ საგარეო პოლიტიკურ საკითხებზე”, – ამის შესახებ სომხეთის საგარეო საქმეთა მინისტრმა, არარატ მირზოიანმა ქვეყნის პარლამენტში სიტყვით გამოსვლის დროს განაცხადა. სომხეთის საგარეო უწყების ხელმძღვანელის თქმით, ქვეყნებს ძლიერი ეკონომიკური კავშირები აქვთ და, ამავდროულად, ურთიერთობა საკმაოდ გამჭვირვალეა. „ჩვენ ყოველთვის არ ვიზიარებთ ერთმანეთის პოზიციებს. ეს ეხება ერთ ან ორ მოედანს, სადაც ჩვენ ვართ წევრი. მაგალითად, „კოლექტიური უსაფრთხოების ხელშეკრულების ორგანიზაციას“. ცნობილია ჩვენი დამოკიდებულება ამ სტრუქტურის მიმართ“, –  განაცხადა არარატ მირზოიანმა. მირზოიანმა გაიმეორა ოფიციალური ერევნის პოზიცია, რომ „კოლექტიური უსაფრთხოების ხელშეკრულების ორგანიზაციამ“ საკმარისად არ უპასუხა სომხეთის რესპუბლიკის სუვერენული ტერიტორიის წინააღმდეგ განხორციელებულ…

აშშ-ის პრეზიდენტობის კანდიდატი „რესპუბლიკური პარტიიდან“ დონალდ ტრამპი ვისკონსინის შტატში საარჩევნო მიტინგზე ნაგვის მანქანით მივიდა. ინფორმაციას და ვიდეომასალას Nexta Live ავრცელებს. ეს მას შემდეგ მოხდა, რაც შეერთებული შტატების პრეზიდენტმა ჯო ბაიდენმა ტრამპის მომხრეებს შეურაცხყოფა მიაყენა და მათ „ნაგავი“ უწოდა. ამის შემდეგ თეთრ სახლში განაცხადეს, რომ ბაიდენის სიტყვები არასწორად გაიგეს. ,,როგორ მოგწონთ ჩემი ნაგვის მანქანა? მას კამალას და ჯო ბაიდენს ვუძღვნი“, – განაცხადა ტრამპმა. რამდენიმე დღის წინ ჯო ბაიდენმა მედისონ-სკვერ-გარდენზე ტრამპის მიტინგზე გამოთქმული განცხადებების საპასუხოდ განაცხადა: „ამ დღეებში მის (ტრამპის) მიტინგზე ერთ-ერთმა ორატორმა პუერტო-რიკოს ნაგვის მცურავი კუნძული უწოდა. ერთადერთი ნაგავი, რომელსაც მე…

,,უახლოეს მომავალში ხელი მოეწერება სტრატეგიული პარტნიორობის განახლებულ ხელშეკრულებას რუსეთსა და ირანს შორის, რომელშიც მნიშვნელოვანი ყურადღება დაეთმობა თავდაცვის საკითხებს”, – ამის შესახებ რუსეთის საგარეო საქმეთა მინისტრმა, სერგეი ლავროვმა, ბელარუსის დედაქალაქ მინსკში, ევრაზიული უსაფრთხოების საერთაშორისო კონფერენციაზე სიტყვით გამოსვლისას განაცხადა. რუსეთის საგარეო უწყების ხელმძღვანელის თქმით, აღნიშნული შეთანხმება ორ ქვეყანას შორის თანამშრომლობას კიდევ უფრო გააღრმავებს. „რუსეთ-ირანის ურთიერთობების განმტკიცების სერიოზული ფაქტორი იქნება მომავალი შეთანხმება რუსეთსა და ირანს შორის ყოვლისმომცველი სტრატეგიული პარტნიორობის შესახებ. ხელშეკრულება მზადდება ხელმოწერისთვის უახლოეს მომავალში. იქ დადასტურდება მხარეთა სურვილი თავდაცვის სფეროში უფრო მჭიდრო თანამშრომლობისა და ურთიერთქმედების შესახებ მშვიდობისა და უსაფრთხოების ინტერესებიდან გამომდინარე რეგიონულ…

