დღე: სექტემბერი 27, 2022

დიდი ბრიტანეთის დაზვერვის ინფორმაციით, ვლადიმერ პუტინმა უკრაინის ოკუპირებული ტერიტორიების რუსეთის შემადგენლობაში შესვლა შესაძლოა, 30 სექტემბერს გამოაცხადოს. უწყების ცნობით, 30 სექტემბერს რუსეთის პრეზიდენტი პარლამენტის ორივე პალატას მიმართავს და  უკრაინის ლუგანსკის, დონეცკის, ხერსონისა და ზაპოროჟიეს ოლქებში რუსეთის შემადგენლობაში შესვლის შესახებ ოფიციალურად განაცხადოს. ,,არსებობს რეალური შესაძლებლობა, რომ პუტინმა გამოიყენოს თავისი მიმართვა, რათა ოფიციალურად გამოაცხადოს უკრაინის ოკუპირებული რეგიონების რუსეთის ფედერაციაში შეერთება. ამ ტერიტორიებზე ამჟამად მიმდინარე რეფერენდუმი 27 სექტემბერს უნდა დასრულდეს”, – ნათქვამია დაზვერვის განცხადებაში.

უკრაინული მხარის ინფორმაციით, ხერსონის ოლქის ოკუპირებული ნაწილი როგორც შემსვლელთათვის, ისე გამომსვლელთათვის ჩაკეტეს. როგორც უკრაინის შეიარაღებული ძალების გენერალურ შტაბში აცხადებენ, ზაპოროჟიეს ატომურ ელექტროსადგურზე ვითარება კვლავ დაძაბულია. „ზაპოროჟიეს ატომურ ელექტროსადგურზე ვითარება კვლავ დაძაბულია. სადგურის თანამშრომლებს არ სურთ მტერთან თანამშრომლობა და ცდილობენ დატოვონ ოკუპანტების მიერ დროებით ოკუპირებული ტერიტორიები. ხერსონის ოლქის ოკუპირებული ნაწილი როგორც შემსვლელთათვის, ისე გამომსვლელთათვის მთლიანად დაკეტილია“, – აცხადებენ უწყებაში.  

რუსეთიდან სხვადასხვა ქვეყანაში გაქცეულებთან დაკავშირებით თეთრ სახლში კომენტარი გააკეთეს და აღნიშნეს, რომ მათ შეუძლიათ თავშესაფარი მოითხოვონ როგორც  თეთრი სახლის პრესმდივანი აცხადებს, თავშესაფრის მინიჭების საკითხი ინდივიდუალურად განიხილება. „ჩვენ მკაფიოდ განვასხვავებთ რუსეთის მთავრობისა და შეიარაღებული ძალების ქმედებებს უკრაინაში და ამავდროულად, რუსი ხალხის ქმედებებს, რომელთა დიდი ნაწილი ომის წინააღმდეგ გამოვიდა. ვხედავთ, რომ რუსეთში პროტესტი გრძელდება. ნებისმიერს, ვინც თავშესაფარს ეძებს დევნისგან, განურჩევლად მისი ეროვნებისა, შეუძლია, აშშ-ის მიმართოს თავშესაფრის მინიჭების თხოვნით და მისი განაცხადი ინდივიდუალური წესით განიხილება“ – განაცხადა თეთრი სახლის წარმომადგენელმა. ექსპერტები აღნიშნულ საკითხს სხვაგვარად უდგებიან და აცხადებენ რომ გაქცეულები არა უკრაინაში წარმოებულ რუსეთი…

ირანის საგარეო საქმეთა მინისტრი, ჰოსეინ ამირ-აბდოლაჰიანი აცხადებს, რომ რუსეთთან თავდაცვის სფეროში არსებული თანამშრომლობის მიუხედავად, ირანი ომს მხარს არ უჭერს. მისი მტკიცებით, იარაღს არც რუსეთს აწვდის და არც უკრაინას. „მართალია, რუსეთთან არსებობს შეთანხმება თავდაცვის სფეროში თანამშრომლობასთან დაკავშირებით, თუმცა, ჩვენ არ ვუჭერთ მხარს უკრაინის ომის არც ერთ მხარეს. კატეგორიულად ვეწინააღმდეგებით ნებისმიერ ომს, იქნება ეს უკრაინაში, იემენში თუ პალესტინაში და ჩვენ ასევე ჩართული ვართ უკრაინაში მშვიდობისა და ცეცხლის შეწყვეტის მცდელობებში. არასწორად მიგვაჩნია რომელიმე მხარისთვის იარაღის გაგზავნა, იქნება ეს უკრაინასა თუ რუსეთში“, – აცხადებს ირანის საგარეო უწყების ხელმძღვანელი. შეგახსენებთ, რომ უკრაინამ, საკუთარ ტერიტორიაზე რუსების…

