დღე: სექტემბერი 26, 2024

ჯანდაცვის მსოფლიო ორგანიზაციის ანგარიშის თანახმად, ყოველი მეათე მოზარდი მსოფლიოში სოციალური ქსელებითა და კომპიუტერული თამაშებით გადაჭარბებული გატაცების გამო ფსიქოლოგიური პრობლემების წინაშე დგება. ჯანმოს ევროპული ბიუროს ახალი მონაცემების მიხედვით, მოზარდებს შორის სოცქსელების პრობლემურ გამოყენების მაჩვენებელი 7%-დან (2018 წელი) 11%-მდე (2022) გაიზარდა. ორგანიზაციაში მიიჩნევენ, რომ თამაშებზე დამოკიდებულებასთან ერთად, ეს სერიოზულ შეშფოთებას იწვევს ახალგაზრდობის ფსიქიკურ ჯანმრთელობასა და კეთილდღეობაზე ციფრული ტექნოლოგიების გავლენის მხრივ. ჯანმოს წარმომადგენლებმა 2022 წელს 44 ქვეყანაში თითქმის 280 ათასი მოზარდი გამოჰკითხეს. აღმოჩნდა, რომ მოზარდების 11%-ს არ შეუძლია სოციალურ ქსელებში საკუთარი ყოფნა აკონტროლონ, თანაც გოგოები ამ პრობლემის წინაშე გაცილებით ხშირად დგებიან, ვიდრე ბიჭები…

ხმაური იყო ბათუმში  კაზინო ,,შანგრილაში”, სადაც 400-მდე თანამშრომელი კუთვნილ ანაზღაურებას ითხოვს. თანამშრომლების თქმით, მათ 23 სექტემბერს, ყოველგვარი  ახსნა-განმარტების გარეშე უთხრეს, რომ კაზინო იხურებოდა და წინასწარი გაფრთხილების გარეშე შემოსავლის გარეშე დატოვეს. როგორც ისინი ამბობენ, არც სექტემბრის ანაზღაურება მიუღიათ და არც კომპენსაცია. კაზინოს 88% წილის მფლობელი ნატალია მენაბდიშვილი ამბობს, რომ ის ფორმალური მფლობელია და რეალურად კომპანია ებრაელ ბიზნესმენებს ეკუთვნის.

დედოფლისწყაროს მუნიციპალიტეტში უბედურ შემთხვევას მცირეწლოვანი ემსხვერპლა. 2 წლამდე გოგონა, სავარაუდოდ, ასფიქსიით გარდაიცვალა. გავრცელებული ინფორმაციით, მცირეწლოვანი დედამ დილით საწოლში გარდაცვლილი ნახა. ოჯახის წევრების თქმით, გოგონას ჯანმრთელობის პრობლემები არ ჰქონია. უბედური შემთხვევის ზუსტ მიზეზს ექსპერტიზა დაადგენს.

საქართველოს საპატრიარქოს საზოგადოებასთან ურთიერთობის სამსახური სოციალურ ქსელში ინფორმაციას ავრცელებს: „დგება წმინდა ქეთევან დედოფლის ხსენების დღე, – 26 სექტემბერი. მისი მოწამებრივი აღსასრულიდან 400 წელთან დაკავშირებით სრულიად საქართველოს კათოლიკოს-პატრიარქის ლოცვა-კურთხევით ერთი წელი მიეძღვნება ამ საოცარი დედოფლის ღვაწლის წარმოჩენას. შემოგთავაზებთ იმ ღონისძიებების ჩამონათვალს, რომელიც აღნიშნული მიზნით განხორციელდა და განხორციელდება უახლოეს მომავალში: როგორც საზოგადოებისთვის უკვე ცნობილია, პირველი კონფერენცია ჩატარდა თბილისის სასულიერო აკადემიასა და სემინარიაში ორშაბათს, 23 სექტემბერს; 25 სექტემბერს 13:00 საათზე პარაკლისი გადახდილი იქნება გრემში (სადაც წმინდა დედოფალი ხშირად ესწრებოდა ღვთისმსახურებას). რა თქმა უნდა, საზეიმო წირვა-ლოცვა ყველგან აღევლინება, მაგრამ ჩვენ ორ ადგილზე გავამახვილებთ ყურადღებას,…

ბათუმში, ანწუხელიძის ქუჩაზე ავარიას ერთი ადამიანი ემსხვერპლა, დაშავებულია კიდევ ერთი პირი. არსებული ინფორმაციით, მანქანა რკინის კონსტრუქციას შეეჯახა, რის შედეგადაც ორი ადამიანი დაშავდა. მათგან ერთი მალევე დაიღუპა. შინაგან საქმეთა სამინისტროს ცნობით, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1966 წელს დაბადებული ა.ჯ. განზრახ მკვლელობის მცდელობის ბრალდებით დააკავეს, ხოლო წარსულში ნასამართლევი პირები: 1969 წელს დაბადებული თ.ზ. და 1993 წელს დაბადებული ბ.ჯ. დანაშაულის შეუტყობინებლობის ბრალდებით დააკავეს. ,,გამოძიებით დადგინდა, რომ მიმდინარე წლის 24 სექტემბერს, ბრალდებულმა ა.ჯ.-მ ურთიერთშელაპარაკების ნიადაგზე თბილისში, დიდ დიღომში, ცეცხლსასროლი იარაღით რამდენიმე ჭრილობა მიაყენა 1993 წელს დაბადებულ გ.ჯ.-ს და შემთხვევის ადგილიდან მიიმალა. დაჭრილი მამაკაცი საავადმყოფოში გადაიყვანეს, სადაც შესაბამისი სამედიცინო დახმარება უტარდება. ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად სამართალდამცველებმა ა.ჯ ბრალდებულის სახით…

ბათუმში მამაკაცის ცხედარი იპოვეს. შემთხვევა გუშინ მოხდა. ინფორმაციას ადგილობრივი გამოცემა AJARATIMES.GE ავრცელებს და წერს, რომ ადგილზე მისულ სასწრაფო სამედიცინო დახმარებას კაცი უგონო მდგომარეობაში დახვდა. ამ დროისთვის, სხვა დამატებითი დეტალები უცნობია.

