დღე: ივლისი 25, 2022

გერმანიის პრეზიდენტ ფრანკ-ვალტერ შტაინმაიერის განცხადებით, ომი, რომელსაც რუსეთის პრეზიდენტი ვლადიმერ პუტინი აწარმოებს უკრაინის წინააღმდეგ, ასევე არის ომი ევროპის ერთიანობის წინააღმდეგ. ,,ომი, რომელსაც რუსეთის პრეზიდენტი ვლადიმერ პუტინი აწარმოებს უკრაინის წინააღმდეგ, ასევე არის ომი ევროპის ერთიანობის წინააღმდეგ. ჩვენ არ უნდა დავუშვათ, რომ დაგვყონ. არ უნდა დავუშვათ გაერთიანებული ევროპის დიდი საქმის განადგურება. საუბარია ორმაგი გაგებით ჩვენი ღირებულებების და ჩვენი სამყაროს სისტემის საერთოობაზე“,- განაცხადა გერმანიის პრეზიდენტმა. გერმანიის პრეზიდენტი, უკრაინაში არსებული სრულმასშტაბიანი ომის ფონზე,  ევროპას ერთიანი პოზიციის შენარჩუნებისკენ მოუწოდებს.

უკრაინის შეიარაღებული ძალების გენერალური შტაბის ინფორმაციით, ომის დაწყებიდან დღემდე რუსეთმა უკრაინაში დაახლოებით 39 700 ჯარისკაცი დაკარგა. საოკუპაციო ძალების სამხედრო დანაკარგი ასეთია: ჯარისკაცი – დაახლოებით 39 700; ტანკი – 1 730; ჯავშანტექნიკა – 3 950; საარტილერიო სისტემა – 876; სარაკეტო სისტემა – 257; საზენიტო საბრძოლო სისტემა – 116; თვითმფრინავები – 222; ვერტმფრენი – 188; ოპერატიულ-ტაქტიკური უპილოტო საფრენი აპარატი – 719; საკრუიზო რაკეტები – 174; საავტომობილო ტექნიკა და საწვავის ავზები – 2 832; გემი/ნავი/კატარღა – 15; სპეციალური აღჭურვილობა – 73. მონაცემები მოიცავს 24 თებერვლიდან 25 ივლისამდე პერიოდს.

დიდი ბრიტანეთის დაზვერვა განახლებულ ინფორმაციას ავრცელებს. მათი ცნობით, დონბასსა და ხერსონში უშედეგო ბრძოლები გრძელდება. დაზვერვის ინფორმაციით, რუსული ძალების მეთაურები დილემის წინაშე არიან, გააძლიერონ თავდასხმა აღმოსავლეთში, თუ დასავლეთის მიმართულებით. ამასთამ, დაზვერვა იტყობინება, რომ საკადრო პრობლემებთან ერთად, რუსეთი, სავარაუდოდ, ათასობით დაზიანებული მანქანის შეკეთებასთან დაკავშირებულ პრობლემებსაც განიცდის.

რუსეთის საგამოძიებო კომიტეტის ხელმძღვანელის ინფორმაციით, რუსეთმა უკრაინაში შეიარაღებული ძალების 92 წევრს კაცობრიობის წინააღმდეგ ჩადენილი დანაშაულისთვის ბრალი წაუყენა. ალექსანდრე ბასტრიკინის განცხადებით, რუსეთში ამ მიმართულებით 1 300-ზე მეტი სისხლის სამართლის საქმეა აღძრული. მისივე თქმით, გამოძიება მიმდინარეობს უკრაინის ჯანდაცვის სამინისტროს თანამშრომლებზე, რომლებსაც ბასტრიკინი მასობრივი განადგურების იარაღის შემუშავებაში ადანაშაულებს. რუსეთის საგამოძიებო კომიტეტის ხელმძღვანელი დასავლეთს “უკრაინული ნაციონალიზმის” ღიად დაფინანსებაში ადანაშაულებს და აღნიშნავს, რომ გაერო-ს მიერ მხარდაჭერილი სასამართლო პროცესი “უკიდურესად საეჭვოა”. ამასთან, სისხლის სამართლის საქმეებია აღძრული “დაქირავებულ” მებრძოლებზე დიდი ბრიტანეთიდან, აშშ-დან, კანადიდან, ნიდერლანდებიდან და საქართველოდან.

