დღე: ნოემბერი 22, 2022

,,დეოლიგარქიზაციის კანონი არის საკმაოდ კომპლექსური, ძალიან მნიშვნელოვანია, რომ ევროპის სამართლის ექსპერტებმა გადახედონ ამ კანონს, შეისწავლონ და შემდგომ უკვე გააკეთონ დასკვნები,” – ამის შესახებ საქართველოში აშშ-ის ელჩმა, კელი დეგნანმა განაცხადა. ელჩის თქმით, ,,ესენი არიან ინსტიტუტები, ვისთანაც თანამშრომლობს საქართველო რეკომენდაციების შესრულებასთან დაკავშირებით და ძალიან მნიშვნელოვანი რჩევაა მათი მხრიდან“. „მე მგონი, არსებობდა რაღაცა დაბნეულობა ამასთან დაკავშირებით. იგივე კანონი, რომელიც უკრაინამ შეიმუშავა და იყო გადაგზავნილი ვენეციის კომისიაში, შემდგომ უკან გამოიწვიეს და ამ ეტაპზე დასკვნას არ ელოდება. თუმცა, რადგანაც ეს კანონი არის ახალი მიმართულება, საკმაოდ კომპლექსური, ძალიან მნიშვნელოვანია, რომ ევროპის სამართლის ექსპერტებმა გადახედონ ამ კანონს, შეისწავლონ…

უკრაინის შეიარაღებული ძალების გენერალური შტაბის ინფორმაციით, რუსმა ოკუპანტებმა ომის დაწყებიდან დღემდე, დაახლოებით 85 000 ჯარისკაცი დაკარგეს. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 85 000; ​ტანკი – 2 895; ჯავშანტექნიკა – ​5 827; საარტილერიო სისტემა – 1 882; სარაკეტო სისტემა – 395; საზენიტო საბრძოლო სისტემა – 209; თვითმფრინავები – 278; ვერტმფრენი – 261; ოპერატიულ-ტაქტიკური უპილოტო საფრენი აპარატი – 1 537; საკრუიზო რაკეტები – 480; საავტომობილო ტექნიკა და საწვავის ავზები – 4 393; გემი/ნავი/კატარღა – 16; ​ სპეციალური აღჭურვილობა – 161

რუსეთი თურქეთს მოუწოდებს, სირიაში თავშეკავება გამოიჩინოს და არ დაუშვას დაძაბულობის ესკალაცია. ამის შესახებ სირიაში რუსეთის ელჩმა ალექსანდრ ლავრენტიევმა განაცხადა. „ჩვენ, რა თქმა უნდა, მოვუწოდებთ ჩვენს თურქ კოლეგებს გარკვეული თავშეკავებისკენ, რათა არ იყოს დაშვებული დაძაბულობის ესკალაცია არა მხოლოდ სირიის ჩრდილოეთით, არამედ მთელ ტერიტორიაზე“, – განაცხადა ალექსანდ ლავრენტიევმა. მისივე თქმით, რუსეთმა ყველაფერი გააკეთა, რომ თურქეთის მიერ სირიაში ფართომასშტაბური შეტევითი სამხედრო ოპერაციის ჩატარება არ დაეშვა. „რუსეთის ფედერაციამ ამის გაკეთება შეძლო და ჩვენ ვიმედოვნებთ, შევძლებთ, დავარწმუნოთ ჩვენი თურქი პარტნიორები, თავი შეიკავონ სირიის ტერიტორიაზე ძალის გადამეტებული გამოყენებისგან“, – განაცხადა ელჩმა.

