დღე: აგვისტო 5, 2022

,,რუსეთი არ უქმნის საფრთხეს მსოფლიო წესრიგს, ნატო-სგან განსხვავებით, რომელმაც დაგეგმა და განახორციელა 2014 წელს ხელისუფლების ცვლა უკრაინაში და მოახდინა მოსკოვის პროვოცირება საკუთარი საზღვრების რუსეთის საზღვრებთან მოახლოებით,” – ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა. პესკოვის თქმით, მსოფლიო წესრიგისთვის საფრთხეს არა რუსეთი, არამედ ,,ნატო” წარმოადგენს. „ნამდვილი საფრთხე მსოფლიო წესრიგისთვის ჩვენს კონტინენტზე, ევროპაში – ეს ალბათ, ის გადატრიალებაა, რომელიც უკრაინაში 2014 წელს მოხდა და რომელსაც რეჟისორობა ნატო-ს წევრმა ქვეყნებმა გაუწიეს, მიუხედავად გარანტიებისა, რომლებსაც იძლეოდნენ რიგი ქვეყნების საგარეო საქმეთა მინისტრები. აქედან ჩნდება საფრთხე მსოფლიო წესრიგისთვის“, – აღნიშნა დიმიტრი პესკოვმა.

უკრაინის შეიარაღებული ძალების გენერალური შტაბის ინფორმაციით, ომის დაწყებიდან დღემდე უკრაინაში დაახლოებით 41 650 რუსი ჯარისკაცი მოკლეს. უწყების ცნობით, რუსი ოკუპანტების სამხედრო  დანაკარგი ასეთია: ჯარისკაცი – დაახლოებით 41 650; ტანკი – 1 792; ჯავშანტექნიკა – 4 032; საარტილერიო სისტემა – 950; სარაკეტო სისტემა – 260; საზენიტო საბრძოლო სისტემა – 123;  თვითმფრინავები – 223; ვერტმფრენი – 191; ოპერატიულ-ტაქტიკური უპილოტო საფრენი აპარატი – 742; საკრუიზო რაკეტები – 182; საავტომობილო ტექნიკა და საწვავის ავზები – 2 964; გემი/ნავი/კატარღა – 15; სპეციალური აღჭურვილობა – 83. აღნიშნული მონაცემები  24 თებერვლიდან 5 აგვისტომდე პერიოდს მოიცავს.

გასული  დღე-ღამის განმავლობაში რუსმა ჯარისკაცებმა იერიში მიიტანეს ავდეევკისა და ბახმუტის მიმართულებიდან.  უკრაინის გენშტაბის ინფორმაციით, საოკუპაციო ძალები ცეცხლს უხსნიან სამხედრო და სამოქალაქო ინფრასტრუქტურას სხვადასხვა დასახლებულ პუნქტებში. დნეპროპეტროვსკის ოლქის ხელმძღვანელის, ვალენტინ რეზნიჩენკოს ცნობით, რუსი ოკუპანტების სამიზნე ორი რაიონი იყო. ,,რუსულმა არმიამ ცეცხლი გახსნა ორი რაიონის მიმართულებით – ნიკოპოლის და კრივორიზკის. სხვადასხვა იარაღიდან ისროდნენ. მტერმა ნიკოპოლს “გრადის” ტიპის სარაკეტო სისტემიდან ორჯერ დაარტყა. ქალაქში 40 რაკეტა ჩამოვარდა. დაზიანდა 10-მდე კერძო სახლი და კომერციული შენობა, გაჩნდა ხანძარი. ადგილობრივ საწარმოში განადგურდა ავტობუსი და რამდენიმე ავტომობილი”, – განაცხადა რეზნიჩენკომ. უკრაინელი სამხედროების ცნობით, ბოლო დღე-ღამეში უკრაინელმა სამხედროებმა რუსეთის…

უკრაინის გენერალური პროკურატურის ინფორმაციით, რუსეთის სამხედრო აგრესიას უკრაინაში 359 ბავშვი ემსხვერპლა, 700-ზე მეტი კი დაშავდა. პროკურატურის ცნობით, ყველაზე მეტი ბავშვი დაზარალდა დონეცკის რეგიონში – 371, ხარკოვის ოლქში – 195, კიევის ოლქში – 116, ჩერნიგოვის ოლქში – 68, ლუგანსკის ოლქში – 61, ნიკოლაევის ოლქში – 57, ხერსონის ოლქში – 54, ზაპოროჟიეს ოლქში – 40. რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 2 221 სასწავლო დაწესებულება, საიდანაც 230 სრულად განადგურდა.  

უკრაინის პრეზიდენტი ვოლოდიმირ ზელენსკი მორიგ ვიდეომიმართვას ავრცელესბ, სადაც  საერთაშორისო უფლებადამცველი ორგანიზაცია „ამნესთი ინთერნეიშენალის“ ანგარიშს აკრიტიკებს. ზელენსკის განცხადებით, ორგანიზაცია ტერორისტი სახელმწიფოს ამნისტირებას და პასუხისმგებლობის აგრესორის ნაცვლად, მსხვერპლზე დაკისრებას ცდილობს. „სამწუხაროდ, დღეს ორგანიზაცია „ამნესთი ინთერნეიშენალი“ შეეცადა ტერორისტი სახელმწიფოს ამნისტირებას და პასუხისმგებლობის აგრესორის ნაცვლად, მსხვერპლზე დაკისრებას. ყველა, ვინც ცდილობს რუსეთის ამნესტირებას და ქმნის ასეთ საინფორმაციო კონტექსტს, რომ ტერორისტების ზოგიერთი დარტყმები თითქოსდა გამართლებულია ან თითქოსდა გასაგებია, არ შეიძლება, არ ხვდებოდეს, რომ ტერორისტებს ეხმარება“, – აღნიშნავს ზელენსკი. მისივე თქმით, აგრესია უკრაინის წინააღმდეგ არაპროვოცირებული და უბრალოდ ტერორისტულია. „აგრესია ჩვენს წინააღმდეგ არის არაპროვოცირებული და უბრალოდ ტერორისტული და…

„ჩვენ ამ ომს მოვიგებთ. ნებისმიერი ომი მოლაპარაკებებით მთავრდება. თუმცა,  უნდა გავაცნობიეროთ, რომ გზა ამ დიალოგისკენ არის გრძელი და სამწუხაროდ, ძალიან სისხლიანი“,– ამის შესახებ უკრაინის პრეზიდენტმა ვოლოდიმირ ზელენსკიმ განაცხდა. მისივე თქმით, ომის დაწყებამდე  რუსეთისგან მომავალი საფრთხის შესახებ რამდენიმე  სახელმწიფოს ლიდერს მიმართა, რათა ომის პრევენცია მომხდარიყო. „მე ბევრი რამისთვის ვიყავი მზად. მე პუტინს ვურეკავდი. დავურეკე რამდენჯერმე. რუსები მუდამ პოულობდნენ მიზეზს, რომ ეს დიალოგი არ შემდგარიყო. მაგრამ მას შემდეგ, რაც ისინი 24 თებერვალს ჩვენს მიწაზე მოვიდნენ ჩვენს მოსაკლავად, აწამებდნენ ადამიანებს… ამის შემდეგ რა უნდა გამეკეთებინა?! ისევ დამერეკა?!“, – განაცხადა ზელენსკიმ. ვოლოდიმირ ზელენსკი აღნიშნავს, რომ პუტინი ტერორისტია,…