დღე: ოქტომბერი 7, 2022

რუსეთის ძალებმა ზაპოროჟიეზე სარაკეტო იერიში მიიტანეს – დაიღუპა 11 ადამიანი. საგანგებო სიტუაციების სამსახურის ინფორმაციით, ამ დროისთვის 25 ადამიანის გადარჩენა მოხერხდა. მათივე ცნობით, ერთ-ერთ მისამართზე, ხუთსართულიანი საცხოვრებელი კორპუსის ნანგრევებიდან 8 გარდაცვლილი ამოიყვანეს, 6 ადამიანი გადაარჩინეს, აქედან 5 ჰოსპიტალიზებულია. ოთხსართულიანი საცხოვრებელი კორპუსის ნანგრევებიდან 3 გარდაცვლილი ამოასვენეს, 15 ადამიანი გადაარჩინეს, მათგან 8 საავადმყოფოში გადაიყვანეს.    

მეტი...

,,არ გვაქვს უფლება, ეს ომი ჩვენს შვილებს გადავაბაროთ,”- ამის შესახებ უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა. მისი თქმით, უკრაინას შეუძლია მოწინააღმდეგის განადგურება. ,,ჩვენს მიწაზე გრძელდება ბრძოლა, რომლის მასშტაბები მეორე მსოფლიო ომის შემდეგ არ უნახავს მსოფლიოს. არ გვაქვს უფლება, ეს ომი ჩვენს შვილებს გადავაბაროთ. მტერი უნდა განადგურდეს აქ და ახლავე და ჩვენ ეს შეგვიძლია“, – განაცხადა ზალუჟნიმ.

მეტი...

აზერბაიჯანის პრეზიდენტის ილჰამ ალიევის განცხადებით, მნიშვნელოვანია აზერბაიჯანის, საქართველოსა და სომხეთის საერთო პლატფორმის შექმნა. ამის შესახებ ილჰამ ალიევმა პრაღაში, ევროპული პოლიტიკური გაერთიანების სამიტის ფარგლებში გამართულ დისკუსიაზე განაცხადა. ალიევი თქმით, მნიშვნელოვანია სამხრეთ კავკასიაში მშვიდობა და სტაბილურობა იყოს უზრუნველყოფილი. „მნიშვნელოვანია შეიქმნას აზერბაიჯანი-საქართველო-სომხეთის ერთიანი სადისკუსიო პლატფორმა სამმხრივ ფორმატში იმისთვის, რომ უზრუნველყოფილი იყოს მშვიდობა და სტაბილურობა სამხრეთ კავკასიაში“, – განაცხადა ალიევმა.

მეტი...

,,ისე უნდა ვქნათ, რომ ტერორისტმა სახელმწიფომ არც ერთი შემოსავალი არ მიიღოს ნავთობისა და გაზის გაყიდვებიდან,” – ამის შესახებ უკრაინის პრეზიდენტმა ვოლოდიმირ ზელენსკიმ ტრადიციულ ვიდეომიმართვაში განაცხადა. ,,ამ დღეებში ევროკავშირი რუსეთის საწინააღმდეგო სანქეციების მე-8 პაკეტის შემოღებისკენ მიიწევს. კერძოდ, ამ პაკეტში გათვალისწინებულია რუსული ნავთობის საზღვაო ტრანსპორტირების შეზღუდვა და იქმნება ინსტრუმენტები ტერორისტი სახელმწიფოს ნავთობისგან მიღებული შემოსავლების შესაზღუდად”, – აღნიშნა პრეზიდენტმა. ზელენსკიმ  მადლობა გადაუხადა ყველა ევროპელს, ვინც  ლობირებენ საჭირო პოლიტიკურ გადაწყვეტილებებს და რუსული ენერგეტიკული რესურსები საჭირო ეკონომიკურ ალტერნატივებს ქმნიან. “ისე უნდა ვქნათ, რომ ტერორისტმა სახელმწიფომ არც ერთი შემოსავალი არ მიიღოს ნავთობისა და გაზის გაყიდვებიდან, რომ…

მეტი...

