დღე: სექტემბერი 2, 2022

,,უკრაინის ხელისუფლებამ საკუთარი ტერიტორიების გათავისუფლება არცერთ სახელმწიფოსთან არ უნდა შეათანხმოს,”- ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა განაცხადა. დანილოვმა უპასუხა კითხვას, არის თუ არა შეთანხმებული ყირიმის გათავისუფლება ბრიტენთთან, შტატებთან, გერმანისთან და პოლონეთთან. „ჩვენ არ უნდა შევათანხმოთ ჩვენი ტერიტორიების გათავისუფლება, თუ საუბარი იყო რუსეთის ფედერაციის ტერიტორიაზე არსებული ობიექტების წინააღმდეგ იმ იარაღის გარკვეულ ეტაპებზე გამოუყენებლობაზე, რომელიც აშშ-დან მივიღეთ, ეს ცოტა სხვა საკითხია“, – განაცხადა დანილოვმა.

მოლდოვის პრეზიდენტი მაია სანდუ   სერგეი ლავროვის განცხადებას ეხმიანება, რომელმაც სიტყვით გამოსვლისას განაცხადა, რომ ნებისმიერი ქმედება, რომელიც ჩაითვლება დნესტრისპირეთში დისლოცირებული რუსი სამხედროებისადმი საფრთხის შემცველად, კრემლის მიერ რუსეთზე თავდასხმად იქნება აღქმული. მაია სანდუს თქმით,  რუსეთი მოლდოვაში სიტუაციის დესტაბილიზაციას ცდილობს. „ყოველ ჯერზე ვსაუბრობთ და ახლაც ვაგრძელებთ იმის თქმას, რომ დნესტრისპირეთის კონფლიქტის გადასაჭრელად ავირჩევთ და მივიღებთ მხოლოდ და მხოლოდ მშვიდობიან გადაწყვეტილებებს, ამიტომ ლავროვის განცხადებები წარმოადგენს მანიპულაციას და სავარაუდოდ მიზნად ისახავს სიტუაციის დესტაბილიზაციას“, – განაცხადა მოლდოვის პრეზიდენტმა. სანდუს განცხადებით, დნესტრისპირეთის კონფლიქტის მოგვარება მხოლოდ მშვიდობიანი და დიპლომატიური გზითაა შესაძლებელი. „ჩვენ უნდა ვკითხოთ ლავროვს, რატომ გააკეთა ეს…

პოლონეთი გერმანიისგან მეორე მსოფლიო ომის დროს მიყენებული ზარალის ასანაზღაურებლად, 1,3 ტრილიონი ევროს გადახდას მოითხოვს. პოლონეთის მმართველი პარტიის ლიდერის, იაროსლავ კაჩინსკის განცხადებით,  ვარშავა ამ საკითხზე ბერლინთან მოლაპარაკებების გამართვას აპირებს. მისივე განმარტებით, არ არის გამორიცხული,  თანხის ოდენობა კიდევ გაიზარდოს. კაჩინსკის თქმით, გერმანიის ეკონომიკა ამ ოდენობის კომპენსაციის გადახდას „მშვენივრად აიტანს“. „სიმართლის დადგენისა და კომპენსაციის გადახდის გარეშე გერმანიასთან ნორმალური ურთიერთობები შეუძლებელია“,- განაცხადა  პოლონეთის პრემიერ-მინისტრმა, მატეუშ მორავეცკიმ.  

კიევის ოლქში, ბუჩანსკის დასახლებაში, რუსების მიერ ნაწამები კიდევ ერთი ცხედარი აღმოაჩინეს. აღნიშნულ ინფორმაციას  უკაინული მედია, კიევის რეგიონის პოლიციის უფროს ანდრეი ნებიტოვზე დაყრდნობით ავრცელებს. როგორც განცხადებაშია აღნიშნული, ცხედარს წამების კვალი აღენიშნება. ,,ხელები შეუკრეს, თავზე გადააფარეს და სიკვდილით დასაჯეს. ეს ადამიანი ოკუპანტების მიერაა ნაწამები. მისი ცხედარი რუსულ არმიის ყოფილ პოზიციებზე აღმოვაჩინეთ. გარდაცვლილის სავარაუდო ასაკი 40-50 წელია. დაზიანებები აღენიშნებოდა კისერსა და ტანის არეში. მოკლულს ჩექმები ეცვა და თან ჰქონდა სეიკოს საათი. თუ რამე ინფორმაციას ფლობთ მისი იდენტიფიცირების შესახებ, გთხოვთ აცნობეთ კიევის პოლიციას“, – ნათვამია განცხადებაში.

უკრაინის ანტიკორუფციულმა სასამართლომ რუს სანქცირებულ მილიარდერს, ვლადიმირ ევტუშენკოვს აქტივები ჩამოართვა. არსებული ინფორმაციით, ევტუშენკოვს უძრავი ქონების 17 ობიექტი ჩამოერთვა, ასევე წილი რამდენიმე უკრაინულ კომპანიაში. რუსი მილიარდერის აქტივების კონფისკაციის მიზეზად, ევტუშენკოვის კუთვნილი კომპანიების მიერ, რუსეთის ტერიტორიაზე დრონებისა და რადიოლოკაციურ სადგურების წარმოება დასახელდა. ცნობისთვის,ეს პირველი შემთხვევაა, როდესაც რუსეთის მოქალაქეს უკრაინაში აქტივები ჩამოართვეს.

გერმანიის კანცლერის ოლაფ შოლცის განცხადებით, რუსულ ბუნებრივ აირზე სრულად უარის თქმა არც ისე პასუხისმგებლიანი ნაბიჯი იქნება. მისი თქმით, ქვეყანა კარგად არის მომზადებული ზამთრისთვის და შეუძლია, გაუმკლავდეს ნებისმიერ შეფერხებას, რომელიც შესაძლოა, მოჰყვეს რუსეთის მხრიდან ბუნებრივი აირის შეწყვეტას. „ძალიან რთულიც რომ იყოს, სავარაუდოდ ამ ზამთარს გადავიტანთ“, – განაცხადა შოლცმა. ამასთან, ოლაფ შოლცი აღნიშნავს, რომ  გერმანიამ ბუნებრივი აირის ალტერნატიული წყაროების მოძიებაზე უნდა იმუშაოს.

აშშ-ის მოქმედი პრეზიდენტი წინამორბედ პრეზიდენტს ექსტრემისტს უწოდებს და აცხადებს, რო ის საფრთხეს უქმნის ამერიკის საფუძვლებს. „ტრამპი და MAGA („გახადე ამერიკა კვლავ დიადი) „რესპუბლიკელები“ წარმოადგენენ ექსტრემიზმს, რომელიც საფრთხეს უქმნის ჩვენი რესპუბლიკის საფუძველს… MAGA-ს ძალები ცდილობენ, ქვეყანა უკან დახიონ. უკან დახიონ ამერიკაში, სადაც არ არსებობს არჩევანის უფლება, კონფიდენციალურობის უფლება, კონტრაცეფციის უფლება, იმაზე დაქორწინების უფლება, ვინც გიყვარს“, – განაცხადა აშშ-ის პრეზიდენტმა. ჯო ბაიდენი საკუთარ მოქალაქეებს მიმართავს, დემოკრატიას გაუფრთხილდნენ და დაიცვან. „დიდი ხნის განმავლობაში ჩვენ ვარწმუნებდით საკუთარ თავს, რომ ამერიკული დემოკრატია გარანტირებულია. მაგრამ ეს ასე არ არის. ჩვენ უნდა დავიცვათ ის. დავიცვათ და ვიბრძოლოთ…