დღე: იანვარი 13, 2023

„ვერც ერთი რუსული წარმატებები, რომელიც პერსონალსა და აღჭურვილობაში ასეთი მძიმე დანაკარგების ფასად იქნება, ვერასოდეს შეცვლის ომის მიმდინარეობას“, – ამის შესახებ  აშშ-ის სახელმწიფო დეპარტამენტის წარმომადგენლმა, ნედ პრაისმა განაცხადა. მისი თქმით, სოლედარისთვის ბრძოლა ჯერ კიდევ გრძელდება. “სოლედარისთვის სასტიკი ბრძოლა, რომლის დროსაც რუსმა სამხედროებმა მნიშვნელოვანი ზარალი განიცადეს, ჯერ კიდევ გრძელდება და მოსკოვის მიერ ბრძოლის ველზე მიღწეული დროებითი წარმატებები ვერ შეცვლის ომის მიმდინარეობას”,- აღნიშნა ნედ პრაისმა.

ომის შემსწავლელი ინსტიტუტის შეფასებით, რუსეთის ძალებმა ქალაქი სოლედარი სავარაუდოდ, აიღეს. მათივე ცნობით, ეს არ გამოიწვევს ბახმუტის გარდაუვლად ალყაში მოქცევას. ანალიტიკოსების განცხადებით, 11 და 12 იანვრის გეოლოკაციური კადრები მიუთითებს, რომ რუსეთის ჯარები ქალაქ სოლედარს აკონტროლებენ თუ მთლიანად არა, მის უდიდეს ნაწილს მაინც და სავარაუდოდ, მათ განდევნებს უკრაინის ჯარები დასავლეთ გარეუბნიდან. “ყველა არსებული მტკიცებულება მიუთითებს იმაზე, რომ უკრაინული ძალები აღარ ინარჩუნებენ ორგანიზებულ თავდაცვას სოლედარში”, – ნათქვამია ყოველდღიურ განახლებაში.    

რუსეთში აშშ-ს ყოფილი ელჩის, რუსეთის სანქცირების ჯგუფის კოორდინატორის, მაიკლ მაკფოლის განცხადებით, მიხეილ სააკაშვილის ციხეში სიკვდილი საქართველოს ბედისთვის განმსაზღვრელი იქნება. მისი თქმით, ამის თავიდან აცილება ნებისმიერ ფასად უნდა მოხდეს. ,,100%-ით დარწმუნებული ვარ, რომ თუ სააკაშვილი ციხეში მოკვდა, ეს იქნება საქართველოს ბედისთვის განმსაზღვრელი. როცა იკითხავენ, თუ რითია ცნობილი საქართველო, პასუხი იქნება, რომ ოჰ, ეს ის ქვეყანაა, სადაც ციხეში ჩასვეს ერთ-ერთი ყოფილი პრეზიდენტი და ის იქ გარდაიცვალა.  მე მაწუხებს მისი ციხეში სიკვდილის უარყოფითი შედეგები. ამის თავიდან აცილება ნებისმიერ ფასად უნდა მოხდეს. თუ ის ჯანმრთელია, იმედია, გვაჩვენებენ ამის მტკიცებულებებს. კარგი ნაბიჯი იქნებოდა მსოფლიოსთვის იმის…

პენტაგონი არ ადასტურებს ინფორმაციას იმის შესახებ, რომ უკრაინის ქალაქი სოლედარი რუსეთის ძალებმა სრულად აიღეს. ამის შესახებ პენტაგონის პრესმდივანმა, პატრიკ რაიდერმა ბრიფინგზე განაცხადა. “ჩვენ ვერ დავადასტურებთ ინფორმაციას იმის შესახებ, რომ სოლედარი რუსული ძალების მიერ იქნა აღებული. ჩვენ ვნახეთ რამდენიმე მედია, რომელიც ავრცელებდა ინფორმაციას ამის შესახებ, კერძოდ, იმ ძალების, რომლებსაც ხელმძღვანელობს “ვაგნერის” ჯგუფი. მაგრამ ჩვენ ვიცით, რომ უკრაინელები აგრძელებენ მოქმედებას სოლედარის მიდამოებში და განაგრძობენ ბრძოლას”,- აღნიშნა პატრიკ რაიდერმა. მისივე თქმით, პენტაგონი ფოკუსირებულია უკრაინასთან და საერთაშორისო თანამეგობრობასთან მუშაობის გაგრძელებაზე, რათა უკრაინამ უსაფრთხოებისთვის საჭირო დახმარება მიიღოს.  

უკრაინის პრეზიდენტის, ვოლოდიმირ ზელენსკის განცხადებით, გენშტაბის სხდომის მთავარი თემები დონეცკის რაიონში, ბახმუტსა და სოლედარში მიმდინარე მოვლენები იყო. ამის შესახებ უკრაინის პრეზიდენტმა ყოველდღიური მიმართვისას ისაუბრა. „გენშტაბის დღევანდელი შეხვედრის მთავარი თემა, რა თქმა უნდა, იყო სოლედარი, ბახმუტი, ზოგადად დონეცკის რეგიონში მიმდინარე ბრძოლა. განვიხილეთ, რა გადაწყვეტილებების მიღებაა საჭირო, როგორი გადაჯგუფება გვჭირდება, რა ნაბიჯები უნდა გადაიდგას უახლოეს დღეებში. ვისაუბრეთ იარაღის მიწოდებაზე, პარტნიორებთან არსებულ კომუნიკაციაზე. მინდა, მადლობა ვუთხრა ყველას, ვინც უკრაინას ეხმარება, ყველას, ვინც იბრძვის უკრაინისთვის“, – განაცხადა ზელენსკიმ.