უკრაინის გენშტაბის ინფორმაციით, ორ კვირაში უკრაინის შეიარაღებულმა ძალებმა ქვეყნის სამხრეთ-აღმოსავლეთსა და ხერსონში 122 დასახლებული პუნქტი გაათავისუფლეს რუსი ოკუპანტებისგან​​. მათივე  ცნობით, 21 სექტემბრიდან უკრაინელი ჯარისკაცების მიერ ხარკოვის და დონეცკის მიმართულებით შეტევის შედეგად გათავისუფლდა 39 დასახლება, ხოლო პირველი ოქტომბრიდან დღემდე ხერსონის ოლქში დამატებით 29 პუნქტი. უკრაინის გენშტაბის ინფორმაციით, 3-4 ოქტომბრიდან ხერსონის ოლქში რუსეთი სარეზევრო ძალებით ცდილობს დაკარგული ტერიტორიების დაბრუნებას. ამასთან, მათივე განცხადებით, რუსეთი კვლავაც განაგრძობს ბრძოლის ველზე ირანული წარმოების დრონების გამოყენებას, თუმცა მათი 60%-ის გაუვნებელყოფა მოხერხდა.

მეტი...

უკრაინის პრეზიდენტის, ვოლოდიმირ ზელენსკის განცხადებით, პირველი ოქტომბრიდან უკრაინის შეიარაღებულმა ძალებმა ხერსონის ოლქში 500 კვადრატული კილომეტრი ფართობის ტერიტორია გაათავისუფლეს. ზელენსკის თქმით, დადგება დღე, როდესაც დროებით  ოკუპირებული რეგიონების გათავისუფლების შესახებ აუწყებს მოსახლეობას. „მხოლოდ პირველი ოქტომბრიდან და მხოლოდ ხერსონის ოლქში რუსული  ფსევდორეფერენდუმისგან გათავისუფლდა 500 კვადრატული კილომეტრის ტერიტორია და ათობით დასახლებული პუნქტი. არსებობს წარმატება აღმოსავლეთის ფრონტზეც. აუცილებლად დადგება დღე, როდესაც ჩვენ ანგარიშს გაგაცნობთ ზაპოროჟიეს ოლქში წარმატების შესახებ და იმ რაიონებში, რომელთაც ჯერ ოკუპანტები აკონტროლებენ. დადგება დღე, როდესაც ყირიმის გათავისუფლებასაც გაუწყებთ”, – აღნიშნა ზელენსკიმ.

მეტი...

თეთრი სახლის ინფორმაციით, პრეზიდენტმა ბაიდენმა გადაწყვეტილება მიიღო, მარიხუანას შენახვისთვის გასამართლებული პირები შეიწყალოს. „არსებობს ათასობით ადამიანი, ვინც წარსულში ნასამართლევია მარიხუანის შენახვისთვის. შედეგად კი, მათ შეიძლება, უარი ეთქვათ დასაქმებაზე, საცხოვრებელ სახლზე ან განათლებაზე. ჩემი გადაწყვეტილება შეარბილებს ამ ნასამართლეობის შედეგებს“, – აღნიშნულია  განცხადებაში. როგორც პრეზიდენტი განმარტავს, არავინ უნდა დარჩეს ციხეში მხოლოდ მარიხუანის შენახვისთვის.

მეტი...

​ვოლოდიმირ ზელენსკის განცხადებას ალიანსთან დაკავშირებით რუსული მხარე პროვოცირებად მიიჩნევს. კერძოდ, დიმიტრი პესკოვის განმარტებით, ის, რაც ზელენსკიმ ისაუბრა, სხვა არაფერია, თუ არა მესამე მსოფლიო ომში ჩართვა. „მსგავსი განცხადებები სხვა არაფერია, თუ არა მოწოდება მორიგი მსოფლიო ომის დაწყებისკენ, არაპროგნოზირებადი ამაზრზენი შედეგებით“ , – განაცხადა პესკოვმა. შეგახსენებთ, რომ პრეზიდენტმა ზელენსკიმ ნატოს მიმართა რომ მათ უნდა აჩვენონ სიძლიერე, რომ რუსეთის არ ეშინიათ. საუბარია უკრაინის ალიანსში გაწევრიანებასთან დაკავშირებით დადებით გადაწყვეტილებაზე.  

