დღე: დეკემბერი 8, 2022

,,ჩვენ გვაქვს ინფორმაცია ექსპრეზიდენტ მიხეილ სააკაშვილის ჯანმრთელობის მდგომარეობის გაუარესებასთან დაკავშირებული ბოლოდროინდელი ცნობების შესახებ,” – ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა. მისი თქმით, ძალიან მნიშვნელოვანია, რომ ექსპრეზიდენტის ყველა უფლება სრულად იყოს დაცული ,,ჩვენ რა თქმა უნდა საქმის კურსში ვართ ექს-პრეზიდენტ მიხეილ სააკაშვილის ჯანმრთელობის გაუარესების შესახებ, რაც ჩვენი შეშფოთების საგანია. ჩვენ კავშირზე ვართ მის ოჯახის წევრებთან და ადვოკატებთან, ისევე როგორც ხელისუფლების შესაბამის წარმომადგენლებთან. ჩვენი აზრით, ძალიან მნიშვნელოვანია, რომ ექს-პრეზიდენტ სააკაშვილის ყველა უფლება იყოს დაცული და რაც შეეხება მის მომავალს, ეს რა თქმა უნდა საქართველოს სასამართლოების გადასაწყვეტია”, – აღნიშნა პაველ ჰერჩინსკიმ.…

აშშ-ის სენატის საგარეო ურთიერთობათა კომიტეტმა მხარი დაუჭირა საკანონმდებლო ინიციატივას, რომელიც გენოციდად აღიარებს რუსეთის ქმედებებს უკრაინელი ხალხის წინააღმდეგ. დოკუმენტში მხარდაჭერაა გამოთქმული რუსეთის წინააღმდეგ ტრიბუნალის შექმნასა და საერთაშორისო სისხლის სამართლის გამოძიების ჩატარებასთან დაკავშირებით „ეს რეზოლუცია გმობს უკრაინელი ხალხის წინააღმდეგ აქტიურ გენოციდს, მოუწოდებს აშშ-ის ხელისუფლებას, ითანამშრომლოს ჩვენს მოკავშირეებთან, რათა აღვკვეთოთ გენოციდის მომავალი აქტები. ასევე, მხარს უჭერს გამოძიებას, რათა ამ საშინელ დანაშაულებზე პასუხისმგებლები მართლმსაჯულების წინაშე წარდგნენ. ჩვენ მომავალშიც ყველაფერი უნდა გავაკეთოთ, რათა მხარი დავუჭიროთ უკრაინელ ხალხს გადარჩენისთვის ბრძოლაში“, – განაცხადა რეზოლუციის ავტორმა, სენატორმა ჯიმ რიშმა.

,,პუტინი ამზადებს შიდა რუსულ აუდიტორიას უკრაინაში ხანგრძლივი, დამღლელი ომისთვის, რომელიც საჭიროა ახალი უკრაინის ტერიტორიების დასაპყრობად”,- ამის შესახებ ომის შემსწავლელი ამერიკული ინსტიტუტის ბოლო ანგარიშშია ნათქვამი. ექსპერტები რუსეთის  პრეზიდენტ ვლადიმერ პუტინის ბოლო გამოსვლას აანალიზებენ, რომლის თქმითაც,  „სპეციალური სამხედრო ოპერაცია“ არის „ხანგრძლივი პროცესი“ და უნდა მოჰყვეს ახალი ტერიტორიების “შეძენა”. ექსპერტები მიიჩნევენ, რომ რუსეთის იმპერიული ისტორიის ხსენება ღიად მიუთითებს პუტინის ამჟამინდელ მიზნებზე უკრაინაში, როგორც აშკარად იმპერიალისტურს. „პუტინმა პარალელები გაავლო საკუთარ თავსა და რუსეთის მეფე პეტრე I-ს შორის და აღნიშნა, რომ ახლა რუსეთი აკონტროლებს აზოვის ზღვას, რომლისთვისაც პეტრე დიდიც იბრძოდა“, – აღნიშნავენ ექსპერტები.    

გერმანიის კანცლერის ოლაფ შოლცის განცხადებით, უკრაინის კონფლიქტში ბირთვული იარაღის გამოყენების რისკი რუსეთზე საერთაშორისო ზეწოლის შედეგად შემცირდა. „ამ დროისთვის ჩვენ ის შევაჩერეთ. ამ დროისთვის ერთი რამ შეიცვალა: რუსეთმა შეწყვიტა ბირთვული იარაღის გამოყენების მუქარა. საერთაშორისო თანამეგობრობის მიერ წითელი ხაზის მონიშვნის საპასუხოდ“, – განაცხადა შოლცმა Funke-სთან ინტერვიუში.  

