დღე: მარტი 7, 2023

დასრულდა ქვეყანაში ის დრო, როცა პოლიტიკოსები და ხელისუფლება ემსახურებოდა უცხო ქვეყნების ინტერესებს, ჩვენ ვემსახურებით საქართველოს ინტერესებს, ეს ყველამ კარგად დაიმახსოვროს და ნუ შეეცდებიან ჩვენი ქვეყნის შიდა საქმეებში ჩარევას -ამის შესახებ საქართველოს პრემიერ-მინისტრმა ირაკლი ღარიბაშვილმა ევროპარლამენტის მიერ მიღებული რეზოლუციის შეფასებისას ჟურნალისტებთან საუბარში განაცხადა. მთავრობის მეთაურმა ევროპარლამენტის მიერ მიღებულ რეზოლუციას სააკაშვილის შესახებ სამარცხვინო უწოდა. როგორც პრემიერ-მინისტრმა აღნიშნა, ევროპარლამენტარებს უბრალოდ არ აინტერესებთ ქართველი ხალხის აზრი, არ აინტერესებთ, რომ სააკაშვილი ჩაგრავდა, აწამებდა, კლავდა ხალხს, ბიზნესს ატერორებდა და მისი მმართველობის დროს სრულად დახშული იყო მედია თავისუფლება. „მე აქვე მინდა გამოვეხმაურო მაგალითად რამდენიმე კვირის წინ, ევროპარლამენტის…

ჩვენ ბევრი არასამთავრობო ორგანიზაცია ვიცით, რომელიც პირდაპირ ებრძვის სახელმწიფოებრიობას, სახელმწიფოს ინტერესებს. ჩვენ ვიცით ძალიან ბევრი ორგანიზაცია, რომლებიც  უცხოეთიდან მიღებული დაფინანსებით ატარებდნენ ანტისამთავრობო მიტინგებს, ძალიან ბევრ პროვოკაციულ ღონისძიებებს, რომელიც არ ემსახურება ჩვენი ქვეყნის ეროვნულ ინტერესებს, – ამის შესახებ საქართველოს პრემიერ-მინისტრმა ირაკლი ღარიბაშვილმა, ბერლინში განაცხადა. მთავრობის მეთაურის თქმით, წლების განმავლობაში ისინი ათეულ მილიონობით დოლარის გრანტს იღებდნენ და არავითარი ინფორმაცია, ანგარიშვალდებულება საზოგადოების წინაშე არ არსებობდა. „მინდა ჩვენი საზოგადოებისთვის გავაკეთო შემდეგი განცხადება და ჩემი მოსაზრება დავაფიქსირო ამ კანონპროექტზე. თქვენ იცით, რომ ორი ვერსი ა არის შეტანილი პარლამენტში. ერთი ე.წ ქართული ვერსია, რომელიც მოამზადა „ხალხის ძალამ“ და მეორე, ე.წ. ამერიკული ვერსია, ანუ, როგორც მე ამიხსნეს და ეს ვიცით, რომ ასე არის, რეალურად, ამერიკული კანონის…

„ყველა ეუბნება არას რუსულ კანონს, მარტო ხართ ამ კანონთან, რუსულ კანონთან და ამას ამართლებთ. როდესაც ამბობთ, რომ პირველი მოსმენით მიიღებთ მარტო,  ზუსტად, ამ პირველ მოსმენაშია თქვენი სისუსტე“ – ამ სიტყვებით მიმართა   „ლელო“ – პარტნიორობა საქართველოსთვის“ ჯგუფის წევრმა, ანა ნაცვლიშვილმა საპარლამენტო უმრავლესობას პლენარულ სხდომაზე. „მანდატურმა რომ გაიყვანა იმ ხალხს დედის გინების მეტი არაფერი შეუძლია. არც ამ კანონპროექტის ინიცირებამდე გაგვიგია მათგან რამე აზრი, ამ კანონპროექტის შემდეგ მხოლოდ დედის გინება რომ ისმის, ვინმეს სჯერა რომ ამ ხალხმა ან ამერიკული კანონპროექტი წაიკითხა, ან რამის დაწერა შეძლო? ამათ ინტელექტს ეს შეუძლია?! ეს დასაჯერებელია? ამას დიდი კი არა…

