თვე: სექტემბერი 2022

აფხაზეთის ავტონომიური რესპუბლიკის უმაღლესი საბჭოს თავმჯდომარის, ჯემალ გამახარიას განცხადებით, რუსეთსა და აფხაზეთს შორის 2014 წელს დაიდო ხელშეკრულება ,,თანამშრომლობის და სტრატეგიული პარტნიორობის შესახებ”, რომლის თანახმადაც, ერთ მხარეზე თავდასხმა ნიშნავს მეორე მხარეზე თავდასხმას. ჯემალ გამახარიას თქმით, აღნიშნული ხელშეკრულების ფარგლებში, აფხაზები ვალდებულები არიან მონაწილეობა მიიღონ უკრაინის ომში და მხარში ამოუდგნენ ”სტრატეგიულ მოკავშირეს”. ,,რუსეთსა და აფხაზეთს შორის არის დადებული ხელშეკრულება, სადაც წერია, რომ ერთ მხარეზე თავდასხმა ნიშნავს მეორე მხარეზე თავდასხმას. როდესაც ვლადიმერ პუტინი ხელს მოაწერს უკრაინის ოთხი ოლქის რუსეთის ფედერაციასთან მიერთებას და იტყვის, რომ უკრაინელები რუსულ ლუგანსკს, დონეცკს, ზაპოროჟიეს და ხერსონს ბომბავენ, იმ წუთიდან…

აფხაზეთის ავტონომიური რესპუბლიკის უმაღლესი საბჭოს თავმჯდომარის, ჯემალ გამახარიას განცხადებით, დღეს იგეგმება, უკრაინის ოთხი ოლქის –  ლუგანსკის, დონეცკის, ზაპოროჟიეს და ხერსონის რუსეთის ფედერაციასთან მიერთება. მისივე თქმით, რუსეთის აღნიშნული გადაწყვეტილება, უკიდურესად დაძაბულ საერთაშორისო ვითარებას, კიდევ უფროს ძაბავს და ბირთვულ საფრთხეს ზრდის. ,,უკიდურესად დაძაბული საერთაშორისო ვითარება კიდევ უფრო დაიძაბა. ცრუ რეფერენდუმების ჩატარების შემდეგ, ვლადიმერ პუტინმა გუშინ ხელი მოაწერა ხერსონისა და ზაპოროჟიეს ოლქების აღიარებას. დღეს 15:00 საათზე იგეგმება, უკრაინის ოთხი ოლქის ლუგანსკის, დონეცკის, ზაპოროჟიეს და ხერსონის რუსეთის ფედერაციასთან მიერთება. ძნელი წარმოსადგენი არ უნდა იყოს როგორ ცვლის ეს, უკიდურესად დაძაბულ ვითარებას და რამდენად ზრდის ბირთვულ…

ზაპოროჟიეს საოლქო-სამხედრო ადმინისტრაციის ხელმძღვანელის, ალექსანდრ სტარუხის ინფორმაციით, დღეს დილით რუსულმა ძალებმა ზაპოროჟიესთან სამოქალაქო ჰუმანიტარული კოლონა დაბომბეს. მისი ცნობით, არიან დაღუპულები და დაშავებულები. „ადამიანები რიგში იდგნენ, რომ დროებით ოკუპირებულ ტერიტორიაზე შესულიყვნენ, რათა ახლობლები წამოეყვანათ და დახმარება მიეტანათ“, – წერს სტარუხი. მელიტოპოლის მერის, ივან ფედოროვის განცხადებით, დაშავებულებს შორის მელიტოპოლის მცხოვრებლებიც არიან. „ჯერჯერობით შეუძლებელია დაღუპულთა და დაშავებულთა რიცხვის დათვლა“, – წერს ფედოროვი.

უკრაინის შეიარაღებული ძალების გენერალური შტაბი რუსი ოკუპანტების სამხედრო დანაკარგის შესახებ განახლებულ ინფორმაციას ავრცელებს. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 59 080; ​ტანკი – 2 338; ჯავშანტექნიკა – ​4 932; საარტილერიო სისტემა – 1 391; სარაკეტო სისტემა – 333; საზენიტო საბრძოლო სისტემა – 176; თვითმფრინავები – 264; ვერტმფრენი – 225; ოპერატიულ-ტაქტიკური უპილოტო საფრენი აპარატი – 1 003; საკრუიზო რაკეტები – 246; საავტომობილო ტექნიკა და საწვავის ავზები – 3 768; გემი/ნავი/კატარღა – 15; სპეციალური აღჭურვილობა – 131. აღნიშნული მონაცემები 24 თებერვლიდან 30 სექტემბრამდე პერიოდს მოიცავს.