უკრაინის პრეზიდენტის ადმინისტრაციის მრჩეველის, ალექსეი არესტოვიჩის განცხადებით, რუს დედებს უკრაინაში დაღუპული შვილების ცხედრების გადასვენება არ სურთ. მისივე თქმით, კომპენსაციისთვის რუსეთის ხელისუფლება გარდაცვლილთა ოჯახებს ავტომობილებს ყიდულობს. „ჩვენ გვქონდა ათობით შემთხვევა, როცა პატიმარს მიეცა საშუალება დაერეკა ნათესავებთან და დედების პირველი შეკითხვა იყო: „ვერაფერს მივიღებ შენთან საუბრით?“ და არა კითხვა „როგორ ხარ?“ მთელი დროის განმავლობაში მხოლოდ ერთი ოკუპანტის დედამ გამოაგზავნა წერილობითი დასტური, რომ მზად იყო წაეყვანა შვილი ტყვეობიდან, მაგრამ, ცხადია, ახლობლებმა შეაჩერეს იგი და ის არასოდეს მოსულა. არაერთი ისტორიაა იმის შესახებ, თუ როგორ ყიდულობენ რუსებს ავტომობილებს შვილის, ქმრის, მამის ან ძმის გარდაცვალების კომპენსაციისთვის. პუტინმა…

ევროკომისიის პრეზიდენტის, ურსულა ფონ დერ ლაიენის განცხადებით, ევროპა მზად უნდა იყოს რუსეთიდან გაზის მიწოდების სრული შეწყვეტისთვის. „ამავდროულად, რუსეთი მხოლოდ ნაწილობრივ ან საერთოდ არ აწვდის გაზს თორმეტ წევრ ქვეყანას. ამიტომ ევროპა მზად უნდა იყოს ყველაზე უარესი სცენარისთვის: გაზის მიწოდების სრული შეწყვეტისთვის, ადრე თუ გვიან“ – განაცხადა ევროკომისიის პრეზიდენტმა. ევროკავშირის კომისიის გეგმის მიხედვით, ევროკავშირის ყველა სახელმწიფო ნებაყოფლობით მიმართავს ყველა საჭირო ძალისხმევას, რათა შეამციროს გაზის მოხმარება მინიმუმ 15 პროცენტით 2022 წლის 1 აგვისტოდან 2023 წლის 31 მარტამდე.

უკრაინის პრეზიდენტის ადმინისტრაციის მრჩეველის, ალექსეი არესტოვიჩის განცხადებით, უკრაინელი სამხედროები ისე დაასუსტებენ ოკუპანტებს, რომ შეტევას უბრალოდ ვერ შეძლებენ. მისივე თქმით, ამის შემდეგ უკრაინის შეიარაღებული ძალები კონტრშეტევაზე გადავლენ. „უკრაინელი სამხედროები ისე დაასუსტებენ ოკუპანტებს, რომ შეტევას უბრალოდ ვერ შეძლებენ. კონტრშეტევის მთავარი პირობაა მტრის შეტევის უნარის შეჩერება. წინააღმდეგ შემთხვევაში წინსვლას აზრი არ აქვს, რადგან საპასუხო კონტრშეტევებს წავაწყდებით და ყველა დაგროვილი ძალა საპასუხო ბრძოლებზე დაიხარჯება. ჩვენ ამას ვაკეთებთ მანევრული თავდაცვის ჩატარებით იმ ადგილებში, სადაც ისინი ცდილობენ შეტევას, სადაც რუსული ძალების 60 პროცენტი კონცენტრირებულია იზიუმიდან ბახმუტამდე და ლუგანსკისა და დონეცკის რეგიონების საზღვრამდე. ახლა იმ 130-150 ათასი…

