დღე: დეკემბერი 12, 2022

უკრაინის შეიარაღებული ძალების გენერალური შტაბის ინფორმაციით, 24 თებერვლიდან 12 დეკემბრამდე რუსეთმა ომში დაახლოებით 94 760 ჯარისკაცი დაკარგა. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 94 760; ​ტანკი – 2 966; ჯავშანტექნიკა – 5 928; საარტილერიო სისტემა – 1 929; სარაკეტო სისტემა – 397; საზენიტო საბრძოლო სისტემა – 211; თვითმფრინავები – 281; ვერტმფრენი – 264; ოპერატიულ-ტაქტიკური უპილოტო საფრენი აპარატი – 1 617; საკრუიზო რაკეტები – 592; საავტომობილო ტექნიკა და საწვავის ავზები – 4 544; გემი/ნავი/კატარღა – 16; ​ სპეციალური აღჭურვილობა – 169.

რუსეთში, მოსკოვის ოლქში, ბალაშიხას სავაჭრო ცენტრ “სტროიპარკში” ხანძარია. რუსული მედიის ინფორმაციით, ხანძარი დილით 08:33 საათზე დააფიქსირეს. მედიის ცნობით, ცეცხლი 9 000 კვ.მ. ფართობეზე გავრცელდა.  ხანძრის შედეგად სავაჭრო ცენტრის დაცვის თანამშრომელი დაშავდა.

დიდი ბრიტანეთის საგარეო საქმეთა მინისტრის, ჯეიმს კლევერლის განცხადებით, რუსეთთან ნებისმიერი სამშვიდობო მოლაპარაკებები არ უნდა იყოს „ლეღვის ფოთოლი“ რუსეთის ფედერაციის გადაიარაღებისთვის. მისი თქმით,  მოლაპარაკებების პარამეტრები უკრაინამ თავად უნდა განსაზღვროს. „ნებისმიერი მოლაპარაკება უნდა იყოს რეალური, შინაარსიანი, არ შეიძლება, იყოს მხოლოდ ლეღვის ფოთოლი რუსული გადაიარაღებისთვის და ჯარისკაცების შემდგომი რეკრუტირებისთვის, იქნება ეს ვაგნერის ჯგუფიდან, თუ ციხეებიდან პატიმრების გამოყვანა. ახლა რუსეთიდან არაფერი მოდის, რაც დამარწმუნებს, რომ ვლადიმერ პუტინი შედის ამ მოლაპარაკებებში კეთილსინდისიერად. რიტორიკა ჯერ კიდევ კონფრონტაციულია“, – განაცხადა  ჯეიმს კლევერლიმ.

გაერთიანებული სამეფოს თავდაცვის სამინისტროს ინფორმაციით, ნაკლებად სავარაუდოა, რომ რუსეთმა დონეცკის, ლუგანსკის, ზაპორიჟიესა და ხერსონის ოლქებზე კონტროლი გააფართოოს. უწყების ცნობით, რუსეთი სავარაუდოდ, კვლავ მიზნად ისახავს კონტროლის გაფართოებას დონეცკის, ლუგანსკის, ზაპორიჟიესა და ხერსონის ოლქებზე, რუსი სამხედრო დამგეგმავები კი, სავარაუდოდ, პრიორიტეტულად დონეცკის სიღრმეში წინსვლას მიიჩნევენ. „რუსი სამხედროები, დიდი ალბათობით, ამჟამად ვერ შეძლებენ ეფექტური დამრტყმელი ძალის შექმნას, რომელსაც შეუძლია ამ ტერიტორიების აღება. ნაკლებად სავარაუდოა, რომ რუსეთის სახმელეთო ძალებმა, მომდევნო რამდენიმე თვის განმავლობაში, ოპერატიულად მნიშვნელოვან წინსვლას მიაღწიონ“, – ნათქვამია ანგარიშში.  

