დღე: ივლისი 20, 2022

ხარკოვის ოლქის გუბერნატორის, ოლეგ სინეგუბოვის ინფორმაციით, საოკუპაციო ძალებმა  გამთენიისას ხარკოვის ოლქი დაბომბეს.  შემთხვევის შედეგად სალტივის რაიონში 3 ადამიანი დაიღუპა, მათ შორის ერთი 13 წლის ბავშვია. ,,სამწუხაროდ, ოკუპანტების მიერ ხარკოვში, სალტივის რაიონის დაბომბვას 3 ადამიანის სიცოცხლე ემსხვერპლა – 13 წლის ბიჭი, კაცი და ქალი. დაშავდა 72 წლის ქალბატონი”, – განაცხადა ოლეგ სინეგუბოვმა. გუბერნატორის ცნობით, დაღულთა და დაშავებულთა რაოდენობა საბოლოო არ არის.

საქართველოს პრემიერ-მინისტრი ირაკლი ღარიბაშვილი თურქმენეთის პრეზიდენტ სერდარ  ბერდიმუჰამედოვთან შეხვედრას სოციალურ ქსელ “ტვიტერში” ეხმაურება. მთავრობის მეთაური წერს, რომ თურქმენეთის პრეზიდენტთან შეხვედრაზე სავაჭრო-ეკონომიკური ურთიერთობების გასაღრმავებლად ახალი შესაძლებლობები განიხილეს. “ნაყოფიერი საუბარი მქონდა თურქმენეთის პრეზიდენტ სერდარ ბერდიმუჰამედოვთან. განვიხილეთ ახალი შესაძლებლობები სავაჭრო-ეკონომიკური ურთიერთობების გასაღრმავებლად. ჩვენი დღის წესრიგის მთავარ პრიორიტეტს ისეთი პროექტების მხარდაჭერა წარმოადგენს, რაც საქართველოს სტრატეგიული ადგილმდებარეობის პოტენციალის ათვისებას გულისხმობს ურთიერთსასარგებლო მიზნების მისაღწევად”,-წერს პრემიერ-მინისტრი ირაკლი ღარიბაშვილი სოციალურ ქსელ “ტვიტერში”.

უკრაინის შეიარაღებული ძალების გენერალური შტაბის ინფორმაციით,  ომის დაწყებიდან დღემდე, უკრაინაში დაახლოებით 38 750 რუსი ჯარისკაცი მოკლეს. გენშტაბის ინფორმაციით , რუსეთის  სამხედრო დანაკარგი ასეთია : ჯარისკაცი – დაახლოებით 38 750; ტანკი – 1 700; ჯავშანტექნიკა – 3 905; საარტილერიო სისტემა – 856; სარაკეტო სისტემა – 250; საზენიტო საბრძოლო სისტემა – 113; თვითმფრინავები – 221; ვერტმფრენი – 188; ოპერატიულ-ტაქტიკური უპილოტო საფრენი აპარატი – 703; საკრუიზო რაკეტები – 16; საავტომობილო ტექნიკა და საწვავის ავზები – 2 775; გემი/ნავი/კატარღა – 15; სპეციალური აღჭურვილობა – 70. აღნიშნული მონაცემები მოიცავს 24 თებერვლიდან 20 ივლისამდე პერიოდს.

,,რუსეთი დონბასში მიზნების მინიმალურ დონეზე მიღწევას აგრძელებს. 19 ივლისს, რუსეთის მიერ ოკუპირებული ხერსონის ოფიციალურმა პირებმა განაცხადეს, რომ უკრაინულმა ძალებმა მდინარე დნეპრზე მდებარე ანტონოვსკის ხიდს დაარტყეს,”- ამის შესახებ დიდი ბრიტანეთის თავდაცვის უწყების სადაზვერვო მიმოხილვაშია ნათქვამი. დაზვერვის ინფორმაციით, ანტონოვსკის ხიდი მნიშვნელოვან  როლს შეასრულებს  რეგიონში მიმდინარე საომარ მოქმედებებზე. „სოციალურ მედიაში გამოქვეყნებულმა პოსტებმა აჩვენა აშკარა საბრძოლო დაზიანება ხიდის სავალ ნაწილზე. დიდი ალბათობით, ხიდი გამოყენებადი იქნება, მაგრამ ეს არის ძირითადი დაუცველი ადგილი რუსული ძალებისთვის. ეს ხიდი არის ერთ-ერთი იმ ორი გადასასვლელიდან მდინარე დნეპრზე, რომლებითაც რუსეთს შეუძლია გადაიყვანოს თავისი ჯარები ამ მდინარის დასავლეთით, ოკუპირებულ ტერიტორიაზე. ეს…