პოლონეთმა იპოვა ახალი მიზეზი, რომ არ გადასცეს „მიგ-29“-ის ტიპის სამხედრო თვითმფრინავები უკრაინას, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. უკრაინის პრეზიდენტის თქმით, თვითმფრინავების საკითხზე მოლაპარაკება ჰქონდა ნატო-ს ხელმძღვანელობასთან. „ძალიან გვინდოდა „მიგები“ მიგვეღო პოლონეთიდან, მაგრამ ვერ მოგვცეს, რადგან თავისთვის არ ჰქონდათ საკმარისი. ამიტომ, ჩვენ შევთანხმდით ნატო-სთან, რომ ჩვენი ბალტიელი მეგობრების მსგავსად მათთვის საპოლიციო მისია გამოეყოთ. ჩვენ ამაზე შევთანხმდით. და რა ამის შემდეგ? პოლონეთმა მოგვცა თვითმფრინავები? არა. სხვა მიზეზი იყო? დიახ“, – აღნიშნა ვოლოდიმირ ზელენსკიმ. უკრაინის პრეზიდენტმა ასევე თქვა, რომ უკრაინის ხელისუფლება მუდმივად სთხოვდა პოლონეთს, ჩამოეგდო პოლონეთის მიმართულებით მფრენი რუსული რაკეტები,…

უნგრეთის პრემიერ-მინისტრი ვიქტორ ორბანი მიიჩნევს, რომ შვედეთის მთავრობის თავმჯდომარე ულფ კრისტერსონი, რომელმაც ის საქართველოში ჩატარებული საპარლამენტო არჩევნების დადებითად შეფასების გამო გააკრიტიკა, ვაშინგტონიდან იღებს ინსტრუქციებს. „შვედეთის პრემიერ-მინისტრი ბრალს მდებდა მე იმაში, რომ საქართველოში რუსეთის ინტერესებს წარმოვადგენდი. ნათელია, რომ მან ეს ინსტრუქციები ვაშინგტონიდან მიიღო. რა სამწუხაროა“, – დაწერა ორბანმა სოციალურ ქსელ X-ში. შეგახსენებთ, რომ საქართველოში ვიზიტით მყოფმა უნგრეთის პრემიერ-მინისტრმა განაცხადა, რომ არჩევნები იყო თავისუფალი და დემოკრატიული. ორბანის განცხადებას კრისტერსონი გამოეხმაურა და თქვა, რომ უნგრეთის პრემიერ-მინისტრი შვედეთის ან სხვა ევროპული ქვეყნების სახელით არ საუბრობს, არამედ, შესაძლოა, საუბრობდეს რუსეთის სახელით. ამის გამო უნგრეთის საგარეო…

,,საქართველოში თავისუფალი და სამართლიანი არჩევნები მოიპარეს”, – ამის შესახებ გერმანიის პარლამენტის წევრმა მიხაელ როთმა სოციალურ ქსელ X-ზე დაწერა. ის აგრეთვე გამოეხმაურა უკრაინასა და მოლდოვაში მიმდინარე მოვლენებს და აღნიშნა, რომ ამ ყველაფრის უკან რუსული იმპერიალიზმი დგას. „უკრაინაში დამანგრეველი ომია. მოლდოვა ჰიბრიდულ ომშია ჩართული. საქართველოში თავისუფალი და სამართლიანი არჩევნები მოპარულია. ამ ყველაფრის უკან რუსული იმპერიალიზმი დგას. მას აღმოსავლეთ ევროპაში ახალგაზრდა დემოკრატიების განადგურება სურს. ჩვენ უბრალოდ თვალს ვადევნებთ, თუ გავიღვიძებთ ოდესმე?“, – დაწერა როთმა.