ომის შემსწავლელი ინსტიტუტის ინფორმაციით ნაკლებად სავარაუდოა, რომ ბელარუსი უკრაინაში შეიჭრება. ექსპერტების შეფასებით, მაშინაც კი თუ ეს მოხდა, ბელარუსის არმია ვერ შეძლებს რაიმე მნიშვნელოვანი ოპერატიული წარმატების მიღწევას. ,,როგორიც არ უნდა იყოს ამ საინფორმაციო ოპერაციების მიმდინარეობა, ბელარუსის უკრაინაში შეჭრა წარმოუდგენლად ნაკლებად სავარაუდოა. უფრო მეტიც, მინსკის ხელთ არსებული უკიდურესად შეზღუდული ეფექტური საბრძოლო ძალაუფლების გათვალისწინებით, ბელარუსის ინტერვენცია უკრაინაში ვერ შეძლებს უკრაინის სახმელეთო ძალების დროებით დაშორებას ფრონტის სხვა ხაზებიდან”, – ნათქვამია ომის შემსწავლელი ინსტიტუტის ანგარიშში. ანალიტიკოსების თქმით, რომ რუსეთის ოფიციალური პირები მუდმივად ავრცელებენ ინფორმაციას, თითქოს შესაძლოა, ბელარუსის სახმელეთო ჯარები შეუერთდნენ რუსეთის ომს უკრაინაში. მათივე თქმით,…

ზაპოროჟიეს რეგიონალური სამხედრო ადმინისტრაციის ხელმძღვანელის, ალექსანდრე სტარუხის ინფორმაციით,  რუს ოკუპანტებს მძევლად ჰყავთ რეგიონის 230-ზე მეტი მცხოვრები. “ომის 9 თვის განმავლობაში დაფიქსირდა ადამიანის უფლებების დარღვევისა და ძალადობის არაერთი ფაქტი. 573 ჩვენმა თანამემამულემ გაიარა რუსეთის ტყვეობა, 232 კვლავ მძევლად რჩება”, – წერს სტარუხი ტელეგრამზე. ცნობისთვის, 6 დეკემბერს უკრაინამ ტყვეობიდან 60 ჯარისკაცი დააბრუნა, მათ შორის მარიუპოლის დამცველები.

მიხეილ სააკაშვილი საფრანგეთის პრეზიდენტს, ემანუელ მაკრონს წერილით მიმართავს და დახმარებას სთხოვს. სააკაშვილი წერს, რომ ძალიან ცოტა დრო დარჩა. ,,მთელი ცხოვრება ვიბრძოდი საქართველოსა და უკრაინაში თავისუფლებისა და რეფორმებისთვის. რუსეთის იმპერიალისტური პოლიტიკის წინააღმდეგ. პუტინი თავის ერთ-ერთ მთავარ მტრად მთვლის, ის საჯაროდ დამპირდა რომ მომკლავდა, მე ციხეში გამიშვეს, ვკვდები, ძალიან ცოტა დრო დამრჩა”, – წერს სააკაშვილი.

პერუში ახალი პრეზიდენტის წინააღმდეგ გამართულ საპროტესტო აქციაზე ორი არასრულწლოვანი მოკლეს. არსებული ინფორმაციით, აქციების დროს ოთხი ადამიანი დაშავდა. მედიის ცნობით, ქვეყნის სამხრეთში მდებარე ქალაქ ანდაჰუაილასში დემონსტრანტებსა და პოლიციას შორის შეტაკება მოხდა. პერუს დედაქალაქში აქციის მონაწილეების დასაშლელად პოლიციამ ცრემლსადენი გაზი გამოიყენა. გასულ კვირას, პერუს საკანონმდებლო ორგანომ გადააყენა მემარცხენე პრეზიდენტი, პედრო კასტილო, მას შემდეგ, რაც მან კონგრესის დაშლა სცადა. პერუს ყოფილი პრეზიდენტი დაკავებულია. დინა ბოლუარტემ, ყოფილმა პროკურორმა, რომელიც კასტილოს ვიცე-პრეზიდენტის თანამდებობაზე მუშაობდა, მალევე დადო ფიცი მის ნაცვლად. პერუს ახალმა პრეზიდენტმა ახალი კაბინეტი წარადგინა და პრემიერ-მინისტრად ყოფილი პროკურორი, პედრო ანგულო დაასახელა. დემონსტრანტებმა კონგრესის დაშლა, ვადამდელი არჩევნები და ახალი კონსტიტუცია, ასევე კასტილიოს დაუყოვნებლივ გათავისუფლება…

