დღე: იანვარი 3, 2023

რუსეთის საოკუპაციო ძალებმა უკრაინაში დონეცკის, სუმის და ნიკოლაევის ოლქები დაბომბეს. უკრაინული მედიის ინფორმაციით, რუსმა სამხედროებმა სარაკეტო იერიში მიიტანეს ქალაქ კრამატორსკზე. სუმის ოლქის სამხედრო ადმინისტრაციის ინფორმაციით, რუსეთის საოკუპაციო ძალებმა ოლქის საზღვრის გასწვრივ დასახლებულ პუნქტებს 70-ჯერ გაუხსნეს ცეცხლი. დაბომბვის შედეგად დაზიანდა სკოლა და ელექტროგადამცემი ხაზი. მედიის ცნობით, რუსული ჯარები თავს დაესხნენ ნიკოლაევის რაიონის ოჩაკოვოს თემის აკვატორიას და სანაპირო ზონას. გასული 24 საათის განმავლობაში უკრაინის თავდაცვის ძალების ავიაციამ რუსი სამხედროების, იარაღისა და სამხედრო ტექნიკის კონცენტრაციის ადგილებში 13 დარტყმა განახორციელა, ასევე ხუთჯერ დაბომბა საზენიტო-სარაკეტო სისტემების პოზიციები.  

უკრაინის გენერალური პროკურატურის ინფორმაციით, 2 იანვრის მდგომარეობის მიხედვით,   ომის დაწყების შემდეგ, რუსეთის აგრესიას 452 ბავშვი ემსხვერპლა, დაშავდა 876-ზე მეტი. უწყების ცნობით, ყველაზე მეტი ბავშვი დაზარალდა: დონეცკის რეგიონში – 429, ხარკოვის ოლქში – 268, კიევის ოლქში – 117, ჩერნიგოვის ოლქში – 81, ლუგანსკის ოლქში – 65, მიკოლაევის ოლქში – 81, ხერსონის ოლქში – 74, ზაპოროჟიეს ოლქში -78 ლასტროვის ოლქში – 64, დნეპროპეტროვსკის ოლქი 34, ლასტროვის ოლქში – 68. რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 3 126 სასწავლო დაწესებულება, საიდანაც 337 სრულად განადგურდა. აღნიშნული მონაცემები საბოლოო არ…

უკრაინა-ევროკავშირის მომავალი სამიტი კიევში, 3 თებერვალს გაიმართება.  ამის შესახებ ვოლოდიმირ ზელენსკის პრესსამსახურის მიერ გავრცელებულ ინფორმაციაშია აღნიშნული. მათივე ცნობით, უკრაინის პრეზიდენტი და ევროკომისიის პრეზიდენტი, ურსულა ფონ დერ ლაიენი სატელეფონო საუბრის დროს სამიტის მოსამზადებელი სამუშაოების გააქტიურებაზე შეთანხმდნენ. ,,მხარეებმა 3 თებერვალს კიევში დაგეგმილი უკრაინა-ევროკავშირის შემდეგი სამიტის მოსალოდნელი შედეგები განიხილეს და მოსამზადებელი სამუშაოების გააქტიურებაზე შეთანხმდნენ”, – ნათქვამია ინფორმაციაში. მათივე ცნობით, ვოლოდიმირ ზელენსკიმ ურსულა ფონ დერ ლაიენს მიაწოდა ინფორმაცია უკრაინის მიერ ევროკომისიის შვიდი რეკომენდაციის განხორციელების პროგრესის შესახებ, რომელიც ქვეყანამ ევროკავშირის კანდიდატის სტატუსის მოპოვების კონტექსტში მიიღო.

უკრაინის პრეზიდენტის აპარატის უფროსის მოადგილის, კირილ ტიმოშენკოს ინფორმაციით, რუსულმა ძალებმა დონეცკის ოლქის ქალაქ დრუჟკოვკაზე ორი სარაკეტო იერიში მიიტანეს. მისივე ცნობით, ამ დროისთვის ცნობილია 2 დაჭრილის შესახებ. გავრცელებული ინფორმაციით, ერთი რაკეტა ქალაქში, ერთი კი სოფელ იაკოვლევკაში ჩამოვარდა.  

,,იაპონია არ ტოვებს ანტირუსულ კურსს, ამიტომ სამშვიდობო ხელშეკრულებაზე ნებისმიერი დიალოგი შეუძლებელია,” – ამის შესახებ რუსეთის საგარეო საქმეთა მინისტრის მოადგილემ, ანდრეი რუდენკომ განაცხადა. მისი თქმით, „უკრაინაში სპეცოპერაციის დაწყებისთანავე კიშიდას ადმინისტრაცია აქტიურად შეუერთდა დასავლეთის მიერ ორკესტრირებულ რუსოფობიურ კამპანიას, რითაც გაანადგურა წლების განმავლობაში დაგროვილი ურთიერთსასარგებლო თანამშრომლობის შედეგები“. „აბსოლუტურად აშკარაა, რომ შეუძლებელია ასეთი დოკუმენტის (სამშვიდობო ხელშეკრულების) ხელმოწერის განხილვა იმ ქვეყანასთან, რომელიც ღიად არამეგობრულ პოზიციას იკავებს, წარმოთქვამს პირდაპირ მუქარას ჩვენი ქვეყნის წინააღმდეგ. ვერ ვხედავთ რაიმე ნიშნებს, რომ ტოკიომ შესაძლოა გადახედოს თავის ანტირუსულ პოლიტიკას და ასევე ვერ ვხედავთ არსებული სიტუაციის გამოსწორების მცდელობებს”, – განაცხადა რუდენკომ.  …

უკრაინის პრეზიდენტის ვოლოდიმირ ზელენსკის განცთხადები, რუსეთი ირანული წარმოების დრონებით ხანგრძლივ თავდასხმას გეგმავს. მისი თქმით, 2023 წლის დასაწყისიდან უკრაინის ძალებმა უკვე 80-ზე მეტი ირანული დრონი ჩამოაგდეს. „წლის დასაწყისიდან სულ ორი დღე გავიდა, ხოლო უკრაინის თავზე უკვე 80-ზე მეტი ირანული დრონია ჩამოგდებული. უახლოეს პერიოდში ეს რაოდენობა შეიძლება, გაიზარდოს, რადგან ამ კვირებში ღამეები შესაძლოა, საკმაოდ დაძაბული იყოს. ჩვენ გვაქვს ინფორმაცია, რომ რუსეთი გეგმავს ხანგრძლივ თავდასხმას „შაჰიდებით“, – განაცხადა ზელენსკიმ. ზელენსკის განცხადებით, 2023 წლის პირველი საერთაშორისო სატელეფონო საუბარი ევროკომისიის პრეზიდენტთან, ურსულა ფონ დერ ლაიენთან ჰქონდა. „განვიხილეთ ჩვენი სახელმწიფოს ფინანსური მხარდაჭერა – უკვე იანვარში ველოდებით…