ყველა უნდა შეეგუოს მარტივ მოცემულობას და ჭეშმარიტებას, ჩვენი ქვეყნის მომავალი არ და აღარ ეკუთვნით არც უცხო ქვეყნის აგენტებს, არც უცხო ქვეყნის მსახურებს, ჩვენი ქვეყნისა და ჩვენი ხალხის მომავალი ეკუთვნით პატრიოტებს, – ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა. მისი თქმით, მთავარი მიზანი არის ქვეყანაში მშვიდობის, სტაბილურობის შენარჩუნება და სწრაფი განვითარების, კეთილდღეობის მოატანა. ,,ყველა უნდა შეეგუოს მარტივ მოცემულობას და ჭეშმარიტებას, ჩვენი ქვეყნის მომავალი არ ეკუთვნის და აღარ ეკუთვნის არც უცხო ქვეყნის აგენტებს, არც უცხო ქვეყნის მსახურებს, ჩვენი ქვეყნისა და ჩვენი ხალხის მომავალი ეკუთვნის პატრიოტებს. მე ერთი რამ მინდა, შევახსენო ყველას, მათ…

,,ქვეყნის ღალატს წიგნის კითხვა არ სჭირდება, მაგრამ ქვეყანას რომ არ უღალატო ამას სჭირდება წიგნის კითხვა,”- ამის შესახებ ”ლელოს” წევრმა სალომე სამადაშვილმა პარლამენტის პლენარულ სხდომაზე განაცხადა. ოპოზიციონერმა დეპუტატმა  „ხალხის ძალის“ წევრს, მიხეილ ყაველაშვილს საჩუქრად წიგნი მიუტანა. ,,სამწუხაროა, რომ ყაველაშვილი წავიდა იმიტომ რომ საჩუქარი მქონდა მისთვის მოტანილი, ქვეყნის ღალატს წიგნის კითხვა არ სჭირდება, მაგრამ ქვეყანას რომ არ უღალატო ამას სჭირდება წიგნის კითხვა და ჩემი წიგნი მოვუტანე რუსეთის ფარულ ომზე. რუსულ ენაზე სხვათა შორის, სამ ენაზეა ეს წიგნი გამოცემული, გაქცევა რომ მოუწევთ ამ ქვეყნიდან რუსეთის გარდა არსად ექნებათ გასაქცევი და ივარჯიშოს, ეგება რუსულად მაინც…

,,ყველა მცდელობა საქართველოს გარუსებისა უშედეგოდ დამთავრდა, წაგებულ ომში ხართ!”,- ამის შესახებ ყოფილი სახალხო დამცველი ნინო ლომჯარია წერს. ნინო ლომჯარია დეპუტატებს მიმართავს არ დაიჭირონ მხარი ე.წ. აგენტების კანონს. ,,არ დაუჭიროთ მხარი ამ კანონპროექტს, დეპუტატებო! მისი მხარდაჭერის შემდეგ საქართველო დაიყოფა 2 ნაწილად, “აგენტებად” – დასავლური მისწრაფებების და ღირებულებების მქონე ადამიანებად და “გამყიდველებად” – რომლებმაც ეს მისწრაფებები რუსული სტილის სახელმწიფოს ფორმირებამდე დაიყვანეს. “გამყიდველები” იქნებით თქვენ, თითოეული დეპუტატი, ვინც მხარს დაუჭერთ ამ საშინელ განზრახვას და ადრე თუ გვიან ქართველი ხალხი მოგექცევათ, როგორც გამყიდველებს. არ გიშველით თქვენი მორყეული პროპაგანდა. ნუ გაუკეთებთ ამას ქვეყანას და საკუთარ…

საქართველოს პარლამენტში ვითარება უკიდურესად დაიძაბა. საკანონმდებლო ორგანოში ხმაური იყო. ადგილი ჰქონდა ფიზიკურ შეხლა-შემოხლას, გინებას და სიტყვიერ დაპირისპირებას. დაპირისპირება ”სტრატეგია აღმაშენებლის” ლიდერის, გიორგი ვაშაძის სიტყვით გამოსვლას მოჰყვა. ,,ნუ იჭიმები. წადი, ფეხბურთი ითამაშე, ბიჭო. მიდი, ბურთი გააგორე, ღალატზე ხელის მომწერი ადამიანი წამსვლელია ყველაფერზე. თქვენი ოჯახის წევრებთან გექნებათ პასუხი მოსათხოვნი“, – აღნიშნა ვაშაძემ.”, – ასე მიმართა გიორგი ვაშაძემ მიხეილ ყაველაშვილს.