უკრაინის პრეზიდენტ ვოლოდიმირ ზელენსკისა და  აშშ-ის პრეზიდენტ ჯო ბაიდენს შორის სატელეფონო საუბარი გაიმართა. ზელენსკიმ ჯო ბაიდენს მადლობა გადაუხადა უკრაინისთვის აღმოჩენილი უპრეცედენტო თავდაცვისა და ფინანსური დახმარებისთვის. საუბრისას უკრაინის პრეზიდენტმა ხაზი გაუსვა აშშ-ის დახმარების მნიშვენლობას უკრაინის ენერგეტიკული სისტემის აღდგენის კუთხით. ვოლოდიმირ ზელენსკიმ პრეზიდენტ ბაიდენს მოუწოდა, ყველაფერი გააკეთოს უკრაინის მშვიდობიანი მოსახლეობისა და მისი კრიტიკული ინფრასტრუქტურის დასაცავად.

,,უკრაინას ჩვენ იარაღი მივეცით, მაგრამ მივხვდით, რომ ჩვენი სამხედრო მარაგი ამოიწურა,” – ამის შესახებ  ევროკავშირის საგარეო ქმედებათა სამსახურის ხელმძღვანელის, ჯოზეფ ბორელის ბლოგშია ნათქვამია. მისი თქმით, მნიშვნელოვანია, რომ ევროკავშირმა გააგრძელოს უკრაინის პოლიტიკური, ეკონომიკური და სამხედრო დახმარება რუსეთის უკან დასახევად და ეს დახმარება უკრაინის გამარჯვებამდე არ უნდა შეჩერდეს. „ევროპელები აშკარად ზრდიან თავდაცვის ხარჯებს და შესაძლებლობებს. ამის შესახებ ევროპის თავდაცვის სააგენტოს ანგარიშშია ნათქვამი. ეს ძალიან საჭიროა, რადგან ჩვენ გავაგრძელებთ უკრაინის მხარდაჭერას. ჩვენ ერთად მეტი ინვესტიცია უნდა ჩავდოთ, რათა მოვამზადოთ ევროპული არმიები უფრო საშიში სამყაროს წინაშე“, – აღნიშნულია  ბორელის ბლოგში.

უკრაინის პრეზიდენტის, ვოლოდიმირ ზელენსკის განცხადებით, ახალი კვირა უკრაინისთვის მნიშვნელოვანი იქნება, რადგან დაგეგმილია დიდი შვიდეულის ფორმატის შეხვედრა, უკრაინის აღდგენის კონფერენცია საფრანგეთში და შეხვედრა ევროკავშირში. როგორც ზელენსკი ვიდემიმარვაში აღნიშნავს, ფრანგ კოლეგასტან საკმაოდ გრძელი და ძალიან ინფორმატიული სატელეფონო საუბარი ჰქონდა. „ველაპარაკე პრეზიდენტ მაკრონს. ეს იყო საკმაოდ გრძელი საუბარი, საათზე მეტი და ძალიან ინფორმატიული. თავდაცვა, ენერგეტიკა, ეკონომიკა, დიპლომატია… ვაკოორდინირებთ ნაბიჯებს, ვემზადებით ჩვენი სამშვიდობო ფორმულის განსახორციელებლად. ამას პრეზიდენტი მაკრონი მხარს უჭერს და ეს ჩვენთვის ძალიან მნიშვნელოვანია. ვესაუბრე თურქეთის პრეზიდენტ ერდოღანს. როგორც ყოველთვის, ძალიან კონკრეტული საუბარი იყო, იმაზე, თუ რა არის მნიშვნელოვანი არა მხოლოდ უკრაინისა და…