დღე: მარტი 27, 2023

ომის შემსწავლელი ინსტიტუტის შეფასებით, ვლადიმერ პუტინს ჯერ კიდევ სჯერა, რომ დროთა განმავლობაში ის უკრაინაში სრულ გამარჯვებას მიაღწევს. ანალიტიკოსების განცხადებით, ვერც უკრაინამ და ვერც დასავლეთმა რუსეთის პრეზიდენტი ვერ დაარწმუნა, რომ რაიმე უნივერსალური ან კომპრომისული გადაწყვეტილება უნდა მიიღოს. ომის შემსწავლელი ინსტიტუტის ცნობით, პუტინი ისევ კონცენტრირებულია გაჭიანურებული კონფლიქტის გზით თავისი თავდაპირველი მიზნების მიღწევაზე და გამარჯვებაზე – უკრაინაზე საკუთარი ნების ძალით თავზე მოხვევით, ან უკრაინელების ნების გატეხით მას შემდეგ, რაც დასავლეთის მხარდაჭერა ამოიწურება.  

,,ცივილიზებულმა მსოფლიომ წელს უნდა დაასრულოს ომი,” – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. მისივე თქმით, მსოფლიომ ისევე ინტენსიურად უნდა გაიგოს, როგორც გასულ წელს, რომ უკრაინის წინააღმდეგ აგრესია გრძელდება. ,,უნდა გაიგოს, რომ ომის წელს შეჩერება, რუსული ბოროტებისგან უკრაინის წელს გათავისუფლება ცივილიზებული სამყაროს საერთო ამოცანაა“, – განაცხადა ზელენსკიმ. ზელენსკიმ აღნიშნა, რომ მნიშვნელოვანია, რომ საინფორმაციო მუშაობაში მონაწილეობა მიიღოს ყველამ, ვისაც აქვს ინფორმაციული გავლენა.  

ისრაელი საპროტესტო აქციებში გაეხვა. სამართალდამცველებს პროტესტანტების შესაჩერებლად ცრემლსადენი გაზის და წყლის ჭავლის გამოყენება მოუწიათ. ისრაელის პრეზიდენტი კი მთავრობას მიმართავს და საკანონმდებლო პროცესების შეჩერებისკენ მოუწოდებს. „უსაფრთხოება, ეკონომიკა, ყველაფერს საფრთხე ემუქრება. იმ პასუხისმგებლობისთვის, რომელიც გაკისრიათ, მოგიწოდებთ, დაუყოვნებლივ შეაჩეროთ საკანონმდებლო პროცესი. ახლა არ არის პოლიტიკის დრო, ახლა არის ლიდერობისა და პასუხისმგებლობის დრო”, – აცხადებს პრეზიდენტი ისააკ ჰერცოგი შეგახსენებთ, რომ ისრაელის ქუჩებში ათიათასობით ადამიანი გამოვიდა. მათ შორის არიან სტუდენტებიც. გამოსვლები მას შემდეგ დაიწყო, რაც  პრემიერ-მინისტრმა ბენიამინ ნეთანიაჰუმ თავდაცვის მინისტრი თანამდებობიდან გადააყენა. აღნიშნულის მიზეზი კი  მართლმსაჯულების სისტემის რეფორმა გახდა, რომლის წინააღმდეგაც მინისტრი გამოდიოდა.  

ვლადიმერ პუტინის მორიგ აგრესიულ გადაწვეტილებას ბელარუსში ბირთვული იარაღის განთავსებასთან დაკავშირებით, ლიეტუვაც გმობს და ორივე ქვეყნისთვის სანქციების გამკაცრებას ითხოვს. როგორც ლიეტუვას საგარეო საქმეთა სამინისტროში განმარტავს, რუსეთი ცივილიზებული მსოფლიოს მხრიდან უფრო მკაცრ სანქციებში უნდა მოექცეს. „ეს არის პუტინისა და ლუკაშენკოს მორიგი აგრესიული ნაბიჯები ევროპაში დაძაბულობისა და დესტაბილიზაციის ტალღის გასაძლიერებლად. ეს ქმედებები ბელარუსს კიდევ უფრო უბიძგებს უკრაინასთან ომისა და დემოკრატიულ სამყაროსთან დაპირისპირებისკენ. ეს არის ორი არაპროგნოზირებადი დიქტატორული რეჟიმის კიდევ ერთი მცდელობა, დაემუქროს მეზობლებს და მთელ ევროპულ კონტინენტს” – აღნიშნულია საგარეო უწყების განცხადებაში. შეგახსენებთ, რომ ვლადიმერ პუტინის განცხადებით, ბელარუსში ბირთვული იარაღი განთავსდება. შეთანხმება მიღწეულია.…

