დღე: ნოემბერი 3, 2022

რუსეთის საგარეო საქმეთა სამინისტრო განცხადებას ავრცელებს, სადაც საუბარია ბირთვული იარაღის გამოყენებაზე. საგარეო უწყების განმარტებით, რუსეთი მასობრივი განადგურების იარაღს იმ შემთხვევაში გამოიყენებს თუ, საფრთხე რუსეთის სახელმწიფოებრიობას შეექმნება. ,,ბირთვული იარაღის გაუვრცელებლობის პოლიტიკის განხორციელებისას რუსეთი ზედმიწევნით ხელმძღვანელობს იმ პოსტულატებით, რომლებიც ბირთვული ომის თავიდან არიდებას გულისხმობს. რუსეთის დოქტრინა ამ სფეროში მკაცრად არის გაწერილი და მხოლოდ თავდაცვით ხასიათს ატარებს. რეაგირება ბირთვული იარაღის გამოყენებით ჰიპოთეტურად დასაშვებია რუსეთისთვის მხოლოდ აგრესიის საპასუხოდ, მათ შორის, მასობრივი განადგურების იარაღის გამოყენებისას, ან ისეთი ტიპის აგრესიისას, რომელიც ჩვეულებრივი შეიარაღებისას ხორციელდება, როდესაც საფრთხე თავად სახელმწიფოს არსებობას ექმნება,”- ნათქვამია უწყების განცხადებაში.

მეტი...

უკრაინის შეიარაღებული ძალების გენერალური შტაბის ინფორმაციით, რუსეთმა ომის დაწყებიდან დღემდე, 74 000 ჯარისკაცი დაკარგა. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 74 000; ​ტანკი – 2 734; ჯავშანტექნიკა – ​5 552; საარტილერიო სისტემა – 1 755; სარაკეტო სისტემა – 390; საზენიტო საბრძოლო სისტემა – 198; თვითმფრინავები – 277; ვერტმფრენი – 258; ოპერატიულ-ტაქტიკური უპილოტო საფრენი აპარატი – 1 442; საკრუიზო რაკეტები – 397; საავტომობილო ტექნიკა და საწვავის ავზები – 4 162; გემი/ნავი/კატარღა – 16; სპეციალური აღჭურვილობა – 155.

მეტი...

უკრაინის სახელმწიფო კომპანია Energoatom-ის ინფორმაციით, რუსული დაბომბვის შემდეგ, უკრაინის ზაპოროჟიეს ატომური ელექტროსადგური ელექტრო ქსელიდან დაითიშა. დაზიანდა მაღალი ძაბვის ხაზები, სადგურზე მხოლოდ დიზელის გენერატორები მუშაობს. ენერგოტომმის ცნობით, ელექტროსადგურს აქვს 15 დღის საწვავი გენერატორების სამუშაოდ. ,,გუშინ, 2022 წლის 2 ნოემბერს, რასისტული დაბომბვის შედეგად დაზიანდა ზაპოროჟიას ატომური ელექტროსადგურის ბოლო ორი მაღალი ძაბვის საკომუნიკაციო ხაზი უკრაინის ენერგოსისტემასთან. 23:04 საათზე სადგური სრულ ჩაქრობის რეჟიმში გადავიდა. 20-ვე დიზელის გენერატორი ჩართული იყო”,- წერს ენერგოდარის მერი, დიმიტრო ორლოვი ”ტელეგრამზე”.  

მეტი...

რუსმა ოკუპანტებმა 24 თებერვლის შემდეგ უკრაინიდან რუსეთის ტერიტორიაზე 10 ათასამდე უკრაინელი ბავშვი გადაიყვანეს. აღნიშნულ ინფორმაციას უკრაინული მედია „ეროვნული წინააღმდეგობის ცენტრზე“ დაყრდნობით ავრცელებს. ცენტრის ცნობით, რუსებს ბავშვები სკოლა-ინტერნატებიდან გამოჰყავთ და არ აბრუნებენ. ოკუპანტები იტაცებენ არა მხოლოდ ობლებს, არამედ მშობლებთან ერთად მცხოვრებ ბავშვებსაც. „ისინი გადაჰყავთ რუსეთში ბავშვთა ბანაკებში და მშობლებთან აღარ აბრუნებენ. ამით კრემლი ცდილობს, აიძულოს მშობლები, წავიდნენ რუსეთში შვილებთან და დატოვონ სახლები“, – აღნიშნავენ ეროვნული წინააღმდეგობის ცენტრში.  

მეტი...

უკრაინის საგარეო საქმეთა მინისტრის, დმიტრო კულებას ინფორმაციით, ესპანეთი უკრაინას საზენიტო-სარაკეტო კომპლექსს, საჰაერო თავდაცვის სისტემებს, ქვემეხებსა და ჭურვებს გადასცემს. მისივე თქმით, აღნიშნული დახმარება უკრაინის თავდაცვისუნარიანობას გააძლიერებს. ,,ძალიან მიხარია, რომ ახალი პაკეტი უკვე არის, ის უკვე უკრაინისკენ გზაშია და უახლოეს პერიოდში ჩვენი სახელმწიფო საკუთარ თავდაცვისუნარიანობას გააძლიერებს. ეს მოხდება მაშინ, როდესაც მიიღებს Aspide საზენიტო-სარაკეტო კომპლექსსა და მის რაკეტებს, Hawk საჰაერო თავდაცვის ოთხ სისტემას, ტანკსაწინააღმდეგო სარაკეტო კომპლექსებს, ქვემეხებსა და მათდამი ჭურვებს, ასევე სხვა სამხედრო აღჭურვილობას… ეს სწორედ ისაა, რასაც ესპანეთს ვთხოვდით. ეს არის ის რაც ჩვენი სამოქალაქო ინფრასტრუქტურის დაცვაში დაგვეხმარება,” – განაცხადა კულებამ.  