გამოცემა ”პოლიტოკომ” უკრაინის პრეზიდენტი, ვოლოდიმირ ზელენსკი 2022 წლის ევროპის ყველაზე გავლენიან ადამიანად დაასახელა. ევროპის ყველაზე გავლენიანი ადამიანების რეიტინგში, რომლის სათავეშიც უკრაინის ლიდერია, 28 ადამიანი მოხვდა. „ზელენსკიმ დაარწმუნა დანარჩენი ევროპა, რომ მისი მომავალი უკრაინასთან არის დაკავშირებული – რუსეთის შეჭრამდე ამის ცოტას სჯეროდა. მისი კომუნიკაციის უნარი საკვანძოა. მისი რიტორიკა მკაფიოდ ასახავს რუსეთის რეჟიმის ბოროტებას, რომლის წინააღმდეგაც ის იბრძვის, ფანტავს რწმენას – განსაკუთრებით ბერლინსა და პარიზში, რომ მოსკოვი შეიძლება იყოს პარტნიორი. უბრალოდ შეხედეთ, როგორ გარბიან ევროპელი ლიდერები, რომლებიც არჩევნებში იმარჯვებენ, კიევში, რათა გადაიღონ ფოტო საკულტო ზეთისხილისფერ-მწვანე მაისურიან 44 წლის მამაკაცთან“, – წერს ”პოლიტიკო”.…

უკრაინის პრეზიდენტის, ვოლოდიმირ ზელენსკის ინფრორმაციით, რუსული არმიის მიერ დონეცკის ოლქის ქალაქ კურახოვოს დაბომბვის შედეგად 10 ადამიანი დაიღუპა. „რუსულმა არმიამ კურახოვოს დაარტყა, კერძოდ, თავს დაესხა მშვიდობიან მოსახლეობას, ბაზარს, ბენზინგასამართ სადგურს, ავტოსადგურსა და საცხოვრებელ კორპუსს. ამ დროისთვის დაღუპულთა რაოდენობა ათია. ბევრია დაჭრილი“,- განაცხადა ზელენსკიმ. ცნობისთვის, 7 დეკემბერს რუსი სამხედროები თავს დაესხნენ დონეცკის ოლქის ქალაქ კურახოვოს ბაზარს, ავტოსადგურს, ბენზინგასამართ სადგურებსა და საცხოვრებელ სახლებს.

აშშ-ის ეროვნული უსაფრთხოების საბჭოს წარმომადგენელის, ჯონ კირბის განცხადებით, აშშ-ს არ წაუქეზებია და არ დახმარებია უკრაინას, დარტყმა მიეტანა რუსეთზე. ,,რა თქმა უნდა, ჩვენ ეს არ წაგვიქეზებია და არ დავხმარებივართ უკრაინას დარტყმა მიეტანა რუსეთზე. ჩვენ კონცენტრირებულები ვიყავით და ჯერ კიდევ კონცენტრირებულები ვართ იმაზე, რომ უკრაინას თავდაცვისთვის საჭირო შესაძლებლობები და რესურსები ჰქონდეს. ყველაფერი, რასაც ჩვენ ვაწვდით, ნამდვილად ამის გათვალისწინებითაა შემუშავებული”, – განაცხადა კირბიმ. მისი თქმით, უკრაინის ფარგლებს გარეთ ნებისმიერი ესკალაცია აშშ-ის ეროვნული ინტერესების სასარგებლო არ არის. ,,ჩვენ ვაწვდით მათ ინფორმაციას, რომ საკუთარი თავის დაცვაში დავეხმაროთ. ჩვენ, რა თქმა უნდა, რესურსებსა და იარაღს მათ…

უკრაინის პრეზიდენტ ვოლოდიმირ ზელენსკის განცხადებით, უკრაინის შეიარაღებულმა ძალებმა რუსული ოკუპაციისგან 1 888 ქალაქი და სოფელი გაათავისუფლეს. „ეს ნიშნავს, რომ ახლა უკრაინაში ბრძოლის ველზე წყდება მილიონობით ადამიანის ბედი. მილიონობით, რომლებიც შეიძლება გადარჩნენ. ჩვენ არ გვაქვს უფლება რუსულ ოკუპაციაში დავტოვოთ არც ერთი ჩვენი ადამიანი. არც რუსულ ფილტრაციულ ბანაკებში, სადაც უკვე დაიკარგა ათასობით ადამიანი და არც რუსეთის ტერიტორიებზე, სადაც ასობით ათასი უკრაინელის იძულებითი დეპორტაცია განახორციელეს“,- განაცხადა ზელენსკიმ.

,,როდესაც ჩვენ გვარტყამენ, საპასუხო დარტყმას ვაყენებთ“,- ამის შესახებ რუსეთის პრეზიდენტმა ვლადიმერ პუტინმა განცხადა. მისი თქით, თუ რუსეთი პირველი არ გამოიყენებს ბირთვულ იარაღს, ეს ნიშნავს, რომ ვერც საპასუხოდ გამოიყენებს, რადგან ბირთვული დარტყმის განხორციელების შემთხვევაში, შესაძლებლობა, განახორციელონ საპასუხო დარტყმა, მნიშვნელოვნად შეიზღუდება. „ჩვენ ჩვენს მოკავშირეებს ხელთ არსებული ყველა საშუალებით დავიცავთ. ჭკუიდან არ შევშლილვართ. ვაცნობიერებთ, რა არის ბირთვული იარაღი. ჩვენ გვაქვს ეს საშუალებები და უფრო მოწინავე სახით, ვიდრე რომელიმე სხვა ბირთვულ ქვეყანას. არ ვაპირებთ, სამართებელივით ვიქნიოთ ეს იარაღი მთელ მსოფლიოში. თუმცა გამოვდივართ იქიდან, რომ ის გვაქვს. ეს არა მაპროვოცირებელი, არამედ შემაკავებელი ფაქტორია“, – განაცხადა…