დნიპროს სამხედრო ადმინისტრაციის უფროსის, ვალენტინ რეზნიჩენკოს ინფორმაციით, რუსულმა ძალებმა მრავალჯერადი სარაკეტო სისტემების გამოყენებით კვლავ მიზანმიმართულად დაბომბეს ნიკოპოლში არსებული საცხოვრებელი ტერიტორიები. შემთხვევის შედეგად დაიღუპა სულ მცირე ორი ადამიანი, ცხრა კი დაშავდა. ამასთან დაზიანდა საცხოვრებელი სახლებიც. „წინასწარი ინფორმაციით, ორი ადამიანი დაიღუპა, ცხრა დაშავდა. ექვსი დაშავებული უკვე საავადმყოფოშია, რომელთა შორის ოთხი ბავშვია. ყველაზე ახალგაზრდა დაშავებული სამი წლისაა. სახლში, მძინარე ბავშვს „გრადებიდან“ ესროლეს“, – წერს ვალენტინ რეზნიჩენკო ,,ტელეგრამზე”.  

რუსეთის პრეზიდენტი, ვლადიმერ პუტინი აცხადებს, რომ  ვოლოდიმირ ზელენსკისთან შეხვედრის შესაძლებლობა უკრაინულმა მხარემ ჩაშალა. პუტინის თქმით, უკრაინის ხელისუფლებამ უარი თქვა  შეთანხმების შეუსრულებაზე. „მოლაპარაკებების პირობების შესაქმნელად ჩვენი ჯარები გავიდნენ უკრაინის ცენტრიდან, კიევიდან. კიევის ხელისუფლებამ უარი თქვა ამ შეთანხმების შესრულებაზე, მიუხედავად იმისა, რომ ისინი პრაქტიკულად მიღწეული იყო. ასე რომ, საბოლოო შედეგი, რა თქმა უნდა, არ არის დამოკიდებული შუამავლებზე, არამედ მხარეების სურვილზე, შეასრულონ მიღწეული შეთანხმებები. ჩვენ დღეს ვხედავთ, რომ კიევის ხელისუფლებას ასეთი სურვილი არ აქვს“,- განაცხადა ვლადიმერ პუტინმა.

,,ჩვენ უკვე გავათავისუფლეთ ათასზე მეტი ქალაქი და სოფელი. უნდა გავათავისუფლოთ კიდევ 2500-ზე მეტი პატარა სოფელი და ქალაქი,”- ამის შესახებ უკრაინის თავდაცვის მინისტრმა, ოლექსი რეზნიკოვმა განაცხადა. რეზნიკოვის თქმით, რუსეთის დამარცხება დამოკიდებულია თავისუფალი სამყაროს სურვილზე, დაეხმაროს და გადასცეს იარაღი უკრაინას. ,,რუსეთის დამარცხება უდავოდ შეიძლება. უკრაინამ უკვე აჩვენა, თუ როგორ შეიძლება ამის გაკეთება და ახლა ყველაფერი დამოკიდებულია იმაზე, თუ რამდენად მზადაა თავისუფალი სამყარო ჩვენს დასახმარებლად. თუ დროულად მივიღებთ საკმარის იარაღს, ჩვენ გავათავისუფლებთ ჩვენს მიწას,”- განაცხადა ოლექსი რეზნიკოვმა.

აშშ-ის ეროვნული უსაფრთხოების საბჭოს წარმომადგენელის ჯონ კირბის განცხადებით,  რუსეთი უკრაინის მეტი ტერიტორიის ანექსიას უყრის საფუძველს და მის კონტროლქვეშ არსებულ უკრაინულ რაიონებში არალეგიტიმურ, მარიონეტულ ლიდერებს ნიშნავს. „რუსეთი იწყებს იმ ვერსიის გამოშვებას, რომელსაც შეიძლება, ეწოდოს ანექსია და ეს ძალიან ჰგავს 2014 წელს, როდესაც ის შეიჭრა ყირიმში და მისი ანექსია მოახდინა. რუსეთი უკვე ნიშნავს არალეგიტიმურ, მარიონეტ ჩინოვნიკებს მის კონტროლქვეშ არსებულ უკრაინულ რაიონებში. ძალის გამოყენებით ანექსია გაერო-ს წესდების უხეში დარღვევა იქნება და ჩვენ არ დავუშვებთ, რომ ის დარჩეს დაუსჯელი“, – განაცხადა ჯონ კირბიმ. ჯონ კირბის განმარტებით, რუსები გეგმავენ, მოაწყონ „მოჩვენებითი რეფერენდუმები“ მათ მიერ ოკუპირებულ…