საქართველოს პარლამენტში ვითარება უკიდურესად დაიძაბა. საკანონმდებლო ორგანოში ხმაური იყო. ადგილი ჰქონდა ფიზიკურ შეხლა-შემოხლას, გინებას და სიტყვიერ დაპირისპირებას. ,,ნუ იქაჩები; საცოდავი ხარ; ნაბიჭვარი ხარ; მანდ არ მომიყვანო; ვის ღალატზე ლაპარაკობს; ენა გააჩერე…”- ეს იმ სიტყვების არასრული ჩამონათვალია რომელიც სესიაზე ისმოდა.  

საქართველოს პარლამენტში დაპირისპირება გრძელდება.  „არა რუსულ კანონს”- ამ სიტყვებით ოპოზიციონერი ქალი დეპუტატები დაჩი ბერაიას მიმართავდნენ იმ დროს, როდესაც ”ხალხის ძალის” წევრი   ჟურნალისტების კითხვას პასუხობდა. „რა დღეში ხართ, არაფრის არ გრცხვენიათ? სარკეში ჩაიხედეთ, საკუთარი თავის არ გრცხვენიათ? ამ ქვეყანას რამის არ გრცხვენიათ? მარტო ასე ბინდგადაკრული და რაღაც ზომბირებულად იქცევი, ზომბებად რომ გადაიქეცით“, – უპასუხა ბერაიამ ქალ დეპუტატებს.

,,მიჩნდება შთაბეჭდილება, რომ თქვენ ფიქრობთ, რომ შაპიტოს დირექტორი ხართ და არა პარლამენტის თავმდჯომარე,”- ამის შესახებ ოპოზიციონერმა დეპუტატმა სალომე სამადაშვილმა ბიუროს სხდომაზე განაცხადა. სამადაშვილის თქმით, პარლამენტის თავმჯდომარე ცოტა სხვანაირად მოიქცეოდა. ,,ბატონო შალვა, თქვენ როდესაც ამბობთ, რომ ამ პარლამენტში რაც ხდებოდა, ამას უყურებდით, მე მიჩნდება შთაბეჭდილება, რომ თქვენ ფიქრობთ, რომ შაპიტოს დირექტორი ხართ და არა პარლამენტის თავმდჯომარე, იმიტომ, რომ პარლამენტის თავმჯდომარე ცოტა სხვანაირად მოიქცეოდა. თქვენ რასაც დღეს აკეთებთ არის საქართველოს კონსტიტუციის წინააღმდეგ მოქმედება, ამიტომ გიწევთ ამ უსაფრთხოების ზომების გატარება. თქვენ ხართ უმცირესობაში და ამიტომ გიწევთ ძალადობით ამ კანონის გათრევა პარლამენტში. მე თქვენს…

,,პარლამენტის შენობაში გადაადგილების შეზღუდვა სპეცსამსახურების მიერ როდის აქეთ არის ნორმალური?!”- ამის შესახებ  “სტრატეგია აღმაშენებლის” ლიდერმა გიორგი ვაშაძემ განაცხადა. ვაშაძის თქმით, მის მიმართ  მის მიმართ ადგილი ჰქონდა ფიზიკურ ძალადობას. ,,ეს არის, როგორ იქცევა შავლეგ პაპუაშვილი. პარლამენტის წევრს აქვს ბიუროზე დასწრების უფლება. პარლამენტის შენობაში გადაადგილების შეზღუდვა სპეცსამსახურების მიერ როდის აქეთ არის ნორმალური? ეს პარლამენტი დაუბრუნდება ხალხს, არ იქნება აქ რუსული ინტერესების დაცვა არასდროს. სამწუხაროდ, ეს ადამიანები ასრულებენ პოლიტიკურ დავალებას, დაცვის უფროსი ჯანელიძე არის სისხლის სამართლის დამნაშავე, სხვებიც იქ იყვნენ, დააფიქსირეს, რომ მან ფიზიკური მოქმედებიდან გამომდინარე ჩაიდინა სისხლის სამართლის დანაშაული. ვგულისხმობ ჩემს გამოყვანას კომიტეტიდან…