მეტი...

აშშ-ის პრეზიდენტის განცხადებით, რუსეთის ფედერაციის პრეზიდენტის, ვლადიმერ პუტინის მუქარა ბირთვული იარაღის გამოყენებასთან დაკავშირებით სახუმარო არ არის და სერიოზული რისკის შემცველია. „პირველად, კუბის სარაკეტო კრიზისის შემდეგ, გვაქვს პირდაპირი მუქარა ბირთვული იარაღის გამოყენებასთან დაკავშირებით. კენედისა და კუბის სარაკეტო კრიზისის შემდეგ ჩვენ არმაგედონის პერსპექტივის წინაშე არ ვდგავართ… პუტინი არ ხუმრობს, როცა საუბრობს ტაქტიკური ბირთვული იარაღის, ან ბიოლოგიური, ან ქიმიურ იარაღის პოტენციურ გამოყენებაზე, რადგან მისი არმია, შეიძლება ითქვას, იმაზე საგრძნობლად ცუდად ასრულებს დავალებას, ვიდრე მოსალოდნელი იყო“, – აღნიშნა ბაიდენმა. შეგახსენებთ, რომ როგორც პუტინმა, ისე მედვედევმა არაერთხელ აღნიშნა, რომ თუ საჭირო გახდება და რუსეთის ფედერაციას…

მეტი...

ევროკომისიის პრეზიდენტი ურსულა ფონ დერ ლაიენი საქართველოს პრემიერ-მინისტრ ირაკლი ღარიბაშვილთან შეხვედრას სოციალურ ქსელ “ტვიტერში” ეხმაურება. ურსულა ფონ დერ ლაიენი აღნიშნავს, რომ ევროკავშირი საქართველოს სუვერენიტეტისა და ტერიტორიული მთლიანობის ერთგულია და სურს, რომ საქართველო დაწინაურდეს და წარმატება ჰქონდეს ევროკავშირის გზაზე. “კარგი შეხვედრა მქონდა საქართველოს პრემიერ-მინისტრ ირაკლი ღარიბაშვილთან. ევროკავშირი ერთგული რჩება საქართველოს სუვერენიტეტისა და ტერიტორიული მთლიანობისადმი. ასევე გვსურს, რომ საქართველო დაწინაურდეს და წარმატება ჰქონდეს ევროკავშირის გზაზე.  რეფორმების ფარგლებში განხორციელებული ძალისხმევა უნდა შენარჩუნდეს“ – აცხადებს ევროკომისიის პრეზიდენტი.

მეტი...

საქართველოს პრემიერ-მინისტრი ირაკლი ღარიბაშვილი პრაღაში, ევროპული პოლიტიკური გაერთიანების პირველი სამიტის ფარგლებში, ევროკომისიის პრეზიდენტს ურსულა ფონ დერ ლაიენს  შეხვდა. შეხვედრისას პრემიერმა საქართველოსთვის ევროპული პერსპექტივის მინიჭების ისტორიული გადაწყვეტილების შესახებ ისაუბრა და აღნიშნა, რომ საქართველო ყველაფერს აკეთებს, რათა გადადგას შემდეგი ნაბიჯი ევროკავშირში გაწევრიანებისკენ და ევროკავშირის წევრობის კანდიდატი ქვეყნის სტატუსი მიიღოს. ამ მიზნით, საქართველო მყისიერად შეუდგა  ევროკომისიის მიერ იდენტიფიცირებული 12 პრიორიტეტის შესრულებას. პრემიერმა ხაზი გაუსვა, რომ ინკლუზიური პროცესი საშუალებას აძლევს ხელისუფლების ყველა შტოს, ასევე ოპოზიციურ პარტიებსა და სამოქალაქო საზოგადოებას, სრულად ჩაერთონ პრიორიტეტების შესრულებაში, რისთვისაც  სამუშაო ჯგუფებია შექმნილი. საუბარი შეეხო უკრაინაში რუსეთის აგრესიას და მის…

მეტი...