რუსეთის პრეზიდენტი, ვლადიმერ პუტინი დასავლეთს ძველი კონფლიქტების აღდგენასა და  ახალი კრიზისების შექმნაში ადანაშაულებს. ამის შესახებ პუტინმა დამოუკიდებელ სახელმწიფოთა თანამეგობრობის უსაფრთხოებისა და დაზვერვის სამსახურების წარმომადგენლებთან შეხვედრაზე  განაცხადა. მისივე თქმით, ეს კეთდება იმისთვის, რომ არ მოხდეს უფრო სამართლიანი მსოფლიო წესრიგის ჩამოყალიბება. ,,ჩვენი გეოპოლიტიკური მოწინააღმდეგეები, ჩვენი ოპონენტები, როგორც ახლახანს ვთქვით, თავიანთი მიზნების შესაბამისად, მზად არიან დარტყმა მიაყენონ ყველას, ნებისმიერს, ნებისმიერ ქვეყანას, გადააქციონ ის კრიზისის ეპიცენტრად, მოაწყონ ფერადი რევოლუცია და გააჩაღონ სისხლიანი ხოცვა-ჟლეტა. ეს ყველაფერი არაერთხელ გვინახავს, ეს კეთდება იმისთვის, რომ არ მოხდეს უფრო სამართლიანი მსოფლიო წესრიგის ჩამოყალიბება. დასავლეთი ცდილობს აღადგინოს ძველი კონფლიქტები, შექმნას…

კონგრესმენი ადამ კინზინგერი ალექსანდრე ლუკაშენკოს ოკუპირებულ აფხაზეთში ჩასვლას ეხმიანება და აღნიშნავს, რომ მნიშვნელოვანია, საერთაშორისო საზოგადოებამ მკაფიო მესიჯები გააჟღეროს, საქართველოს ოკუპირებულ ტერიტორიებთან დაკავშირებით. „მართალია გასაკვირი არაა, რომ დესპოტი ბელარუსიდან ყველაფერს ისე აკეთებს, როგორც მას მოსკოვიდან კარნახობენ, თუმცა საერთაშორისო საზოგადოებამ ძალიან ნათლად უნდა დააფიქსიროს, რომ ცხინვალი და აფხაზეთი იყო და ყოველთვის იქნება საქართველოს ტერიტორია“, – განაცხადა ადამ კინზინგერმა. მისივე თქმით, ლუკაშენკოს ვიზიტი აფხაზეთში უკრაინაში კრემლის წარუმატებლობებთანაც არის კავშირში. „ახლა, როდესაც პუტინის კამპანია უკრაინაში სუსტდება, ქართველები ფრთხილად უნდა იყვნენ კრემლის მხრიდან ნებისმიერი პოტენციური ნაბიჯის მიმართ. საქართველომ ძალიან კარგად იცის ყველა იმ საფრთხის შესახებ,…

რუსეთის პრეზიდენტმა, ვლადიმირ პუტინმა ,,ჩრდილოეთ ნაკადის” გაზსადენის მილებზე მომხდარ აფეთქებას  საერთაშორისო ტერორისტული აქტი უწოდა. ამის შესახებ  მან თურქეთის პრეზიდენტ, რეჯეფ თაიფ ერდოღანთან საუბრისას განაცხადა. „რუსეთის პრეზიდენტმა მწვავე შეფასება მისცა უპრეცედენტო დივერსიას, ფაქტობრივად, საერთაშორისო ტერორიზმის აქტს Nord Stream 1 და Nord Stream 2 გაზსადენების წინააღმდეგ. აღინიშნა, რომ რუსეთი ამ საკითხს გაეროში სასწრაფოდ განსახილველად წარადგენს“, – ნათქვამია კრემლის განცხადებაში. შეგახსენეთ, „ჩრდილოეთის ნაკად 1“-ის და „ჩრდილოეთის ნაკად 2“-ის გაზსადენებზე გაჟონვასთან დაკავშირებით ინფორმაცია 27 სექტემბერს გავრცელდა.