რუსეთის პრეზიდენტის ვლადიმერ პუტინის განცხადებით, რუსული მარცვლეულისთვის დაწესებული საექსპორტო შეზღუდვების მოხსნის სანაცვლოდ, რუსეთი უკრაინული მარცვლეულის ექსპორტს შეუწობს ხელს. „ჩვენ ხელს შევუწყობთ უკრაინული მარცვლეულის ექსპორტს, მაგრამ გამოვდივართ იქიდან, რომ მოიხსნება ყველა შეზღუდვა, რომელიც რუსული მარცვლეულის საჰაერო გზით ექსპორტისთვის მოხსნასთანაა დაკავშირებული. ამაზე თავდაპირველად საერთაშორისო ორგანიზაციებთან შევთანხმდით. ეს ყველაფერი აქამდე არავის გაუპროტესტებია, მათ შორის, ჩვენი ამერიკელი პარტნიორების ჩათვლით“, – აღნიშნა პუტინმა. პუტინის თქმით, მას იმედი აქვს, რომ ვითარების გასაუმჯობესებლად შეზღუდვები მოიხსნება სურსათის საერთაშორისო ბაზრებზე. „მოგეხსენებათ, მსოფლიო ბაზარზე ამერიკელების მიერ რუსული სასუქების მიწოდებაზე შეზღუდვები ფაქტობრივად მოიხსნა. იმავეს იმედი მაქვს რუსული მარცვლეულის მიწოდებასთან დაკავშირებით, თუ…

უკრაინის პირველი ლედი ოლენა ზელენსკა ამერიკის შეერთებულ შტატებში იმყოფება, სადაც უმაღლესი დონის შეხვედრებს მართავს. უკრაინელი პირველი ლედის მასპინძელი ამერიკის პირველი ლედია. ოლენა ზელენსკას ამერიკის შეერთებული შტატების პრეზიდენტმა ჯო ბაიდენმა მეუღლესთან ჯილ ბაიდენთან ერთად უმასპინძლა. როგორც თეთრი სახლის მიერ გავრცელებულ ინფორმაციაში ვკითხულობთ, უკრაინისა და ამერიკის პირველმა ლედიმ ისაუბრეს უკრაინის მიმართ ამერიკის მხარდაჭერასა და მუდმივ გვერდი დგომაზე, ასევე, რუსეთის მიმართ სანქციებზე, რომ მან შეაჩეროს ომი. „ქალბატონ ბაიდენთან საუბრის შემდეგ ზელენსკა შეხვდება აშშ-ის ვიცე პრეზიდენტის კამალა ჰარისის მეუღლეს, მეორე ჯენტლმენ დუგლას ემჰოფს, აშშ-ის ელჩს გაეროში ლინდა თომას გრინფილდსა და აშშ-ის მთავრობის სხვა წარმომადგენლებს”,…

რუსეთის პრეზიდენტი სირიელი ხალხის „სიმშვიდისა“ და „განვითარებისთვის“ ირანის სულიერ ლიდერს შეხვდა. როგოც პუტინმა აღნიშნა, სირიელმა ხალხმა საკუთარი განვითარების გზა საგარეო ჩარევის გარეშე უნდა განსაზღვროს. „უახლოესი მომავლის ამოცანაა, შევთანხმდეთ კონკრეტულ ნაბიჯებზე, რომ ხელი შევუწყოთ სირიის შიდა, ინკლუზიურ პოლიტიკურ დიალოგს. შევქმნათ პირობები, რომლითაც თავად სირიელებს, საგარეო ჩარევის გარეშე, შეეძლებათ, განსაზღვრონ თავიანთი ქვეყნის ბედი. ფაქტობრივად, სწორედ ამისთვის წამოიწყო ჩვენმა სამმა სახელმწიფომ 2018 წელს, სოჭში, სირიის ეროვნული დიალოგის კონგრესზე, გადაწყვეტილება საკონსტიტუციო კომიტეტის შექმნის თაობაზე“, – აღნიშნა პუტინმა. როგორც პუტინმა  ირანის ისლამურ რესპუბლიკის სულიერ ლიდერთან –  აიათოლა ალი ხამენეისთან შეხვედრაზე აღნიშნა, უკრაინაში მიმდინარე პროცესების შემდეგ,…