დღე: იანვარი 19, 2023

უკრაინაში საჰაერო განგაში გამოცხადდა. უკრანული გამოცემების ცნობით, ბელარუსში აფრინდა რუსეთის ფედერაციის MiG-31k VKS, რომელიც არის ე.წ. „ხანჯლების“ რაკეტების შემცველი. საჰაერო განგაშის შესახებ ინფორმაციას  უკრაინის შინაგან საქმეთა მინსიტრის მრჩეველი, ანტონ გერაშენკოც ადასტურებს.

ევროპული საბჭოს პრეზიდენტი, შარლ მიშელი კიევში მიემგზავრება. მიშელი Twitter-ზე მატარებელში გადაღებულ ვიდეოს აქვეყნებს. “უკრაინელები იბრძვიან თავიანთი მიწისთვის, შვილების მომავლისთვის. მაგრამ ისინი ასევე იბრძვიან ჩვენი საერთო ევროპული ღირებულებებისთვის – მშვიდობა და კეთილდღეობა. მათ სჭირდებათ და იმსახურებენ ჩვენ მხარდაჭერას”, – წერს მიშელი. მიშელის თქმით, კიევში  პრეზიდენტ ვოლოდიმირ ზელენსკის, პრემიერ დენის შმიგალსა და დეპუტატებს შეხვდება.

,,საქართველო იყო პირველი ქვეყანა, რომელმაც განიცადა რუსული სრულმასშტაბიანი სამხედრო აგრესია 2008 წლის აგვისტოში,”- ამის შესახებ ევროპარლამენტის საგარეო და უსაფრთხოების ერთიანი პოლიტიკის იმპლემენტაციის ყოველწლიურ ანგარიშშია ნათქვამი. დოკუმენტში ნათქვამია, რომ მოუწოდებს ევროკავშირს განაგრძოს მოთხოვნა, რუსეთმა შეასრულოს ევროკავშირის შუამავლობით 2008 წლის 12 აგვისტოს ცეცხლის შეწყვეტის შესახებ შეთანხმებით ნაკისრი ვალდებულებები. „ვინაიდან ევროპული სახელმწიფოების ნებაყოფლობითი გაწევრიანება ევროკავშირში რჩება კავშირის ყველაზე წარმატებულ საგარეო პოლიტიკურ ინსტრუმენტად; ვინაიდან 2022 წლის 23 ივნისს ევროპელმა ლიდერებმა უკრაინასა და მოლდოვას რესპუბლიკას მიანიჭეს ევროკავშირის წევრობის კანდიდატის სტატუსი და აღიარა საქართველოს ევროპული პერსპექტივა; ვინაიდან 2022 წლის 15 დეკემბერს ევროპულმა საბჭომ მიანიჭა ბოსნია და…

ევროპარლამენტმა დაამტკიცა საგარეო და უსაფრთხოების ერთიანი პოლიტიკის იმპლემენტაციის ყოველწლიური ანგარიში. ევროპარლამენტის მიერ დამტკიცებულ დოკუმენტში ნათქვამია, რომ მოლდოვასა და საქართველოს, ისევე როგორც დასავლეთ ბალკანელების მომავალი ევროკავშირშია. „კიდევ ერთხელ ადასტურებს, რომ უკრაინის, მოლდოვასა და საქართველოს, ისევე როგორც დასავლეთ ბალკანელების მომავალი ევროკავშირის ფარგლებშია; კიდევ ერთხელ ადასტურებს თავის ერთგულებას გაფართოებისადმი, რომელსაც ალტერნატივა არ აქვს და რომელიც ახლა, ვიდრე ოდესმე არის გეოსტრატეგიული ინვესტიცია სტაბილურობაში, ძლიერი და ერთიანი ევროკავშირი; მტკიცედ სწამს, რომ ევროკავშირში სრულფასოვანი წევრობის პერსპექტივა იმ ქვეყნებისთვის, რომლებიც ცდილობენ გახდნენ ევროკავშირის წევრი ქვეყნები, არის კავშირის საკუთარი პოლიტიკური, ეკონომიკური და უსაფრთხოების ინტერესებში; მოუწოდებს საქართველოს, ხელშესახებად შეასრულოს კომისიის მიერ შედგენილი და ევროპული…

უკრაინის გენშტაბი რუსი ოკუპანტების სამხედრო დანაკარგის შესახებ განახლებულ ინფორმაციას ავრცელებს. მონაცემები მოიცავს 24 თებერვლიდან 19 იანვრამდე პერიოდს. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 118 530; ​ტანკი – 3 136 ; ჯავშანტექნიკა – 6 235; საარტილერიო სისტემა – 2 122; სარაკეტო სისტემა – 442; საზენიტო საბრძოლო სისტემა – 220; თვითმფრინავები – 287; ვერტმფრენი – 277; ოპერატიულ-ტაქტიკური უპილოტო საფრენი აპარატი – 1 882; საკრუიზო რაკეტები – 749; საავტომობილო ტექნიკა და საწვავის ავზები – 4 896; გემი/ნავი/კატარღა – 17; ​ სპეციალური აღჭურვილობა – 190.

გერმანია აღარ არის დამოკიდებული რუსეთიდან ენერგომატარებლების იმპორტზე, – ამის შესახებ გერმანიის ფინანსთა მინისტრმა, კრისტიან ლინდნერმა განაცხადა. მისი თქმით, გერმანიამ, რუსეთის უკრაინაში შეჭრის შემდეგ, სრულად შეძლო მისი ენერგეტიკული ინფრასტრუქტურის დივერსიფიცირება, იპოვა  ენერგომატარებლების იმპორტის ახალი წყაროები. „ბიბისი“ წერს, რომ მანამდე გერმანია იმპორტირებული გაზის ნახევარს და ნავთობის მესამედს სწორედ რუსეთისგან იღებდა. გამოცემა აღნიშნავს, რომ ახლა გერმანიამ კვლავ გახსნა ქვანახშირის ელექტროსადგურები და დროები გადაავადა გეგმები დარჩენილი სამი ატომური ელექტროსადგურის დახურვასთან დაკავშირებით, ასევე გაზარდა ბუნებრივი აირის საცავების სიმძლავრე.

აშშ-ის სახელმწიფო მდივნის, ენტონი ბლინკენის განცხადებით, აშშ უკრაინის ელექტროქსელის აღსადგენად 125 მილიონ დოლარს გამოყოფს.  ბლინკენის თქმით, თანხა ასევე მოხმარდება წყალმომარაგებისა და ცენტრალური გათბობის სისტემების სარეზერვო კვების ბლოკების შეძენას. ასევე გაზის ტურბინების, ტრანსფორმატორებისა და სხვა ენერგეტიკული აღჭურვილობის მარაგების შევსებას. 125 მილიონი კონგრესის მიერ 2022 წლის დეკემბერში დამტკიცებული დამატებითი დაფინანსების პაკეტიდან გამოიყოფა.