უკრაინის ვიცე-პრემიერი დროებით ოკუპირებული ტერიტორიების რეინტეგრაციის საკითხებში ირინა ვერეშჩუკი პოლონეთის, ლატვიის, ესტონეთის, ლიეტუვისა და საქართველოს მთავრობებს თხოვნით მიმართავს, ყირიმელ თათრებს ქვეყანაში შესვლაზე უარი არ უთხრან. ,,მივმართავთ პოლონეთის, ლატვიის, ესტონეთის, ლიეტუვისა და საქართველოს მთავრობებს, მიაქციონ ყურადღება ამ პრობლემებს. ვთხოვთ ჩვენს მეგობარ ქვეყნებს, ხელი შეუწყონ ყირიმის ძირძველი ხალხების უკრაინული ყირიმის ტერიტორიიდან და რუსეთის ფედერაციის ტერიტორიიდან მესამე ქვეყნებში გადასვლას. ახლა საერთაშორისო თანამეგობრობის მხრიდან ყირიმის მკვიდრი ხალხების მხარდაჭერა ისეთი მნიშვნელოვანია, როგორც არასდროს!“ – განაცხადა ვერეშჩუკმა. მისი თქმით, ყირიმელი თათრები მესამე ქვეყნებში გადასვლით,  ცდილობენ, თავი აარიდონ მტრის არმიაში მობილიზებას, მაგრამ რეინტეგრაციის სამინისტრომ მიიღო ინფორმაცია, რომ…

,,დაიცავით თქვენი თავისუფლება ქუჩებსა და მოედნებზე, რათა მოგვიანებით არ მოგიწიოთ ბრძოლა მთებსა და ტყეებში უბრალოდ თქვენი სიცოცხლის უფლების დასაცავად,”- ამ სიტყვებით უკრაინის პრეზიდენტი კავკასიაში, ციმბირსა და რუსეთის ფედერაციის სხვა რეგიონებში მცხოვრებ ერებს მიმართავს. ზელენსკის თქმით, მათ არ აქვთ ვალდებულება ემსახურონ პუტინს. „კავკასიელო ხალხო, რუსეთის ტერიტორიაზე მცხოვრებო ყველა ერო – თქვენ არ გაქვთ მიზეზი, იყოთ იმ მრავალთა შორის, ვინც ჯერ კიდევ ემსახურება მას, ერთადერთს, ვისაც ეს ომი უნდა. უკრაინაში არ უნდა დაიღუპოთ. თქვენი ვაჟები არ უნდა დაიღუპონ უკრაინაში. თქვენ არ გაქვთ ასეთი ვალდებულება, არც თქვენი მამების წინაშე, არც თქვენი შვილების წინაშე,…

აშშ-ის პრეზიდენტი პუტინის მიერ უკრაინის ტერიტორიებში „რეფერენდუმის“ ჩატადებას და შემდეგ დამოუკიდებელ ტერიტორიებად აღიარებას გმობს და აცხადებს, რომ აშშ უკრაინის ტერიტორიებზე რუსეთის პრეტენზიებს არასდროს აღიარებს. „მსურს, ვიყო ძალიან მკაფიო აღნიშნული საკითხის მიმართ. ჩვენ  არასოდეს, არასოდეს, არასოდეს ვაღიარებთ რუსეთის პრეტენზიებს უკრაინის სუვერენულ ტერიტორიაზე. ჩატარებული „რეფერენდუმი“ იყო ყალბი, ტყუილი. შედეგები მომზადდა მოსკოვში. უკრაინელი ხალხის ჭეშმარიტი ნება ვლინდება ყოველდღიურად, რამდენადაც ისინი სიცოცხლეს სწირავენ თავიანთი ხალხის გადასარჩენად და ქვეყნის დამოუკიდებლობის შესანარჩუნებლად, ასევე თავისუფლების დასაცავად. რუსეთის თავდასხმა უკრაინაზე, პუტინის იმპერიული ამბიციების განსახორციელებლად, არის გაერო-ს წესდების, სუვერენიტეტისა და ტერიტორიული მთლიანობის ძირითადი პრინციპების უხეში დარღვევა“, – აცხადებს პრეზიდენტი ბაიდენი.…

