დღე: მაისი 24, 2023

ბელარუსის პრეზიდენტი ალექსანდრე ლუკაშენკო აცხადებს, რომ სიკვდილს არ აპირებს. ამის შესახებ ლუკაშენკომ  მთავრობის სხდომაზე განაცხადა და აღნიშნა, რომ  საზოგადოებაში ავადმყოფობის გამო არ ჩნდებოდა. ,,სიკვდილს არ ვაპირებ, ბიჭებო, ჩემთან ერთად კიდევ დიდხანს დაიტანჯებით”, –  განაცხადა ლუკაშენკომ. ცნობისთვის, 9 მაისს ლუკაშენკო მოსკოვში აღლუმზე იმყოფებოდა. მედიის ინფორმაციით, ჯანმრთელობის გაუარესების გამო, ლუკაშენკომ კრემლში, პუტინის მიერ გამართულ სადილზე დასწრება ვერ შეძლო, რადგან  აღლუმის შემდეგ, მოულოდნელად ავად გახდა და მოსკოვი დატოვა. .  

რუსეთი უკრაინაში კონფლიქტის გაყინვის წინააღმდეგია. ამის შესახებ დიმიტრი პესკოვმა რუსულ სახელმწიფო სააგენტო „იტარ ტასთან“ ინტერვიუში განაცხადა. ,,რუსეთი სოლიდარულია“, – უპასუხა კრემლის სპიკერმა კითხვაზე, არის თუ არა რუსეთის ფედერაცია სოლიდარული დასავლეთის მიმართ, რომ უკრაინაში კონფლიქტი არ უნდა გაყინოს. პესკოვმა უპასუხა კითხვას, განიხილავს თუ არა რუსეთი კონფლიქტის გაყინვის შესაძლებლობას. „რუსეთი განიხილავს მხოლოდ სპეციალური სამხედრო ოპერაციის დასრულებას: თავისი ინტერესების უზრუნველყოფას, რუსეთის მიზნების მიღწევას ან სპეციალური სამხედრო ოპერაციით, ან სხვა ხელმისაწვდომი საშუალებებით“, – აღნიშნა პესკოვმა.

რუსეთის კერძო სამხედრო კომპანია ვაგნერის ხელმძღვანელი ევგენი პრიგოჟინის აცხადებს, რომ უკრაინული ჯარი მსოფლიოში ერთ-ერთ ყველაზე ძლიერია. მისი თქმით,  რუსეთმა უკრაინაში შეჭრით, ქვეყნის მილიტარიზაცია მოახდინა. ,,დღეს საკუთარი გამოცდილებით შემიძლია ვთქვა – ჩვენ ბევრ ადგილას და ბევრ ადამიანთან ვიბრძოლეთ -დღეს უკრაინელები ერთ-ერთი ყველაზე ძლიერი ჯარია. მათ ორგანიზებულობის მაღალი დონე აქვთ, წვრთნების მაღალი დონე, დაზვერვის მაღალი დონე, მათ აქვთ სხვადასხვა იარაღი. მეტიც, ისინი ნებისმიერ სისტემაზე, იქნება ეს საბჭოთა თუ NATO-ს ან ნებისმიერი – ერთნაირი წარმატებით მუშაობენ” – განაცხადა პრიგოჟინმა.

ჯოზეფ ბორელი უნგრეთის პრემიერ მინისტრის, ვიქტორ ორბანის განცხადებას ეხმიანება. მისი თქმით, ევროკავშირის თავდაცვის მინისტრები არ ეთანხმებიან მათ, ვინც ამბობს, რომ უკრაინა ომში ვერ გაიმარჯვებს „ევროკავშირის თავდაცვის მინისტრები არ ეთანხმებიან ზოგიერთებს, რომლებიც ამბობენ, რომ უკრაინა ომში ვერ გაიმარჯვებს და ამიტომ ჩვენ უნდა შევწყვიტოთ უკრაინის დახმარება. არა, ყველაფერი პირიქითაა. უკრაინის საქმე კარგად მიდის“, – განაცხადა ბორელმა. უკრაინა ვერ მოიგებს ომს რუსეთის წინააღმდეგ – ვიქტორ ორბანი