დღე: ნოემბერი 7, 2022

,,ყველამ კარგად ვიცით, რომ ჩვენს დემოკრატიას საფრთხე ემუქრება. ბოლო გამოკითხვები ამბობს, რომ ამერიკელების 76 პროცენტი წუხს ჩვენი დემოკრატიის შენარჩუნებაზე,”- ამის შესახებ  აშშ-ის კონგრესის შუალედური არჩევნების კამპანიის დასასრულს, ჯო ბაიდენმა ამომრჩევლებთან შეხვედრაზე განაცხადა. ბაიდენის თქმით, ამომრჩევლები არჩევანს აკეთებენ ამერიკის ორ ფუნდამენტურად განსხვავებულ ხედვას შორის. „შეგიძლიათ, წარმოიდგინოთ სხვა დრო სამოქალაქო ომის შემდეგ, როდესაც ვინმემ თქვას მსგავსი რამ, სად მოხდა ეს? სად არის ძალადობა შეწყალებული? შეხედეთ, რა მოხდა პოლ პელოსისთან დაკავშირებით. ნახეთ, რა თქვეს „რესპუბლიკელებმა“. ზოგი ამას დასცინის ან ამართლებს. ჩემს კარიერაში არასოდეს ყოფილა შემთხვევა, როდესაც ჩვენ განვადიდებდით ძალადობას პოლიტიკურ საფუძველზე. ჩვენ, ყველამ კარგად…

რომის პაპ ფრანცისკეს ვლადიმერ პუტინთან შეხვედრა უკრაინაში რუსეთის შეჭრიდან რამდენიმე დღეში სურდა, თუმცა რუსეთის ხელმძღვანელობამ შეხვედრის გამართვა საჭიროდ არ მიიჩნია.  ამის შესახებ კათოლიკური ეკლესიის ხელმძღვანელმა ბაჰრეინიდან რომში დაბრუნებისას თვითმფრინავში განაცხადა. რომის პაპის განცხადებით, ომის დაწყებიდან მეორე დღეს რუსეთის საელჩოში პირადად მივიდა და გადაწყვიტა აღნიშნულთან დაკავშირებით რუსეთის ელჩთან საუბარი. „მე ვუთხარი, რომ მზად ვიყავი მოსკოვში წავსულიყავი პუტინთან სასაუბროდ, თუ საჭირო იყო. ლავროვმა უპასუხა ძალიან თავაზიანად – „გმადლობთ, მაგრამ ეს არ არის საჭირო ამ მომენტისთვისო“,- აღნიშნა რომის პაპმა. რომის პაპის თქმით, წმინდა საყდარი მხარეებთან მუშაობს პატიმრების საკითხზე და ეს არის ის, რასაც ყოველთვის…

,,ირანმა რუსეთს უპილოტო თვითმფრინავები უკრაინაში შეჭრის შემდეგ გაუგზავნა,” – ამის შესახებ ირანის საკითხებში აშშ-ის სპეციალურმა წარმომადგენელმა, რობერტ მელიმ განაცხადა. მისივე თქმით, ირანმა ათეულობით უპილოტო საფრენი აპარატი რუსეთს მიმდინარე წლის ზაფხულში გადასცა. დიპლომატის ინფორმაციით,  უკრაინის ოკუპირებულ ტერიტორიებზე მყოფი ირანელი ინსტრუქტორები რუს სამხედროებს უპილოტო თვითმფრინავების გამოყენებაში ეხმარებოდნენ. ამასთან, ევროპისა და ევრაზიის საკითხებში აშშ-ის სახელმწიფო მდივნის თანაშემწის, კარენ დონფრიდის განცხადებით, ვაშინგტონი ყველაფერს გააკეთებს, რათა ირანმა არ მიაწოდოს იარაღი რუსეთს და განიხილავს დამატებით სანქციებს ირანის წინააღმდეგ.