რუსეთის მიერ ოკუპირებული უკრაინის ტერიტორიების ანექსიასთან დაკავშირებით გაეროს გენერალური მდივანი განცხადებას ავრცელებს. როგორც  ანტონიო გუტერეში აცხადებს, უკრაინის რეგიონების ანექსია „საშიში ესკალაცია” იქნება. “უკრაინის დონეცკის, ლუგანსკის, ხერსონისა და ზაპოროჟიეს რეგიონების ანექსიის ნებისმიერ გადაწყვეტილებას არ ექნება იურიდიული ღირებულება და დაგმობას იმსახურებს”, – აღნიშნა გუტერეშმა. მისივე თქმით, ანექსია ხელს შეუშლის შესაძლებლობას, მიაწოდონ  სიცოცხლის გადამრჩენი დახმარება უკრაინაში და მის ფარგლებს გარეთ. ინფორმაციისთვის, პუტინმა „რეფერემდუმის“ შედეგები ოფიციალურად აღიარა და ოკუპირებული რეგიონები დამოუიდებლად გამოაცხადა. პუტინმა ოკუპირებული უკრაინის ტერიტორიები დამოუკიდებელ ტერიტორიებად აღიარა

რუსეთის ფედერაციის პრეზიდენტმა  ხელი მოაწერა განკარგულებას უკრაინის ოკუპირებული ხერსონისა და ზაპოროჟიეს ოლქების „დამოუკიდებელ“ ტერიტორიებად აღიარებასთან დაკავშირებით. „საერთაშორისო სამართლის საყოველთაოდ მიღებული პრინციპებისა და ნორმების შესაბამისად, ხალხთა თანაბარი უფლებებისა და თვითგამორკვევის პრინციპის აღიარებითა და დადასტურებით, რომელიც გათვალისწინებულია გაერთიანებული ერების ორგანიზაციის წესდებაში, ხერსონის რეგიონის ხალხის მიერ, „რეფერენდუმზე“ გამოხატული ხალხის ნების გათვალისწინებით, რომელიც გაიმართა 2022 წლის 27 სექტემბერს, ვადგენ: აღიარებულ იქნას ხერსონის ოლქის სუვერენიტეტი და დამოუკიდებლობა“, – აღნიშნულია დოკუმენტში. ანალოგიური დოკუმენტი გამოქვეყნდა ზაპოროჟიეს ოლქის „დამოუკიდებლად“ აღიარებასთან დაკავშირებითაც.  

რუსული მედიის ინფორმაციით, პრეზიდენტმა შესაბამის უწყებებს დავალება მისცა, ის ხარვეზები გამოასწორონ, რაც ნაწილობრივი მობილიზაციის გამოცხადების შემდეგ შეიქმნა. საუბარია ტექნიკურ ნაწილზე, გაწვეულთა პირობებზე, აღჭურვასა და სხვა საკითხებზე. „ჩვენი მოქალაქეებისგან არაერთი ინფორმაცია შემოდის გაწვევის ორგანიზებაზე, აღჭურვის ხარისხზე, გაწვეულთა საცხოვრებელ პირობებსა  და სხვა საკითხებზე. ყველა შეცდომა უნდა გამოვასწოროთ და თავიდან ავიცილოთ სამომავალოდ“, – აღნიშნა პუტინმა უშიშროების საბჭოს  წევრებთან შეხვედრაზე. მისი შეფასებით, აუცილებელია თითოეულ საკითხის ინდივიდუალურად განხილვა და თუ შეცდომა დაფიქსირდება, უნდა მოგვარდეს. რუსეთის ფედერაციის პრეზიდენტის განცხადებით, ნაწილობრივ გაწვევას ექვემდებარებიან მხოლოდ ის რუსები, ვისაც საბრძოლო გამოცდილება გააჩნია.  

