დღე: იანვარი 16, 2023

უკრაინის ქალაქ დნიპროში რუსეთის მიერ 14 იანვარს განხორციელებული სარაკეტო თავდასხმის შედეგად დაღუპულთა რიცხვი 35-მდე გაიზარდა. „ამ დროისთვის არსებული ინფორმაციით, მტრის თავდასხმას კორპუსის 35 მცხოვრებლის სიცოცხლე ემსხვერპლა, მათგან ორი ბავშვია. გადარჩენილია 39 ადამიანი, დაშავებულია 75. დაშავებულებს შორის 14 ბავშვია. კიდევ 35 მცხოვრებლის ბედი უცნობია. ნანგრევების ქვეშ ადამიანების ძებნა გრძელდება“,- განაცხადა დნეპროპეტროვსკის ოლქის სამხედრო ადმინისტრაციის ხელმძღვანელმა, ვალენტინ რეზნიჩენკომ. ცნობისთვის, რუსეთის ძალებმა დნიპროში, მაღალსართულიან საცხოვრებელ კორპუსზე სარაკეტო თავდასხმა 14 იანვარს განახორციელეს.

,,ჩვენ ომის გადამწყვეტ ფაზაში ვართ, ამიტომ მნიშვნელოვანია, რომ უკრაინას მივაწოდოთ ის იარაღი, რომელიც მას გასამარჯვებლად სჭირდება,” – ამის შესახებ ნატო-ს გენერალურმა მდივანმა, იენს სტოლტენბერგმა განაცხადა. მისი თქმით, უკრაინისთვის უახლოეს მომავალში მეტი სამხედრო დახმარება იქნება უზრუნველყოფილი. „მან (პუტინმა) გადაჭარბებულად შეაფასა საკუთარი შეიარაღებული ძალების ძალა. ჩვენ ვხედავთ მათ შეცდომებს, მორალური სიმტკიცის ნაკლებობას, ლიდერობის პრობლემებს, ცუდ აღჭურვილობას. მაგრამ რუსებმა აჩვენეს, რომ მზად არიან, მძიმე დანაკარგები მიიღონ თავიანთი მიზნების მისაღწევად. ამიტომ რუსეთი არასათანადოდ არ უნდა შეფასდეს. არ უნდა გავიმეოროთ ის შეცდომა, რომელიც დავუშვით რუსულ გაზთან დაკავშირებით. ნედლეულის ან კრიტიკული საქონლის განთავსებისთვის ავტორიტარულ რეჟიმზე ზედმეტი…

პოლონეთის პრემიერ-მინისტრი მატეუშ მორავეცკი უკრაინის ქალაქ დნიპროში განხორციელებულ სარაკეტო თავდასხმას ეხმაურება. მისი თქმით, რუსეთის შესაჩერებლად დაუყოვნებლივ მოქმედებაა საჭირო. „რუსეთი განზრახ აგრძელებს ომის დანაშაულების ჩადენას მშვიდობიანი მოსახლეობის წინააღმდეგ. ეს არაჰუმანურია. ჩვენ უნდა ვიმოქმედოთ ახლავე და ვაიძულოთ ისინი, შეჩერდნენ“, – წერს პოლონეთის პრემიერი „ტვიტერზე“.  

,,თქვენი მშიშარა დუმილი, თქვენი მცდელობა „მოითმინოთ“, რაც ხდება, მხოლოდ იმით დასრულდება, რომ ერთ დღესაც იგივე ტერორისტები თქვენთან მოვლენ,”- ამ სიტყვებით  უკრაინის პრეზიდენტმა, ვოლოდიმირ ზელენსკიმ იმ ადამიანებს მიმართა, ვინც რუსეთში იმყოფება და რუსეთიდანაა. მისი თქმით, დნეპროპეტროვსკში სამაშველო ოპერაცია გაგრძელდება, ვიდრე იქნება სიცოცხლის გადარჩენის მცირედი შანსიც კი. „დნიპროში ამ თავდასხმის შემდეგ გასული დროის განმავლობაში უკრაინამ მოისმინა თანაგრძნობისა და მხარდაჭერის სიტყვები მსოფლიოს სხვადასხვა ქვეყნის მრავალი ლიდერისგან, საზოგადო მოღვაწისგან, ჟურნალისტისა და რიგითი ხალხისგან. მადლობას ვუხდი ყველას, ვინც გულგრილი არ დარჩენილა! ძალიან მნიშვნელოვანია, რომ ნორმალური ადამიანები გაერთიანდნენ ტერორის საპასუხოდ. მინდა, ვუთხრა ყველას, ვინც რუსეთშია და…