დღე: იანვარი 6, 2023

აშშ და გერმანია უკრაინას ქვეითთა საბრძოლო მანქანებს – „ბრედლის“ და „მარდერს“ გადასცემენ. ამის შესახებ აშშ-ის პრეზიდენტის, ჯო ბაიდენისა და გერმანიის კანცლერის, ოლაფ შოლცის სატელეფონო საუბრის შემდეგ გახდა ცნობილი. გერმანია უკრაინას „პეტრიოტის” საზენიტო კომპლექსების ბატარეას გადასცემს. „პრეზიდენტმა ბაიდენმა და კანცლერმა შოლცმა მზადყოფნა გამოთქვეს, გამოყონ საჭირო ფინანსური, ჰუმანიტარული, სამხედრო და დიპლომატიური მხარდაჭერა, ვიდრე ეს აუცილებელი იქნება. ამ მიზნით აშშ აპირებს, უკრაინას გადასცეს ქვეითთა საბრძოლო მანქანები „ბრედლი“, ხოლო გერმანია – დაჯავშნული საბრძოლო მანქანები „მარდერი“, – ნათქვამია ვაშინგტონისა და ბერლინის მიერ გავრცელებულ განცხადებაში. ამერიკული მედიის ცნობით, აშშ უკრაინისთვის სამხედრო მხარდაჭერის ახალი პაკეტის გამოყოფის შესახებ 6 იანვარს გამოაცხადებს.

უკრაინის შეიარაღებული ძალების გენერალური შტაბის ინფორმაციით, რუსეთში იანვარში მობილიზაციის ახალი ტალღისთვის ემზადებიან. უწყების ცნობით, რუსეთის სამხედრო-პოლიტიკური ხელმძღვანელობა იღებს ზომებს, რათა არ დაუშვას მამაკაცების საზღვარგარეთ მასობრივი გასვლა და მოემზადოს მობილიზაციის ახალი ტალღისთვის. „შეტევითი პოტენციალის შესანარჩუნებლად და დანაკარგების შესავსებად მტერი აგრძელებს სამობილიზაციო ღონისძიებებს. რუსეთის ფედერაციის სამხედრო-პოლიტიკური ხელმძღვანელობა იღებს ზომებს მობილიზაციის მორიგ ტალღამდე გაწვევითი ასაკის მამაკაცების საზღვარგარეთ მასობრივად გასვლის არდასაშვებად, რომელიც ამა წლის იანვარშია მოსალოდნელი. არ არის გამორიცხული მათთვის სახელმწიფო საზღვრის გადაკვეთის სრული აკრძალვა”, – აცხადებენ გენშტაბში.

გერმანიის საგარეო საქმეთა მინისტრის, ანალენა ბერბოკის განცხადებით, პუტინს მშვიდობა რომ სურდეს, საკუთარ სამხედროებს სახლში გაიყვანდა და ომი დასრულდებოდა. „როგორც ჩანს, მას, უბრალოდ, მცირე შესვენების შემდეგ ომის გაგრძელება სურს. ე.წ. ცეცხლის შეწყვეტა ვერ მოიტანს თავისუფლებას, ვერც უსაფრთხოებას ხალხისთვის, რომელიც რუსული ოკუპაციის ყოველდღიური საფრთხის ქვეშ ცხოვრობენ. სწორედ ამიტომ ჩვენ გავაგრძელებთ უკრაინელების მხარდაჭერას“, – წერს გერმანიის საგარეო საქმეთა მინისტრი. ცნობისთცის, ვლადიმერ პუტინმა დღეს გასცა განკარგულება, რომ უკრაინაში შობის დღესასწაულზე 36 საათით ცეცხლი შეწყდეს.

აშშ-ის პრეზიდენტმა, ჯო ბაიდენმა მექსიკის საზღვარზე შექმნილი მიგრაციული კრიზისის განსამუხტად და საზღვრის უსაფრთხოების დასაცავად ახალი გეგმა წარადგინა. მისივე თქმით, ეს გეგმა საგრძნობლად შეამცირებს იმ ადამიანების რიცხვს, რომლებიც აშშ-ის საზღვრის კვეთას არალეგალურად ცდილობენ. „ეს პროცესი იქნება წესების დაცვით, უსაფრთხო და ჰუმანური”, – განაცხადა ბაიდენმა. ბაიდენის თქმით, აშშ-ის ხელისუფლება პრეზიდენტ ტრამპის მიერ 2020 წელს დაწესებულ შეზღუდვებს კუბელი, ჰაიტელი და ნიკარაგუელი არალეგალი მიგრანტების მექსიკაში დაუყოვნებლივი გაძევებისთვის გამოიყენებს. ამასთან, აშშ მზადაა, ყოველთვე ამავე ქვეყნებიდან აშშ-ში თვითმფრინავით ჩასული 30 000 თავშესაფრის მაძიებელი ლეგალურად მიიღოს. ამისთვის მათ უნდა ჰყავდეთ ფინანსური მხარდამჭერი აშშ-ში და უნდა გაიარონ უსაფრთხოების სამსახურების შემოწმება.    

,,ვლადიმერ პუტინს სურს, შობა გამოიყენოს, რათა უკრაინის შეიარაღებული ძალების წინსვლა შეაჩეროს,” – ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციული ვიდეომიმართვისას განაცხადა. „ახლა მათ სურთ, შობა საფარად გამოიყენონ, რათა ცოტა ხნით მაინც შეაჩერონ ჩვენი ბიჭების წინსვლა დონბასში და საკუთარი ტექნიკა, საბრძოლო მასალა და მობილიზებულები ახლოს მოაგორონ ჩვენ პოზიციებთან. რას მოგვცემს ეს?! მხოლოდ დანაკარგის ზრდას. მთელ მსოფლიოში იციან, რომ კრემლი შესვენებებს იყენებს ომის ახალი ძალით გასაგრძელებლად”, – განაცხადა ზელენსკიმ. ზელენსკიმ რუსებს მიმართა და მოუწოდა შობის დღესასწაულზე მაინც იპოვონ ძალა, რათა დაძლიონ იმ ერთი ადამიანის შიში, რომელიც რუსეთს ანადგურებს. „ომის დასრულება – ეს ნიშნავს თქვენი სახელმწიფოს აგრესიის დასრულებას. მაშინაც…