იტალიის საელჩო რუსეთში მცხოვრებ იტალიელებს  მოუწოდებს, რაც შეიძლება სწრაფად დატოვონ რუსეთის ტერიტორია. განცხადებაში, რომელსაც საელჩო ავრცელებს, საუბარია, რომ შექმნილი დაძაბული მდგომარეობისა და გართულებული ავია და საგზაო მიმოსვლის გამო, იტალიის მოქალაქეები რუსეთიდან უნდა გავიდნენ. საელჩო საკუთარ მოქალაქეებს აფრთხილებს, რომ ავიაბილეთები კატასტროფულად ძვირდება. აქედან გამომდინარე, ურჩევს, დროულად მოახერხონ ბილეთის შეძენა.  

რუსეთის მხრიდან, კერძოდ კი ყოფილი პრეზიდენტისა და უშიშროების საბჭოს თავმჯდომარის მოადგილის დიმიტრი მედვედევისგან არაერთხელ გაჟღერდა ინფორმაცია, რომ თუ საჭირო გახდება და რუსეთს საფრთხე დაემუქრება, ატომურ იარაღსაც გამოიყენებენ. პოლონეთის საგარეო საქმეთა მინისტრის კი აცხადებს, რომ თუ რუსეთი ატომურ იარაღის გამოყენებას გადაწყვეტს, შესაძლოა, ნატომ  უკრაინაში ჯარი შეიყვანოს. „რუსეთისგან მოსალოდნელი ატომური შეტევის შემთხვევაში ჩრდილო ატლანტიკური ალიანსის პასუხი იქნება უკრაინაში ჯარების შეყვანა“ – აცხადებს პოლონეთის საგარეო საქმეთა მინისტრი ზბიგნევ რაუ.  

ახრა ავიძბა აფხაზეთში იმყოფება. ბატალიონ „პიატნაშკის“ მეთაური რუსეთის მიერ ოკუპირებულ ტერიტორიას დაუბრუნდა. აფხაზური მედიის ინფორმაციით, როგორც ავიძბამ განაცხადა, მისი აფხაზეთში ყოფნა აფხაზეთის გამარჯვებისა და დამოუკიდებლობის დღის აღნიშვნას უკავშირდება, რომელიც ოკუპირებულ ტერიტორიაზე ხვალ, 30 სექტემბერსა აღინიშნება. სოციალურ ქსელში გავრცელებული ინფორმაციით, აფხაზეთში ბატალიონის სხვა მებრძოლებიც იმყოფებიან.

უკრაინის თავდაცვის მინისტრის, ოლექსი რეზნიკოვის განაცხადებით, ბელარუსები უკრაინასთან საომრად მოტივაია არ გააჩნია. მისი შეფასებით,  უკრაინის სამხედრო ხელმძღვანელობა ბელარუსში მიმდინარე პროცესებს ყურადღებით აკვირდება. „ჩვენ თვალს ვადევნებთ მანევრებს ბელარუსში და ყველაფრისთვის მზად ვართ. თუმცა მე ოპტიმისტი დავრჩები, რადგან მეჩვენება, რომ ბელარუსები უკრაინასთან საომრად ძალიან მოტივირებულები არ არიან ”, – აცხადებს რეზნიკოვი. მისი ვე თქმით, უკრაინის შეიარაღებული ძალები სხვადასხვა სცენარისთვის ემზადებიან და წვრთნას ევროკავშირის ტერიტორიაზე გადიან.  

ქალაქ დნიპროზე რუსეთის მიერ, ღამით განხორციელებული თავდასხმის შედეგად დაღუპულთა რიცხვი 4-მდე გაიზარდა. დნეპროპეტროვსკის რეგიონული სამხედრო ადმინისტრაციის უფროსის, ვალენტინ რეზნიჩენკოს ინფორმაციით, სარაკეტო იერიშს 2 ბავშვი –  8 წლის ბიჭი, 9 წლის გოგონა და ორი ზრდასრული მოქალაქე ემსხვერპლა. საგანგებო სიტუაციების მართვის სამსახურის ცნობით, დაშავდა 5 ადამიანი, მათ შორის 12 წლის მოზარდი. სარაკეტო თავდასხმის შედეგად, დაზიანდა 60-ზე მეტი კერძო სახლი, რამდენიმე მაღალსართულიანი შენობა და ელექტროგადამცემი ხაზები.

