დღე: აგვისტო 3, 2022

ამერიკის შეერთებული შტატების წარმომადგენელთა პალატის სპიკერის, ნენსი პელოსის ტაივანში ვიზიტის საპასუხოდ ჩინეთი ტაივანთან ახლოს საზღვაო და საჰაერო წვრთნებს მართავს. უცხოური მედიის ინფორმაციით, ტაივანის ხელისუფლება მკაცრად გმობს  ჩინეთის ქმედებებს, რადგან აღნიშნული მათივე თქმით, ტაივანის ტერიტორიულ სივრცეში შეჭრაა და ტაივანის საჰაერო და საზღვაო ბლოკადაში მოქცევას ისახავს მიზნად. არსებული ცნობით,  წვრთნები ნენსი პელოსის წასვლის შემდეგ უნდა ჩატარდეს.

დონეცკის რეგიონული სამხედრო ადმინისტრაციის ხელმძღვანელის, პავლო კირილენკოს განცხადებით, რუსმა სამხედროებმა გასული დღის განმავლობაში დონეცკის ოლქში ოთხი მშვიდობიანი მოქალაქე მოკლეს. ,,2 აგვისტოს რუსებმა დონეცკის ოლქში, კრასნოგორივკაში 4 მშვიდობიანი მოქალაქე მოკლეს. კიდევ 7 ადამიანი დაშავდა. მსხვერპლთა ზუსტი რაოდენობის დადგენა მარიუპოლსა და ვოლნოვახაში ამჟამად შეუძლებელია”, – განაცხადა კირილენკომ.

კანადის საგარეო საქმეთა მინისტრის, მელანი ჯოლის განცხადებით, კანადა რუსეთის წინააღმდეგ  დამატებით სანქციებს აწესებს. კანადის მიერ დაწესებული ახალი სანქციები 43 სამხედრო თანამდებობის პირსა და 17 სუბიექტს შეეხება. „რუსული ომის მანქანის აღმაშფოთებელი ქმედებები არ მიეცემა დავიწყებას და კანადა მის პასუხისგებაში მიცემის მიზნით გააგრძელებს თავის პარტნიორებთან მუშაობას საერთაშორისო საზოგადოებაში. კანადა უკრაინის გვერდით დგას“, – განაცხადა  ჯოლიმ.  

აშშ-ის წარმომადგენელთა პალატის სპიკერი ნენსი პელოსი ტაივანის პრეზიდენტს, ცაი ინ-ვენს შეხვდა.​ ნენსი პელოსის განცხადებით, ახლა, როგორც არასდროს, ტაივანის მიმართ ამერიკის სოლიდარობა გადამწყვეტად მნიშვნელოვანია. „დღეს ჩვენი დელეგაცია, რომლითაც ვამაყობ, ტაივანში ჩამოვიდა იმისთვის, რომ ცალსახად განემარტა, ჩვენ არ დავივიწყებთ ტაივანის წინაშე აღებულ ვალდებულებებს და ვამაყობთ ჩვენი მტკიცე მეგობრობით. ახლა, როგორც არასდროს, ტაივანის მიმართ ამერიკის სოლიდარობა გადამწყვეტად მნიშვნელოვანია. და ეს სწორედ ის გზავნილია, რაც აქ ჩამოვიტანეთ“, – განაცხადა ნენსი პელოსიმ. ცაი ინ-ვენმა ნენსი პელოსს ტაივანში ვიზიტისთვის და მხარდაჭერისთვის მადლობა გადაუხადა. „დემოკრატიული ტაივანის წინააღმდეგ ძალადობას ძლიერი გავლენა ექნება ინდოეთ-წყნარი ოკეანის რეგიონზე. ტაივანი არ დანებდება და ჩვენ მუდმივად გავაგრძელებთ ჩვენი…

უკრაინის პრეზიდენტი ვოლოდიმირ ზელენსკი ტრადიციულ ვიდეომიმართვას ავრცელებს, სადაც აღნიშნავს, რომ ელენოვკაში განხორციელებული ტერაქტი გადამწყვეტი არგუმენტია რუსეთის ტერორისტ სახელმწიფოდ აღიარებისთვის. მისი თქმით,  ნატო-ს გენერალურ მდივანთან, იენს სტოლტენბერგთან სატელეფონო საუბრის დროს ლენოვკაში მომხდარი ტერაქტი განიხილა. „რა თქმა უნდა, საუბრის მთავარი თემა ჩვენი თავისუფლებისთვის ბრძოლის თავდაცვითი მხარდაჭერაა. ეს ურთიერთანამშრომლობაა, რომელიც მუდმივად უნდა გავაძლიეროთ ჩვენი საერთო ინტერესებისთვის. რა არის კიდევ საჭირო იმისთვის, რომ რუსეთი ტერორისტ სახელმწიფოდ გამოცხადდეს? რა თქმა უნდა, ოკუპანტები ამაზე პრინციპულ პასუხს ბრძოლის ველზე მიიღებენ. ამ კონტექსტში მინდა, მადლობა გადავუხადო ამერიკის პრეზიდენტს და ამერიკელ ხალხს უკრაინისთვის ახალი სამხედრო დახმარების პაკეტისთვის“, – განაცხადა…

,,აშშ-ის პრეზიდენტ ჯო ბაიდენის ადმინისტრაციას არ სურს, რომ ტაივანში ამერიკელი მაღალი რანგის პოლიტიკოსის ვიზიტი პეკინსა და ვაშინგტონს შორის დაძაბულობის ან კონფლიქტის მიზეზი გახდეს, რადგან ამის საფუძველი არ არსებობს, – ამის შესახებ თეთრი სახლის ეროვნული უსაფრთხოების მრჩეველმა, ჯონ კიბრიმ განაცხადა. მისივე თქმით, აშშ-ის პრეზიდენტი, ჯო ბაიდენი პატივს სცემს ნენსი პელოსის გადაწყვეტილებას, ტაივანში ვიზიტთან დაკავშირებით. „პრეზიდენტი, როგორც ყოფილი სენატორი, სრულად პატივს სცემს კონგრესის წევრების უფლებას და პრეროგატივას, გულწრფელად რომ ვთქვათ, კონგრესის წევრების პასუხისმგებლობას, ჩართონ პალატის სპიკერი საზღვარგარეთ გამგზავრებაში”- აღნიშნა კირბიმ. ამასთან, ჯონ კირბის განმარტებით, აღნიშნული ვიზიტი არ არღვევს ჩინეთის სუვერენიტეტს და ამერიკის…