,,რაც დღეს ხდება და როგორც იცავს სახელმწიფო, ხელისუფლება, უმრავლესობა, „ქართული ოცნება“ დეპუტატებისგან და პრესისგან თავს, არის წარმოუდგენელი“,- ამის შესახებ „ნაციონალური მოძრაობის” წევრმა ხატია დეკანოიძემ განაცხადა. მისი თქმით, ეს არის შიშის მაჩვენებელი. „არ ვიცი, რატომ დაჭირდა ხელისუფლებას, რომ ყველაზე უფრო წარმომადგენლობითი ორგანო ვინც უნდა იყოს, დაიცვას სუს-ის და შსს-ის რაზმებით ჩვენგან და თქვენგან. ეს არის შიშის მაჩვენებელი. ამ კანონპროექტის მიღება ძალიან მძიმე იქნება ქვეყნის მომავლისთვის, არ გამოუვათ ის გზავნილი, რომ ყველა თითქოს „ნაციონალური მოძრაობის“ ქვაბში მოხარშონ, მეცნიერები, საფეხბურთო კლუბები, ყველა ადამიანი, ვისაც საქართველოს მომავლისთვის უშრომია, ვნახეთ ყველას მოსაზრება. ოპოზიცია ვაპირებთ კოორდინირებულ…

,,ეს ადამიანი არის თანამდებობისთვის შეუფერებელი არაკაცი და რომ ვნახავ ყოველთვის ამას ვიტყვი“,- ამ სიტყვებით „გირჩის“ ერთ-ერთმა ლიდერმა იაგო ხვიჩიამ ირაკლი ბერაია მოიხსენია. მისი თქმით, ირაკლი ბერაიამ თავდაცვის კომიტეტის სხდომა უსაფუძვლოდ დამოაძევა და შალვა პაპუაშვილს რეაგირება სთხოვა. „ჩემი აზრით, გუშინ ძალიან უმსგავსო ფაქტი მოხდა თავდაცვის კომიტეტზე. ბატონმა ბერაიამ დამატოვებინა დარბაზი. მე არ მიმაჩნია ეს სწორ პრაქტიკად, მე არაფერი დამიშავებია გუშინ იმისთვის, რომ ვინმეს საიდანმე გავეძევებინე და გთხოვდით თქვენ, როგორც საკანონმდებლო ორგანოს ხელმძღვანელს, რომ ასეთ შემთხვევებზე, როდესაც საქართველოს პარლამენტის კომიტეტის თავმჯდომარეები აჭარბებენ თავიანთ უფლებამოსილებას და თავი კაცები ჰგონიათ, მაშინ როდესაც რაღაც პატარა…

საქართველოს პარლამენტში კვლავ დაძაბული ვითარებაა. ბიუროს დარბაზთან მობილიზებული არიან სამართალდამცავები. ”ლელოს” წევრის, ანა ნაცვლიშვილის განცხადებით, ასამხედროებული წესია პარლამენტში, ასე იქნება მთელ ქვეყანაში ამ კანონის მიღების შემთხვევაში. ,,დემოკრატიულ და ქვეყნის სასიკეთო კანონს რომ იღებდეს დღეს ქართული ოცნება, ეს ვითარება არ იქნებოდა. საკუთარი თვალით ხომ ხედავთ ბიურომდე არ გიშვებენ ჟურნალისტებს, რომლებიც აკრედიტებული ხართ, წლებია ამ პარლამენტში მუშაობთ. გასამხედროებული წესია პარლამენტში, ასე იქნება მთელ ქვეყანაში ამ კანონის მიღების შემთხვევაში. ესაა ყველაზე ნათელი ლუსტრაცია. დემოკრატიულ ქვეყნებში, დემოკრატიულ კანონებს პარლამენტი ხალხისგან არ იცავს ძალოვნების მეშვეობით, ესაა ნათელი სურათი, რა კანონის მიღებას აპირებენ”, – განაცხადა ანა…