უკრაინის პრეზიდენტი უკრაინის რუსეთის დახმარებაში ადანაშაულებს და ეს გამოიხატება ოკუპანტი ქვეყნის რაკეტებით მომარაგებაში. როგორც ვოლოდიმირ ზელენსკი აცხადებს, რუსები უკრაინის ქალაქებზე ახალი თავდასხმისთვის ირანულ რაკეტებს ამზადებენ. „ტერორისტული სახელმწიფო ჩვენს ინფრასტრუქტურაზე მასიური თავდასხმის შესაძლო განმეორებისთვის ძალებისა და საშუალებების მობილიზაციას ახდენს. პირველ რიგში, ემზადებიან ენერგეტიკული ინფრასტრუქტურისთვის დასარტყმელად. ამისთვის კი რუსეთს სჭირდება ირანული რაკეტები”, – აცხადებს პრეზიდენტი. მისივე შეფასებით, ირანის რუსეთს ეხმარება. „ირანის რეჟიმი ეხმარება რუსეთს ამ ომის გახანგრძლივებაში და, შესაბამისად, გაახანგრძლივებს იმ საფრთხეების ზემოქმედებას მსოფლიოსთვის, რომელიც სწორედ რუსეთის ომით არის პროვოცირებული. რომ არა ირანული იარაღის მიწოდება აგრესორისთვის, ახლა უფრო ახლოს ვიქნებოდით მშვიდობასთან, უფრო…

ამერიკის შეერთებული შტატების ყოფილი პრეზიდენტი „დემოკრატებს“ აკრიტიკებს და აცხადებს, რომ მათი სამიზნე კომუნიზმია. დონალდ ტრამპის შეფასებით, სწორედ კომუნიზმისკენ მიჰყავთ „დემოკრატებს“ ამერიკა. „დემოკრატებს“ სურთ, ამერიკა კომუნისტურ კუბად ან სოციალისტურ ვენესუელად გადააქციონ. მივმართავ ყველა ლათინო ამერიკელს ფლორიდასა და მთელს მიწაზე, მოგესალმებით გაშლილი ხელებით ჩვენს პარტიაში, მობრძანდით“ – აღნიშნა ტრამპმა მაიამიში ამომრჩეველთან შეხვედრისას. ტრამპი არ გამორიცხავს, რომ შტატებს ისევ პრეზიდენტის სახით დაუბრუნდეს.  

უკრაინაში დაღუპული ლევან სახელაშვილი საქართველოში ჩამოასვენეს. თბილისის საერთაშორისო აეროპორტში ცხედარს  ოჯახის წევრები, მეგობრები, თანამებრძოლები დახვდნენ. ადგილზე იმყოფებოდა აფხაზეთის უმაღლესი საბჭოს თავმჯდომარე ჯემალ გამახარიაც. 38 წლის ლევან სახელაშვილი ნიკოლაევის ოლქში საარტილერიო შეტევას ემსხვერპლა. პროფესიონალი სამხედრო 2012 წლამდე საქართველოს თავდაცვის ძალებში მსახურობდა. უკრაინაში საბრძოლველად ის რუსეთის მხრიდან საომარი მოქმედებების დაწყებიდან მალევე წავიდა. როგორც ჯემალ გამახარიამ აღნიშნა, დაღუპული უმაღლეს საბჭოშიც მუშაობდა და იყო ქვეყნის პატრიოტი მებრძოლი. უკრაინაში დაღუპულ ქართველ მებრძოლს ხუთშაბათს დაკრძალავენ.

თბილისში, ლუბლიანას ქუჩაზე  წუხელ გარდაცვლილი ახალგაზრდა მამაკაცი ისრაელის მოქალაქეა. 21 წლის მამაკაცის თანმხლები პირი კი კრიტიკულ მდგომარეობაში კლინიკაში გადაიყვანეს.  მას  ტოქსიკურ განყოფილებაში მკურნალობენ. რაც შეეხება გარდაცვლილს, ის სტუდენტი იყო. როგორც თვითმხილველები აცხადებენ, მამაკაცი უცებ გაითიშა და დავარდა. ცნობილია რომ ის სამედიცინოზე სწავლობდა.  გარდაცვალების მიზეზად კი ნარკოტიკული ნივთიერების ზემოქმედების ქვეშ ყოფნა სახელდება. თბილისში უცხოეთის მოქალაქის ცხედარი იპოვეს