უკრაინის პრეზიდენტის პრესსპიკერის სერგეი ნიკიფოროვის ინფორმაციით,  ვოლოდიმირ ზელენსკი 30 სექტემბერს ეროვნული უსაფრთხოებისა და თავდაცვის საბჭოს საგანგებო სხდომას მოიწვევს. ,,პრეზიდენტი ვოლოდიმირ ზელენსკი ხვალ უკრაინის ეროვნული უსაფრთხოებისა და თავდაცვის საბჭოს სასწრაფო სხდომას იწვევს. დღის წესრიგს და სხვა დეტალებს მოგვიანებით გამოვაცხადებთ”,- წერს ნიკიფოროვი.  

ტუვაში, ნაწილობრივი მობილიზაციის წინააღმდეგ გამართულ აქციაზე პოლიციამ 20-მდე ქალი დააკავა. სოციალურ ქსელებში გავრცელებულ ფოტოებში ჩანს, რომ სამართალდამცველები ქალებს ძალის გამოყენებით აკავებენ. ქალაქის მოედანზე გამართულ აქციაზე შეკრებილი ქალები, ლოზუნგით “არა გენოციდის” და “არა მობილიზაციას” პუტინის გადაწყვეტილებას აპროტესტებდნენ.  პოლიციამ აქციის დაშლა დაწყებიდან 5 წუთში დაიწყო.

ევროკომისიის საგარეო ქმედებათა სამსახურის პრეს-სპიკერის, პიტერ სტანოს განცხადებით, ევროკავშირი ბელარუსის პრეზიდენტის, ალექსანდრე ლუკაშენკოს ოკუპირებულ აფხაზეთში ვიზიტს გმობს. მისი თქმით, აღნიშნული ვიზიტი არღვევს საქართველოს სუვერენიტეტსა და ტერიტორიულ მთლიანობას და წარმოადგენს საერთაშორისო სამართლის უხეშ დარღვევას. „ევროკავშირი მკაცრად ვგმობთ ალექსანდრ ლუკაშენკოს ვიზიტს საქართველოს აფხაზეთში, სეპარატისტულ რეგიონში იმ ფაქტის მიუხედავად, რომ პიროვნებას, ლუკაშენკოს არ აქვს არანაირი ლეგიტიმურობა, იმოქმედოს როგორც სახელმწიფოს მეთაურმა. ეს ვიზიტი განხორციელდა საქართველოს მთავრობის თანხმობის გარეშე, რომელიც არის აფხაზეთის რეგიონის ერთადერთი ლეგიტიმური ხელისუფლება. ასე რომ, ეს ვიზიტი არღვევს საქართველოს სუვერენიტეტს, ტერიტორიულ მთლიანობას და წარმოადგენს საერთაშორისო სამართლის უხეშ დარღვევას. ერთადერთი, რაც შემიძლია, დავამატო,…

ნაწილობრივი მობილიზაციის გამოცხადების შემდეეგ, რუსეთის პრეზიდენტის, ვლადიმერ პუტინის რეიტინგმა იკლო. კვლევის თანახმად, 6 პროცენტით შემცირდა ვლადიმერ პუტინის საქმიანობის დადებითი შეფასებაც. გამოკითხულთა 77% პუტინის საქმიანობას დადებითად, ხოლო 21 % – უარყოფითად აფასებს. გამოკითხულთა 27% მიიჩნევს, რომ ქვეყანა არასწორი მიმართულებით მიდის – აგვისტოში კი ეს მაჩვენებელი – 24% იყო.

რუსეთის პრეზიდენტის პრესსპიკერის, დმიტრი პესკოვის განცხადებით, ვლადიმერ პუტინსა და ალექსანდრ ლუკაშენკოს სოჭში მინსკის მიერ აფხაზეთის აღიარების საკითხი არ განუხილავთ. მისივე თქმით, საუბარი არ ყოფილა არც ყირიმის აღიარებაზე. „ეს არის აბსოლუტურად შიდა საქმე, ბელარუსის სუვერენული უფლება და ჩვენ ველოდებით, რომ ჩვენი ბელარუსი ამხანაგები დამოუკიდებლად და მათთვის სათანადო დროს მიიღებენ შესაბამის გადაწყვეტილებას“, – განაცხადა პესკოვმა. შეგახსენებთ, გუშინ ბელარუსის პრეზიდენტი ალექსანდრ ლუკაშენკო ოკუპირებულ აფხაზეთში გუშინ ჩავიდა.