დღე: ივლისი 13, 2022

Reuters-ის ინფორმაციით, რუსეთის თხევადი ნავთობის გაზის ექსპორტიორები საქართველოს პორტს ბულგარეთში ექსპორტისთვის გამოიყენებენ. გამოცემის ცნობით, ალტერნატიული საექსპორტო მარშრუტების დახურვის გამო,ექსპორტიორები თხევადი ნავთობის გაზის მიწოდებას ბულგარეთში საქართველოს შავი ზღვის პორტის ფოთის გავლით ივლისში დაიწყებენ. “LPG (თხევადი ნავთობის გაზი) მიწოდება განიხილება ფოთის გავლით, გაყიდვების შეზღუდული შესაძლებლობების გამო სხვა ძირითადი საექსპორტო მარშრუტებით. LPG სარკინიგზო გადაზიდვები სურგუტიდან ფოთის გავლით ბულგარეთში დაახლოებით 50%-ით აღემატება ევროკავშირისთვის უკრაინის გავლით მიწოდების ფასს, სარკინიგზო მარშრუტი სურგუთიდან ფოთამდე ღირს დაახლოებით $260-280 ტონაზე, ხოლო ბორანი ფოთსა და ვარნას შორის $130-150. ტონაზე”- ნათქვამია Reuters-ის სტატიაში.  

მეტი...

უკრაინის გენერალური პროკურატურის ინფორმაციით, რუსეთის სამხედრო აგრესიას  უკრაინაში  349 ბავშვი ემსხვერპლა,  652-ზე მეტი კი დაშავდა. უწყების ცნობით, ყველაზე მეტი ბავშვი დაზარალდა დონეცკის რეგიონში – 352, ხარკოვის ოლქში – 190, კიევის ოლქში – 116, ჩერნიგოვის ოლქში – 68, ლუგანსკის ოლქში – 61, ნიკოლაევის ოლქში – 53, ხერსონის ოლქში – 52, ზაპოროჟიეს ოლქში – 31. აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

მეტი...

ეროვნული უსაფრთხოებისა და თავდაცვის საბჭოს მდივნის, ალექსეი დანილოვის განცხადებით, უკრაინის პრეზიდენტმა, ვოლოდიმირ ზელენსკიმ სამხედროებს დაავალა გაათავისუფლონ მთელი ქვეყანა რუსი დამპყრობლებისგან. „მინდა თქვენი ყურადღება გავამახვილო იმ ფაქტზე, რომ ეს ეხება არა მხოლოდ ხერსონის რეგიონს, არამედ მთელი ქვეყნის დეოკუპაციას. პრეზიდენტი ჩვენს სამხედროებს ამოცანას უსახავს, ჩვენ ვსაუბრობთ მთელ უკრაინაზე. ჩვენ არ შეგვიძლია ერთდროულად გავათავისუფლოთ ყველა ტერიტორია, მაგრამ უმაღლესი მთავარსარდალი ადგენს ამოცანას, რომ ჩვენი მთელი ტერიტორია გათავისუფლდეს აგრესორისგან. ეს მხოლოდ დროის საკითხია“,-  განაცხადა ალექსეი დანილოვმა.

მეტი...

10 ივლისს, დონეცკის ოლქში, ქალაქ ჩასოვ-იარიში, საოკუპაციოს ძალების მიერ, ხუთსართულიან საცხოვრებელ კორპუსზე სარაკეტო თავდასხმის შედეგად დაღუპულთა რიცხვი 45-მდე გაიზარდა. დაღუპულთა შორის ერთი ბავშვია. უკრაინის საგანგებო სიტუაციების სამსახურის ინფორმაციით, არსებული მონაცემებით,  5-სართულიანი კორპუსის ნანგრევებში დაახლოებით 30-მდე ადამიანი ისევ რჩება. ადგილზე სამაშველო სამუშაოები ამ დრომდე  გრძელდება.

მეტი...

