დღე: ოქტომბერი 13, 2022

უკრაინის შეიარაღებული ძალების გენერალური შტაბის ინფორმაციით, რუსეთმა ომის დაწყებიდან დღემდე, დაახლოებით 63 800 ჯარისკაცის დაკარგა. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 63 800; ​ტანკი – 2 511; ჯავშანტექნიკა – 5 167; საარტილერიო სისტემა – 1 556; სარაკეტო სისტემა – 357; საზენიტო საბრძოლო სისტემა – 183; თვითმფრინავები – 268; ვერტმფრენი – 240; ოპერატიულ-ტაქტიკური უპილოტო საფრენი აპარატი – 1 182; საკრუიზო რაკეტები – 315; საავტომობილო ტექნიკა და საწვავის ავზები – 3 935; გემი/ნავი/კატარღა – 16; სპეციალური აღჭურვილობა – 140.

რუსმა ოკუპანტებმა უკრაინის სამხრეთით, ქალაქი მიკოლაევი დაბომბა. დაბომბვის შედეგად, სულ მცირე შვიდი ადამიანი უგზო-უკვლოდ დაკარგულად ითვლება. მაშველებმა 11 წლის ბიჭის გადარჩენა შეძლეს, რომელსაც სამედიცინო დახმარება უტარდება. საცხოვრებელი კორპუსის ნანგრევებში სამაშველო სამუშოები გრძელდება. არსებული ინფორმაციით, ქალაქს ღამით რვა S-300 რაკეტამ დაარტყა.  

„გაერო-ს გენერალურ ასამბლეასთან ერთად, ჩვენ არ შევეგუებით ანექსიის უკანონო მცდელობებს ან მეზობლის ტერიტორიის ძალის გამოყენებით მიტაცებას“, –  ამის შესახებ აშშ-ის პრეზიდენტის, ჯო ბაიდენის განცხადებაშია ნათქვამი. ჯო ბაიდენის თქმით, გაერო-ს წესდების ძირითად პრინციპებზე თავდასხმით, რუსეთი ანადგურებს საერთაშორისო მშვიდობისა და უსაფრთხოების საფუძვლებს. „გაერო-ს წესდების ძირითად პრინციპებზე თავდასხმით, რუსეთი ანადგურებს საერთაშორისო მშვიდობისა და უსაფრთხოების საფუძვლებს. ამ კონფლიქტის რისკები ყველასთვის გასაგებია და მსოფლიომ საპასუხოდ მკაფიო გზავნილი გააგზავნა: რუსეთი ვერ შეძლებს რუკიდან სუვერენული სახელმწიფოს წაშლას. რუსეთი საზღვრებს ძალით ვერ შეცვლის. რუსეთის სხვის ტერიტორიას ვერ მიისაკუთრებს. უკრაინას აქვს იგივე უფლებები, როგორც ყველა სხვა სუვერენულ ქვეყანას. მას…

რუსეთის საგამოძიებო კომიტეტის ხელმძღვანელის, ალექსანდრ ბასტრიკინის განცხადებით, ყირიმის ხიდზე ტერაქტში რუსეთის, თურქეთის, სომხეთისა და საქართველოს მოქალაქეები მონაწილეობდნენ. მისივე თქმით, ტერაქტის ორგანიზატორი უკრაინის სპეცსამსახურებია. ,,დადგენილია 12 ფიზიკური პირი, რომელსაც კავშირი ჰქონდათ ამ ტერაქტთან. ესენია, რუსეთის, თურქეთის, სომხეთისა და საქართველოს მოქალაქეები. ორგანიზატორი კი, უკრაინის სპეცსამსახურებია. გამოძიებამ დაადგინა, რომ ტვირთი ოდესიდან გაგზავნეს ბულგარეთში, ბულგარეთიდან საქართველოში. საქართველოდან სომხეთში საბაჟო დოკუმენტებით გასაფორმებლად, შემდეგ ისევ საქართველოში, ჩრდ. ოსეთის გავლით კი ის კრასნოდარში ჩავიდა და საიდანაც ყირიმში გაიგზავნა. ანუ აღარანაირი ეჭვი აღარაა, რომ ყირიმის ხიდზე ტერაქტი, უკრაინის სპეცსამსახურების მიერაა მომზადებული”, –