,,დღეს 10 მილიონი ადამიანი – მოსახლეობის მეოთხედი – ელექტროენერგიის გარეშეა. სიცივემ შეიძლება მოკლას. ქვეყნის ზოგიერთ ნაწილში ტემპერატურა -20 გრადუსამდე დაიკლებს”,- ამის შესახებ ჯანდაცვის მსოფლიო ორგანიზაციის ევროპის განყოფილების ხელმძღვანელმა, ჰანს კლუგემ განაცხადა. მისი თქმით,  ენერგეტიკული კრიზისი, ჰუმანიტარულ საჭიროებებზე შეზღუდვა, ვირუსული ინფექციები ამ ზამთარ უკრაინის ჯანდაცვის სისტემისა და ხალხისთვის დიდი გამოცდა იქნება. ,,მარტივად რომ ვთქვათ, ეს ზამთარი გადარჩენაზე იქნება. ჯანდაცვის მსოფლიო ორგანიზაციამ 9 თვის განმავლობაში, ომის დაწყებიდან დღემდე, 703 თავდასხმა აღრიცა სამედიცინო ობიექტებზე. ეს არის საერთაშორისო ჰუმანიტარული სამართლისა და ომის წესების დარღვევა. ჯანდაცვისა და ენერგეტიკული ინფრასტრუქტურის განგრძობადი თავდასხმები ნიშნავს, რომ ასობით საავადმყოფო და…

უკრაინის პრეზიდენტი მოსახლეობას ელექტროენერგიის დაზოგვისკენ მოუწოდებს. ამის შესახებ ვოლოდიმირ ზელენსკიმ საღამოს ტრადიციულ ვიდეო მიმართვაში განაცხადა. მისი თქმით, 21 ნოემბერს ენერგეტიკოსებს კვლავ მოუწიათ ელექტროენერგიის არაგეგმიური შეწყვეტა უკრაინის გარკვეულ რეგიონებში. „დღეს ჩვენს ენერგეტიკოსებს მოუწიათ ელექტროენერგიის არა მხოლოდ სტაბილიზაციური გათიშვა, არამედ არაგეგმურიც. ეს გამოწვეულია იმაზე დიდი მოხმარებით, ვიდრე ამის უზრუნველყოფა ქვეყანას შეუძლია ამჟამად. ამიტომ მინდა, მივმართო საოლქო ხელისუფლებისა და ადგილობრივი თემების ყველა წარმომადგენელს: გთხოვთ, არ შეწყვიტოთ კომუნიკაცია ელექტროენერგიის რაციონალურ მოხმარებასთან დაკავშირებით. რა თქმა უნდა, ენერგეტიკოსები, კომუნალური სამსახურების თანამშრომლები, მაშველები, ყველა მაქსიმალურად მუშაობს. თუმცა, რუსი ტერორისტების დარტყმებისგან ჩვენი ენერგეტიკისთვის მიყენებული სისტემური ზიანი იმდენად მნიშვნელოვანია,…

სერბეთის პრეზიდენტის ალექსანდრ ვუჩიჩის განცხადებით, სერბეთსა და კოსოვოს შორის სიტუაცია კონფლიქტის ზღვარზეა. ვუჩიჩი კოსოვოში მცხოვრებ სერბებს მშვიდობის შენარჩუნებისკენ მოუწოდებს. „ჩვენ ახლახან მივიღეთ ბოლო სადაზვერვო მონაცემები. სიტუაცია ძალიან რთულია, ის ფაქტობრივად კონფლიქტის ზღვარზეა. მე ვიცი, რომ კოსოვოდან სერბების წარმომადგენლები მეტყვიან, რომ ისინი დაიღალნენ და რომ ამას აღარ შეეგუებიან, ან რომ მათ არ ადარდებთ და რომ შეიძლება, ყველა მოკვდნენ; თუმცა მათ უნდა იცოდნენ, რომ თითოეული მათგანის სიცოცხლე ჩვენთვის ყველაფერზე მნიშვნელოვანია და უნდა დააფასონ ჩვენი თხოვნა“, – განაცხადა ვუჩიჩმა. ცნობისთვის, ევროკავშირის შუამავლობით სერბეთსა და კოსოვოს შორის ბრიუსელში გამართული მოლაპარაკებები მანქანების სანომრე ნიშნების აკრძალვის…