,,ბიჭებო, პირდაპირ გეუბნებით, ცოტა აკურატულები იყავით თქვენს გამონათქვამებში, რადგან მარტო ივანიშვილი არ იქნება სანქციების სამიზნე,”- ამის შესახებ  უკრაინის რადაში პარტია „ხალხის მსახურის“ ფრაქციის ლიდერი, დავით არახამია აცხადებს. არახამიას თქმით, სანქციები შესაძლოა შეეხოს როგორც, ბიძინა ივანიშვილის ბიზნესგარემოცვას, ისე პოლიტიკოსებსაც. „დამნაშავეებს რად უნდათ მტკიცებულებები?! ჩვენ მათ გადავცემთ კომპეტენტურ ორგანოებს, სადაც სანქციებით არიან დაკავებული. ამას ყველა შემთხვევაში ნახავენ თქვენი ხელისუფლების წარმომადგენლები. აი, ბიჭებო, პირდაპირ გეუბნებით, ცოტა აკურატულები იყავით თქვენს გამონათქვამებში, რადგან მარტო ივანიშვილი არ იქნება სანქციების სამიზნე. ეს შეეხება როგორც მის ბიზნესგარემოცვას, ისე პოლიტიკოსებსაც. ახლა თამამები არიან პოლიტიკური ლიდერები, მედიას აკონტროლებენ, ციხეში ჩასვეს…

 უკრაინის პრეზიდენტ  ვოლოდიმირ ზელენსკის განცხადებით,  სრულმასშტაბიანი ექვსთვიანი ომის მიუხედავად, მიმდინარე კვირაში ქვეყანა სახელმწიფოებრიობის დღეს აღნიშნავს. მისი თქმით, უკრაინელები არასოდეს იტყვიან უარს დამოუკიდებლობაზე, ისინი არ გატყდებიან შიგნიდან. „ყოველივე იმის შემდეგ, რაც ჩვენმა ხალხმა გამოიარა, იმის შემდეგ, რაც ჩვენ ვისწავლეთ საუკუნეების განმავლობაში, უკრაინელები არასოდეს იტყვიან უარს დამოუკიდებლობაზე, ისინი არ გატყდებიან შიგნიდან. ჩვენ შევძლებთ იმას, რაც წინა თაობებმა ვერ გააკეთეს აქამდე. ეს ეხება ჩვენს თავდაცვას დამოუკიდებლობისთვის ამ ომში და ჩვენს მოძრაობას ერთიანი ევროპისკენ, ევროკავშირის სრულუფლებიანი წევრობისკენ და ჩვენს უნარს, გავხდეთ მსოფლიოში ერთ-ერთი ყველაზე თანამედროვე სახელმწიფო. ახლა არავინაა, ვისაც ამაში ეჭვი ეპარება. არიან მხოლოდ…

რუსეთის სამხედრო აღჭურვილობას „შაჰედ 129“-ის უპილოტო საფრენი აპატარები შეემატა, რომელიც ოკუპანტმა ქვეყანამ ირანიდან მიიღო. უკრაინული მედიის ინფორმაციით, სამხედრო დახმარება რუსეთში  კასპიის ზღვით უკვე გაიგზავნა. მისი მიმართულება კი ასტრახანისა და ვოლგოგრადის გავლით უკრაინის საზღვრამდეა. მისი ფრენის ფრენის სიჩქარე 150 კმ/სთ-მდეა და ჰაერში 24 საათამდე  გაჩერება შეუძლია.  

უკრაინის პრეზიდენტის გარემოცვის უახლოესი წევრი, „ხალხის მსახურის” ლიდერი დავით არახამია საქართველოს ხელისუფლებას გზავნილს უთვლის. როგორც არახამია აცხადებს, მზად არის, ჩამოვიდეს საქართველოში და ქართველი პოლიტიკოსები ევროპელ ლიდერებთან დააკავშიროს. “სამწუხაროდ, ვერ ვგრძნობ, რომ საქართველოში ასეთი პოლიტიკური ნება არსებობს. ადამიანი აბსოლუტური ძალაუფლებით ევროინტეგრაციასთან ერთად თავის ბერკეტებს დაკარგავს. მერე კი იქნება უფრო დაცული, მაგრამ ეს ჯერ საკუთარ თავში უნდა გადახარშოს. თქვენი ხელისუფლება ამ ტრაფსფორმაციისთვის მზად არ არის, მაგრამ რადგან მოსახლეობის უმრავლესობას ევროპა უნდა, ისინიც ვალდებულები არიან ამ იდეის გარშემო იცეკვონ და თავი მოაჩვენონ, თითქოს ამაზე მუშაობენ“ – აცხადებს არახამია. ის საქართველოს დახმარებას ჰპირდება, თუმცა…