რუსმა ოკუპანტებმა ზაპოროჟიეს ოლქში, ქალაქ ორიხივს ერთ დღეში 324  ჭურვი ესროლეს.  უკრაინიას გენშტაბის ინფორმაციით, თავდასხმების შედეგად 9 ადამიანი დაშავდა, ასევე განადგურებულია ქალაქის ინფრასტრუქტურა. როგორც გენშტაბში განმარტავენ, მოწინააღმდეგე შეტევების განხორციელებას ცდილობს ბახმუტისა და ავდეევკას მიმართულებით, თუმცა თავდასხმების მოგერიება შეძლეს. ამასთან, გენშტაბის ცნობით, ოკუპანტები  საკრუიზო რაკეტების, ასევე უპილოტო თვითმფრინავების და მრავალჯერადი სარაკეტო სისტემების გამოყენებას ისვე აგრძელებენ.  

უკრაინის პრეზიდენტი ვოლოდიმირ ზელენსკი გაერო-ში მიღებულ რეზოლუციას ეხმიანება, რომელიც უკრაინის ოკუპირებულ ტერიტორიაზე რუსეთის ანექსიას გმობს. ზელენსკი მადლობას უხდის ყველა სახელმწიფოს, რომელთაც მხარი დაუჭირეს ისტორიულ რეზოლუციას. „მადლობელი ვარ 143-ვე სახელმწიფოსი, რომელთაც მხარი დაუჭირეს ისტორიულ რეზოლუციას. მსოფლიომ თავისი სიტყვა თქვა: ანექსიის რუსული პოლიტიკა უსარგებლოა და არასდროს იქნება აღიარებული თავისუფალი ერების მიერ. უკრაინა დაიბრუნებს თავის მიწებს“, – წერს ზელენსკი „ტვიტერში“. „კენჭისყრა დასრულდა უკრაინისა და მსოფლიო დემოკრატიის სასარგებლოდ“ – გაერომ რეზოლუცია მიიღო – (mcm.ge)

საფრანგეთის პრეზიდენტის, ემანუელ მაკრონის განცხადებით, ქვეყანა უკრაინას საჰაერო თავდაცვის სისტემებს, რადარებს, რაკეტებსა და იარაღს უახლოეს კვირებში გაუგზავნის. მისივე თქმით, საფრანგეთის მიერ მიწოდებული იარაღი უკრაინას დაეხმარება თავი დაიცვას საჰაერო თავდასხმებისგან. „ეს არის ხმელეთიდან, ზღვიდან, ჰაერიდან და დრონებიდან დაბომბვის ახალი ეტაპი ძირითადი ინფრასტრუქტურისა და მშვიდობიანი მოსახლეობის წინააღმდეგ“, – განაცხადა მაკრონმა და დასძინა, რომ რუსეთი ჰიბრიდულ ომს აწარმოებს. „ჩვენ ჰიბრიდულ ომში ვართ. ვიყენებთ არა მხოლოდ იარაღს ადგილზე, არამედ ვიყენებთ ინფორმაციის იარაღს”, – აღნიშნა მაკრონმა.

უკრაინის პრეზიდენტის ყველა ვიდეო მიმართვა თუ ოფიციალური გამოსვლა საჰაერო თავდაცვითი სისტემების საჭიროებას ეხება. ვოლოდიმირ ზელენსკი ამ თემას ბოლო ვიდეომიმართვაშიც ეხება და აცხადებს, რომ მსოფლიოც დარწმუნდა, რომ ეს აუცილებელია. „რაც უფრო გაბედული და სასტიკი ხდება რუსული ტერორი, მით უფრო აშკარაა მსოფლიოსთვის, რომ უკრაინის დახმარება ცის დაცვაში  ევროპის ერთ-ერთი ყველაზე მნიშვნელოვანი ჰუმანიტარული ამოცანაა. მჯერა, რომ ამ ამოცანას გავუმკლავდებით. მადლიერი ვარ იმ ჩვენი პარტნიორების, რომლებმაც უკვე გადაწყვიტეს გააძლიერონ ჩვენი სახელმწიფოსთვის სწორედ ასეთი მხარდაჭერა – ეფექტური საჰაერო თავდაცვის მხარდაჭერა“, – აცხადებს პრეზიდენტი.

