დღე: მაისი 2, 2023

აშშ-ის სახელმწიფო დეპარტამენტის სანქციების კოორდინაციის ოფისის ხელმძღვანელის,  ჯიმ ობრაიენის განცხადებით, რუსეთის მიმართულებით ელექტრონული საქონლის ტრანზიტი გაზრდილია. ამის შესახებ ჯიმ ობრაიენმა ”ამერიკის ხმასთან” ინტერვიუში განაცხადა. მისივე თქმით, ბიზნესები, რომლებიც რუსეთში ელექტრონულ საქონელს გზავნიან, “რულეტს თამაშობენ”. ,,ვიტყოდი, რომ ფინანსური სანქციების მხრივ, საქართველო ძალიან გულმოდგინედ ასრულებს სანქციებს. თუმცა, ჩვენ ვნახეთ ელექტრონული ნივთების საქართველოს გავლით რუსეთში ტრანზიტის მომატება. როგორც დასაწყისში აღვნიშნე, ასეთი ვაჭრობის დიდი ნაწილი ლეგალური იყო სადღაც წლის ბოლომდე – იმ დრომდე, სანამ ევროკავშირმა და დიდი შვიდეულის წევრებმა ამ საქონელზე შეზღუდვები დააწესეს. ჩვენ მოველით რომ ტრანზიტის ეს მონაცემები ძალიან სწრაფად შემცირდება. იმედი მაქვს,…

უკრაინის პრეზიდენტის ოფისის ხელმძღვანელის, ანდრეი ერმაკის განცხადებით, რუსებს მოუწევთ ყველაფრის გადახდა,  ტერიტორიების დანაღმისთვის, ობიექტებზე დარტყმისთვის, ადამიანების მკვლელობისა და ბავშვების გატაცებისთვის. ,,როდესაც ვსაუბრობთ ეკოლოგიურ ზიანზე, რომელსაც რუსეთი მუდმივად აყენებს უკრაინას დარტყმების შედეგად, რუსებს ნათლად უნდა ვუთხრათ: მათ მოუწევთ ყველაფრის გადახდა. ტერიტორიების დანაღმისთვის, ობიექტებზე დარტყმისთვის, ასევე ადამიანების მკვლელობისა და ბავშვების გატაცებისთვის. დაუბადებელი მომავალი თაობები გადაიხდიან და მათ არჩევანი არ ექნებათ. მეტიც, ამ თაობებს სერიოზული პრობლემა შეექმნებათ, რადგან ისტორიაში დარჩებიან, როგორც რუსი ტერორისტების შთამომავლები, რომლებმაც ჩაიდინეს უკრაინელი ხალხის გენოციდი. და ამის დამალვა მსოფლიოს არცერთ ქვეყანაში არ იქნება შესაძლებელი”,- წერს ერმაკი ტელეგრამზე.

პოლონეთის პრეზიდენტის, ანდჟეი დუდას განცხადებით, 2025 წელს, პოლონეთის ევროკავშირის საბჭოს თავმჯდომარეობის დროს, ქვეყანა ყველაფერს გააკეთებს, რათა უზრუნველყოს უკრაინისა და მოლდოვას ევროკავშირში გაწევრიანება. როგორც პოლონეთის პრეზიდენტმა აღნიშნა, ევროკავშირის საბჭოში პოლონეთის პრეზიდენტობისას ერთ-ერთი მთავარი პრიორიტეტი იქნება უკრაინის, მოლდოვას, ასევე დასავლეთ ბალკანეთის ქვეყნების გაწევრიანება ევროკავშირში. „პრემიერ მინისტრმა (მატეუშ მორავიეცკი – რედ.) და მე კარგად ვიცით, რას ნიშნავს დიდი ხნის ლოდინი, რას ნიშნავს იყო თავისუფალი დასავლეთის ნაწილი, რომლის ნაწილიც ჩვენ ვართ პოლიტიკური გაგებით. დღეს, ამ მომენტის ისტორიული მოთხოვნაა ევროკავშირში უკრაინის და მოლდოვის გაწევრიანება “ – განაცხადა დუდამ.  

რუსეთის ბრიანსკის ოლქის გუბერნატორი უკრაინულმა ძალებს, სოფელ კურკოვიჩის დაბომბვაში ადანა შაულებს. ალექსანდრ ბოგომაზის განცხადებით, დაბომბვის შედეგად ერთ-ერთ სახლში ხანძარი გაჩნდა. ,,დილით უკრაინის შეიარაღებულმა ძალებმა დაბომბეს სტაროდუბსკის მუნიციპალური რაიონის სოფელი კურკოვიჩი. მსხვერპლი არ ყოფილა. დაბომბვის შედეგად ერთ-ერთ სახლში ხანძარი გაჩნდა. ადგილზე მობილიზებულია ყველა სასწრაფო დახმარება,”- წერს ბოგომაზი.

საფრანგეთის ქალაქებში დემონსტრანტებსა და პოლიციას შორის შეტაკებებისას, სულ მცირე, 108 სამართალდამცველი დაშავდა. არეულობის დროს დაკავებულია 290-ზე მეტი ადამიანი. საფრანგეთის ქალაქების ქუჩებში პრეზიდენტ ემანუელ მაკრონის საპენსიო რეფორმის წინააღმდეგ. მედიის ცნობით, რადიკალურმა ჯგუფებმა პიროტექნიკა და „მოლოტოვის კოქტეილები“ ისროლეს. რასაც, პოლიციამ  ცრემლსადენი გაზითა და წყლის ჭავლით უპასუხა. „ბიბისის“ ინფორმაციით, უცნობია, რამდენი დემონსტრანტი დაშავდა არეულობის დროს. როგორც როგორც შინაგან საქმეთა მინისტრმა განაცხადა, პარიზში სერიოზული დაზიანებები ერთმა პოლიციელმა მიიღო, მას ხელებისა და სახის არეში დამწვრობები აქვს მიღებული.