მეტი...

პოლონეთი პირველი ატომური ელექტროსადგურის მშენებლობას გეგმავს. არსებული ინფორმაციით, ელექტროსადგური  ამერიკული AP1000 რეაქტორების ტექნოლოგიის საფუძველზე აშენდება. ,,ამერიკული ტექნოლოგიის არჩევანი არა მხოლოდ გააძლიერებს პოლონეთის ენერგეტიკულ უსაფრთხოებას, არამედ მნიშვნელოვანი იმპულსი გახდება ჩვენი ეკონომიკის განვითარებისთვის”, – განაცხადა პოლონეთის კლიმატისა და გარემოს მინისტრმა ანა მოსკვამ. მინისტრის თქმით, პირველი ატომური ელექტროსადგურის მშენებლობაში შეერთებულ შტატებთან პარტნიორობა აღმოსავლეთ-ცენტრალური ევროპის ენერგეტიკული უსაფრთხოებისადმი ორივე ქვეყნის სტრატეგიული მიდგომის მტკიცე დასტურია. ,,გრაფიკის თანახმად ვმუშაობთ. პირველი პოლონური ატომური ელექტროსადგურის მშენებლობა 2026 წელს დაიწყება, ხოლო 2033 წელს ატომური ელექტროსადგურის პირველი ბლოკი შევა ექსპლუატაციაში”, – აღნიშნა მოსკვამ.

მეტი...

პრეზიდენტ ზელენსკის განცხადებით, რუსული მხარე უკრაინისგან უსაფრთხოების გარანტიებს რომ ითხოვს, ეს კიდევ ერთხელ ადასტურებს, მათ მარცხს. აღნიშნულ საკითხზე პრეზიდენტმა ვიდეომიმართვაში ისაუბრა. „კრემლში ჰყვებიან, რომ უკრაინისგან უსაფრთხოების გარანტიები მოითხოვეს. ასეთი განცხადებების განხილვისთვის ღირს ერთი წუთით შეჩერება. 252 დღის წინ რუსეთმა ამერიკის შეერთებული შტატებისგან უსაფრთხოების გარანტიები მოითხოვა. რუსული „სპეციალური ოპერაციის“ რვა თვის შემდეგ, კრემლი უკრაინისგან უსაფრთხოების გარანტიებს ითხოვს. საოცარი ცვლილებებია. ეს გვიჩვენებს როგორც რუსული აგრესიის წარუმატებლობას, ასევე იმას, თუ რამდენად ძლიერები ვართ, როცა ერთიანობას ვინარჩუნებთ“, – განაცხადა პრეზიდენტმა ზელენსკიმ მორიგ ვიდეომიმართვაში.

მეტი...

„ყველა კიდევ ერთხელ დარწმუნდა, რომ ჩვენს რეგიონში გლობალური სასურსათო უსაფრთხოებისთვის მხოლოდ ერთი საფრთხე არსებობს, ეს არის რუსეთის ფედერაცია“ – აცხადებს პრეზიდენტი ზელენსკი მორიგ ვიდეომიმართვაში. მისივე შეფასებით, რუსულ შანტაჟს შედეგი არ მოჰყვა. „დღეს ჩვენ მნიშვნელოვანი დიპლომატიური შედეგი გვაქვს ჩვენი ქვეყნისა და მთელი მსოფლიოსთვის, მარცვლეულის ექსპორტის ინიციატივა მუშაობას განაგრძობს. მოქმედებდა თურქეთის პრეზიდენტი ერდოღანიც. დროული და სამართლიანი რეაგირება მოახდინეს საერთაშორისო ურთიერთობების სხვა წამყვანმა სუბიექტებმაც. ყველა კიდევ ერთხელ დარწმუნდა, რომ ჩვენს რეგიონში გლობალური სასურსათო უსაფრთხოებისთვის მხოლოდ ერთი საფრთხე არსებობს, ეს არის რუსეთის ფედერაცია, სხვა არავინ“, – აცხადებს ომში მყოფი ქვეყნის პრეზიდენტი. როგორც ვოლოდიმირ ზელენსკი განმარტავს,…

მეტი...

უკრაინაზე მორიგი თავდასხმა ირანული „კამიკაძე-დრინებით“ განხორციელდა. რუსულმა მხარე, დნეპროპეტროვსკის ოლქში კრივი-რიჰის ტერიტორიას ირანული ე.წ. კამიკაძე-დრონები განახორციელეს თავსხმა. როგორც ოლქის  სამხედრო ადმინისტრაციის ხელმძღვანელი, ალექსანდრ ვილკული აცხადებს, დაზიანდა ენერგეტიკული ინფრასტრუქტურის ობიექტი. “ნგრევა არის მნიშვნელოვანი. ქალაქის რამდენიმე უბანი ელექტროენერგიისა და წყლის გარეშეა დარჩენილი”, – წერს ვილკული. რუსულმა მხარემ ხარკოვისა და კიევის რაიონებიც დაბომბა.  

მეტი...