დღე: მაისი 12, 2023

რუსეთის დუმის საერთაშორისო საქმეთა კომიტეტის თავმჯდომარის, ლეონიდ სლუცკის განცხადებით, საქართველოს პრეზიდენტის განცხადება რუსეთის მიერ საქართველოს მოქალაქეებისთვის სავიზო რეჟიმის გაუქმების შესახებ გარედან არის ნაკარნახევი. ,,სალომე ზურაბიშვილის განცხადებები ნაკარნახევია გარედან და არ ემსახურება ეროვნულ ინტერესებს. მმართველი პარტიის ხელმძღვანელობა გაცილებით გაწონასწორებულ პოზიციას იკავებს, რომელიც, პირველ რიგში, ეკონომიკურ პრიორიტეტებზეა დამყარებული”,- აცხადებს სლუცკი.

,,ქართველმა კანონმდებლებმა უნდა გადახედონ, ასახავს თუ არა ეს ქმედება ქართველი ხალხის სურვილებს,” – ამის შესახებ სენატორი ჯინ შაჰინი სოციალურ ქსელ ტვიტერში წერს. სენატორი რუსეთის მიერ საქართველოს მოქალაქეებისთვის სავიზო რეჟიმის გაუქმებასა და პირდაპირი ფრენების აღდგენას ეხმიანება. ,,ქართველ ხალხს სურს მომავალი, რომელიც შეესაბამება დემოკრატიასა და ევროპას და არა ურთიერთობა ქვეყანასთან, რომელიც უკანონოდ შეიჭრა საქართველოში და აკონტროლებს მათი ქვეყნის 20%-ს. ქართველმა კანონმდებლებმა უნდა გადახედონ, ასახავს თუ არა ეს ქმედებები მათი მოქალაქეების სურვილებს”, – წერს შაჰინი.

აშშ-ის სახელმწიფო დეპარტამენტის წარმომადგენელის, ვედანტ პატელის განცხადებით, საქართველოსა და რუსეთს შორის პირდაპირი ფრენების აღდგენამ შესაძლოა, საქართველოს აეროპორტებში არსებული კომპანიების დასანქცირება გამოიწვიოს. მისი თქმით, მთელი დასავლური საზოგადოება დისტანცირდა რუსული რეჟიმისგან და ახლა არც ერთი ქვეყნისთვის არ არის იმის დრო, რომ გაზარდოს საქმიანობა რუსეთთან. „მრავალი დასავლური ქვეყანა, მათ შორის აშშ, უკრძალავს რუსულ თვითმფრინავებს თავიანთ საჰაერო სივრცეში შესვლას. თუ რუსეთსა და საქართველოს შორის პირდაპირი ფრენები აღდგება, ჩვენ, რა თქმა უნდა, შევშფოთდებით იმით, რომ კომპანიები საქართველოს აეროპორტებში შესაძლოა, დასანქცირების რისკის ქვეშ დადგნენ, თუ ისინი მოემსახურებიან იმ თვითმფრინავებს, რომელთა მიმართაც მოქმედებს იმპორტისა და ექსპორტის კონტროლი.…