იერუსალიმში დაწყებული საპროტესტო გამოსვლები მასობრივ აქციაში გადაიზარდა. დემონსტრანტები ისრაელის პრემიერ-მინისტრის, ბენიამინ ნეთანიაჰუს რეზიდენციასთან შეიკრიბნენ. მათ დასაშლელად კი პოლიციამ ცრემლსადენი გაზი გამოიყენა. სამოქალაქო პირებსა და სამართალდამცველებს შორის ფიზიკური დაპირისპირება რამდენჯერმე მოხდა. დაშავაბულებისა და დაკავებულების შესახებ, ამ ეტაპზე, ინფორმაცია არ ვრცელდება. პროტესტი კი ისრაელის თავდაცვის მინისტრის თანამდებობიდან გადაყენებამ გამოიწვია. აქციას სტუდენტებიც უერთდებიან. უნივერსიტეტები სასამართლო რეფორმის გამო 27 მარტიდან გაფიცვას აცხადებენ. აქციის მონაწილეები პრეზიდენტ  ნეთანიაჰუს სახლის მიმდებარედაც შეიკრიბნენ, რომლებიც წყლის ჭავლით დაშალეს. .  

რუსეთ-უკრაინას შორის შეტაკებები გრძელდება. გასული დღე-ღამის განმავლობაში, უკრაინელმა სამხედროებმა რუსეთის მხრიდან განხორციელებული 50-ზე მეტი თავდასხმა მოიგერიეს. ~ უკრაინის გენშტაბის ინფორმაციით, ძირითადი თავდასხმები ხორციელდება ლიმანის, ბახმუტის, ავდეევკისა და მარინკას მიმართულებით. ასევე, დარტყმის ობიქტია ქალაქი ბახმუტი. წუხელ შეტევა განხორციელდა სარაკეტო სისტემებიდან. ბრძოლა ისევ აქტიურ ფაზაშია.  

​ბელარუსს ევროკავშირის მხრიდან სანქციები ემუქრება, რუსეთს კი სანქციები გაუმკაცრდება. ეს იმ შემთხვევაში მოხდება, თუ რუსეთის პრეზიდენტის განცხადება სისრულეში მოვა და ბელარუსის ტერიტორიაზე ბირთვული იარაღი განთავსდება. ევროკავშირის უმაღლესი წარმომადგენელის ჯოზეფ ბორელის განცხადებით, აღნიშნული ქმედება დამატებით სანქციებს დაექვემდებარება. „რუსული ბირთვული იარაღისთვის ბელარუსის მასპინძლობა ნიშნავს უპასუხისმგებლო ესკალაციას და საფრთხეს ევროპის უსაფრთხოებისთვის. ბელარუსს ჯერ კიდევ შეუძლია შეაჩეროს აღნიშნული ქმედება. ეს მათი არჩევანია. ევროკავშირი კი მზადაა, მას შემდგომი სანქციებით უპასუხოს “ , – აცხადებს  ბორელი. შეგახსენებთ, რომ ვლადიმერ პუტინის განცხადებით, ბელარუსის ტერიტორიაზე ტაქტიკური ბირთვული იარაღი განთავსდება.  

პრეზიდენტი ზელენსკი ვიდეომიმართვაში რუსეთის მორიგ აგრესიაზე საუბრობს და აცხადებს, რომ ამ  ომის დასრულება ცივილიზებული სამყაროს საერთო ამოცანაა. პრეზიდენტი რუსეთის წინააღმდეგ საინფორმაციო კამპანიის გააქტიურების საჭიროებაზეც საუბრობს და ყველას მიმართავს, ამ ნაწილში იაქტიუროს. „ძალიან მნიშვნელოვანია, საინფორმაციო მუშაობაში მონაწილეობა მიიღოს ყველამ, ვისაც ინფორმაციაზე გავლენა გააჩნია. ეს მხოლოდ ჟურნალისტებს  არ ეხება, ეხება ყველას, ვისაც შეუძლია აგრესიის შესახებ სიმართლის გავრცელება.  უკრაინა იბრძვის თავისუფლებისა და სამართლიანობისთვის, ჩვენი ხალხისთვის და ყველა ერისთვის, რომელსაც რუსული ტირანია ემუქრება“, – აღნიშნა პრეზიდენტმა ზელენსკიმ.