ამერიკის შეერთებული შტატების სახელმწიფო დეპარტამენტი ედვარდ სნოუდენისთვის რუსეთის მოქალაქეობის მინიჭებას ეხმიანება და აცხადებს, რომ მას მოუწევს აშშ-ში დაბრუნება და პასუხისგება.  შტატები არ გამორიცხავს, რუსეთის მოქალაქეობის მინიჭების შემდეგ, ის უკრაინის ომშიც გაიწვიონ. „ჩვენი პოზიცია არ შეცვლილა. ბატონი სნოუდენი უნდა დაბრუნდეს აშშ-ში, სადაც ის უნდა წარდგეს მართლმსაჯულების წინაშე  ისევე როგორც ნებისმიერი სხვა ამერიკელი მოქალაქე. შესაძლოა, ერთადერთი რამ, რაც შეიცვალა მის მოქალაქეობასთან დაკავშირებით არის ის, რომ როგორც ჩანს, სავსებით შესაძლებელია, უკრაინაში მიმდინარე უგუნურ ომში საბრძოლველად გაიწვიონ“, – განაცხადა ნედ პრაისმა. შეგახსენებთ, რომ ჯაშუშობისთვის ბრალდებულ ამერიკის მოქალაქეს ვლადიმერ პუტინმა რუსეთის მოქალაქეობა მიანიჭა. ჯაშუშობისთვის ბრალდებულ ედუარდ სნოუდენს პუტინმა…

უკრაინის პრეზიდენტი რუსეთის დანაშაულის გამოსაძიებლად სპეციალური საერთაშორისო ტრიბუნალის შექმნის საჭიროების საკითხს აყენებს. ვოლოდიმირ ზელენსკიმ სამხედრო მეთაურობასთან თათბირი გამართა, სადაც სხვა საკითხებთან ერთად, აღნიშნულ საკითხზეც ისაუბრა. მისივე შეფასებით, რთული ვითარებაა დონეცკის ოლქში, სადაც უკრაინელი მებრძოლები ყველაფერს აკეთებენ მტრის აქტიურობის შესაკავებლად. „დონეცკის ოლქში რუსეთის შეტევის მუდმივი მცდელობები დიდი ალბათობით ომების ისტორიაში შევა, როგორც საკუთარი სამხედროების ყველაზე ცინიკური მკვლელობა. რუსეთში დაწყებული მობილიზაცია არის ღია მცდელობა, მისცენ ადგილზე წარმოდგენილ მეთაურებს საზარბაზნე ხორცის მუდმივი ნაკადი. მათ იგრძნეს, რომ წააგებენ და ცდილობენ, დრო გადაწიონ და დააყენონ ვინმე იარაღით ხელში დაღუპულების ნაცვლად. სამწუხაროდ, რუსული საზოგადოება ჯერ ვერ…

უკრაინული მხარე ირანული დრონების ჩამოგდების შესახებ ინფორმაციას ავრცელებს. უკრაინის შეიარაღებული ძალების საჰაერო სარდლობის ინფორმაციით, ჩამოგდებულია „კამიკაძე“ დრონები. „გასული დღის განმავლობაში, უკრაინის შეიარაღებული ძალების საჰაერო ძალების საზენიტო-სარაკეტო ნაწილებმა ოთხი „შაჰედ-136“ –„კამიკაძე“ გაანადგურეს“, – აღნიშნულია ინფორმაციაში. ჩამოგდება ოდესის ტერიტორიაზე მოხდა.  

უკრაინული მხარის ინფორმაციით, მაშ შემდეგ რაც გაავრცელეს ინფორმაცია, რომ ტყვედ ჩაბარების შემთხვევაში რუს სამხედროებს არაფერი ემუქრებათ, „ცხელ ხაზზე“ უამრავი ზარი შედის რუსეთიდან და კითხულობენ როგორ უნდა ჩაბარდნენ ტყვედ. „ცხელ ხაზზე“ ახლა უამრავი ზარია ახლად მობილიზებული რუსებისგან და მათგან, ვინც ჯერ არ არის მობილიზებული. გვირეკავენ და გვეკითხებიან, მობილიზების შემთხვევაში, რა უნდა გავაკეთო, როგორ ჩავბარდეთ ტყვედ-ომ აცხადებს უკრაინის თავდაცვის სამინისტროს მთავარი სადაზვერვო სამმართველოს წარმომადგენელი ანდრეი იუსოვი. მისი შეფასებით, რუსებს დაბალი მოტივაცია აქვთ და საერთოდ არ სურთ ომში წასვლა, უბრალოდ, ვინც ქვეყნიდან ვერ გაასწრო და ძალით მიჰყავთ სხვა გზა არ რჩებათ.