საქართველოს პრეზიდენტმა სალომე ზურაბიშვილმა ნიუ იორკში გაეროს გენერალურ მდივანთან, ანტონიო გუტერეშთან რეგიონში არსებული ვითარება, ომი უკრაინაში, შავი ზღვის უსაფრთხოების საკითხები და ოკუპირებულ ტერიტორიებზე შექმნილი მდგომარეობა განიხილა. პრეზიდენტის განცხადებით, რუსეთმა უნდა აღიაროს, რომ მას არ შეუძლია სხვა ქვეყნების ტერიტორიების ოკუპაცია და დღეს საერთაშორისო საზოგადოებამ უფრო კარგად დაინახა რუსეთის აგრესიული სახე, ვიდრე ეს 2008 წლის ომის დროს მოხდა. საქართველოს პრეზიდენტის განცხადებით,  დღეს როგორც არასდროს, მშვიდობასა და დეოკუპაციას ალტერნატივა არ აქვს. საუბარი შეეხო ოკუპირებულ ტერიტორიებზე შექმნილ ვითარებასა და შავი ზღვის უსაფრთხოების საკითხებს. ჟენევის საერთაშორისო დისკუსიებზე საუბრისას ხაზი გაესვა ამ ფორმატის შედეგიანობის გაზრდის მნიშვნელობას.…

,,ჩვენ ცალ ფეხზე დგომას და ასკინკილით სიარულს ამ ქვეყანას არ ვუპირებთ. ჩვენ მყარად, ორ ფეხზე ვიდგებით და ისე გავხდებით ევროკავშირის წევრები, ისე გავხდებით ევროპის ოჯახის სრულფასოვანი წევრები” – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა. მისი თქმით, ეროვნულ თავმოყვარეობის შელახვის ხარჯზე ამ ყველაფერს არ გააკეთებენ. „ვინ ლაპარაკობს, ამას კი არ ვაქცევთ ყურადღებას, ჩვენ, პირველ რიგში, თუ თავმოყვარეობა გვაქვს ამ ქვეყანაში ადამიანებს – და ქართული საზოგადოება არის ერთ-ერთი ყველაზე თავმოყვარე საზოგადოება და ყველაზე თავმოყვარე ერი – იმას კი არ ვუყურებთ, აქედან გამომდინარე, ვინ ამბობს, ჯერ ვისმენთ, რას ამბობს და…

,,ზოგიერთი ჯგუფის მიერ წარდგენილი კანონპროექტი, რომელიც არასამთავრობო ორგანიზაციების თავისუფლებას შეზღუდავს, უკიდურესად საზიანო იქნება ჩვენი საზოგადოების დემოკრატიული ტრანსფორმაციის, გენდერული დისკრიმინაციის აღმოფხვრისა და ჩვენი ევროინტეგრაციის გზისათვის,” – ამის შესახებ საქართველოს პრეზიდენტმა, სალომე ზურაბიშვილმა განაცხადა. პრეზიდენტმა აღნიშნულის შესახებ ნიუ იორკში, გაერო-ს ეკონომიკური და სოციალური საბჭოს ქალთა სტატუსის შესახებ კომისიის 67-ე სესიაზე სიტყვით გამოსვლისას ისაუბრა. „ახლახან გაჩნდა კიდევ ერთი გამოწვევა, რომელიც სამოქალაქო საზოგადოების როლს ეხება და რომელიც მისი ჭეშმარიტად ტრანსფორმაციული ფუნქციის თვალსაზრისით, ერთ-ერთი უმთავრესია, რათა ქალთა ხმა უკეთესად იყოს გაგონილი. ამ მხრივ, ჩემს ქვეყანაში ზოგიერთი ჯგუფის მიერ წარდგენილი კანონპროექტი, რომელიც არასამთავრობო ორგანიზაციების თავისუფლებას შეზღუდავს,…