საბაჟო საზღვარზე განსაკუთრებით დიდი ოდენობით საქონლის საბაჟო წესების დარღვევით გადმოტანის ფაქტი გამოვლინდა. ინფორმაციას ფინანსთა სამინისტროს საგამოძიებო სამსახური ავრცელებს. ,,ფინანსთა სამინისტროს საგამოძიებო სამსახურმა, შემოსავლების სამსახურის საბაჟო დეპარტამენტის თანამშრომლებთან კოორდინაციით, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, საქართველოს საბაჟო საზღვარზე, წინასწარი შეთანხმებით ჯგუფის მიერ, განსაკუთრებით დიდი ოდენობით საქონლის საბაჟო წესების დარღვევით გადმოტანის ფაქტი გამოავლინა, რაზეც სისხლისსამართლებრივი დევნა ორი პირის მიმართ დაიწყო. გამოძიებით დადგინდა, რომ ბრალდებულებმა, საბაჟო-გამშვები პუნქტი „სარფი“-ს გავლით, საბაჟო კონტროლისაგან მალულად, სხვადასხვა საყოფაცხოვრებო ნივთებში დამალვის გზით, საბაჟო საზღვარზე გადმოიტანეს ჯამში დაახლოებით 4 447 გრამი ოქროს საიუველირო ნაკეთობები, რომელთა საბაჟო ღირებულება შეადგენს…

,,ნუ იფიქრებ, რომ უშენოდაც აირჩევენ. დარეგისტრირდი საარჩევნო სიაში, მიდი არჩევნებზე”, – წერს საქართველოს ყოფილი ელჩი საფრანგეთში, გოჩა ჯავახიშვილი სოციალურ ქსელში და ემიგრანტებს მიმართავს: ,,მეგობრებო, ძველო და ახალო ნაცნობებო, რაკი ხშირად მწერთ და მეკითხებით 26 ოქტომბრის არჩევნებთან დაკავშირებით, კერძოდ, არჩევნებში მონაწილეობის შემთხვევაში ხომ არ შეგექმნებათ პრობლემა საფრანგეთის ხელისუფლებასთან, ვცდილობ ყველა გადავამისამართო საკონსულო სამსახურთან, რადგან საკონსულოა ყველაზე კომპეტენტური არჩევნებთან დაკავშირებით, რათა დიასპორის წარმომადგენლები დააკვალიანოს. ჩემი მოკრძალებული აზრი კი ის გახლავთ, რომ არჩევნებში მონაწილეობა არ ჩაგეთვლებათ საკონსულო მომსახურების მიღებად. საკონსულოც და საელჩოც არჩევნების დღეს გახლავთ საქართველოს მოქალაქეთა საარჩევნო უბანი და არა დიპლომატიური წარმომადგენლობა.…

გარემოს ეროვნული სააგენტოს ინფორმაციით, დღეს წვიმა და ელჭექია მოსალოდნელი. meteo.gov.ge – ის თანახმად, დასავლეთ საქართველოში დროგამოშვებით ღრუბლიანობის მომატება. ზოგან  ხანმოკლე წვიმა და ელჭექი. დღისით აღმოსავლეთის ქარი 10-15 მ/წმ. ჰაერის ტემპერატურა: დაბლობში დღისით +24, +29°; მთაში ღამით +9, +14°, დღისით  +22, +27°; მაღალმთაში ღამით +2, +7°, დღისით +15, +20°. აღმოსავლეთ საქართველოში დროგამოშვებით ღრუბლიანობის მომატება. დღისით უმეტეს რაიონში ხანმოკლე წვიმა და ელჭექი, ზოგან შესაძლებელია ნისლი და სეტყვა. დღისით აღმოსავლეთის ქარი 10-15 მ/წმ. ჰაერის ტემპერატურა: ბარში დღისით +20, +25°; მთაში ღამით +5, +10°, დღისით +17, +22°; მაღალმთაში ღამით +3, +8°, დღისით +12, +17°.

წალენჯიხის მუნიციპალიტეტში ძლიერმა წვიმამ და ქარმა პრობლემები შექმნა. თითქმის ორსაათიანმა ძლიერმა წვიმამ დატბორა რამდენიმე სახლი, დააზიანა შიდა გზები და ჩახერგა ხიდები. სოფელ საჩინოში, ნაგურუს უბანში წყალმა სახლს საძირკველი გამოეცალა, რის გამოც სახლის ერთ-ერთი კედელი ჩამოინგრა. კედელი ოთახის იმ მხარეს ჩამოინგრა, სადაც 2 მცირეწლოვან ბავშვს და მოხუცს ეძინათ, თუმცა შემთხვევის შედეგად არავინ დაშავებულა. ადგილზე იმყოფებოდნენ მუნიციპალიტეტის მერიის წარმომადგენლები. შექმნილია და ადგილზე მუშაობს ზარალის შემსწავლელი კომისია. წალენჯიხის მერის განცხადებით, ოჯახს დროებით საცხოვრებელ ფართს დაუქირავებენ, შემდგომ კი დახმარებას გაუწევენ.