ლიეტუვის პრეზიდენტი გიტანას ნაუსედა ევროპულ ქვეყნებს მოუწოდებს რუსეთთან ეკონომიკური და ენერგეტიკული კავშირები გაწყვიტონ. მისი თქმით, რაც უფრო მალე აირჩევენ ამავე გზას სხვა დასავლურ ევროპული ქვეყნები, მით უკეთესი და მარტივი იქნება ყველასთვის. ,,ფიქრობ, თქვენ ბევრი გააკეთეთ, რომ ლიეტუვა ყოფილიყო უფრო მდგრადი რუსეთის ენერგეტიკული და ეკონომიკური შანტაჟის წინაშე. და დღეს, როდესაც მე ვუყურებ დასავლეთ ევროპის ზოგიერთ სხვა ქვეყანას, ვხედავ დიდ გზას, რომელიც ლიეტუვამ გაიარა უფრო დიდი ხნის განმავლობაში. პოლიტიკამ, რომელსაც რუსეთის მიმართ არანაირი ილუზიები არ ჰქონდა, იმუშავა ბევრად უკეთესად, ვიდრე ე.წ. რეალურმა პოლიტიკამ, რომელიც ახლა წარმოადგენს თავის ტკივილს ზოგიერთი დასავლური ქვეყნისთვის. მე…

მეტი...

,,ოკუპანტებმა უკვე ძალიან კარგად იგრძნეს, რა არის თანამედროვე არტილერია და მათ ჩვენს ოკუპირებულ მიწაზე არსად ექნებათ უსაფრთხო ზურგი,”-  ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა. ზელენსკის შეფასებით, რუს სამხედროებს ღიად ეშინიათ უკრაინული შეიარაღებული ძალების, მისი თქმით, ეს დასტურდება მათი საუბრების ჩანაწერებიდან. „წინ ნამდვილად რთული გზაა. სამწუხაროდ, სხვანაირად შეუძლებელია, როდესაც საკუთარ სახლს ტერორისტული თავდასხმისგან იცავ. თუმცა ისიც გასაგებია, რომ წინ ჩვენი სახელმწიფოს გამარჯვებაა. უკრაინა შეძლებს საკუთარი თავის დაცვას, შეძლებს აღდგენას, შეძლებს თავისი საგარეო პოლიტიკური მიზნების მიღწევას. როდესაც ამისთვის გულწრფელად მუშაობს მილიონობით ადამიანი, თითოეული თავის დონეზე – შედეგი აუცილებლად იქნება.…

მეტი...

ამერიკის შეერთებული შტატები ამერიკული წარმოშობის იარაღთან დაკავშირებით, რომელიც მათ უკრაინას მიაწოდეს, მკაცრ კონტროლს ითხოვს. როგორც „თეთრ სახლში“ აცხადებენ, დარწმუნებულები არიან, რომ იარაღის მკაცრი აღრიცხვა მოხდება. „დარწმუნებული ვართ და ეს  უკრაინის მთავრობის ვალდებულებაშიც შედის, რომ დაიცვას და აღრიცხოს ამერიკული წარმოშობის თავდაცვითი აღჭურვილობა. შეერთებული შტატები აქტიურად არის ჩართული უკრაინის მთავრობასთან, რათა უზრუნველვყოთ მიწოდებულ თავდაცვით აღჭურვილობასთან დაკავშირებული აღრიცხვიანობა“,- აცხადებს აშშ-ის სახელმწიფო მდივნის მოადგილე  ბონი დენი. ამერიკელი მაღალჩინოსანი აღნიშნავს, რომ არ უნდა მოხდეს ამერიკული იარაღის უკანონო გავრცელება. „ჩვენ ვიცავთ ამერიკული წარმოშობის თავდაცვის ტექნოლოგიებს და თავიდან უნდა ავიცილოთ მათი უკანონო გავრცელება. აქტიურად ვთანამშრომლობთ უკრაინასთან, რათა…

მეტი...

ომში მყოფი ქვეყნის პრეზიდენტი აცხადებს, რომ უკრაინამ  პოლონეთიდან ჰაუბიცების „Krab“ ახალი ნაკადი მიიღო. მისი განცხადებით, აღნიშნულთან დაკავშირებით მოლაპარაკებები კიევში შედგა და მასში პოლონეთის ვიცე-პრემიერი და თავდაცვის მინისტრი მონაწილეობდნენ. „ჩვენ Krab-ები ჩამოგვიტანეს. ისინი ძლიერად დააპურებენ ჩვენს მტერს ცეცხლით. მნიშვნელოვანია მხოლოდ ის არ არის, რაზეც ვისაუბრეთ, არამედ ის, როგორ ვისაუბრეთ. აბსოლუტური რწმენით უკრაინის მომავალთან დაკავშირებით, უკრაინის ევროპულ მომავალთან დაკავშირებით. ასევე მიმდინარეობს ჩემი ყველა დანარჩენი მოლაპარაკებები. ეს ყოველთვის იგრძნობა“,- განაცხადა პრეზიდენტმა ზელენსკიმ.  

მეტი...