რეზოლუციის პროექტს, რომლის დასახელებაა  “უკრაინის ტერიტორიული მთლიანობა – გაერო-ს ქარტიის პრინციპების დაცვა,” საქართველოც მიუერთდა. რეზოლუცია გაერო-ს გენერალური ასამბლეის საგანგებო სესიაზე მიიღეს. 143 ხმა  ხუთის წინააღმდეგ  – ასე დასრულდა კენჭისყრა, რომელიც გმობს რუსეთის მიერ უკრაინის ანექსიას. დოკუმენტში აღნიშნულია, რომ „დონეცკის, ხერსონის, ლუგანსკისა და ზაპოროჟიეს რეგიონები რუსეთის მიერ, აგრესიის შედეგად, დროებით ოკუპირებულია, უკრაინის ტერიტორიული მთლიანობის, სუვერენიტეტისა და პოლიტიკური დამოუკიდებლობის დარღვევით“. რეზოლუციის წინააღმდეგ რუსეთი, ბელარუსი, ჩრდილოეთ კორეა, სირია და ნიკარაგუა წავიდა. „კენჭისყრა დასრულდა უკრაინისა და მსოფლიო დემოკრატიის სასარგებლოდ“ – გაერომ რეზოლუცია მიიღო

რუსეთის მუქარას ატომური იარაღის გამოყენებასთან დაკავშირებით ამერიკის შეერთებული შტატები სერიოზულ, საშიშ და რეალურ  საფრთხედ მიიჩნევს. როგორც თავდაცვის მდივანი აცხადებს, აშშ დღეში 24 საათი, კვირაში 7 დღე თვალს ადევნებს რუსეთის ატომური ძალების მზაობის მცირე ცვლილებებსაც. „ჩვენ ამ საფრთხეს ძალიან სერიოზულად აღიქვამენ. ვაგრძელებთ ამაზე ჩვენი ყურადღების ფოკუსირებას და თვალს ვადევნებთ ნებისმიერი ტიპის ნიშნებს, რომლებიც მიანიშნებდა, რომ მას (რუსეთის პრეზიდენტს)  სხვა მიმართულებით შეეძლო მიეღო გადაწყვეტილება”, – აღნიშნა ლოიდ ოსტინმა. მისივე განცხადებით, ეს არ არის მარტივი საფრთხე, რომელსაც  შეიძლება ერთხელ შეხედო და დამშვიდდე.  

გაერო-ს გენერალურმა ასამბლეამ უკრაინასთან დაკავშირებით რეზოლუცია მიიღო. რეზოლუცია უკრაინის ტერიტორიულ მთლიანობას ეხება და მის დაბლოკვას რუსეთი ცდილობდა. აღნიშნულ ინფორმაციას  უმაღლესი რადას ადამიანის უფლებათა კომისარი – დმიტრი ლუბინეცი ადასტურებს. „მისასალმებელია გაერო-ს გენერალური ასამბლეის მე-11 საგანგებო სესიის კენჭისყრის შედეგებს უკრაინასთან დაკავშირებით.  კენჭისყრა დასრულდა უკრაინისა და მსოფლიო დემოკრატიის სასარგებლოდ. რეზოლუციის პროექტს – “უკრაინის ტერიტორიული მთლიანობა – გაერო-ს ქარტიის პრინციპების დაცვა,”  მხარი დაუჭირეს დელეგატებმა, მიუხედავად რუსეთის მცდელობისა, დაებლოკა ეს პროცესი“, – აცხადებს ლუბინეცი. რეზოლუციას, რომელიც რუსეთის მიერ უკრაინის ტერიტორიების ანექსიის მცდელობას გმობს, 143-მა ქვეყანამ დაუჭირა მხარი. წინააღმდეგნი წავიდნენ: რუსეთი,  სირია, ნიკარაგუა, ჩრდილოეთ კორეა და…